麻王 (已結業)

想試呢間好耐啦，見同事同網上都有報道，但只係做外賣，所以真係要揀過出開銅鑼灣做嘢嘅日子先嚟幫襯。 今日出開銅鑼灣開會就預計喺開完會前半個鐘頭打電話去落單，開完會啱啱送到Perfect Timing。因為外賣返屋企同老公食，所以可以叫多啲。首先就係必食嘅酸菜魚，有大中小辣選擇，我今次就揀咗個中辣。另外叫咗個水煮肥牛都係要中辣。睇佢地menu先知原來都仲有好多小食揀，成日一心諗住食酸菜魚😆 為食嘅我仲要咗個涼拌皮蛋，口水雞同鴨血。 個個餸嘅味道都唔錯，而且唔會話款款都係同一個味，每一個都有自己嘅特色。酸菜魚同水煮肥牛之間，我就覺得酸菜魚好食啲啦，酸酸辣辣而且魚又嫩滑無骨，雖然唔係好多片，但個底仲有大量娃娃菜，芽菜，海帶，蓮藕，well balanced。另外估唔到個口水雞都幾出色，雞肉都幾嫩滑。不過個鴨血就略為失色，唔夠麻辣味淡咗啲。鍾意食皮蛋嘅我覺得個涼拌皮蛋都唔錯。🥰

係銅鑼灣禮頓道，外面望落似文青外賣店，原來係賣麻辣菜式，裡面有少量堂食坐位，星期日下午去到都幾滿座。酸菜魚（$68）水煮魚（$6兩款魚都份量好足，除左魚，小surprisey就係仲有蓮藕、海帶、娃娃菜、芽菜墊底，呢啲都係我平時食麻辣好鐘意加嘅配菜呀！！所以好滿意！而啲魚薄薄地，好滑，無咩魚骨。兩款湯底都好麻，食到嘴唇漲漲地，鐘意麻辣嘅會覺得好爽！配料爽脆又吸湯，正！配埋碗白啱啱好！兩款都好推介，個人會鐘意酸菜魚多啲，酸同辣味有層次，酸菜都好好味，覺得如果叫小辣我會飲埋啲湯。一人份量，同朋友share一次過可以試到兩款，好滿足。價錢同份量都算抵食，推介！

難得麻辣燙有黃店，棟係要支持下！等位時見好多人都嚟買外賣，即時覺得信心大增。到我坐低咗我就明白點解咁多人買外賣啦。因為堂食非常少位，而且都係面壁位，對住牆食其實都唔係大問題，問題係道牆有好多俾湯彈到嘅一點點，同埋個垃圾桶就喺我隔離，咁樣嘅進食環境我有啲接受唔到😖一路食一路後悔自己點解唔買外賣。

2020年10月24日。晴。銅鑼灣。近年銅鑼灣近大坑嘅希雲道、禮頓道呢一帶開咗好多食店～經過見到呢間「麻王」，嗜辣嘅我同唔食辣嘅男朋友即管試下～有酸辣、有水煮，自己鍾意點砌都得～仲有多種小食揀！舖位細細，堂食夾埋五六個位左右，建議大家嗌外賣～食嘅時候不斷有外賣員嚟攞餐，送外賣，都幾受歡迎！其中一邊座位對住壁畫，幾靚～夠晒詩情畫意～四餸粉麵，$45配料揀到眼都花，加加埋埋有成40種！揀完配料到揀粉麵～粉麵選擇都好多，有薯粉、烏冬、米線、拉麵，仲有粉絲～唔鍾意食粉麵又可以食齋餸，仲平啲！六餸都只係$42！最後，經過一番掙扎，我揀咗爆醬豬肉丸、芝士腸、白蘿蔔同埋金菇，配幼薯粉～只係叫咗小辣，但都唔可以睇少佢！！！辣得非常過癮，各種配料都帶到的辣味，紅薯粉亦都煙韌彈牙～推薦畀食辣人士～涼拌海帶絲，$26見佢咁多辣椒粉就即刻流晒口水～～海帶絲爽口，辣味其實OK男朋友都食到，仲食咗好多！酸菜肥牛，$68呢個真係唔係講笑，一上枱嘅時候即刻問呢個係咪一人份。。。因為唔止佢正面震撼，就連側面都好震撼！滿到瀉咁濟！口水雞，$32仲嗌多個小食，令人舔舔脷嘅口水雞～調味惹味，雞肉嫩滑，同埋有好多嚿，唔記得有六

前排約左朋友去銅鑼灣－麻王食野，由於店舖空間吾大而座位只有幾個，所以堂食的話要排隊等位。酸菜魚配白飯：酸菜魚既酸味好夠，令人愈食愈開胃；而魚片較薄，所以冇太多既魚骨，魚口感幾滑口更配合左酸菜既酸辣味，味道好夾又吾太辣啊！另外，酸菜魚配料多多：大量酸菜，蓮藕片，芽菜，蛙蛙菜，海帶。酸菜魚配有白飯，如果怕辣既朋友可用白飯balance反個辣味啊！小食－口水雞：口水雞幾值得推介，因本人吾食得好麻辣既食物，正正好岩口水雞。雞件件數適中，而且啖啖嫩肉；雞皮好滑口，辣味吾會太辣的！小食－麻辣芝士腸(十條)：估吾到麻辣小食會有埋芝士腸；芝士腸入面爆出少少芝士，而外層有點麻辣既味道，麻味吾會太過強烈的。四餸粉面：麵，湯底和配料既選擇刀幾多，我就揀左拉麵－牛丸，牛柏葉，肥牛和魚皮餃－豬骨湯底。由於第一次幫襯又吾食得太麻太辣，就決定揀左吾辣既湯底－豬骨湯底，味道甜甜地的。拉麵口感吾會好硬口，反而夠晒彈牙，份量幾大下。牛丸口感爽口又彈牙，更有吾少肉汁。牛柏葉同樣又吾會好un口，肥牛香口，而魚皮餃幾大粒，整體也不錯～凍豆漿：好似我吾食得辣既朋友，不仿可以order豆漿去中和下麻辣味；味道甜甜地之餘，豆香味幾厚

🐟港島區平民經濟版酸菜魚🌶🌶出街想食餐酸菜魚，一碟閑閑哋都要$200左右先有交易🙈🙈呢間銅鑼灣小店主打一人份量川菜麻辣菜式，店舖雖小，有少量座位for堂食，但目前係主力做外賣為主，晚市時段都多人排隊，頗受附近街坊歡迎招牌系列酸菜魚配白飯 $68份量都唔少，大大碗，麻酸味香氣撲鼻，魚肉片肉質滑嫩，但係某部份位都有啲碎骨刺，食嘅時候要小心啲；底下有大量配菜，有蓮藕片，海帶絲，娃娃菜，湯底來講比較偏淡咗少少，如果食得辣嘅朋友記得要叫多辣一啲，食得更過癮🤪🤪四餸麵$45自選四餸麵：肥牛，鴨血，芋絲，雲吞食材冇乜特別驚喜，麵底轉左紅薯粗粉，吸晒成碗麵嘅精華，食得好過癮湯底叫咗小辣，如果平時食開譚仔三小辣嘅話，覺得可以直接食大辣🤣🤣🤣熱門小食麻辣魚蛋$10面層果個麻辣椒粉就有驚喜啦，有麻又辣，回辣道十級勁，食完條脷會跳舞🤪🤪魚蛋Q彈冷盤口水雞$32雞肉嫩口嘅，唔嚡熠熠，辣味十足😋😋涼拌萵筍$26清新薄脆爽口，蔬菜味鮮甜

10月份天氣還是悶熱，胃口欠佳，剛好經過一間麻辣專門店，名叫麻王，正好食啲辣嘢刺激下食慾。餐牌上所有食品都是一人份量。水煮系列有魚、牛、羊、雞。我選了水煮魚，套餐連白飯，魚片和配菜的份量十足，非常足料。用上辣椒和花椒等佐料，發出陣陣濃烈的麻辣香味，嫩滑的魚片及配菜都一樣入味！除了主食外，也有過20款小食可點：涼拌皮蛋：涼拌皮蛋醬汁酸辣，惹味開胃。麻辣鴨血：鴨血嫩滑，口感煙韌。三餸麵：紅薯粉、烏冬、米線、粉絲、拉麵選其一，數拾款餸中選了雲吞、魚皮餃和午餐肉，餸菜都是高質素，配拉麵少辣夠惹味！可樂

最近經過希雲街一帶看到開了一間麻辣專門店，主打一人份酸菜及水煮菜式，難得不用逼不嗜辣的朋友陪吃，決定一試招牌水煮系列配有白飯，水煮魚用上辣椒和花椒等佐料，發出陣陣濃烈的麻辣香味！近乎無骨的黑魚片，魚質滑嫩，爽脆彈牙！配菜有娃娃菜、海帶絲、蓮藕和芽菜，份量十足川式粉麵以車仔麵形式選擇配菜及粉麵，共37個餸、6款粉麵可選，配麻辣或豬骨湯底！更可按個人口味挑選辣度及醋、蒜、油、麻及湯的份量小店更提供多款惹味川菜小食，麻辣鴨血嫩滑，口感煙韌涼拌萵筍十分爽口，配上麻辣汁，讓人愈吃愈上癮飲品有汽水豆漿等解辣由於店鋪以外賣為主所以面積較細，可以坐6-8人左右，繁忙時間可能需等候一會

放工自己去咗銅鑼灣做facial，之後找地方食晚餐，記得同事提過禮頓道新開的麻辣專門店麻王，有一人份量足料酸菜魚，價錢平絕全區，味道唔錯，今晚就去試下先！酸菜魚：酸菜魚是四川名菜，以鮮魚片為主料，配以酸菜、泡椒、乾辣椒、蓮藕片、娃娃菜等煮制而成。湯㡳濃厚而不膩，可以直接喝的，酸酸辣辣帶點鮮，非常開胃。魚肉十分嫩滑。紅油炒手：細膩滑嫩的餛飩皮，包裹著多汁入味的肉餡，醬汁有著辛香的蔥蒜和烏醋的酸甜，再淋上一匙油香麻辣、香氣逼人的辣油，一口咬下，肉汁、醬汁、紅油的香辣瞬間融為一體，有多層次的滋味。口水雞：醬汁味道層次豐富，辣中帶香、香中帶麻，雞肉嫩滑入味，麻辣的醬汁更令人再三回味。三餸拉麵配豬骨湯底：麵底和湯底都有多款選擇。因為已經食咗幾樣辣味，要返碗唔辣試下，豬骨湯底香濃清甜，雲吞皮滑餡鮮，鴨血嫩滑有益，墨魚丸爽彈牙。忌廉

水煮魚配飯,$68，係銅鑼灣黎講真係好平 ，好低食。魚片7-8片，大量海帶絲，蓮藕，大豆芽同埋娃娃菜。可以嗌佢多飯，亦可以加$8轉其他粉麵，例如烏冬，拉麵等等。水煮魚唔記得講食咩辣，店員就會安排小辣。如果食得辣既朋友仔記得挑戰一下大辣

係銅鑼灣等朋友時四周趟下, 行經見到呢間"麻王", 望望menu原來食麻辣野, 呢間店主打外賣, 不過店內都幾有幾個位可以for堂食, 面積好細唔算坐得舒服闊落, 但來個速食都還可接受吧。買左魚蛋邊食邊等朋友,【麻辣魚蛋】HK$10單睇賣相見到紅紅辣椒粉都已經感覺到果種辣, 魚蛋彈牙, 配上面層辣椒粉, 辣度更加提升, 而且果種麻殘留舌尖上, 感覺有d痺, 喉嚨亦辣到開始興。正當享受魚蛋時, 朋友已經抵達, 叫左佢黎餐廳搵我, 點知朋友亦好有興趣食辣, 於是就再order其他試試。【酸菜魚】HK$68魚質很滑很林, 林到幾乎一夾即散, 不過要小心, 因為好多細魚骨, 另有大量酸菜、芽菜、大大片厚切蓮藕墊底。湯底酸酸辣辣好開胃, 配上白飯, 好飽肚。【紅油抄手】HK$30抄手皮索左辣油, 夾集左辣蒜, 惹味香口, 入面雖然唔係好多料, 但都有爽口蝦粒, 口感味道同樣不錯【口水雞】HK$32冷盤口水雞都幾厚肉, 雖然唔算極嫩, 但對比其他款黎講, 呢款相比冇咁辣。【四餸麵】HK$45 (自選麵食+湯底+辣度)揀左: 紅薯粗粉 + 鴨血、肥牛、牛柏葉、魚皮餃 (BB辣)紅薯粗粉滑而且煙煙韌韌

位於利園後面，銅鑼灣舊區，樓宇可以左穿右插，四通八達，在香港已經買小見小。但附近既食肆郤不是古老八十，新派款式包羅萬有。今次就睇中左呢間麻王試下。店子不大，但環境不錯，有牆畫，感覺整齊清潔。走入店內有座位不多，但空間或足。食物價錢真係好平好抵食而且，要幾麻要幾辣都得，可以加麻加辣加到你滿意👍酸菜魚$68一大碗酸菜魚，魚片用左黑魚，骨少又滑溜，有入口即溶既感覺。而且配料超多，除有大量酸菜，仲有蓮藕片，芽菜，蛙蛙菜，海帶，索晒啲汁，非常刺激。怕辣可以伴飯吃，佢有跟飯，不過我冇要。淨六餸：鴨血，羊肉，百頁豆腐，蓮藕片，貢丸，墨魚丸和海帶。呢個淨餸湯底較淡，若只吃肉類為主，建議可以加辣加麻。海帶很粗，感覺像吃麵條一樣。大熱鴨血，非常彈牙，口感佳百頁豆腐，索晒啲汁，一定要試羊肉份量多，一片片，羊肉片不肥不瘦、久煮不老還保有淡淡羊膻味，沒有被麻辣味遮蓋住口水雞小食$32不是碎濕濕，有雞脾仔，啖啖肉。有數條青瓜中和辣度，不至於辣到升仙唔想辣到出現孖潤腸，所以叫左個豬骨湯底既蛙蛙菜中和一下。呢碗救命菜都係$22，很鮮嫩。吃得很滿足。這兒還有記賣品，可以幫幫手。以後銅鑼灣又多左間食飯熱點了。

銅鑼灣行完街，去到禮頓道個邊，見到有間麻王，係食酸菜魚幾出名，而且仲係幾正宗既四川風味，menu主打都係酸菜水煮系列，叫了份酸菜魚跟埋飯都係$68,酸菜魚夠哂味道，酸辣味道滲入魚片當中！陣陣酸辣香走出來，有點辣勁，相當滋味！配料有 蓮藕，娃娃菜，芽菜等等，都相當入味！水煮肥牛，這個更加辣得起勁，非常正！鐘意食買川辣不是錯過！肥牛都幾嫩又重牛香，正呀。涼拌海帶絲，幾重酸既味道，餘韻帶點辣！海帶爽脆吸了醬汁味，食得非常開胃。還點了4餸麵餐，湯底幾香濃帶辣，紅薯幼粉q彈十足，嫩嫩的，吸哂湯底味道，正呀！ 萵筍香甜幾爽口，好鐘意呢個感覺！爆醬豬肉丸幾入味，整體都好好食，如食辣既朋友，唔好錯過呢晒麻王，唔會令你失望！

要食晚飯🥣又係叫外賣🥡既時候今次終於試到哩間開左大概係只係一兩個月既💛小店————————————————@spicy_kingdom 招牌酸菜系列(酸菜肥牛🐮)配白飯🍚/加$配麵食🍜紅薯🍠粗粉性價比十分之高,除左主菜肥牛同酸菜之外,碗底仲有大量既配菜:海帶絲/娃娃菜🥬/蓮藕/芽菜...酸味辣味都調配得幾平衡,非常醒胃！辣度無得揀,但食落就算係大部分一般人都接受到既程度👍鍾意❤️食麻辣酸菜既朋友們一定非常滿足😄———————————————-自選淨餸(六餸)-小辣芝士🧀丸/魚腐/牛柏葉/蜂巢豆腐/白蘿蔔/芋絲————————————————手拍青瓜🥒調味適中,份量超多！絕對又係一款唔可以錯過既小食👅小店附近絕對係💛良心小店集中地要係港島區食到川菜外賣🥡小店,就一定要黎試下啦！

之前行銅鑼灣經過已經留意到呢間舖之後又喺網上面見人介紹過所以決定去食先點餐 後入坐之後要自己出去拎野食我地叫左個水煮肥牛餐 酸菜魚 同一個小食個店員準備個飯 又叫我地出去準備好個主食 又叫我地出去準備好個小食 又叫我地出去行左幾轉 地方又唔係大 行出行入唔係好方便希望佢地會準備一啲托盤比客人 or 準備好晒一份餐先叫人 咁可以減少行出行入既次數水煮牛 味道普通 唔辣（唔知有無得揀辣度 點餐既時候店員無問要咩辣）份量幾大份既 配料都有好多 酸菜魚 味道尚可 比水煮牛好叫左個萵筍 味道都係不過不失