麻辣派對 (金百利廣場) (已結業)

早就听说铜锣湾开了这家麻辣派对，看着餐单也还不错，于是周末中午和家人过来准备试一下，但结果令人非常失望....不说菜品味道非常一般，卫生实在太差了....首先用餐环境地板餐桌都没清理干净的感觉，坐下来发现碗里粘着东西没洗净，但懒得再换地方就用茶水冲洗一下就算了，夸张的是上来的麻椒黑鱼中还有碎纸，叫来经理也只是把碎纸片挑走毫无诚意地说了句不好意思转身就走了....作为从来不写餐评的人也实在忍不住了非常差的用餐体验，再也不会来第二次！

今日，我相約重慶來的朋友外出晚膳。為了迎合重慶朋友的口味，當然要吃麻辣! 由於我們下班都較晚，所以要到交通方便的地區晚膳。在港島“搵食”，一定要到銅鑼灣吧!正當我們在煩惱選什麼餐廳時，從銅鑼灣D3出口面向金百利商場抬頭一看，就看到了麻辣派對的招牌了，決定一試!餐廳裝潢雅麗，配上麻辣風味的食物，很創新。每枱也放了一瓶魔鬼辣椒粉，我和朋友讀到瓶上的忠告，沒膽量試，但感覺玩味十足。口水雞: 這一道菜是我每次吃麻辣必點的。秘製醬汁酸辣麻味都有，再加上濃濃的麻油味，很香。雞件啖啖肉，沒有多餘的皮下脂肪，肉質非常嫩滑。雞肉都吸收了醬汁，每一口都感嚐到酸辣麻，很醒胃。酸辣土豆絲: 這一道菜是眾多道菜中辣味最重的。土豆絲每條厚薄長短一致，師傅刀功可見一斑。口感爽脆。酸辣水晶粉: 這一道酸辣粉酸味較麻辣味重，是我很喜歡的酸中帶微甜陳醋味。水晶粉的烹調時間恰到好處， 質感沒有太硬，仍有水晶分應有的煙韌。大大碗的，足夠兩人使用。酸菜味型江團: 這一道酸菜魚是整晚的主角。酸度十足， 略帶微辣。盆中除了啖啖魚的鯰魚，還有大量芽菜、鹹酸菜、 蒟蒻 和水晶粉。很滋味。冰雪檸檬C飲: 這道飲品以檸檬、青檸和紅茶調製，

朋友成日嗌想食麻辣嘢，今日放工得閒就同佢去食。估唔到間麻辣派對都幾多人，啲燈光又真係有少少派對嘅感覺。 鍾意食烤魚嘅我哋嗌咗重慶銅盤烤桂魚麻辣味微辣，加咗肥牛同水晶粉。上菜嗰陣先知，原來都仲有其他配菜。辣度好正宗，唔太食得辣嘅我微辣已經覺得好刺激。😂 桂花魚嘅魚肉好鮮嫩，熟度啱啱好，條魚走過油，食落好香口。 配菜仲有魔芋，金菇，韮菜同大豆芽。 肥牛同水晶粉都放埋入去煮，肥牛唔算太肥，啱我。吸曬啲麻辣味，但係冇蓋過牛味，食落好過癮。呢度嘅紅薯粉比較，滑身同彈牙，口感幾好，幾特別。 朋友叫左支青島，想加冰冇問題。我叫咗冰雪鮮檸c飲，掛住解辣冇影相，好大杯，有青檸同檸檬，夾埋好清新。最後送左個涼粉，um...唔識形容，幾香桂花味，口感有少少似鮮草，都幾好食。

秋風飛食麻辣煲是常識吧！在金百利樓下有數位姨姨派傳單，見到麻辣派對就好像不錯，就試下餐廳裝修有西式掛畫，派對燈光下食麻辣煲，確實別有一番風味水煮羊肉 (自選) $205面盤般大水煮鍋，可選5款自選材料。見到水煮鍋辣椒已經知道足料，而自選5款材料份量多，可供3-4人享用。味道又夠辣又夠麻，這種麻辣感覺越食越過癮，麻到感覺已經圍繞嘴唇午餐肉非常厚，鍋內差不多6塊鍋內羊肉也不少，肉質都嫩滑酸辣土豆絲 $68土豆絲炒得香口，又酸又辣，很開胃甜品：桂花冰粉 (送)冰粉是四川地道甜食，最大作用可以解辣，當食辣嘴唇震的時候，食一口冰粉，即時消除了辣同麻的感覺，作為水煮餐後甜品一流．Menu

今晚與嗜辣的友人來到銅鑼灣金百利的麻辣派對，book左8點鐘，所以樓下唔算好多人等lift。餐廳內燈光比較暗，真係好似有派對既感覺🤣大大盞燈照住枱既中央，將大家既焦點放係今晚既主角到—麻辣雞煲！雖然餐廳有好多唔同類型既麻辣美食，但我地決定今晚主攻雞煲！這裡既雞煲唔似出面打邊爐形式咁，而係要在落單前選好想食既配料，一鍋上。我地就揀左五花肉，菜，蛋同埋薯仔，辣度選小辣。雞煲聞落去係有陣麻味，食落去少少辣不嗆口，岩哂我依d想食辣但又唔係好食得辣既人😂配料炒得好入味，唔咸又唔油，食得過！仲有桂花啫喱解辣添呀！下次一於黎試下辣魚！

試過幾次夜晚黎等位，都因為太多人而放棄。今次專登星期六下晝黎，終於有機會一試麻辣派對。餐廳環境好有特色，估唔到食川菜嘅餐廳會用花做主題。餐牌同環境一樣，都有好多花花。午市小菜套餐有好多選擇，除咗川菜，仲有其他小菜，可辣可走辣。五指毛桃燉雞湯，6小時嘅燉湯，十分足料水煮江團魚魚肉份量勁多，切得幾厚，連魚皮食彈牙有咬口，魚肉好滑，雖然有骨但好易食揀咗正常辣，辣度適中，係正宗嘅麻辣味。酸辣水晶粉，煙韌彈牙，份量好多。孜然蔥爆蒙古羊肉孜然味好濃，蓋過咗羊嘅羶味，加上辣辣地好惹味，送飯一流！蜜語水果茶有好多水果，個茶酸酸甜甜好解辣，仲好大杯，可以兩個人share 飲。總括來講，味道出色，份量十足，都幾扺食，一定會再幫襯。

唔知幾時開始愛上左四川菜🌶🌶🌶香港好多餐廳彷佛要迎合香港人口味，做得唔夠麻唔夠辣，不痛不癢呢間就唔同，全部叫中辣已經辣到我流晒汗💦💦💦💦推介：水煮江團魚，呢種魚比較平不特止，而且出質比較結實又少骨，個人比較鍾意麻辣小麵（掛住食唔記得影相😆），雖然外表平平無奇，但食落堅係惹味，係成餐飯嘅精髓炒豆角好夠鑊氣，肉未爆得好濃，送飯一流☝️口水雞冇味，好鞋口而且唔夠辣，不點也罷🤦🏻‍♀️🤦🏻‍♀️重點係呢間店同渣甸坊果間個menu有少少唔同，其實我覺得另一間好味d,但呢間服務好好

突發去大坑睇舞火龍，大坑的餐廳大多數係小型，一定坐滿，唔想同人廹，商量後決定先去麻辣派對再去睇火龍。喜歡麻辣派對的環境，食物好，服務好，當然價錢又合理。清炒萵筍， 在街市見到萵筍但係未食過。一碟好青綠色，口感好清爽，脆脆的，清甜， 很嫩， 帶小小麻香味，好開胃七味雞脆骨，雞軟骨炸得甘香鬆脆，帶著小辣， 停不了口鮮椒味型桂花魚， 顏色非常養眼， 有多種辣椒，花椒混合，祛了魚的睲味，更帶出鮮椒的香。魚的肉質滑嫩， 鋪在底的芽菜及水晶粉吸收了魚的精華， 非常惹味。凍密語水果茶，食到火辣辣，飲啖立即透心涼，有多種水果，香甜，紅茶帶著果香。

一直都想試，今晚終於有時間約埋朋友黎試下。入到去見到天花掛滿了繽紛色彩既花球，地方闊落。整個餐廳滿佈辣既香味，絕不刺鼻，而係真係非常麻香。見到個MENU好多野選擇，好多野都想食，但始終兩個女仔，唔敢叫太多。🍜香鍋肥牛米線 $48驚唔夠飽先叫多左個米線，但原來水煮魚本身有水晶粉，後知後覺。叫左BB辣，肥牛都幾好食，但米線較林身，湯底冇咩特別。🌶🐟水煮黑魚(小辣）$198最後到主角水煮魚登場，其實我好想試田雞，可惜身邊無朋友識欣賞。同行朋友本身好食得辣，為左就返我簡左小辣。我地簡左水煮味型－黑魚(小辣)，一上枱香味撲鼻，見到滿滿嘅辣椒都已經流哂口水。第一次食黑魚，大片厚實，隔中連埋花椒同乾辣椒一齊食，更加好食。配料都幾多，有芽菜、蒟蒻同水晶粉在底，水晶粉好滑。最後加左3款輔菜，蓮藕、仙掌、蒙古羊肉。🍴蓮藕 $23必食推介，呢度既蓮藕鬆脆好食，吸晒啲精華，非常入味。🦆仙掌 $58初初叫既時候其實唔知咩黎，最後留意返英文字先知道係新鮮鴨掌。嫩滑得黎帶爽口感，朋友唔鐘意食有腳既野，所以佢食左一舊就留哂比我。都算好食，只係食既量太多，變相真係好飽。🐑蒙古羊肉 $58肉質嫩滑，食落新鮮，帶有羊騷味，

行過見到金百利有得食麻辣野岩晒我！就去食個lunch試下！入面裝修都成個club咁，幾特別。好多花花裝飾！不過安排坐左係speaker底，略嫌背影音樂太嘈，而且地下有D油膩。個menu都好靚！入面幾多款。另外有張紙係午市套餐餐飲可以免費轉老火湯，都OK！好似健康D！口水雞，由於第一次食不知道辣道如何，叫了小辣小試牛刀，但係LEE碟食唔岀有辣味，仲有D甜添！所以建議叫中辣！唔辣的口水雞唔好食個米線不過不失！反而這個麻辣炸子雞幾好食！夠哂麻又夠晒辣！送白飯一流！炸子雞幾多骨，如果多D肉就更好！推薦LEE個整體o黎講都ok！午餐價錢係銅鑼灣黎講都合理！

嗰日約咗朋友食飯，朋友無辣不歡所以決定去食川菜，咁啱約咗喺銅鑼灣見，所以決定去金百利。去到金百利發現4樓有間食川菜，一出電梯就見到門面同想像中唔同，個裝修有別傳統嘅鋪頭。入去坐低之後見到裏面彩色繽紛，有好多花作為佈置，完全同個名一樣好似開派對咁。個餐牌好別緻。食物亦有好多選擇，真係花多眼亂。酸辣土豆絲爽口，辣辣地非常野味而且好有鑊氣。鮮椒爽脆生腸非常爽脆，仲有好香嘅辣椒同醬油味，令人回味無窮。最後到主角水煮味型(江團魚)，個水煮魚好大份，江團魚肉質鮮甜嫩滑，大量辣椒乾令到水煮魚嘅味道層次提升，仲有蒟蒻同芽菜，如果唔夠可以自由加輔菜，加左水晶粉同蓮藕，所有配料吸晒啲精華，非常入味。最後仲有甜品附送，桂花涼糕小巧精緻，仲可以解辣，非常貼心。

這晚本來約了朋友在大坑食飯，怎知遇上舞火龍，怕人多所以立即改在銅鑼灣搵食算了。想起附近有一間型格川菜，剛巧朋友也嗜辣，於是亳不猶疑帶她來試試這間新派川菜！朋友非常喜愛這裏的環境，場內燈光昏暗，浪漫有情調， 牆邊掛滿壁畫及一些精緻擺設，不知道還以為是西餐廳呢！天氣炎熱，先來一杯"凍蜜語水果茶" $35 解解暑。花果茶味香茶濃，配以多種新鮮水果，大大杯好抵飲！必食這裏的招牌菜水煮魚，有四種口味任君選擇，而魚的種類也有三款，我們選了"鮮椒味型桂花魚"$268, 另加鮮牛肉$58和黑木耳$23。一般水煮魚是紅紅的，這窩卻是綠綠的， 感覺新鮮, 配上精美銅盆，更具特色。 綠綠的青椒辣味十足, 桂花魚魚肉嫩滑，鮮味無比！另加的鮮牛肉和黑木耳原來已放在鍋內，牛肉稔香軟彈，雖然是另加的，但份量也不少呢！惹味小食"七味雞脆骨" $68 外脆內嫩，雞脆骨 鬆化香口，令人難以抗拒， 不宵一刻，已給我們吃過清光 菜名非常特別的"戀味毛肚" $58， 以為是牛肚，原來是牛柏葉。 辣辣的牛栢葉爽滑無比，風味獨特，令人回味！最後，侍應主動送上小巧精緻的甜點"桂花涼糕"，每人一杯，給客人解辣，非常的細心體貼，確是值

上星期三約咗一個很喜歡食辣的朋友來到這間位於銅鑼灣的麻辣餐廳吃晚飯，因為上次食過佢地另外一間分店覺得好好食，所以今日帶我個朋友嚟食。餐廳內的裝修非常整潔和有格調，和一般的麻辣食店不一樣，這裏有浪漫的感覺。服務員非常友善，笑容可嘉，而且對他們菜譜上的食物和餸菜非常了解，所以如果不知道有什麼好食，也可以詢問他們。他們會樂意和耐性地解說，為你介紹你喜歡的食物。一打開菜譜發現有很多很多我想吃的東西。但因為只有兩個人的關係，所以只叫了以下的東西吃。每款菜式也很好吃，香港不多餐廳煮水煮魚煮得好吃，有辣度而且有香味，我和朋友也很滿意。1. 招牌泡椒炒聖子皇（小辣）$116 - 這個菜非常特別，同好吃的。泡椒酸酸的，帶點辣，而且口感是脆脆的。與聖子皇炒在一起，聖子皇的鮮甜加上泡椒的淸新酸辣，味道非常鮮，而且聖子皇也爽口。2. 水煮味型桂花魚金針菇毛肚大釘涼瓜(勁辣）＄362 - 第一次係香港食水煮系列嘅大雜煮，覺得好開心。你可以只係叫桂花魚或者加多幾樣你鍾意嘅餸都會可以。桂花魚的肉質非常滑而且好鮮甜美味，加上經過花椒同乾辣椒爆香的辣油烹調在一起，味道簡直跟上一層樓。喺香港好少食到咁好味嘅水煮魚。配料野

今日同朋友收工想食辣野 系金百利行一輪睇下食乜 最終選左呢間 一入到門口 覺得好似夜總會咁 仲有d音樂 都幾有feel haha 想坐卡位 但staff話卡位已經book哂唔俾我地坐唯有坐其他呢個menu好colourful 叫左自選香辣鍋 可以自己選材料 唔洗食雞煲個d又幾大自由度 我選左鮮牛肉 金菇 秀珍菇 連藕 豆乾 要左中辣 好yummy 好大盤叫左碗白飯叫左涼伴黑木耳 好爽口 都系中辣 仲有個川北涼粉 個人認為太林 我以為系爽口 所以有d出入肉碎好多總括 辣野系滋味的 下次試大辣先

食麻辣野飲可樂 簡直係人生一大樂事 食到全身發滾 個頭出煙 最好就係飲番罐冰凍嘅可樂 降下溫麻辣派對 本人食後感是一定再有下次 真心不錯唷菜式正宗 地方闊落 環境舒適 價錢合理 而且店員服務態度良好 川菜革命 果然截然不同 裝修真的非常特別 看見這環境 以為食西餐開party 但原來係食正宗嘅傳統川菜 真係估佢唔到清炒萵筍 清新爽脆 萵筍完全冇渣 廚師拿捏 食材嘅時間剛好 依然能夠保持蔬菜嘅口感椒鹽鴨舌 外皮炸得非常鬆脆 面頭加咗 麻辣粉同椒鹽 非常香口椒鹽鴨舌$88清炒萵筍$78最期待嘅水煮菜式來了 一上枱香味撲鼻 滿滿嘅辣椒 紅紅嘅辣椒油 味蕾已經不斷在口腔分泌出嚟原條桂花魚 每片魚片有皮又有肉 非常嫩滑 配合野味嘅水煮方法 食到舐舐脷如果自問係食得好辣嘅 一定要試下呢樽魔鬼辣椒粉 我試咗一啖 真係辣到飛起最後餐廳職員送上甜品 桂花糕啫喱