麻辣小聚 (Ladder Dundas) (已結業)

有冇朋友仔鍾意食辣？早排朋友推介左呢間位於旺角既四川菜餐廳話味道都唔錯，今次黎到有午餐，選擇都幾多，價錢亦幾抵食，同朋友都幾滿意_手拍爽青瓜 $38餐廳有提供多款涼伴菜式，推介大家可以試吓呢個拍青瓜，入口清新爽口，配上麻辣醬汁味道不錯，值得一試_水煮手切牛肉 $68回味水煮魚 $78兩款午餐都可以配上白飯，另外可以選擇燉湯或水果茶或汽水，雖然睇落去好紅不過唔算好辣，份量都幾充足，手切牛肉食落順滑有驚喜下次有機會再同朋友試吓其他嘢先

試新野麻辣小聚@油麻地難忘酸菜魚（細盤小辣）$258有海鱸魚同桂花魚揀，海鱸魚$238 ，我哋揀咗桂花魚貪佢滑啲，份量都唔算少魚肉夠滑同新鮮唔會好散，叫咗小辣湯底不錯唔會過油過鹹，佢係屬於入口無乜料到但係後來就食到辣味，略嫌唔夠辣同唔夠酸，配料有萵筍豆芽同酸菜但係無薯粉，我好怕酸菜魚個湯底好油同好鹹，呢間湯底做得唔錯，如果酸番啲呢個酸菜魚會幾高分🐟⭐️⭐️⭐️⭐️滕椒手撕雞（半隻小辣）$168呢個手撕雞認真出色，佢小辣都好夠辣，仲要係好香滕椒味，份量合理，又香又辣夾埋啲洋蔥同青瓜食簡直一絕，呢一個餸真心推介🐔⭐️⭐️⭐️⭐️⭐️酸辣土豆絲 $88呢個味道都唔錯，酸味夠但可以辣多少少，土豆絲唔會炒得過熟口感剛剛好，亦都唔算好油，清爽酸辣口感齊晒🥔⭐️⭐️⭐️⭐️剁椒蒸大蟶子 $18.8/隻呢個特價餸，蟶子蒸得over咗，味道係酸多個辣，同埋覺得剁椒配蟶子唔算好夾，都係蒜蓉粉絲蒸或者豉汁蒸會好味啲🐚⭐️⭐️螞蟻上樹 $88炒得夠乾身唔油膩，仲幾大碟下亦都夠辣送飯一流，如果肉碎多番少少會更加好🐜⭐️⭐️⭐️⭐️黑糖冰粉（免費）飯後餐廳送咗

識我嘅人都知我最鍾意食辣野疫情緩和咗終於可以約朋友一齊食飯咁岩今次幾個朋友都愛好食辣所以我哋聚會就揀咗旺角呢一間食四川菜嘅餐廳 一睇餐牌全部都係紅噹噹 睇到都覺得興奮🤤太耐都冇出嚟食飯 樣樣野都想食一共揀左8樣菜式辣子雞 可脆可香 配啤酒一流酸菜魚 好開胃 魚肉嫩滑配菜仲有萵筍片同芽菜孜然和牛粒 係我個人最推介孜然粉好惹味 同牛肉好match和牛粒好濃郁肉味 又夠juicy火焰蹄花 好有視覺享受豬手好淋👍🏻老成都炒飯 估唔到炒飯都有辣高山筍炒臘肉 都係送酒小菜水煮牛肉 辣味好夠 肉片嫩香

一個人剛剛去完果欄買生果，再去旺角買東西，經過見到呢一間川菜，即管上去試吓，但係估唔到好大驚喜，價廉物美非常好味，招呼又好，地方又整潔乾淨，見餐牌仲有折扣，食咗個酸菜魚飯，正，有甜品送，茶非常香同好飲，之後我買個水煮魚回家吃，我家人都贊好味，仲有甜品送，以後一定會再去試佢哋其他食物。

朋友知道我喜歡食辣，就約埋幾個朋友陪我去旺角嘅「麻辣小聚」食晚飯，地方雖小，尚算坐得舒服，餸菜唔算大碟，啱曬我哋想試多幾款唔同菜式，因為朋友們唔算食得好辣，所以我哋就全部叫咗標準辣，大部分人食到嘅辣，而且很惹味。我哋叫咗8樣餸，包括酸菜魚、酸辣土豆絲、水煮牛肉、山城辣子雞、高山筍炒腊肉、火焰蹄花、老城都炒飯及孜然和牛粒。特別推介：酸菜魚 - 魚肉很滑又無骨，湯底入味，濃香不油膩。孜然和牛粒 - 和牛粒好軟腍，好重孜然粉， 又香又辣辣地，好滋味。火焰蹄花 - 上枱時，侍應倒點酒點了火， 微微火燒著豬蹄，香氣十足，肥而不利，口感爽腍，美味非常。

又食辣野🌶，今次呢間係屬於成都菜，除咗有平時比較容易食到嘅川味口水雞同水煮魚之外，仲食左螞蟻上樹同老成都炒飯.口水雞同水煮魚夠哂辣，好過癮，水煮魚嘅魚肉仲要好滑，冇泥味.不過最驚喜嘅係螞蟻上樹同埋老成都炒飯，呢兩道菜都好有鑊氣，螞蟻上樹，其實即係肉碎炒粉絲，每一條粉絲都平均地吸收到醬料嘅味道，口感爽口彈牙，老成都炒飯更加係我全晚最鍾意食嘅嘢，炒飯粒粒分明，夠鑊氣又香口，最重要嘅係佢落咗花椒去炒，少少麻，好香

喜歡麻辣的朋友又一聚腳好去處，川菜我最愛，選了這間「麻辣小聚」試吓先！酸菜魚配菜酸菜及芽菜好夾，魚極滑，可惜魚份量不多，好唔夠喉啊！酸辣土豆絲土豆絲切得極幼細，可能因為咁好入味，又蒜頭又辣味，正！水煮牛肉（標準辣）牛肉極淋身，食配菜會覺得辣啲。辣子雞（標準辣）雞粒太細少，又有骨，冇乜肉食，但用黎送酒一流。高山筍炒腊肉炒得好香好乾，辣辣地，惹味。火焰蹄花（標準辣）豬腳夠大件，唔算好辣，好味😋老成都炒飯感覺有啲似楊洲抄飯，但麻辣版。孜然和牛粒牛肉粒好淋身，配菜是芫茜，芫茜我no no啦。我覺得「標準辣」不是很辣，驚受唔到既話，可以分兩次落單，可以試左呢個辣度先，受唔到既話，點其他菜小辣囉！

好耐冇約過一班老友，今晚就約咗佢哋去旺角嘅麻辣小聚 gathering。 呢度地點方便，約朋友就最啱喇，而且我啲friend好鍾意食辣。叫咗八個菜式好意頭，呢度價錢好抵食，平民價，食物水準又唔錯。👍👍最鍾意食酸菜魚🐟🐟呢度嘅魚好新鮮，好嫩滑，無骨，真係食到唔停口。另外我好鍾意酸辣土豆絲， 唔會話太辣，我冇食開辣嘅人都覺得好易接受，而且入曬味，土豆絲切到好幼，遠睇仲以為係炒粉麵，又唔會太鹹👍 火焰蹄花都好特別，係炆豬手，上枱嘅時候會點火。豬手炆得好諗，幾乎係入口即溶。

講起「麻辣」，除左麻辣火鍋🍲，一系列麻辣小菜我都岩😋．小食先叫個🐔川味口水雞，味道正宗香濃，好惹味，完全係打開左我個胃口🤩．🌶水煮魚嘅🐟魚片好滑而且唔鬆散👍🏻👍🏻👍🏻 配菜有海帶、木耳、百葉盡吸水煮魚湯底精華，愈食愈辣🥵愈辣愈想食🤪．我鍾意依度嘅🙆🏻‍♀️螞蟻上樹，🧂咸、👃🏻香、🌶辣味齊備，加上粉絲做到條條分明又爽口，推介⚠️🥄老成都炒飯同樣出色，🍚飯底粒粒分明，炒飯仲加入左花椒，特別正🤤．題外話，一邊食隱約聽到廚房傳黎有鑊氣嘅聲音🤟🏻，好好feel🥰同埋小炒食落係真．有鑊氣！💕

餐廳麻雀雖小 五臟俱全食開既川菜菜式都有係menu回味水煮魚(細)叫左入細既水煮魚 兩個人食岩岩好忘記左叫咩辣度 唔算超級辣 但都辣得好過癮有基本既配料 例如芽菜 豆腐皮魚肉都唔算多骨 唔錯唔錯老成都炒飯炒飯加入麻籽 香口又惹味 食完仲有少少麻 好中意依種口感而且炒飯仲加左重來都未食過既成都老臘腸味道似臘肉 口感似叉燒 幾有新鮮感干煸四季豆四季豆炒得好惹味肉碎又香又辣 送飯一流Howgarden啤酒估唔到食川菜都有howgarden飲咁正😂呢度啲啤酒都好多選擇 印象中起碼有五款以上

🌶 麻辣小聚 🌶好久沒有吃到麻辣大餐終於和 同樣嗜辣的 @happytreats.hk 來了一頓麻辣派對~ℂℙ 值不錯 經過旺角可以一試/回味水煮魚/魚肉偏薄不過相對滑嫩湯底麻辣味濃而且配菜都吸滿麻辣風味整體不錯如果魚肉份量多一點就更好 😹/藤椒手撕雞/意外的最喜歡這盤真的很夠辣作為頭盤十分開胃 👌🏻/酸辣辣土豆絲/ /乾扁四季豆/蔬菜們正常發揮兩道菜都十分惹味四季豆不會有草青味上面的肉碎增加了多一層味道不喜歡吃豆的我都可以接受 👍🏻📍麻辣小聚, 𝕄𝕠𝕟𝕘 𝕂𝕠𝕜

好久沒吃川菜了 今天難得約了一樣嗜辣的好友晚餐當然不能放過吃辣的機會啦原本想吃水煮魚/酸菜魚但老闆推介這款 鮮果酸辣魚說他們獨創的吃起來酸辣之外 還有點哈密瓜的清甜味道不算太辣 大概10小辣的程度吧優惠價加點的香辣聖子香辣惹味 聖子新鮮孜然和牛大量孜然粉爆炒 加上紫洋蔥 超香吃到這裡必須點瓶啤酒呀 爽!口水雞例牌的份量也不少連雞胸位置都嫩滑螞蟻上樹也是川菜經典之一吃完覺得這裡的菜沒有很辣 但是是好吃的 可能是為了遷就香港人的口味而減了辣能吃辣的朋友下次點餐時可能要要求加辣會吃得更過癮

<<Thursday Couple 尋食記👣😋>> 天氣突然轉涼，同男友係旺角整完啲嘢，就想搵間辣嘢食下，🔥🔥諗緊食啲川菜，麻辣嘢暖暖胃🤣之後就係OR搵至呢間嘅麻辣小聚，地方好似比較隱蔽，要上樓上！因環境寬敞，而且冷氣開得比較大，開頭男朋友問做乜開咁大冷氣，因為本身今日都幾涼😂😂😂🤣，開頭有啲凍！點知食食下，就發現原來真係要開咁大冷氣😂😂😂🤣🔥食物種類好多，一般嘅川菜，同埋麻辣嘅食物為主，而且菜式比較傳統，所以如果想食傳統麻辣小菜，可以嚟呢度🤙🏼🤙🏼唔好睇佢睇落似一間普通嘅餐廳，但係嘢食啲鑊氣，同質素我諗同出面嘅酒樓小炒絕對媲美，可能好正宗添！🥳🥳首先想講，侍應禮貌好好，同埋會介紹啲菜式俾我哋！先俾咗個頭盤我哋，係小辣嘅醃蘿蔔，裏面酸酸地，又有啲辣嘅香味，好開胃！👍🏼開頭好想食佢哋招牌菜，水煮魚，但我自己唔係好食魚，跟住佢話可以幫我轉成牛，一食，真係好正🤣🥳又香，而且又唔會太油，加上花椒同啲辣椒乾炒得好，牛肉又夠嫩，無得輸！聽侍應講，呢個係正常辣度，我都仲可以handle到，而辣度可以同佢講！較翻自己中意嘅！🌶🌶🌶之後就係冷盤，口水雞，佢嘅口水雞味道，好

早兩日食飯 發現呢棟大廈都仲有好多野食所以同朋友約都第一時間諗起呢度喺樓下望個水牌 見到呢間辣野幾唔錯咁就上去睇下平日夜晚walk in大把位睇埋餐牌都ok 一於就食呢間啦酸辣鮮果魚呢個望落好似好清咁 完全唔似酸辣野仲以為搞錯左飲啖湯 佢又真係酸辣嘅仲有哈密瓜 成個口感好清新 魚片好滑溜口水雞個醬唔會太辣但好香 有水準呢個做緊優惠 唔洗20蚊就食到一隻蟶子好抵呀都幾新鮮厚肉喎 辣辣地好惹味孜然和牛粒勁重孜然味勁香口 食左一粒之後停唔到落嚟螞蟻上樹呢個真係超正超香口 用左辣豆瓣醬嚟炒夠晒鑊氣最後食埋個冰粉好完滿呢間真係好食喎 可能新開唔多人知下次再有朋友想約食辣野我應該都會再嚟呢度

𝐎𝐯𝐞𝐫𝐚𝐥𝐥⁣水準唔錯的惹味四川菜😋⁣價錢合理 雖然店面比較細 但都坐得舒服😬⁣⁣—————————————————⁣⁣🐣麻辣手撕雞 $168⁣麻香十足 辣度足夠 大約三小⁣但唔會太難受🤣⁣青瓜洋蔥增加口感又可以解膩😬⁣⁣🐟 水煮桂花魚 $228⁣比手撕雞更辣 後勁更重 有譚仔小辣嘅程度🥘⁣桂花魚又鮮又嫩 口感好好⁣⁣🥔酸辣土豆絲 $88⁣簡單而美味嘅一道小菜☺️⁣土豆絲炒得爽口 調味適中⁣⁣🫒干扁四季豆 $88⁣惹味但有少少略鹹⁣—————————————————⁣⁣📍麻辣小聚⁣⭐️食物：7.7/10⁣⁣⭐️CP值：7/10⁣⁣⁣⁣⁣⁣