麻辣小聚 (Ladder Dundas) (已結業)

同朋友係油麻地上完堂，見到店員派傳單，說師傅是四川人，正宗四川風味。朋友見到有她很喜歡的酸菜魚，即刻話想食。我哋點咗：蟲草花龍眼瘦肉燉湯燉湯熱辣辣，材料亦足，清甜滋潤。藤椒手撕雞我第一次食藤椒手撕雞，用上兩種不同麻香口感的花椒及藤椒，雞絲配以青瓜絲、椒絲等，味覺層次更鮮明。難忘酸菜魚朋友説這酸菜魚做得不錯，魚肉嫩滑，配上湯汁的精華，香濃酸辣，惹味十足。火焰蹄花膠質豐富的豬手以香料炆煮後，十分入味，而且沒肥膩的感覺。黑糖桂花冰粉冰粉裡有桂花、黑糖，上面撒上少許花生碎做點缀；冰粉滑嫩清爽，簡單好味的一道甜品。年青的小店員很有禮貌，招呼周到，要讚一讚。

之前同事介紹嚟食呢間新嘢，見到套餐幾抵食試咗，發覺各方面都唔錯！仲有coupon送，結果今日又嚟食過叫咗個辣子雞一上枱香噴噴！啲雞肉比想像中入味，重點係！連啲雞骨都炸到卜卜脆！真係唔係間間做到，好老實講我全程食雞肉都食埋啲骨！因為真係好脆！上次嚟話蟶子因為唔夠新鮮無入貨，我唔理係真定假，但作為食客我聽到係放心嘅，因為有一種對食材講夠嘅感覺，所以我哋上次聽佢嘅介紹試咗扇貝，夠新鮮，而且非常鮮甜！到今次終於有蟶子一定又試下佢，果然不負眾望，煮嘅時間啱啱好，又無俾蒜蓉同辣椒遮咗本身嘅鮮味！兩個人叫咗個大份嘅酸菜桂花魚，價錢合理，一嚟先試個湯，酸菜味適中，直接飲咗兩碗先食魚片，厚薄適中，入味！惟一少少瑕疵就係我食到一兩條骨係魚片度，不過唔影響佢嘅美味。魚頭炸過，裡面仲有啲肉，有部分係連骨都食得，驚喜酸菜魚裏面仲有金針菇，木耳，萵筍片，豆芽。本來以為佢會好似岀面咁得個碟大，份量唔多，結果佢呢個酸菜魚係非常足料，份量不容野少，連咁食得嘅我食咗一陣都要唞一唞之後再食過仲有一個萵筍絲，落咗少少蒜頭炒更野味，一食入口，爽脆夠鑊氣，而且份量又係夠大碟，真係估佢唔到！最後要讚一讚呢間鋪嘅侍應，好有禮貌，好好

約咗朋友喺旺角食飯，我話想食啲香口同開胃嘅嘢，咁佢就帶咗我嚟呢間喺樓上新開嘅餐廳，話要喺呢處同我小聚一下😆😊-「藤椒手撕雞」：首先上呢個涼菜，少少麻少少辣，醬汁裏面仲有啲芝麻，食落非常香口兼開胃，作為頭盤啱晒😋-「火焰蹄花」：上桌嘅時候，店員哥哥加酒精然後點火🔥，幾好玩😆；豬蹄炆煮得非常軟熟，好入味😋-「酸菜魚」：酸酸哋非常開胃，魚肉鮮美，魚湯味道濃郁又鮮甜，仲有大量酸菜可以食😋-「水煮牛肉」：又麻又辣好惹味，除咗牛肉仲有好多芽菜、海帶😋呢餐真係非常香口兼開胃，朋友冇介紹錯😋

發現旺角新開川菜餐廳•麻辣小聚•店員熱情介紹每道菜都係老家嘅味道🦀招牌香辣蟹細花蟹兩隻 約一斤 香辣氣味濃烈 但仍能嚐出蟹肉質鮮味令人食指大動食到連蔥段、花生 都唔放過🌶剁椒蒸大蟶子延續口腔內的鮮味🐟難忘酸菜魚海鱸魚片完全冇碎骨 非常好最難忘係店員提點要飲埋個魚湯係廚師熬10幾個鐘頭而成㗎🐂水煮手切牛肉夠麻 未算辣 牛肉夠嫩食辣入門級人仕都可以食到🥔酸辣土豆絲就是酸比辣重一點嘅土豆絲🖤黑糖桂花冰粉食到尾聲來一碗 解膩又解辣尼度午市、晚市仲有提供套餐都幾抵食以後想食川菜又多個好選擇

無辣不歡嘅我 終於食到我覺得高質嘅辣川菜🌶🌶🌶🌶🌶位於旺角嘅麻辣小聚係新開張正宗招牌香辣蟹 細蟹$388（一斤）辣味非常香口 非常有鑊氣蟹肉好多 炒過後變得好脆 好惹味而且蟹已開了殼 食落好方便識食梗係食唒啲香蔥同花生🥜用黎送飯一流👍🏻👍🏻👍🏻👍🏻🤣酸菜魚 細$228用了鮮魚湯煮嘅海鱸魚 酸酸甜甜 非常入味 而且湯底無味精可以飲埋 好高質水煮牛肉 $168 川椒加好多紅椒配手切牛肉煮成川椒味令牛肉太少少麻感 非常開胃之餘又唔太辣 又係送飯之選 酸辣土豆絲 $88少酸少辣 炒得令土豆絲均勻沾上酸辣味好正🤤黑糖桂花冰粉好清甜嘅甜品食完辣野過一過冷河 去膩一流另外而家新張期間仲有優惠套餐同折扣比上面嘅原價仲抵好多😍😍😍真心超高質嘅川菜

新張午市套餐超抵食，主食我們點了成都雙椒雞和回味水煮魚。午市套餐可以選汽水、水果茶或者燉湯，我選了水果茶。平時其他餐廳的水果茶都會好甜，但這間的水果茶是用真水果， 而且少甜！小食還有得送川味口水雞或者蘿蔔。蘿蔔少許酸辣，很脆，非常開胃。口水雞的雞肉嫩滑，麻辣過癮。回味水煮魚的魚肉嫩滑無骨，火候剛好。底部有豆皮、海帶和芽菜，送飯一流。成都雙椒雞好香口、惹味，火候十足，而且有不少香口花生，好想刨多碗白飯。 侍應好有禮貌，還很細心地詢問我們想要的辣度。 而且餐廳地點方便，近地鐵站。 下次仍會光顧。

今日同老婆去旺角行街睇戲，睇完打開Openrice搵到依間新開嘅餐廳。佢離旺角地鐵站唔係好遠，大概行5分鐘就到。今日叫咗兩份午市套餐。一份係成都雙椒雞，一份係回味水煮魚。兩份都咁惹味。新開張期間仲送口水雞同酸辣蘿蔔。真係抵到爆呀！雙椒雞味道夠哂香口，我叫左小辣，對我黎講真係啱啱好，但如果你唔食得辣，最好辣度叫少啲。水煮魚，一樣叫左小辣，份量啱啱好，魚滑，豆皮同配料混入辣湯足味又夾！Really Nice!口水雞同酸辣蘿蔔，雖然細細份，但成意十足，好味道！我哋叫左燉湯同水果茶，燉湯好唔錯，好飲！可能因為我哋飲慣甜些嘅水果茶，所以覺得水果茶唔夠甜。可能唔甜，咁先夠健康😂😂在逆市下開張，需要唔少勇氣，大家一定要支持下👍🏼🎊🎊

純粹見到傳單新開張，又想食酸辣野，決定一試。小店應該新開，午市人流不多。坐得好舒服。叫左個套餐，有湯，小食，主菜同甜品。湯料見到有茶樹菇，圓肉，雞，豬肉，好清甜好香，好啱作為中女的我。小食揀左口水雞，麻香多，小小辣，我怕辣就剛好。叫左酸菜魚，小辣。魚好滑好香，酸味來之酸菜，不會死酸，小辣又剛剛好。魚湯用黎撈飯剛剛好呀。不過我不愛大豆芽，下次要叫走豆芽🤣套餐有甜品，係四川小食冰粉。有少少花生碎，配桂花黑糖，小小甜幾得意。另外佢杯茶好香，唔知用咩茶葉呢😆總體黎講都幾抵食，希望小店在逆市中撐得住啦💪🏻