麻辣派對 (金百利廣場) (已結業)

三五知己去試下新嘢餐牌裏面有好多款式 我地就叫左份必食嘅水煮魚我地揀左江團魚 不得了嘅好味 辣度岩岩好 魚非常之滑身 冇骨跟住再叫多個口水雞 佢嘅醬汁配埋d雞肉好夾 好味吃川嘢又點少得叫個炒土豆絲吃啊 炒得好夠鍋氣 好好味 不過有d散最尾就係舖頭新出嘅龍蝦仔經店員強力推薦下叫埋 d汁撈飯真係無得頂龍蝦仔都好爽口 掂叫埋兩款特飲 個人覺得水果茶好飲 青檸就一般般啦整體上 呢餐好吃 岩曬我口味

本身好中意食麻辣野好有期望黎食，入到去間野燈光太暗啦暗到根本餐牌都睇唔到。叫人比餐牌我個侍應淨係比樓下派左張爛鬼傳單我睇，仲要問我:下你又叫嘢食啊。我心諗唔叫嘢食咁我入嚟做咩。唯一可以讚嘅地方就係佢上野食幾快，但係就碗麵好一般冇咩驚喜，唔會再去食了。

川式的麻辣始終是沒有其他國家菜式可媲美的，那種獨有的麻感，吃時過癮，吃後暢快。這店聽說是傷心酸辣粉所開的，就當是高級和擴大版吧。友人和我一直都是傷心酸辣粉的粉絲，來一嚐以往的香辣，還吃了較「大陣象」的半隻燜雞，味道和份量都相當不錯！最讚的當然是迷幻燈光和半空中的花球裝飾，不算太girly 但真的很美。雖然和麻辣扯不上太大關係，我倒喜歡這種別樹一幟的裝潢。雖然燈光偏紫，拍照不會太不便，桌面還是有射燈，打的是白光，亦不會令你看不清食物的原貌。點菜後上菜頗快的，職員跟單跟得積極，不時會走過來加加水、問有什麼食物未上。麻辣仙掌 (原辣/中辣) $68 - 出現了個笑話，友人以為仙掌是仙人掌！其實是去骨的鴨掌，爽脆中帶軟滑，concept 像去骨鳳爪但比鳳爪還要爽脆！這裡的原辣 default 了是中辣，如果譚仔吃得小辣，還是沒問題的。黑醋伴秋葵 (原辣/中辣) $48 - 名寫著黑醋，但因為我們仍要原辣，辣味強得把酸味蓋過，但辣得相當過癮！當然，秋葵是涼菜，加上不會煮得吸味，否則會太腍，因此叫原辣都不算非常辣。份量不錯，有十多條，夠我們過口癮。手撕包菜 (原辣/中辣)$68 - 點個菜平衡一下

我食過麻辣派對之後返唔到轉頭，可以講暫時香港食辣最好地方，因為我非常食得辣，暫時只有呢間滿足到我。泡椒田雞由其出色！每次去都必叫！佢一碟用好多田雞腿，加埋大量泡椒同香料炒，令人回味無窮。口水雞又係好有驚喜，辣度越食越辣！每次食完一排又會心思思想去食 ！特登由屯門坐粒幾鐘車出去就係為左食佢！如果佢可以再辣d會更好！因為我都算好食得辣下！P.S 今日晚上去先發現原來晚上係無晒何任套餐，全部野只可散叫，變左價錢會貴好多，但份量係沒增加的！因為我一向都係中午去食！食套餐係平好多嫁！食左呢間野都好多次！佢食物質數保持到沒退步！但可能間野越來越好生意，變左人手有d唔係好夠，有時舉手都要等幾分鐘先有人黎service!

放工收夜，行到出去銅鑼灣已經差唔多10點，又想食辣野，最後揀左麻辣派對! 點知當晚原來有人包左場開party～又有唱歌比賽！最後職員都開左幾張台比食客入去用餐，一路食住辣野一路睇住班熟客係到唱歌，哈哈，幾搞笑！是關當晚收得好夜，唔想食太多，只點左兩樣菜～有我最愛嘅四季豆，可惜只係中辣，唔夠喉，後悔都無用！另外又叫左一個山城回鍋肉，雖然肥嘅部份多過肉…但味道不錯，配菜又幾多，當食多d菜最尾兩個人兩道菜，加一碗白飯，聽住人地唱下歌仔，咁就一餐，體驗幾特別，哈哈！

約朋友系銅鑼灣食飯，知道金百利幢大廈有好多美食，朋友又喜歡食辣野我地就選擇麻辣派對餐廳。餐廳環境舒適燈光柔和，坐位寬鬆仲有好多卡位。涼拌黑木耳我地叫左小辣，木耳好爽脆放落口辣辣地好正。水煮江團魚內有牛肉和芽菜，江團魚肉質嫩滑不鞋又不多骨，牛肉又夠腍唔會硬，魚切到一片片好多魚片，食落口又麻又辣真是超級美味口可，又超級大兜。干扁四季豆炒得夠乾身又唔會太淋，仲有少旺肉碎好入味，甜甜辣辣😋蜜語水果茶好大杯好足料，內里有西瓜，蘭香子，橙，奇異果。

鮮椒味濃厚，麻中帶鮮，配料也比較充足，就是魚不是特別嫩。不知道是不是魚不新鮮的原因，還是做法不到位。但是之前一直喜歡覺得麻辣味會比鮮椒味好吃，沒想到出乎預料！不錯！

又到每月一飯聚時間，朋友負責搵地方，叫我地去麻辣派對，一於奉陪！食店位於金百利中心，裝修幾奇特，就好似開派對一樣，燈光暗暗，有很多色彩配合，無論牆上、天花頂、燈飾。我們被安排坐在卡位，較為狹窄，坐下來第一件事就是點菜，四個人每一選一個喜歡的，叫了麻辣雞，麻辣田雞，麻辣雜菜，水煮魚（其實名稱價錢都記不起！：）上菜時真被嚇親，全碟只見到辣椒，而且碟大料少，叫了四杯飲品，4個餸，檯面都不夠用！整體本人評價食物：份量少，味道不錯服務：服務員部分有禮熱情環境：比較黑，光度不足喜歡辣是不錯選擇，辣度可以自由選擇，就算不食辣，BB辣可以接受。

冰雪鮮檸C飲($35)，一大杯既檸檬特飲，味道酸酸甜甜，飲落除咗冰涼消暑，更加係解辣良品！涼拌黑木耳($38)，食川菜梗係唔少得涼拌啦，今次就揀咗黑木耳，口感爽脆，索晒麻辣汁又開胃又好食。派對口水雞($68)，口水雞肉質幾嫩滑，醬汁加埋花生碎同芝麻好香，不過切得比較細件而且多骨，食肉獸比較喜歡啖啖肉！七味雞脆骨($68)，份量好多兩個人都食唔晒，雞軟骨炸得香脆不油膩，不過記得第一次黎食係冇辣椒粉。豆花小麵($43)，即係麻辣小麵加豆腐版，揀咗加辣版，果然辣到我朋友要狂飲水哈哈，我鍾意食辣就覺得辣味啱啱好，麵質爽滑彈牙，湯底又麻又香，同豆腐都好夾。酸辣水晶粉($38)，朋友叫嘅食咗少少，宣道同辣到都好適中，而且水晶粉煙煙韌韌嘅口感我都好鍾意。

一行4人，大家都鍾意大食特食麻辣！呢間係一位家鄉在四川的同事力薦，嘿嘿水煮魚必叫啦！揀左江團！因為肉質爽！無骨！一片片都好入味，份量都多，肉夠實叫左小辣多麻，大家都鍾意麻味感，夠哂滿足！嘿嘿叫左幾樣吸味既配菜，例如魔芋、娃娃菜、萵筍等等以上幾樣最吸味，萵筍最正！水晶粉都很正重點是好大的一盤，４個人吃都夠哂，嘿嘿小龍蝦，好滋味，店員主動推薦，話可以送飯，而且唔洗擔心呢到既小龍蝦會有毒呢個就揀左蒜香味，的確好重蒜味，可以撈白飯小龍蝦肉新鮮，份量也不小，嘿嘿麻辣炒土豆絲，一樣好北方川式既小菜，的確做到好正宗，嘿嘿口水雞，麻香花生味較重，雞肉滑前菜必點啦！嘿嘿水果茶，料幾豐富，大杯，兩人一份都夠了，最後送既桂花甜品

上個月去了渣甸街 re-branding 的麻辣派對，吃了還是不夠，再邀約朋友去金百利再戰麻辣！！！ 老實說再戰的是我，而換了 3個朋友哈哈！金百利的麻辣派對 已經足足有一年沒來過，環境還是一樣，優雅環境帶有 fusion 感覺！ 由於有朋友未到，所以叫左幾樣前菜邊食邊等。有 涼拌秋葵， 川北涼粉，七味雞脆骨! 涼拌秋葵我們叫了小辣， 裏面有醋有蒜蓉 有芫茜， 其實小辣已經很難 比起一般 水煮嘅辣度 更要辣! 一般不吃得辣的朋友未必能夠接受， 我這麼愛吃辣一定沒有問題! 秋葵的熟度掌握得非常之好， 如果煮不熟透 秋葵會相對地硬以及有臭青味， 所以值得一讚！ 川北涼粉， 同樣地我們嗌小辣， 上圖可見 川北涼粉蔥花比較多， 愛吃辣的朋友亦不要錯過這個川北涼粉， 其中一個朋友他居然可以吃得出味道 與傷心酸辣粉的味道很相似， 內有蔥花肉碎花生， 有朋友不能吃豬肉 所以我們將肉碎拿走， 味道依然十分惹味! 七味雞脆骨， 這個十分好吃， 我們同樣地叫小辣， 這道菜相對地沒有上兩度 辣! 不愛吃辣的朋友也能吃得很滋味很開心! 配上啤酒簡直係人生一大件樂事! 人齊了我們亦點上主菜， 由於有兩位朋

利申：本人雖怕辣，但可食小辣，亦深深明白辣可提鮮、提味……人，是矛盾的動物。 多謝好同事帶我去食麻辣（明知我怕辣又要叫我去，明玩野…但我又去…）；自從在拱北食過第一次水煮魚，被它的麻辣、越辣越鮮所深深吸引後，卻一次都未食過麻辣；今次有好同事帶領，所以膽粗粗試一次。 平日去食野的好處就係唔洗同人迫，假日金百利樓下排隊上樓總有幾個蛇餅，今日即排即入lift。 一出lift門已經見到大大個名 麻辣派對 同 CHILI PARTY, 而且裡頭已經被坐滿滿。 睇menu先知，原來唔只得麻辣、小辣，唔辣既野食都有，真係唔洗擔心(好同事不停擔心我無野好食...應該係怕我唔賣單 XD)。Waiter／Waitress 落單時仲會問清楚我地要大辣定小辣。 因為其他朋友仔未到，我倆只好先叫啤酒同下酒小食：  七味雞脆骨 － menu寫辣但唔辣，炸得剛剛好，香脆得黎又無油，上面仲有d炸香左的蒜，送酒一流 川北涼粉 － menu寫明辣都叫，試左先知，呢個係麻多過辣，食完個咀會有麻麻的感覺，就似被牙籤拮下拮下咁。涼粉上面會有香蔥、肉末、花生，下面係麻辣醬油，食之前撈一手會均勻d。食涼粉時點上少少麻辣的醬油

多年前曾吃過麻辣粉，麻辣的麻，真的受不了，麻辣的辣卻很香，令人愛上，對我來說，可說是又愛又恨的味道。朋友知道我也愛辣，只是並不多吃辣，邀約一起去吃麻辣的味道，朋友也知道我怕麻辣的麻，說是還有其他可選擇。麻辣的辣香，真的很吸引，只是擔心太辣而不能吃下。來到銅鑼灣，走進一條經常過走過卻不太會走進的街道，有點令我對銅鑼灣的陌生。進入餐廳，門面以黑色為主，裝修也以黑色為主，卻很舒適並不侷促。餐牌色彩清淡，帶簡樸的味道，正好與麻辣形成強烈對比。朋友當中，有個愛吃川菜的，於是大夥也交給他點菜，我也只顧著與其他朋友暢談一番。在暢談之中，餐廳先為中家送上小小的前菜。鮮椒爽脆生腸，點選是BB辣，小小麻辣味道，辣中帶香，入口非常爽脆。燒椒皮蛋，點選是不要辣味，軟滑，帶點點鹹，容易入口。大大的麵包蟹上場，避風塘式的，還原原隻形狀上場，非常特別，我不吃蟹的，只吃小一點點蟹膏，蟹膏沾著蒜蓉，非常香口，蟹膏本身也很香。水煮桂花魚，滿是紅的辣椒，只露出魚頭，魚肉香軟，嫩滑，入口差不多滑進喉中，點選是小辣，花椒帶出魚香，並沒有令魚失去鮮味。水煮魚的底部，是滿滿的木薯粉，木薯粉吸收了辣香及魚香，變成另一道美食。在品嚐水

雖然炎炎夏日最怕出汗但都無減我對「麻辣」嘅熱愛！既然叫得做麻辣派對麻辣迷又點會放過電梯門一開已經聞到濃濃嘅麻香味加上Receptionist親切有禮，感覺唔錯。我同朋友被安排坐喺餐廳較入嘅梳化位置燈光比較暗，環境佈置特別，有別於一般四川菜館。坐低前已經見到隔離檯個水煮魚份量都唔細，而我同朋友只得兩個人所以只係叫咗兩樣野再加飲品。鮮椒味江團魚（小辣） - 盤面舖滿花椒，除咗江團魚，配料仲有芽菜、幼薯粉同蒟蒻（如果覺得份量唔夠，可以落單時另外加配料）。入口已經感受到麻辣嗰種麻痺嘅感覺，魚片連皮煮，魚油好香，魚肉啱啱好唔鞋口；芽菜同薯粉好入味，幼薯粉比粗薯粉口感更好；蒟蒻口感好特別，可以一試歌樂山辣子雞（小辣） - 最鍾意喺一盤滿滿嘅乾辣椒入面「尋寶」。雞件醃得入味，孜然味好出不過雞件切大件少少我會更滿足。最驚喜係入面嘅花生，非常香口。蜜語水果茶 - 帶微甜嘅茶解辣一流！入面有檸檬、青檸、橙、西瓜，另外加咗蘭香子提昇口感總括而言，味道到位，份量足；辣度選擇少辣已經足夠。上菜速度快，啱哂我呢啲餓底。環境氣氛適合2-6人聚餐

約了一個朋友去銅鑼灣食四川麻辣美食。朋友想食四川麻辣菜，但又唔食得辣喎，而這餐廳菜式BB辣相對於唔食得辣的人來說也可以食到，而大辣就可以比我地鍾意食辣的人食。我地菜式是選了BB辣，適合唔食得的朋友，而鍾意食辣的食客，可以選大辣。燒椒皮蛋～平時皮是黑色，而佢地皮蛋是黃色，食時外層蛋白是彈彈的，蛋黃是流心的，中間放了蒜蓉及芫茜碎再配上BB級辣，朋友仔可以食到又開心。黑醋伴秋葵～～少少酸酸加少少BB辣非常野味，秋葵爽脆。家鄉毛血旺～～有菇菌，牛拍葉，豬紅，午餐肉，牙菜，薯粉，睇都有好多不同辣椒乾粒及辣椒油，但我地選了少辣，朋友仔都可以食到。最入味的是午餐肉大件又厚，薯粉吸收了全部食物的精華非常好食，下次我一定要食大辣，滿足下我的食慾。