麻辣派對 (金百利廣場) (已結業)

聽聞喜歡吃辣的人都有是執著的。執著於辣度、麻度、口水鼻涕流出度……哈哈！講笑啫！不過呢間銅鑼灣"元祖"店，始終係友人嘅至愛，食後總會念念不忘……必會回嘗！朋友話喜歡它除了辣得夠滋味，這兒嘅設計佈局，與一般中菜廳截然不同，也令人耳目一新……紫色做裝潢的廳面，掛畫、吊燈充滿玩味，突破了傳統中式餐館的心思，值得一讚。是晚嘅餐飲，我哋點咗麻辣仙掌、口水雞，這兒的辣度都可自選(由走辣至加辣)，由於選了減辣，對於我來說辣度剛剛好，仙掌去骨易食、口水雞肉質ok,夠味入味。紅燒排骨麵、酸辣水晶粉，有好多芽菜、肉碎、酸菜等配菜和辣椒，惹味啊！再來個黑醋伴秋葵，此碟係呢餐惟一唔辣菜式，秋葵好新鮮，淋上黑醋汁，醒胃之餘又可中和辣度。講到解辣，建議點杯蜜語水果茶，甜酸中和口腔辣感，一絶！😎

好久沒有去銅鑼灣，今日接老公收舖後揸車過去逛一下，嘩！銅鑼灣停車場收費好貴呀！既然都已過來了﹐泊好車便去逛逛﹐銅鑼灣店舖變化都係大﹐可能係租金昂貴的原因﹐很多都係難守住的﹐行到金百利廣場肚仔餓，打算搵附近地方食嘢！原來金百利廣場內都有食店，於是睇下有咩合胃口，發現4樓有間麻辣派對，一諗起麻辣口腔口水已經流了，於是決定上去試一下四川風味。門口大大招牌色彩繽紛好搶眼， 好彩5洗等位，進入看見食店內的裝修正如其店名「派對」﹐掛了好多聖誕派對用的飾物佈置﹐與四川菜扯不上關係 我們坐下睇見menu 已經胃口大開，選擇有很多﹐有銅盤烤魚、香辣鍋、酸辣鍋、辣小菜、小麵、米線及酸辣粉等等‥令我們突然有選擇障礙﹐老公便找個經理問一下這店招牌菜是那款菜式?經理好細心反問我們喜歡什麼口味?她還詳細講解 menu 上的菜式，於是我們選擇了水煮江團魚還多加了3款輔菜（牛肉、娃娃菜、金菇菜）。 一大盤滿滿紅油、辣椒干、花椒粒、蔥段、薑片等配料的水煮魚上枱了，嘩！ 賣相已經相當吸引 我們忍不住立即起動 ，老公吃了一口便舉起手指公讚好，真是色香味俱全，這餐還沒吃完已經說下次一定再來試其他菜色。

睇個餐廳名一直以為係D大排檔~得勁辣既野食點知原來係間超有情調既餐廳~~!!連餐具都印有自己名~~我地兩個人叫左個半隻雞煲($138)揀左幾個輔菜~ 肥牛($58) 秀珍菇($28) 娃娃菜($28)本身仲叫左個水晶粉~點知原來唔可以同雞煲配搭><一直以為係平時食開既雞煲~有火一路熱住再慢慢倒湯加料咁~但原來係一盤野咁上~所以即刻叫左個白飯~哈哈我地揀左BB辣~對我黎講岩岩好~(我譚仔食三少辣 For your reference haha)刺激得黎仲有麻~但又唔會辣得食唔到~雞件超多~好多肉都滑既~而且量超多~~一D唔似只得半隻雞~肥牛都係~~感覺多過D茹成倍~非常足料~超抵食~自己係街市用$58蚊都未必買到咁多~另外都想推介下D飲品~~冰雪鮮檸C飲 $35真係成Jar嫁~而且勁多料~唔會太甜~岩哂~!凍檸茶 $18超超超大的一杯! 所以真係超抵飲!!~食辣野岩哂! 必叫~另外每枱客都送左個少少既甜品桂花味既果凍~~~幾特別~~裝修好別緻~同姊妹or情侶黎談心都非常適合!服務態度都好好~~電話咁岩壞左 雖然冇哂啲相 但都好想推薦俾大家！

今日自製假期偏偏偶上傾盤大雨, 下午到銅鑼灣逛逛, tea一tea再去睇書之後就接朋友收工食返餐, 全日都冇離開過銅鑼灣。🙈 係Sogo join左朋友之後大家都未諗到食咩, 就過對面金百利睇睇, 派傳單姐姐介紹我地食麻辣派對, 仲話可以全走辣, 好奇心驅使下, 我地就上左去睇下食麻辣野可以點全走辣。😀上到金百利4/F見到餐廳嘅門口同我地預期好唔同, 超級新潮, 完全唔似中式菜館。😂入到餐廳入面更加誇張, 如果唔係枱面張餐牌寫住麻辣派對, 我地會以為入錯左間高級西餐廳。🍴餐牌上大部份都係香辣嘅菜式, 但係都可以揀少辣或走辣。因為朋友唔太食得辣, 我地原本想揀餐牌寫住走辣首選嘅黃燜雞鍋走辣, 不過店員推介我地試BB辣, 話會比較惹味, 咁我地就聽從專業建議, 點左BB辣黃燜雞鍋。我地另外點左店員推介嘅酸辣水晶粉同兩杯特飲。每一款鍋都有輔菜可加配, 我地加左肥牛, 茄子同有機花菜。水煮魚其實都好吸引, 唯有下次同嗜辣朋友來再點啦。😄避風塘橋底辣蟹$198咁抵, 我地原本打算叫埋, 好彩店員提一提我地呢間餐廳嘅份量都幾多, 再點我地未必食得哂。😂每張枱都有提供魔鬼辣椒粉, 我地當然冇虐待自己

返工諗食咩係指定動作，今次去麻辣派對，之前經開1直都想試下，環境昏暗派對十足。我同同事2位叫咗兩個飯 一個係黃炆茄子脆魚腩，同埋土豆黃炆雞肉，同樣都是＄68另外再叫左個凍奶茶唔使加錢👍🏻成間店嘅格局係西式，開頭都驚佢玩埋啲花臣嘢，點知睇佢Menu原來係正路嘅😂將望望四周環境有好多藝人嘅相片，仲會好有心機咁用相架箱起。首先嚟杯野飲，冇諗過咁大杯😮非常抵飲，最後都只係飲左一半！到嚟個餸全部份量都好足夠😍仲驚唔夠飽！因為唔係好食得辣所以就叫BB辣，但係一食嘅時候一啲辣味都冇，唔知BB喺邊度😂 魚腩仲係脆面， 部份都有幾多骨，茄子夠淋 ，另外雞肉算滑 , 兩個餸入面都有配料例如菌類，我覺得兩個大致上嘅味道都好似😅不過都係好食嘅但係可以下次叫小辣！我下一次我就叫咗個豬軟骨米線$58，同事都叫了肥牛米線 $58。我今次叫了小辣， 終於食到有辣嘅感覺，不過湯嘅辣可能會再辣少少，唔識得辣嘅人真係只可以叫清湯話BB辣。呢個份量亦頗多幾大碗，豬軟骨有大約兩舊左右，算夠淋身亦入味，同事食嗰個肥牛都係一般米線嘅肥牛係烚嘅😁配料有榨菜,蔥,炸醬,花生🤤米線軟硬程度適中。今次可能係lunch時間來所以佢會有個桂花

這天晚餐，來得有點匆忙。五點五十分，還好來得及吃下午茶時間。同行叫了道中辣雞丁，原來是炸過的，麻中帶辣，很美味。怕太辣的我要了一份酸辣粉小辣，水晶粉很有嚼勁，微辣的湯底配上大碗的粉，超級飽。見到桌上的調味料帶有恐嚇句子，有趣！不過待會要上課，不敢冒險嘗試了哈哈！

食川菜既環境都咁靚😳？ 周圍都有好多花花既裝飾品，令人賞心悅目！ 而且服務態度良好。Lunch time 去食，估吾到咁大碟！夠晒飽，所以都幾抵食。我揀左泡椒家常雞 $68落左好多酸辣椒落去煮，叫左小辣都吾講得少，偏辣，食到條脷麻麻地，雞塊都幾入味，食辣既係幾開胃既，lunch time 成個人都醒晒😂黃炆茄子脆魚腩 $68茄子好香口，送飯食一流 ，幾塊魚腩都大大件，成碟既份量真係吾係好食得晒🙈濃湯雜菜鍋 $68真係好多菜！蒜味特濃，除左有菜心、椰菜花同粉絲，仲有牛丸同埋魷魚，非常足料！五指毛桃燉雞湯，跟餐吾揀餐飲可以揀呢個湯，老火湯，補一補都好，好飲！另外，跟餐附送紅糖桂花冰粉，好似大菜糕，據知食左有解辣既作用🤔

行過銅鑼灣見到金百利有間主打麻辣野於是就上去試下叫左個中辣酸菜桂花魚 炒萵筍 麻辣鴨舌同兩杯野飲 見到張單已經六百幾蚊兩個小菜就一般 萵筍比較油 而麻辣鴨舌就比較差 用炸黎煮之餘 鴨舌吾新鮮 味道認真不能接受成店只係食左兩舊就放左成餐飯但係個魚就真係無得頂 仲加左肥牛 魷魚 土豆等配料份量十足之餘 條魚仲真係好新鮮好滑真係好啱食辣嘅人最後埋單時有服務人員見比我地碟鴨舌仲好原整 同左經理講經理問我地係米鴨舌有咩問題我地就好不好意思地如實告知了解完 經理仲幫我地取消左份鴨舌希望之後會有改善！會再翻黎幫襯

今天在銅鑼灣工作的朋友帶我來到位於金百利的這家麻辣派對。驚艷、歡樂、像開派對的裝修環境和吃麻辣食品的地方，感覺店舖名字真貼切。而店員都是殷勤有禮的。原來我的偶像也是捧場客呢!今天我們選了兩份午餐和一鍋米線。黃炆茄子脆魚腩 $68小辣最啱我和朋友怕辣又想有少少辣的口味。茄子剛熟，唔會吸左好多油。魚腩肉質結實，微辣有魚香。三芹香炒五素 $63。 有西芹、唐芹、雲耳、蓮藕、 青瓜和草菇等，清爽得來有不同的味道與口感。香鍋米線 $39選了走辣走麻，湯底濃而不膩，米線爽中帶滑。右: 椰青水 $23 有椰青味，很清新。左: 冬瓜水 加$10 味道頗甜。就算不吃麻辣，也可以參加這個麻辣派對呢!

「怕辣又想吃辣」不是我想出來的，而是某次看電視飲食節目的主持人說的。這句說話聽起來很矛盾，但其實抱著這種心態吃辣的人可說是大有人在。自問舌頭不太受得了辣，但偶爾淺嚐一下，那種既刺激又滿足的感覺實在是難以言喻的。今天很開心見識到這裡，讓我這個怕辣的人有一個吃辣的好去處，印象深刻的菜式包括：鮮椒爽脆生腸($78)：涼伴的生腸非常爽脆，有很香的醬油味和椒味。順帶一提，我們常吃的生腸，其實就是豬的輸精管。手拍青瓜($38)：無可挑剔，冰涼和爽脆感比之前的菜式更甚，加上濃郁的麻油香氣叫人忍不住一塊一塊地吃下去。避風塘麵包蟹($198)：這晚的主角，大得驚人！炸蒜毫不吝嗇地覆蓋了蟹身，像是埋在蒜下一樣。肉味保有鮮味之餘還有濃烈的椒蒜香味。此外橙黃色的蟹膏也是一大亮點，口感像是月餅的鹹蛋黃，但當然鮮味和香味過之而無不及！凍蜜語果茶 ($35)：吃辣配凍飲是一大享受，這集合多種水果而成的果茶極具特色，其中包括火龍果、西瓜、檸檬、橙、士多啤梨等，讓每口紅茶中滲來淡淡的果香味，甜度非常適中，亦稍有解辣之效。以後吃辣又多一個好去處！

這晚相約了媽媽吃飯，知道媽媽挺喜歡吃水煮魚，所以帶了媽媽到一間新式川菜餐廳晚飯可以吃川菜和水煮魚，也可坐得舒服很漂亮像進去派對般。餐廳內燈光暗暗的，裝飾得像派對般可選二人套餐或是四人套餐常聽的水煮菜式，例如水煮魚、水煮滑牛肉、毛血旺外，也可選酸菜菜式，想選較特別的菜式也有鮮椒味型呢。各款菜式都有辣度調節呢，可選原辣、加辣、減辣，不能吃辣的話可走辣。涼菜和小炒也是很多人會喜歡點的吧。是我很喜歡的口水雞那種麻辣真的令我垂涎三尺呢雞塊切得小件小件的更易入口，雞肉也挺鮮嫩呢。選了減辣仍是一整盤紅彤彤的水煮魚水煮魚也有三種魚可選，桂花魚$268、江團魚$168、草魚$148，而我和媽媽則選了水煮江團魚。沾滿水煮辣汁的江團魚。內有魔芋作配料。也有薯粉呢乾煸後很入味蜜語水果茶和冰雪鮮檸C飲，看上去以為會喝不完，但果茶和鮮檸C飲都很解渴也很Fresh，而且有小黑子在裡面，吃辣時喝很適合呢！贈送的甜品很喜歡桂花的甜和媽媽吃得開心的晚餐

I went here for afternoon set and ordered mala noodle. I think the price for afternoon set that includes appetizer and soup/drink is ok reasonable. Taste of fungi was garlicky as expected and nothing special. Soup had few small pieces of pork and chicken feet. Soup was quite good, but noodle was just ok. I guess nothing was too wrong, but noodle and peanuts were a bit soft and soup was a bit bland. It's one of those dishes where something was lacking. Maybe it's just that as their bowls are big,

朋友約食晚飯，佢話食麻辣派對。吓，辣⋯我0k，但麻⋯我就吾多掂。話說有一次公幹，大陸同事請我食水煑魚，食果陣就冇事，果晚就生晒飛滋，同出吾到聲。今次有D驚驚地⋯麻辣。不過朋友話呢間餐廳好正，唯有捨命陪君子喇😱 餐廳嘅裝修好新派都西式，真係有啲夢幻party feel. 你絕對估吾到佢喺食正宗四川菜。 餐廳經理熱情又細心為我地介紹，知道我地麻辣情度有限，建議先由BB 辣䦎始，然後再試小辣，適應後可逐級挑戰麻辣程度。真貼心。先叫了 BB 班 凉伴黑本耳。爽口，少許麻味 岩晒。再上麻婆豆腐，呢個菜，經理就建議可試小辣，又〇K喎。好惹味，配飯一流。不過今次我地配麵食。個麵好正，五香牛腩好入味，切成小粒，入口容易，吾會太靱。今餐主角喺避風塘炒辣蟹，用麵包蟹煮，有好多膏(哈哈，掛住食唔記得影D膏添😓)意猶未盡，再order咗個辣子海蝦。個賣相好勁辣，吾好比個嚇親，唔辣，非常惹味。👍嘆埋杯蜜語水果茶，有不同水果，好解渴。今餐麻辣餐，將之前慘痛麻辣經驗，一掃而空。下次要挑戰下一級麻辣，睇下升吾升到呢先。

聽餐廳名字"麻辣派對 "頗具刺激！今晚 懷住戰戰兢兢的心情 相約朋友 一起 去 挑戰一下自己對辣的 極限！(其實很擔心，平日 甚少吃辣 的)……甫到見門 面 以花作了裝飾，顏色鮮豔 ，視覺上有點 刺激 ，已經有種熱辣辣心情！侍應招呼內進，在舒適的卡位坐下，我被這浪漫嬌柔的環境吸引住了，颜色很繽紛 ，佈置得美輪美奐，以花作主題 ，白色 薄紗布 吊燈，牆上的掛畫甚至地上 也是以花 作裝飾， 很女性化！美麗的餐廳！我很喜歡！！實在 佈置得太美，此刻忘記了今晚是 来嚐 麻辣的……看看美麗的menu，選幾個想吃的菜，原來辣度是可以自己選擇的，由原勁辣至BB辣也可……炒避風塘麵包蟹 (小辣 ) /$ 198 豐富的蒜粒，乾蔥粒 ，辣椒粒 和其他配料 香氣撲鼻！ 香噴噴熱 辣辣 ！ 麵包蟹與平時吃的很不一樣，這隻很肥美蟹殼 内藏 有很多糕，蟹肉結實 肥美很， 非常惹味 ！單吃配料 越咀嚼越有香辣味口感香脆 ！很 刺激！炒辣子海蝦 (小辣) / $ 158賣相很 霸道！ 一大碟滿滿 鮮豔奪目 的紅色乾椒粒， 藏著外皮 香脆 海蝦，鲜甜香口！ 雖然是小辣但一點也不覺辣！餐桌上的辣椒油，樽上帶有趣

搵人陪食辣嘢一向係比較困難！ 難得同樣嗜辣嘅朋友同我一齊食飯， 梗係要食辣嘢啦今日嚟呢度食，試哂大中小辣…… 實行辣到個嘴變孖潤腸水煮魚…… 小辣雖然係小辣，但係因為d魚浸住熱嘅辣油， 個辣度都唔可以睇小。 魚肉滑冇咩骨啖啖肉，食埋啲牙菜，個辣度好正！ 食呢個一定要配白飯減少油感！辣子雞……中辣好夠味， 辣中帶甜， 如果我冇食錯應該係用咗孜然粉調味， 好香！ 辣味當然夠啦！ 仲要係越食越辣！爽脆生腸…… 大辣呢個真係超好味！ 生腸脆口嘅質感， 配合埋個辣度， 超夾！ 雖然係大辣， 個辣度唔會令到味覺麻痹！ 真係好！ 呢個有冷盤配熱嘅辣湯麵，啱哂！嘢飲都要讚下， 大大杯！啱曬食辣嘢！ 凍奶茶有啲似台式奶茶味，如果有得加珍珠 咁就perfect喇！ 店主不如考慮下？！個餐跟五指毛桃燉雞湯， 好足料好夠味！ 仲有瑰花整嘅甜品， 半流質狀態有啲似啫喱， 味道好， 聽講話解辣架。呢度嘅氣氛有啲似西餐廳， 但就係食中式辣嘢 中西crossover！ 地方幾好坐傾計食飯好啱