麻辣派對 (金百利廣場) (已結業)

同個同樣喜歡食辣嘅朋友仔喺銅鑼灣shopping ，兩個人就走左去金百利嘅麻辣派對食飯。一上到去見到餐廳入面坐滿客，就知應該無揀錯。餐廳裝修好似夜店，暗暗的燈光差點以為自己是來開派對呢。點餐紙花花綠綠數十款菜式，大部分都以辣為主，但就有由bb辣至大辣選擇。經過一段時間精心挑選，我們終於可以下單😂😂😂。我們點了：水煮江團魚，滿滿一大鍋紅油辣椒，内裡有很多魚肉，江團魚的皮很厚有彈性，肉很滑唔會腥，由於點了bb辣，入口唔會噴火，我覺得辣度剛好，香香麻麻的很開胃。口水雞：肉很嫩有雞味，口水醬汁夠惹味，佐飯一流。回鍋肉：好有鑊氣，除不時會有的椰菜，好特別還有炒蛋，炒蛋吸了回鍋肉汁非常惹味出色，豬肉一層肥一層肉，入口唔膩，而且份量非常之多。餐飲點了冰雪鮮檸C飲：係青檸檬黃檸檬再加蘭香子，非常大杯加上青檸清香係解辣的好幫手。最後還有紅豆沙作甜品。

Thanks god it’s Friday!!約左好朋友去試呢間餐廳知道呢間餐廳喺大陸好出名嗌咗水煮魚 中辣 桂花魚 我覺得唔係好夠辣 而且魚好多骨 嗌咗午餐肉 味道怪怪的仲嗌左辣子雞 味道不錯 都係叫咗中辣 不錯 份量都夠多 總括黎講 我覺得麻麻地 性價比不高 不推介一試

凍凍地就好想食啲辣嘢去暖吓身，放吓濕咁。我今次揀咗麻辣派對，去試練我對辣嘅程度。裝修到好似開緊party咁，真係幾貼題。川北涼粉，小辣都已經辣到我變噴火龍...每一條都充滿著麻辣香，芝麻，辣椒籽，雖然辣到我上咗太空，不過我堅持要啪晒去，因為真係好野味。香鍋辣子系列自選組合，有成十幾廿款任揀。我揀咗田雞，每隻田雞都沾有強勁辣椒籽，又炸到啲田雞香噴噴，仲要份量勁多。秋葵炸到外皮帶脆，加埋辣椒味即刻冇咁寡。平時我都唔食啲咁健康嘅嘢，但今日我食咗幾條。薯仔，算係唔咁辣嘅配菜，不過呢兜嘢加埋薯仔食一定好飽肚。但金菇就唔同吸引晒所有辣嘅精髓當人生覺得食辣食到停唔到，但係又開始頂唔順嘅時候，呢杯凍蜜語果茶，入面有新鮮火龍果，西瓜，青檸，橙，奇亞籽。解辣一流!最後仲送兩杯蜜味貴花啫喱，食完咁辣嘅嘢緊係要潤一潤返個人，呢間餐廳好貼心。

銅鑼灣有好多特別的餐廳，友人今次想試川菜，但係又唔係好食得辣，由於餐廳名字好特別，於是我們決定上去大膽嘗試。入到餐廳後令我最有驚喜的是真係好有派對的氣氛，正如其名，店內的裝修深深地吸引到我們。正所謂入鄉隨俗，入到川菜餐廳都想試新野。於是揀了黃悶雞鍋，特別地方是有得選擇辣度，結果揀了走辣。整個鍋的醬汁味道非常棒，真心後悔沒有點多兩碗飯拌汁！ 非常野味。涼菜方面-揀了川北涼粉，涼粉味道非常麻辣，但係彈牙，越食越麻但辣得開胃又開心！ 家常小炒方面-揀了咕嚕肉，酸酸甜甜，非常開胃！ 特別是沒有骨！ 唔洗擔心骨多過肉，特別是食辣辣的涼粉時候，酸甜的味道令我感覺到中和了過多的辣度！最最最令我感動的一刻是，職員端起盤子周圍走附送解辣的啫喱狀桂花糕甜水，特然間覺得被職員救了一命的感覺。飲品水果茶令我有驚喜，特別是有水果在內，亦是解辣必備的良品。

餐廳燈光暗暗地，天花掛滿彩球，感覺好幻彩好浪漫，真係似似地開party咁。選擇真係好多，魚有江團，黑魚，桂花魚和剝皮魚。江團魚和黑魚都未食過，店員話江團魚係大魚深海的，冇乜魚骨，而黑魚就比較多骨。味道有水煮，酸菜，鮮椒或蕃茄。心大心細，結果都係食水煮，輔加了蓮藕和牛肉。水煮江團魚，大大碗放滿紅辣椒。江團魚肉厚實，食落好有膠質，啖啖肉好好味。除左輔加的蓮藕牛肉，還有牙菜，摩芋和薯粉，薯粉幼條但好彈牙。水果茶大大杯，水果都係大大舊。

公司啲同事好鍾意食辣野所以我地就約埋lunch瘋狂食辣呢個唔記得咩野名堂但啲魚好滑好香入面有蒟蒻同薯粉正到不得了之後我地叫咗辣子雞唔太辣，再辣啲會仲正但好香，份量都唔少我連埋啲辣椒食辣椒係脆卜卜㗎食辣野，點少得酸辣粉我地揀咗小辣（提醒下：呢間嘅中辣真係好辣！唔食得太辣唔好亂叫啊）之後我地叫咗啲小食不錯不錯食過咁多次水準都keep到

週日來到吃午餐，有別於其他的川菜館。麻辣派對裝修不錯，燈光布置營造一個另類的中菜情調。不用等位。午餐的套餐很抵食，本人極力推薦酸菜魚。因為很喜歡吃酸菜魚，所以有時會去大陸吃。沒有想到，麻辣派對的酸菜魚非常地道。除了酸菜夠酸外，湯底也非常濃郁。本人叫的大辣，所以酸辣味直接衝擊味蕾，絕對過癮。咖啡也很大杯。但是注意，套餐只適用於午餐，晚餐是沒有的，要單獨點餐。其實菜單不算特別貴，所以決定找一天晚上來試吃。

同另一半係無辣不歡既人，出開銅鑼灣順便就搵下有咩辣野好食，上openrice就搵到呢間麻辣派對。一入去燈光昏暗，出乎意料應覺浪漫，枱同枱有足夠距離，方便同朋友傾計今次先試試重慶麻辣雞煲 ($168) 用大量辣椒，蒜頭、洋蔥加醬汁爆香再加雞炒起，又香又惹味。貼心咁去埋雞皮，每一舊都切得均勻，容易食。 雞幾大件，炒後乾身但仍保持嫩好，而且沒有雪味。另外再配左一碗飯加水果茶，因為得兩個人關係已經好飽。今餐食倒正宗川菜口味，辣得麻香好過癮

我一向比較少去食辣野的，但今次聽了朋友的推介去了銅鑼灣站上面一間叫做麻辣派對既食肆試一下食辣野既滋味，令我對辣既觀感有所不同了。去到打開了餐牌，正如剛才所說，佢是主打辣野為主，所以就叫了個水煮魚同口水雞了!酸菜江團魚配以水晶粉送到上枱時我比佢嚇一嚇，有全圍份量咁大，個碗直徑目測超過一尺。味道方面酸酸辣辣的，水晶粉很入味，魚很大份很多肉，同埋非常新鮮同鮮味。怕辣既人相信都會一樣咁鍾意食的。口水雞配以白飯口水雞辣辣地加少少香口，食得出有口感有雞味，用來送飯亦一流，份量亦不少，比左一隻肶加一隻翼我地，推介!凍檸茶/凍檸樂大大杯野飲同來解辣就最啱了，檸樂用左原罐可樂加大大杯冰底，至cool之選!最後仲有甜品送tim,加分!等我下次帶多啲人來試多幾款野先!

繼續銅鑼灣尋找滋味午餐，是次來到這間餐廳，一進門已聞到一陣陣的麻辣味。店面比較黑暗，想在明亮餐廳吃飯，轉換心情就不要來哦🙈午餐點了個豆花小麵（BB辣） $53可選餐湯 或 飲品點了凍奶茶 （+ $0）很大碗的，如果不夠餓，一個女生可能會吃不完。麵條細而偏硬，所以不需急著吃完。豆腐應該是百福豆腐，非常滑，而且有3片。對於不能吃很辣的我，BB辣是適中的口味，既能吃到辣，又不會辣的流鼻涕，或完全吃不到。總結：午餐份量來說有點多，所以是抵食之選，適合嗜辣的人朋友。

好耐冇食過辣野隔一排就會好想食今日豬仔銅鑼灣同朋友行利嘅時候突然之間好想食辣野於是朋友就帶左我去呢間麻辣派對到大吃一餐BB辣手拍青瓜青瓜好清爽 醃得好好味小辣口水雞雞肉好嫩滑 小小辣BB辣酸菜桂花魚桂花魚魚肉又大塊又滑 好新鮮底部仲有薯粉 好大份好夠食BB辣乾煸四季豆四季豆冇渣 炒得好香水果茶水果有西瓜檸檬火龍果等 水果清新唔會太甜 要黎解辣最啱依間派對嘅辣好正宗而且仲好細心咁有冇得俾你揀辣度要辣啲又得 冇咁辣都得

想吃酸辣粉就會嚟麻辣派對，所有野都可以選辣同唔辣，仲有唔同辣度揀，我就唔太食得辣，所以揀BB 辣止止癮招牌口水雞雞肉非常嫩滑，我就點咗bb辣，辣度岩岩好，配埋芝麻好惹味金牌酸辣水晶粉 食過咁多間酸辣粉，呢度嘅水晶粉係我最喜歡！湯底的酸味及麻辣味的比例很好，酸味較麻辣味重，非常開胃古法咕嚕肉熱辣辣即炸咕嚕肉，脆卜卜，醬汁調味酸甜適中，再配一碗白飯，超滿足蒜蓉菜心夠晒火喉蜜語水果茶大大杯水果茶清甜之餘，解辣一流店員服務細心殷勤，送餐速度非常快，而且價錢唔貴，值得一讚！

年多前來過，剛巧今晚朋友想食辣刺激刺激，於是亳不猶疑帶她來試試這間型格川菜！餐廳以卡座為主，以小屏風作隔間，私人空間感頓增。朋友非常喜愛這裏的環境，場內燈光昏暗，浪漫有情調， 牆邊掛滿壁畫及一些精緻擺設，不知道還以為是西餐廳呢 !先order一杯啤酒預備解解辣。必食這裏的招牌菜水煮魚，有四種口味任君選擇，而魚的種類也有三款，我們選了"麻辣味桂花魚"$288。水煮魚是舖滿紅彤彤的紅辣椒， 感覺刺激 , 配上精美瓷盆，更具特色。 紅紅的辣椒辣味十足, 桂花魚魚肉嫩滑，鮮味無比！底層是滑口薯粉及大豆牙菜，份量也不少呢！惹味小食"口水雞" $68 ~ 雞肉嫩滑無比，辣味適中，令人難以抗拒， 不宵一刻，已給我們吃過清光。黑醋秋葵 $48 ~ 辣辣爽口的秋葵，風味獨特，令人回味！麻婆豆腐$63 ~ 充滿傳統四川風味，豆腐香滑，但出奇地不是太辣，可能味蕾已習慣了辣味吧！水準可以保持一樣咁高實在難得，加上服務細心殷勤，值得一讚！

今晚帶家人到銅鑼灣 ”麻辣派對”這餐廳佈滿了花花，七彩繽紛、浪漫氣氛，但四處飄來不是花香，而麻辣香氣。水煮魚（桂花魚）麻辣水煮桂花魚＂，桂花魚鮮香味又有質感，還保留一塊一塊的，咁先至係水煮魚，麻辣湯底配料有豐富材料，大豆牙菜、木薯粉、香蔥...等精華。口水雞 （小辣）口水雞 (細) ，但份量一點也不少，雞肉滑不留口，雞皮爽口惹味。下次可以挑戰中辣！😅乾煸四季豆炒四季豆夠曬鍋氣，尤其是配料肉粒，香辣味道超爽！正川味麻婆豆腐好戲在後頭，每次必吃的麻婆豆腐，以飯送食，天作之合， 一吃就是二大碗飯！👍🏻豆腐軟滑，川味香濃。最愛中的最愛當然不少得的 啤酒🍻辣味食品，最佳朋友，必定是冰凍啤酒。

爸爸愛吃四川麻辣菜，兩口子撐枱腳迎合他口味決定一吃麻辣派對。先點了兩杯水果茶，很大一杯，有滿滿的水果，如西瓜、火龍果、橙等，解辣一流。涼盤要了口水雞，辣度要了bb辣，雞皮爽滑，肉質不柴，辣度的後勁較強。水煮魚要了江團魚，骨比較少，肉質厚實，入口啖啖肉，彈牙爽口不膩。配料有芽菜、魔芋和水晶粉，bb辣正好麻而不辣，亦不失滋味。乾扁四季豆很夠鑊氣，肉碎鹹香配上微辣辣度，相當下飯。最後送上的的桂花甜品可以解辣！