麻王 (已結業)

見到網上推介話有一人份量酸菜魚，水煮魚。咁長假期經過銅鑼灣就試下啦，由落單到有得食就大約等左20分鐘，賣相就正常啦，始終係小店，無太大期望係好靚。而味道就好香，有爆過d辣椒淋上面，食落個味道都算夠濃。$68呢個價錢，算係交足功課份量都算多，配菜有d娃娃菜，海帶，相就無仔細影，因為地方唔係大，都見到有d人排隊總結，外賣買返屋企，或者經過而又自己一個想食下川味野，都值得一試嘅見到仲有其他小食，下次有機會再試下

見小店開張，難得希雲街有麻辣野決定一試。唔肚餓所以叫左6個淨餸，麻中辣。可能新開張無幾耐所以淨係收現金，六個餸$42都幾化算（雖然turn out份量唔多，每樣餸有2粒/2件到）食淨餸湯底好緊要，但呢個中辣真係微不足道，可能只係相等於譚X既3小辣？而且叫得「麻」王但唔係好「麻」辣，蒜香味反而好重，整體偏甜，似台式既果種麻辣湯。但再望下招牌，係川式風味架喎⋯🤔雖然湯底不似預期，但值得一提係白蘿蔔好淋、肥牛肥瘦適中，其他材料就正正常常啦。想撐下小店，雖然今次麻麻地但下次試下酸辣麵啦。

餐廳細，唔夠十個位所以有機會要等好耐 （我等左成個鐘，但呢個唔係問題）不過冇辦法啦，小店係咁環境都幾好，d 牆畫左畫，都幾靚空間唔大但空間感好夠食落去都叫幾舒服不過自己等左成個鐘，明白等既痛苦所以快快食完就走兩個人食叫左口水雞同埋酸菜魚口水雞唔麻又唔辣，有d 失望同埋係無花生架.....酸菜魚d 魚好滑，料都夠有菜同芽菜就係冇咩辣味我覺得唔錯啦整體黎講，食川菜冇麻辣味真係扣哂分最後要講既係堂食都係用即棄餐具，有d 失望

Lunch周圍搵食，經個銅鑼灣依間好似幾抵，叫左個外賣，估唔到係咁唔好食叫左蔥油雞飯，首先講個飯先睇相都見到有幾濕，黏埋一舊，我都懷疑係食緊飯定係....唉我都唔食形容未食過咁既texture既白飯然後講個雞，一放入口嚇左一嚇，點解凍既！第一舊雞係凍，下面果啲雞係室溫(暖都稱不上)個汁唔係難食，但係首先要經過一層油啲雞聞落去有浸怪味又多油，啲雞又凍，飯又濕到一舊舊唉我想講做食店都要有心，都要識煮野食先可以之前已經上網見過人講水煮魚好伏，但我都比個機會試下其他野，點知都係伏

前排經過麻王，聽到佢話可以送去利園，今日就打去問下，原來滿45蚊就免費送😯！甘我就試下！叫佐個七餸麻辣幼薯粉，凍豆漿佢既湯底好specific 我就揀佐大辣多麻少醋多蒜少油真係無見過出面可以甘specific 甘！先講湯底，真係好值得一讚！鍾意食麻辣湯既你一定要試！幾麻下！至於辣，比出面既大辣辣味少！下次會叫再辣啲！至於幼薯粉，入哂正湯既味！超好食！不過就一餅野甘，要撩好多下先撩得開夾上黎食！粉份量好多！呢個lunch飽足全日！不過餸就真係...份量好少！餸就揀佐以下幾樣蘿蔔 : 得兩細舊，唔夠林冬瓜: 兩細舊，好食入味羊肉: 好食生菜: 入味，三細條墨魚: 唔得，應該來貨超平嗰種魚腐: 有驚喜！兩大舊，索哂湯！正鴨血: 三小舊！正常味但係甘，價錢絕對係無得輸！平時六餸係只需四十幾蚊... 我今次因爲七餸同有豆漿先六十左右，六餸四十幾蚊甘高既湯底質素，重要送到你樓下，重想點？我會幫襯多啲！！要撐住啊！值得一提，哥哥好有禮貌👍🏻👍🏻👍🏻👍🏻

今日係附近上堂，想試試呢間新開的酸菜魚。原來，間舖坐位唔多。所以諗住買外賣係學校食。點知由於疫情，學校唔俾食嘢，我唯有再行返間舖，試下問哥俾唔俾我堂食啦。好彩，哥哥都俾我係舖內食。如果唔係，我都唔知點算。講返個魚，我覺得一人前來講，味道算濃，材料都算足。我一碗$68，我轉薯粉+$8。已經好滿足了。但由於餐廳環境唔係好大，我建議都係有地方食外賣，舒服啲。

今日見到間野係新開，就試下lunch叫酸菜魚飯，可以wtsapp落單，好方便，預先嗌定幾點去取就ok.最後外賣自取$68，份量算ok多，不過蔬菜類佔得都幾多，但味道真係好麻麻，嗌左小辣，但唔辣，又唔麻，又唔夠酸，魚又多骨(食開啖啖魚肉)，結論係依個餸無下次😂其他可以試下既。

呢間好似係呢兩個月先開，日日都見好多人排隊。可惜冇得堂食只能夠外賣。入面好整齊，感覺好乾淨。啲嘢食都唔算貴，細細間但又有幾多選擇。碟酸菜魚麻麻哋，辣就辣，不過冇乜香味。魚係鯇魚，我唔鍾意食有骨嘅魚，所以唔係咁啱我食。極度推介大家試吓佢嘅麻辣米線！有麻辣火鍋嘅麻辣味。最正嘅係佢可以揀羊肉，好騷好香啊！好食，連續食咗兩日，鍾意食辣嘅你唔好錯過！唯一缺點就係無綠色配料，即係蔥、芫荽、韭菜等等。口水雞都係必試！夠辣夠香麻，啲雞好滑。青瓜只有4-5條，但我覺得夠，因為都厚切。

首先堂食環境非常一般，全場只坐得落兩台客人，堂食都係用外賣膠碗非常唔環保，睇黎主力係做外賣。酸菜魚睇落好大份，但其實D配菜多過主菜，海草一大堆，肉就得幾片，佢地個feel完全係加熱D湯料，加D 魚塊落去.....我真心覺得佢哋個吧台仔，仲不如人地D車仔面廚房，人家有香味有甚，但佢地個麻辣燙完全係水加辣油咁樣，就會知人地真係「滾」出黎....加上員工態度輕浮，比錢食餐飯仲要受佢氣....下次？不了不了請我都唔食

抗疫疲勞咗好耐，知道有得外賣食下酸菜魚都算係少少慰藉。驚好難預時間，所以冇whatsapp落單，去到先見到都幾多人預先落單。大熱天時下，等外賣都幾辛苦，等左大概20分鐘，下次預先落單會比較好。酸菜魚既預設辣度係少辣，可以加辣，不能走辣。唔食得辣既我食預設既辣度勉強食到，要慢慢食。味道都幾好，都似大陸食到個d酸菜魚，用料都多。魚夠滑，個人覺得唔算多骨，成碗都係挑左三條骨左右，但朋友覺得多骨，所以小心d食都好d既。除左魚，仲好鍾意佢既蓮藕，同個湯好夾，但厚度參差，有啲好厚有啲好薄。一個人食都會食淨少少，菜同飯都好多食唔晒。鍾意食酸菜魚嘅朋友要試吓。

因為疾情無咩地方可以去見新開左開川菜比68蚊一個酸菜魚飯吸引左叫左一個飯一個粉，同四個小食但味道有d失望但勝在價錢夠平，同夠快，值得一試😊酸菜魚，味道都夠，同入面有好多配菜呢味以價錢都值得加分👍🏼如果魚片可以再多兩塊就good good之後個四餸薯粉真係麻麻地😢可能叫小🌶完全無味😢個粉一夾就碎，買完到番屋企唔夠15分鐘四個小食，本身最其待的鴨血都係有d失望，無咩味😬皮蛋同青瓜都好食👍🏼不過小店可能新開，幾個哥哥都好好人，好努力，加油💪🏻有待改善

天氣熱，想食啲酸酸辣辣野！見到某雜誌採訪麻王，又近公司，而且可以whatapps落單，就姑且一試。尋日落單被告知要等40分鐘，第一下真係打左個突，由食一點變到兩點幾先有得食。試左四餸薯粉，揀左貢丸、鴨血、蜂巢豆腐同肥牛，配中辣幼薯粉。好貼心既係湯另上，而且夠大碗，不過中辣好唔辣，下次會試大辣！好在味道都可以，唔怕失望，仲會想試埋其他野！不過紅油抄手就唔係我杯茶，因為平時食開既都會帶酸酸地，但麻王呢個冇酸味，得少少麻辣，所以試過就算了...到第二日12點過五分鐘，又去WhatsApp落單，不過同樣地，又被告知要等40分鐘（心諗呢個係咪model answer forever架）唔緊要，食一點都好正常既！第二次食酸菜魚配飯，魚片至少7-8塊，雖然有骨，但質感魚味都有，好好食！加上好多配菜，有酸菜、海帶、娃娃菜、大豆芽同蓮藕，連湯帶飯咁食，超滿足！係略嫌唔係好夠麻辣，下次會試麻王個水煮系列！P.S. 12:05落單，單號碼已經係12號，但麻王係開12點既，提醒叫外賣食午餐既食客，請提早40分鐘落單！係至少40分鐘！😅

好耐冇同男朋友出街咁岩佢有野想去港島買，所以就陪佢出去上網搵，見到有food blogger 推介呢間野就去支持下小店啦我同男朋友都好鍾意食四川菜去到就聞到好大浸麻辣香我地叫左水煮魚+三餸面+皮蛋水煮魚+飯都係$68魚塊多又大件，而且裏面有好多配料：芽菜、海帶、蓮藕、娃娃菜水煮魚唔會太油，而且個湯底夠濃相當野味即使我男朋友咁大胃口既都話好好食😋好夠飽三餸面 配菜有好多選擇，我地揀左金菇、木耳、爆漿豬肉丸小辣，佢可以加麻架但想試下佢正常湯底係點，所以就冇加啦薯粉好彈牙爽口，好食過好多米線店整既但爆漿豬肉丸就有少少臭左可能雪藏做得唔好所以我地食左啖就冇食湯底就係麻辣燙 湯底都惹味，但同水煮魚比就遜色皮蛋既涼拌汁好好味同譚仔既好食但皮蛋略厭硬左d不過個汁加曬分Open Kitchen, 見到環境都好乾淨下次試埋佢地既酸菜魚

疫症之下實在出少左好多街🌃再加上限聚令同埋餐廳夜晚唔比堂食夜晚市面上簡直係死城今次希望可以幫襯下餐廳所以去左銅鑼灣發掘下今次去食既呢間餐廳係新開張既四川餐廳主打係做外賣不過入面都有少量座位可以堂食而且一入到最入就比佢幅係牆上面既畫吸引住左呢間個餐廳menu雖然簡單但都非常多選擇而且係銅鑼灣少有平價食店一碗面3個餸只係$42粉面都有6款揀：紅薯粗粉、幼粉、烏冬、米線、拉麵、粉絲餸就有成37款揀太多都唔知點揀湯底都有辣有唔辣🌶呢間舖頭平時出名既係酸菜魚同埋水煮魚但因為今次去果時唔係好肚餓所以就叫左個麵黎食🍜4餸麵($45)一杯豆漿($8)一碟紅油抄手($30六粒)我就叫左個豬骨湯底既麵個豬骨湯其實都幾好味起碼個湯底唔係淡而無味反而想讚下既係個紅油抄手好出色個麻辣既辣唔係辣到條脷好痛果種感覺食落去初初唔覺得好辣但啲麻係口中慢慢出黎吞左落肚個麻仲係個口度個感覺係好正今次因為太飽所以冇食到個酸菜魚下次黎一定會試下個酸菜魚

喜歡吃麻辣的朋友一定要試試! 粉麵類方面, 可以選擇紅薯幼粉、紅薯粗粉、米線、拉麵、烏冬、粉絲, 然後再自行搭配喜歡的配料, 配料選擇超多的!水煮系列也是我會推薦的, 首先選擇一款水煮魚或肉類, 它會跟上一碗白飯。水煮湯汁配白飯, 麻辣的味道, 令人一口又接一口!水煮牛肉 - 肉質夠嫩, 肥牛肉味濃, 麻辣度很足, 是正宗四川麻辣的味道! 紅薯粗粉配雲吞、枝竹、墨魚丸、豬皮。湯底充滿蒜蓉味, 選擇了少麻少辣, 第一次試吃紅薯粗粉, 紅粗薯粉口感爽彈, 充分吸收到湯底的辣味及蒜香, 不會太油膩, 好吃!