麻王 (已結業)

我同朋友都勁鍾意食辣野，咁岩經過銅鑼灣見到呢間專門食辣野嘅餐廳仲要係黃店嚟，就梗係要試一試佢啦🤩餐廳主要係做外賣，只係得幾個堂食位，所以都唔算話坐得好舒服。由於我同朋友都想試晒酸菜同埋水煮系列，所以一於就嗌一個酸菜魚同埋一個水煮肥牛試試佢啦！-酸菜魚 $68酸菜魚會配一個白飯，我一上枱嘅時候已經見到兜野好大兜，食食吓先發現原來成碗野會有好多送嘅配料：海帶絲、娃娃菜、蓮藕同埋芽菜。啲配菜全部朔晒啲湯再撈埋飯食真係好惹味！😆而魚片個方面可以話係不過不失，肉質都比較爽但係魚片就唔算話好多！我同朋友都一致覺得湯底方面略嫌唔夠酸🙁水煮肥牛$68水煮系列同酸菜系列一樣都係會配有好多配菜! 我可能我同朋友都係好食得辣嘅人，我哋兩個都覺得叫咗中辣都唔係好夠麻同辣，同埋整體都比較油，下次都係叫返多麻少油好啲😗口水雞$32 ；麻辣丸子$20口水雞睇落細細兜，但係食落都算多件而且肉質都唔會話好鬆散。但係個口水汁方面我就覺得可以整得酸同埋辣少少咁就更加好喇😋麻辣丸子我哋今次就揀咗墨魚丸，一兜入邊有六粒，而個汁同口水雞嗰個都冇乜大分別，墨魚丸真係食到入邊有墨魚肉而且整體都比較爽口彈牙，食落唔會話過粉，唔錯唔錯🤣

Been craving for sour and spicy fish recentlyTried many shopsThis is by far one of the worstAlthough it’s cheapBut there are bones inside the fish slicesAlso , only a few slices can be spot in the entire bowlBottoms are all filled with vegetablesThe soup is not sour at allJust very oily and an artificial spiciness

睇到咁多好食評都讚酸菜魚 滿心期待買外賣返到去一試 唔辣又唔酸 搵雲成碗野 魚片真係得幾塊 需然魚片係嫩滑湯味既話食急凍水煮/酸菜魚都好過佢成68蚊係貴在成碗都係配菜..屋企加熱d湯都出唔到辣椒味😭

突然間辣癮起，上網睇有咩辣嘢好食，搵到呢間喺希雲街附近嘅麻王，即刻出發！餐牌有粉麵，配料都已經有超過35款，肉類、丸類、蔬菜類都有，粉麵仲可以揀紅薯粗粉 、烏冬、米線及拉麵等等，不過既然係為辣而來，當然係揀水煮魚！水煮魚配白飯 $68單睇賣相已經睇到有辣醬、辣椒，加埋個紅色湯底好香，今次叫咗少辣已經好惹味，如果鍾意食辣建議可以叫中辣！魚片就不過不失，略嫌有少少散，但成碗嘢有好多配料，包括：海帶絲、娃娃菜、芽菜同蓮藕，配飯食真係好飽。酸菜魚配白飯 $68同行朋友唔食得太辣，所以叫酸菜魚，湯底有酸辣好開胃，但係如果魚片可以再多幾塊就好啦，因為唔夠食，但同樣有勁多配料，超飽。店子以外賣為主，現場只係有4至5個位，都唔算坐得太舒適，建議外賣返屋企慢慢食。

麻王係主要食酸菜魚、水煮魚或粉麵。最重要係黃店黎💛有次去salon染髮要整到夜一夜 所以喺salon揀咗麻王嘅粉麵外賣😍🍜三餸麵 $42 佢啲餸都多得誇張 有成37款嘅選擇俾你揀🤣啲粉面就有紅薯幼粉、紅薯粗粉 、烏冬、拉麵、米線、粉絲✨而辣度🌶就可以揀BB辣 小辣 中辣 大辣我最後就揀咗 薯仔🥔肥牛、午餐肉紅薯幼粉 (小辣) 一打開個蓋就已經聞到有好大陣濃郁嘅麻香味😍不過覺得唔係好夠辣 如果鍾意辣嘅朋友其實可以試吓中辣😋紅薯幼粉就係我最鍾意嘅薯粉質感 食落好彈牙😍薯仔覺得可以煮得再淋少少 不過啲薯仔🥔浸住湯一陣之後食好正😚而且入面有勁多片😀肥牛亦都夠嫩 份量仲好多😗不過呢間鋪始終入邊環境麻麻 建議大家都係買外賣好🥡🍴😅

有時諗煮咩諗到頭痕就會想一煲過恰恰吓當一餐算，但打邊爐最緊要嘅係個湯底！今日揀咗來自「麻王」嘅2人火鍋套餐，只係$168 就可以揀酸菜魚或者水煮魚🍲仲有美國雪花肥牛/ 豚肉、墨丸、貢丸、蜂巢豆腐、金菇、秀珍菇、響鈴卷、仲有一包烏冬。我揀咗酸菜魚做湯底，呢個湯底超多材料份量十足。一打開時香氣撲鼻！望到個湯底同啲餸菜嘅顏色又紅又黃勁吸引！餐廳無問我辣度，嗰個辣似平時少辣/bb辣，相信一般人都會接受到。而跟埋嘅配料唔算好多，但個酸菜魚入面其實有超多配菜跟埋；例如有：海帶絲，大豆芽，娃娃菜，蓮藕片，同大量酸菜！而且唔使沾任何醬汁都好夠味，估唔到係屋企都可以酸菜魚打邊爐！大滿足～ 難怪會短時間入响港島區擴充到三間分店咁多！ 平時出去食一個酸菜魚都要至少$200 起，但$168竟然可以有咁高質外賣火鍋🍲 舖頭仲可以買剩餸或者好似車仔麵咁選購，仲有口水雞飯嗰啲，價錢由$38 起！超值！依家佢哋係炮台山，銅鑼灣，同灣仔都有分店！鍾意食川菜嘅你千祈唔好錯過🌶🥢‼️

見到網上賣哂廣告 又係公司附近咁岩翻夜 就決定同同事叫外賣一試餐廳地方都好細 好似內面只得一，兩張枱可能因為新開張餐廳人手都好亂 當日就提前打去order定再去餐廳自取咁叫左個酸菜魚及水煮牛 店員就急急腳cut左線 連貴名同電話號碼都無問(應該有來電顯示)而去到拎野食先知道係無哂飯，但可以免費選擇升級粉麵對米飯主意嘅我 係一大打擊！可能如果早在打電話時通知我可以在公司canteen 收檔前打包點....不過！店員見到我失望嘅樣都有即時去其他店舖到買飯，所以大家先可以見到下圖嘅我有飯食另外，我同事無我咁煩馬上有決定轉其他粉爐但一個廚房同事又指已經收左爐(因為我地係last call時間去拎)後來經過店員之間嘅傾談先肯開翻爐煮麵其實我覺得下次店員得知售完後可以通知翻客人 咁可以令我地及早作出決定不過酸菜魚和水煮牛都真係好食酸菜魚湯好清 直接可以當作湯飯食用水煮牛本人就覺得仲未夠辣而且有成層油都覺得可以伴飯食用但主菜嘅份量太過少 只係得二，三件主要都係配菜 海帶絲海量覺得唔係好夠喉

好耐冇食酸菜魚喇.....平時出面食一盤酸菜魚，真係要多啲人share但呢到 有一人份量嘅實在好極！可以淺嘗了啲魚好滑啊🤩將佢嘅白飯轉左薯粉一開頭勁燙口，真係要小心食用。印象佢凍返少少我先食得出味haha好喜歡佢嘅粗薯粉 因為唔係勁粗 剛剛好但都係個句 真係要吹凍少少🌬🌬😂叫左幾款配菜：麻辣鴨血、涼拌萵筍同麻辣牛栢葉真係好麻🤤麻到好有感覺，但又唔討厭我有啲怕個啲麻到冇晒感覺嘅麻我勁鍾意食萵筍呢個都好好食 有啲鹹鹹酸酸嘅味道如果佢切細舊啲我會更高興🤪相對啲配菜係有少少搶走左酸菜魚嘅味但整體我都好鍾意食愛辣嘅就不會拒絕的了Instagram: @notfastfood

今日黎到呢間銅鑼灣新開既麻王👍🏻👍🏻前菜叫左涼拌萵筍，萵筍厚切，辣得黎好香，有花椒既麻味又重，正👍🏻👍🏻👍🏻水煮羊肉 $68羊肉又冧又多，好好味👍🏻👍🏻👍🏻已碗入面仲有大量嘅蓮藕片、海帶等等，配料又入味又多，好出色😍😍酸菜魚 $68跟住就梗係到主角酸菜魚出場😍😍酸菜魚又滑又入味，真心一流酸菜味又出，辣得又好食😋同水煮羊肉一樣又係好多配料，飽到上心口整體來講，平靚正，鍾意食辣既一定要黎食👍🏻

上星期黎到銅鑼灣行街，見呢間餐廳好似開左冇耐，咁就入去試下啦，最鍾意酸酸辣辣嘅味道未入去已經聞到好香麻辣味！不過由於佢地啲坐位唔多，都等左一陣同埋坐落都比較迫，買左少少野都坐得有啲辛苦今次就叫左個車仔麵同酸菜魚。黎到真係嚇咗一跳，勁大兜，係平時嘅碗兩倍大！淨係見到個份量都覺得好抵食車仔麵🍜：由於太晏去嘅關係只係得番豬骨湯可以揀，最後叫左菜、墨丸、蜂巢豆腐、雞柳四樣餸，黎到仲送咗條粟米仔！酸菜魚：真係超級大兜呀！轉左米線仲要另外上，直頭放唔晒！夠晒麻辣！不過對比係內地食過好出名果間都係差啲！啲魚骨有啲多，食左好耐食到人地收工都冇趕我地走，員工都好有禮貌

一直想試下，終於有機會黎試下啦。雖然睇人地寫好似一般咁，但都系信自己口味🤤今次一個人食，兩樣野加杯豆漿，好飽。講下個淨餸先啦，我驚口水雞太辣叫左豬骨湯，點知可以接受，問店員可吾可以轉小辣佢地都無問題，好彩🥰薯仔夠曬粉，煮得啱啱好吾會太淋/芝士丸真系可以拉絲👍/鴨血口感適中/魚腐好特別，唔係出邊食開嗰隻/蜂巢豆腐好索湯口水雞睇落細細兜，但都有7件比較大件，多過我出去食燒味飯，雞味都幾濃，個汁酸辣度我覺得可以酸啲🤔不過地方比較細，同埋要自己拎，如果有多d 堂食就好啦，拎嗰陣時好熱好驚...聽佢地介紹招牌係酸菜魚，下次再試下

🤮又一間係人都話好味  但唔好味嘅餐廳🥲  水煮羊：唔好味 大辣一啲都唔辣 好似平時出去食中或者小辣咁。係 佢的確份量係幾多60幾蚊 配菜有芽菜/娃娃菜/海帶/蓮藕，算係抵嘅...但佢個湯本身唔夠香，又唔辣，又唔麻...仲好多油添 幾平都唔會再買了酸菜魚：都係叫左大辣 亦都係唔辣的... 仲要唔酸...真係好麻麻 配料係有好多，但唔會再買第2次🥲 真係好一般般 皮蛋 ：又係唔好味的......其實都係淋汁上去...我就唔講佢個汁啦....係皮蛋本身乾左 個蛋白位乾左...係硬硬的.......我估一早切定放哂係雪櫃但無封實....(即係唔衛生lol) 好簡單嘅餸都搞成咁左上：皮蛋 (1舊都未食嘅樣)左下：+8 轉寬粉中間：水煮羊 （食左幾啖）右邊：酸菜魚 (未食）水煮羊&酸菜魚 本身跟飯 無要到（另外 落單個個姐姐講野好細聲，舖入面嘅又大聲..希望佢地嘅員工可以精神d💪🏻 加油)係呀 睇落好紅 但唔辣唔麻仲好油添...完全稱唔上係川式店

27 Nov 2020 (星期五)*份量小得驚人就真呀！*在open rice揾到 "麻王" ,睇晒留言及相片，好吸引，與同事叫外賣。第一碗，幼紅薯粉 + 3餸 (2 件蜂巢豆腐，2 件魚腐，2粒墨魚丸)第二碗， 5 餸 (2 片薯仔，2 件鴨血，2件蜂巢豆腐，1 小執 海帶，2片雞柳) 以為fact check咗, 唔會中伏啦！薯不知，經親身嘗試，是扼人㗎！以後都唔會再買呀！比麻王扼一次都嫌多呀

酸菜魚(配有白飯) $68為大家介紹麻王既經濟版一人份量酸菜魚😎 雖然話係一人份量，但份量都真係幾多，真心抵食👍 都話我對辣既接受程度越黎越大...依個酸菜魚酸酸辣辣好開胃，撈飯一流，另有海量酸菜、芽菜、厚砌蓮藕，夠曬飽肚☺️ 魚肉既口感都好淋好滑，入口即化，索曬啲汁好正，本身唔食魚既我都搶食左好多片🙊涼拌海帶絲 $26海帶絲好爽脆，微辣既涼拌汁好惹味👍依個小食送酒真係一流🤤

疫情嚴重很多人都會選擇買外賣回家吃，但有時在街上肚子又餓，難免要選擇堂食💛。那天我見店裡沒有食客，我就選擇了堂食，用最快的速度吃完就帶口罩離開🤣。其實堂食只有六個位，所以很多人都會買外賣走。麻辣真的超惹味又好吃，價錢也十分親民。🥳1️⃣招牌酸菜魚🐟$68（一人份量）🔥酸菜魚是我最喜歡的川菜，酸酸辣辣很開胃而且魚肉非常嫩滑，裡面亦有很多配菜（蓮藕、娃娃菜等等）2️⃣五餸淨菜$38 （娃娃菜🥬、羊肉、醬爆豬肉丸、鴨血、蜂巢豆腐）淨菜的湯底沒酸辣湯底惹味，但吃下去就沒那麽辣，所以如果菜再浸湯底不會很辣，但也很惹味。不知道是不是淨菜的關係，配菜份量很少。