麻辣派對 (金百利廣場) (已結業)

同個friend 兩個係銅鑼灣行街，夜晚想食辣野就search下四川菜，之後去咗呢間食。walk-in 因為星期五都幾多人，不過等得耐佢會送反每人一杯野飲，入到去上菜都快，我地兩個人叫咗條酸辣黑魚同川粉，BB辣已經好辣lol不過夠酸，好食。川粉係冷盤，都係BB辣，不過無條魚咁辣。條魚本先已經有配菜，仲有水晶粉。如果2-3人食都可以唔洗加菜。我地兩個人最終都食唔曬。因為太辣另外叫咗好多野飲，個水果特飲好解辣，可以一試！

這天，下午跟某人到九龍灣某學校當助手，回到家裡梳洗後準備出門，因為約了他跑步去，誰知他的腳傷沒好，不跑步那就去吃飯。於是，我們在銅鑼灣Sogo 門口見面, 一整個月他也一直在飛沒見過面, 一來到他就把我整個在人潮中抱起, 親了一親問我要吃什麼, 我也沒什麼意見, 於是他拉著我到對面金百利利, 7點半這時走進電梯門門是人, 他擁著我開始說這個月以來做了些什麼。到了四樓我們走進這家,人雖然多但也不用等位, 侍應姐姐好像很好奇因為金髮的他跟他用廣東話說:「兩位」。原來因為他工司就在附近所以常來,那點餐就讓他做決定。他知道我吃不了太辣,所以都點少辣。他只點了兩樣。來的第一度菜, 原來超大的, 看著滿滿的辣椒, 我也不知吃得來嗎, 辣椒裡面藏著的是魚，吃了一口，喔，也是可接受的辣度，很香麻辣，很好吃。第二度也是大大的一碟，也是滿滿的辣椒，難怪這裡叫chilli party. 雞肉都是小小的一塊，最愛還是茄子。兩碟菜兩個人吃已經很飽，吃完走路回到灣仔帶他的小狗去散步剛好。不過沒想到的是，其實我覺得這家有點小貴。

朋友很喜歡紫色，所以吃川菜一定想起麻辣派對，位終銅鑼灣位置方面，由於是樓上餐店，lift門一打開，就能看到紫色的牆身內裡環境都很有格調，同埋檯與檯之間有一定我距離，坐得幾舒服麻辣雞鍋，可選半隻或一隻，還可以選配料，共十多款，有肉類有蔬菜，我們另外加了蓮藕 有厚度，香料都藏在蓮藕內，味道非常濃郁，還有秋葵，煮過的色澤依然翠綠，有小火爐烘住，洋蔥唔會淋晒雞肉份量好多，送白飯一流戀味毛肚，朋友大力推介，每一片都好爽，味道夠，仲可以選擇辣度，底層有青瓜絲，入口仲好爽口食到尾聲，店員送上糖水，甜度剛剛好

今天和媽媽去了銅鑼灣，因為她喜歡吃辣，而且很久之前和她吃過烤魚，她一直念念不忘，而這間我和朋友吃過，覺得不錯，所以帶她試試。因為我們只有兩人，所以叫了一個銅盤烤桂魚要麻辣味($298)，配菜加了羊肉、娃娃菜和水晶粉。魚不算大，但外皮煎得香脆，麻辣的味道也做得好好。只是配菜的份量比較小，好像娃娃菜$28只有一棵，羊肉$58也給很少，大部份都是肉碎，而水晶粉份量正常，吸收了麻辣湯，好吃。總結，這餐平均每人$230，比較貴，性價比低。可能上次吃的時候人多點，所以不覺太貴。

因為出開黎銅鑼灣買野，咁岩行過金百利，無目標地比我見到麻辣兩個字，於是同老公決定食呢間，上到黎係唔洗排隊就可以入坐！因為得兩個人，只係叫左個水煮魚同水果茶，其實我地兩個人配多碗飯已夠食，所以冇再order其他。水煮魚好正，啲魚肉好滑又香濃😍😍😍另外入面既薯粉都好正，比我一個人揀黎食晒😂但呢間既亮點係杯水果茶，30幾蚊咁大杯，睇圖都見到好足料🤩🤩🤩而且係真係好飲，清香清甜，唔係落糖果隻甜味，老公對杯飲品讚不絕口😂😂😂

又係接女友收工既晚上，諗咗成日都唔知食乜好，到夜晚見到女友既時候靈機一觸，不如食辣野呀？！結果順利通過✌🏻馬上用手機app book位，因為有9折，7點半準時到達，無需等位。有卡位坐，非常好。好，點菜！酸菜魚$168、生腸$78、秋葵、仲有一杯生果特飲初初食嗰陣時就唔覺辣嘅，但係呢就越食越覺得好辣...🔥生腸我係必食嘅，每次都會叫呢個菜，魚我就揀咗念魚，因為佢最平同埋冇乜骨又夠滑，我覺得做酸菜魚都會俾啲辣味酸味掩蓋晒啲魚味㗎啦，所以揀最平嘅就得啦⋯⋯

今日下午到銅鑼灣做野，中午正好到金百利搵食，記得上次在尖沙咀食過麻辣派對不錯，試一試lunch也好。看看餐牌：午市下午茶特惠套餐 11:30-6:00十分多類選擇，有巴蜀風味套餐、特色小菜套餐、綠色健康套餐、川北涼菜套餐、 麻辣小面.香鍋米線.酸辣水晶粉套餐，款式非常多。我選擇了五香牛筋腩小麵(走辣) $58，午餐還可以免費轉五指毛桃燉雞湯，中午有碗燉湯入十分正，套餐還送手工甜品，真係非常實惠。湯麵份量十足，五香牛筋腩腍軟入味牛味香濃，湯底味濃配小麵最合適不過。朋友被這道蕃茄蛋煮羊肉(走辣)$68配白飯吸引，賣相吸引，下飯一流，份量都很足，味道做得不錯。蜜語水果茶 套餐+$10，水果茶甜度適中，水果新鮮多汁。套餐送手工甜品還叫了一個麻辣仙掌(BB辣) $78，爽口很入味，啖啖肉無骨。可選配酸辣水晶粉，水晶粉吸湯煙韌。熱檸茶套餐送手工甜品店員熱情客氣又細心。

水煮桂花魚突然之間好想食水煮魚，就約咗一班麻辣friend一齊去chili party，呢個水煮真係超好食，的確不得了~魚肉夠晒滑，咬落去啖啖肉，又冇咩骨，仲要辣得過癮，同埋有好多配料之餘仲有薯粉添😍環境好華麗，一D都唔似食四川菜嘅地方，同幾個朋友去吹下水食下野係幾好嘅

如果係銅鑼灣返工都會試過去馬辣派對食飯如果係下午茶 通常小菜都係六十至七十蚊一碟 包飯包熱凍飲而且質素都算唔錯嘢飲都好大杯十分推薦呢度嘅炸子雞雖然肉唔算多 賣相非常之好 係影相呃like之選密密麻麻嘅辣椒加上細細粒炸到好香好趣嘅炸子雞 激起人嘅食慾而且炸子雞咸度適中 加埋飯簡直係一流而呢度嘅肉碎炒四季豆都好好味不過叫嘅時候記得叫佢炒林啲因為如果四季豆太硬會無咁好食而佢嘅古法咕嚕肉都係必叫咕嚕肉冇骨又酸酸甜甜 仲好脆我就十分推薦大家食呢三個

星期五放工經開銅鑼灣買嘢，同蝦子餅兩個一直諗唔到食咩，見未試過呢間就上去試吓。晚飯時間只限90分鐘，坐低見到枱面有餐牌同埋點餐紙。之後有職員過嚟倒咗兩杯水，唔小心倒瀉咗d水喺枱面，我見晚飯時間咁多人都冇咩所謂，冇同個服務生講，之後就直接在係點餐紙點餐。之後有一位長頭髮紮高馬尾，着住西裝嘅女侍應行過嚟幫我地收張點餐紙.....確認食物之後好冇禮貌咁加多一句 ‘整到張點餐濕哂！’我勁趕時間先費事出聲 唔該鬧人之前用下個腦，點解客人咩都未食將枱面就濕咗。 點了炒蓮藕片以及孜然羊肉....打算開始進食的時候發現餐具有污跡，要自己再清洗一次。食物非常普通，做出嚟嘅麻辣味道係國內隨便叫外賣app都食到 。咁樣嘅價錢香港好多地方都有，搵唔到有咩原因要再幫襯。

上個月1月4日食完幸福班戟後，突然想食鹹野，😂次序雖然錯咗但無所謂啦。今次就叫咗水煮魚（江團魚）同埋手撕包菜。由於小弟之前去重慶玩咗幾日就好鍾意食重慶火鍋呀、水煮魚、酸菜魚。所以就叫咗個水煮魚解一解旅遊癮。唔知係咪隔離飯香既關係，硬係覺得今次食落d魚無係重慶當地食咁嫩滑，辣方面雖然夠辣，但係重慶當地食咁香。我覺得可能係先入為主覺得環去重慶當地食先好食。最後會每人送杯仔冰粉，好老實講......味道麻麻，但係我記得係重慶當地食嘅係好好食！

呢間我喺深圳食過，好得意，自己揀幾樣鐘意食嘅送，撈埋一齊。今日約左朋友行花巿，咁啱銅鑼灣有一開分店，所以約左佢地行之前食一次。本身book左9:30，點知9:00有個職員打來問可吾可以早d，因為佢地年三十晚想提早收爐。雖然可用餐時間好短，但我又好想食，所以決定急急腳行過去(當時我喺附近）！去到餐廳，職員好快帶我地入座，環境唔錯，舒服，仲有卡位坐。 我地三個人叫左辣子田雞，辣子炒包菜，同埋叫左五個麻辣既送撈埋一齊，我個人唔係好食得辣，所以全部bb辣就夠！辣子田雞同炒包菜係本人最鐘意既，因為辣度啱啱好係我接受到既，而且菜炒得好香！反而麻辣唔係咁食到，撈菜更什，因為佢會索哂d辣汁總括來講，值得推介，唔好比個久口嚇親，因為佢有唔辣同bb辣，啱我地呢d想食辣又吾食得辣嘅人

#麻辣派對 (銅鑼灣)銅鑼灣記利佐治街1號金百利廣場4樓R1號舖-----😆又有一段時間無食水煮魚 今日就同屋企人逛完銅鑼灣之後黎呢度開餐 水煮魚叫左bb辣 一開始唔辣 但會越食越辣 唔太食得辣ge朋友記得先夾一半花椒出黎 以防越浸越辣 水煮桂花魚非常嫩滑 令人完全停唔到口 另外再自己加左花菜 青瓜 豬紅 同水魷魚 ~除左水魷魚之外～其他全部同水煮汁非常夾 （小提示：叫完水煮魚 再後加配料 配料會大份好多 唔知點解😂 B仔已經測試過好多次）除左水煮魚之外 其他小炒亦都非常唔錯 青炒萵筍可以解一解水煮魚ge heavy 而咕嚕肉就炸得非常香脆 肉質亦夠嫩～唔食辣ge人都可以黎試下d小炒 確實幾唔錯～-----B仔整體評價：8.5/10個👍🏻B仔抵食程度：7/10個👍🏻B仔環境評分：8/10個👍🏻B仔味道評分：8.5/10個👍🏻B仔回頭機會：9/10個👍🏻-----#swallowhk跟住我一齊吞食香港啦！#swallowcwb

麻辣小隊出動既機會難逢，絕對唔可以揀遷就香港人口味既辣野，今次偷聽到由店員到客人都講緊國語，不禁期待辣到噴火既一刻。重慶銅盆烤桂魚 ($298) 麻辣研究左好耐要重慶銅盆烤桂魚定水煮系列好，見有人話後者魚片份量唔多，就揀左呢款。 原條片開既桂魚預先炸過再放入麻辣湯，有油炸過既酥脆同油香，就咁食都已經夠香口惹味。 幾欣賞選用左有咁上下重秤既桂花魚，魚肉厚身又嫩滑，一人半條岩岩好，連骨都食埋。 罕有地挑戰中辣，最後都係我眼中只係熱浪等級，輕鬆駕馭得黎幾夠香，越食會越辣。配料除左有大量芽菜，仲有豆腐、金針菇、魔芋同萵筍，如果萵筍可以唔煮咁耐爽身少少就更佳。 加左水晶粉 ($28)，份量十足，索哂麻辣汁好入味，但質地偏軟腍唔太過癮。蜜語水果茶 ($38)無限西瓜、火龍果、橙同奇亞籽既陣容令我未飲都已經滿心歡喜，水果茶唔會太甜夠冰凍，啖啖雜果好滿足。主打既辣度最後未達致驚為天人，反而用料毫不手軟又幾抵讚，唔追求地道重慶水平都可以一試。

一直都很喜歡吃辣，剛巧看到銅鑼灣sogo旁邊這一家麻辣派對，光聽名字已經感覺到可以令人辣到跳舞，那當然要去試試！《金牌酸辣水晶粉》點了小辣，因為不是太辣的關係反而酸的味道比較突出，水晶粉口感很煙軔，當吃了很多辣的東西的時候特別感覺到這個粉很好吃，可以舒緩一下吞頭《麻辣雞鍋+蓮藕》點了中辣，真的是越吃越辣，香味很好。麻辣雞的味道跟港式雞煲味道不一樣，這裡的麻跟辣味很突出，而且不像港式的那麼多醬汁，加蓮藕是很明智的選擇，爽口入味。《川香豬軟骨炆娃娃菜》這一份份量很多！豬軟骨至少有5-6件，我跟朋友一直吃都像吃不完。豬軟骨煮得很軟，每一口肉都被醬汁滲透，非常入味。娃娃菜雖然被很多醬汁掩蓋，但甜味仍能保持。