麺屋武蔵 (已結業)

星期天跟老公去屯門市shopping~行到七點多開始肚餓, 便去三樓看看有什麼好吃~一向鐘愛麵食的我, 就被這間麵館的招牌吸引了~時間尚早, 不太多人, 就試試這間吧!等了大約十五分鐘便可入座, 打開餐牌, 主要只吃豚肉拉麵為主, 分別有白,赤,黑武骨湯底, 湯麵配料只有豚肉片, 豚角煮及叉燒.老公叫了白武骨豚肉片拉麵, (即豬骨湯底)來不及拍照他便開動了... 湯底雪白濃郁, 味道很香, 只是對男人來說份量比較細, 一定不夠飽...而我叫了黑武骨叉燒拉麵, (即豬骨湯底加黑蒜油)可能是配黑蒜油的關係, 表面上可看到一層厚厚的油, 湯底真的黑得像芝麻糊一樣叉燒只有一塊,但厚度也OK. 湯麵中配了半隻溏心蛋,一片大紫菜及一些蔥,蛋偏凍了一點, 浸了一段時間也只是少許和暖...湯底很濃郁但越食越鹹...要點汽水解解渴...另外我們叫了柚子汁比目魚 (約$48), 味道不錯, 魚肉質很滑, 份量也是偏少...埋單大約$225, 感覺不抵吃 一試無訪但試過便算了~

朋友家姐結婚, 長途拔涉跑來屯門幫手。前陣子剛巧來過屯門, 知道增添了很多食肆, ban下ban下走到頂樓, 對同層的沒多大興趣就食碗拉麵。 印象中好似係觀唐見過.. .. 這裡的setting給我一個不太乾淨的印象, 坐下後更覺, 地下已經有牙籤之類的垃圾. 可能是區域問題, 並非餐廳本身。Menu上最吸引人的是赤, 黑, 白。分別是辣豬骨, 黑蒜油豬骨跟原味豬骨, 不過吸引不到我。跟著想也不想就點了番茄豬骨拉麵, 第1我喜歡番茄, 第2是餐廳做僅promo, , 。番茄湯比想象的靚, , 是很明顯的(對我來說), 因為我味精敏感。 湯不夠熱, 那塊豬肉大得嚇人, 我敢說全香港最大, 有兩塊, 別的店可分發給10碗麵! 我一點沒誇張, 大有大的好, 也有不好, 因為超硬, 我這麼喜歡吃硬都覺得硬就真的硬得很! 我根本不知道如何處理這塊巨無霸, 很難不出洋相, 幸好對面的不是漂亮的女生, 要不然真的麻煩了﹗跟豬肉對抗了十分鐘左右, 很累, 喝口湯, 是我印象中最好的拉麵湯底之一, 相比起其他宣傳得厲害的拉麵絕對要超卓得多, 至於麵就沒什麼特別之處, 就是沒對手的那麼煙韌。, 試了少許跟

留意到假日呢間幾多人排。因為3點食完返工，呢日唔洗排就入得。我點左個白武骨轉豚肉真係勁難食。個麵我認得出係車仔檔油麵過左皂水。隻蛋....同茶葉蛋一樣但無左隻香味飲啖湯..淡淡既豬骨厚厚既油，我懷疑真係檔車仔麵叫左個豬骨油麵而芽菜先至係呢度既主菜....我一啖咬落，眼淚就條河咁，咬完一啖，飲啖茶。依次試真既.........跟住就起身簽卡走人值得一讚係呢度既Service，同杯綠茶。沖嗰隻粉幾夠香。

屯市所開o既新餐廳都會有興趣去試一試, lei間麵屋武藏,我都搵機會同朋友黎食下, 平日關係都唔使等位, 我同朋友一人一個白武骨同黑武骨o既豚角拉麵,同埋叫左客沙律同餃子....芥末牛油果雞肉沙律, 上面有d脆卜卜,不過已經有d淋唔係脆喇...雞肉都係得幾粒同好鞋, 個芥末沙律醬都ok, 牛油果就比較生d硬d..同埋d菜唔知點解,都有d苦...而個餃子都一般,唔係差又唔係特別好食...還可以...我地o既拉面都係豚角, 即係一大片豬腩肉, 有皮有肥膏,係比較肥膩不過都幾入面, 有半隻蛋,不過唔夠糖心,而個湯底呢..白武骨就豬骨湯黎, 黑武骨就係豬骨湯不過加左黑蒜油, 所以成碗都好似淡淡芝麻糊咁,輕微蓉味..兩個湯底共通點都係好油...麵都唔係太多, 男仔食可能唔夠, 吾...有d失望喎, 都唔敢飲個湯喇...成碗油麵咁...都80蚊碗麵架..唔太底...

我最中意就係食番茄，今次一見到麵屋武藏有新番茄湯底拉麵，即刻就去試下，原本有番茄豚骨沾汁麵，不過己經賣晒所以唯有轉叫番茄豚骨拉麵，番茄拉麵同平時的黑白赤有少少分別，除左糖心蛋一樣之外，其他都唔同，首先有2片燒過豬肉，仲有一球薯蓉同新鮮番茄，好有田園風味，一啲都想像唔到拉麵內竟然有球薯蓉配菜，十分特別，味道方面，湯酸酸甜甜，有番茄香味，令人好開胃，2片燒過豬肉唔燶都ok,，薯蓉都算硬身，唔會一動就化開，都可以用匙一啖一啖食，拉麵、糖心蛋都同平時差不多，沒有大分別，下次一定要早啲黎食埋個番茄沾汁麵。

1個人叫了碗餐牌上寫著"必試"的豚骨湯底豚肉片拉麵&芥末雞肉牛油果沙律。湯麵先上，一看見漂浮在湯面的一層油已經倒胃，先吃麵，個人覺得偏硬，味道一般，勉為其難試了一口湯，很奇怪居然是雞湯的味道，但我明明是點了豚骨湯底的啊，而且餐牌根沒有賣雞湯底的拉麵，真不知道是我的味覺有問題，還是這店的湯底真的有加雞湯而我那碗重手了！！！味精超重，麵未吃完已喝了2杯茶，湯麵的份量偏少，吃完感覺跟沒吃差不多。再來是沙津，最初幾口感覺還不錯，少少芥末辣，牛油果很清新，但多吃幾口開始覺得"漏"，醬汁太濃太多，雞肉粒很硬很乾！！！埋單連加一盛惠$117.70，貴唔貴就見仁見智，但我吃不飽是事實！！！

第一次試POST 請多多指教早排睇報紙介紹麵屋屯門店有新嘢，仲要係我鍾意嘅番茄湯底，不過限量每日50碗，lunch time 即刻仆去攞位。少少背境: 我係拉麵迷，不過口味同普通香港人一樣，但對食絕對唔馬虎！賣相同餐牌圖差唔多，兩塊豚肉好香口，最特別係佢加左一個薯蓉球同牛油，令到成碗麵好香濃； 混埋番茄湯好似飲緊番茄薯仔湯咁， d麵無皂水味而且爽口彈牙。最後食埋流心溫泉蛋, 好滿足嘅一餐　

湯底味道可以接受, 但太油膩及比較咸拉麵勁差, 有好大的梘水味叉燒有油"益"味只可以說是半隻溫泉蛋尚算合格根本唔值餐牌的價錢

之前亦曾去過apm食麵屋武藏，當時已經覺得唔錯，而家仲見到開支店，所以的又再次黎食，雖然同為麵屋武藏，但支店仲有個別名叫「武骨」，睇睇「武骨」個Menu，大致上都係一樣，我上次食過黑武骨同白武骨，所以今次食赤武骨豚角拉麵，食前已知係辣，所以+$6飲汽水，赤武骨顏色比較鮮艷，加上有蔥、菜相伴，賣相都幾吸引，味道方面，由於佢係辣湯底所以食前都有心理準備，第一啖入口覺得辣味適中，再飲多一啖就飲到有豬骨湯味，味道都算唔錯，不過我都係覺得黑武骨蔥蒜味好味點!!!至於其他配料亦不過不失，豚角都係用半肥瘦腩肉，入口溶化又有口感，此豚角真係值得一讚!!而整個麵黎講最差算係隻糖心蛋，不過可能我掛住映下相，所以搞到隻蛋下沉…..影唔到佢最美一刻!!!希望下次黎食隻蛋可以分開放就好啦!!!

屯門又開新食店「武骨」，門外放左個特濃湯底 + 原切叉燒拉麵，仲要限量50碗，一於就黎試下堅唔堅!!睇返佢本Menu原來這拉麵真係限定發售，我今次食到都算好彩la…..請返個拉麵先，湯底顏色已經顯示出好濃既口味，而且聞到個味同佢普通拉都唔同，香味更甚，而叉燒形狀同普通叉燒形狀亦不同，這叉燒是長方形，夠厚!!湯底飲落都好有豬骨味，叉燒可能係因為厚切，所以除左好有肉味之外，仲好有口感，另外麵係粗且曲，好有掛湯能力。

近年拉麵風強勁!!!搞到我今年成日都食拉麵，今次就去左間新拉麵店試一試，呢到主要分黑、白、赤湯底，再選豚角、豚肉片、叉燒做配料，雖然選擇唔多，但款款都好吸引，最後我就點左黑武骨豚角拉麵，呢到拉麵有樣好就係佢包埋隻糖心蛋，唔洗另外再叫!!!講返個湯底，有好濃既黑蒜味，但亦都有豬骨湯味，而且湯面仲有一層油，証明係足料靚湯!!另外配料方面，豚角睇落好肥，但入口溶化，而且帶有少少滷水味，好味!!!

上星期五終於約齊班摰友食飯，由於大家太耐冇見，都想搵個環境好少少既地方食飯，其中一朋友又建議食新野，最後我地就黎左武骨，地方都唔算迫，又有個開放式廚房，感覺好舒服!!雖然價錢唔算平，但因為人多，除左每人叫個拉麵之外，仲叫左幾個小食一齊Share!!芥末牛油果雞肉沙律面上有脆脆，內裹有雞肉!!!我地黑、白、赤湯底都有叫，蛋係糖心蛋，麵係粗身，湯底味道好濃，真係好好味ar!!!武藏煎餃子皮脆多汁，口感好Juice!!!埋單每人先係百幾蚊，以食物份量同款式來計都差唔多，而且味道好好，值得一讚!!!!

今次同家姐一齊試新野，我試黑武骨沾汁麵，家姐就試白武骨豚角拉麵，另外再加多個唐揚魷魚卷小食，黑武骨湯非常濃，聽店員解釋沾汁麵湯會濃喲，所以唔好將麵放落湯到咁耐，而叉燒一大塊，入口鬆軟，另外最吸引就係隻湯心蛋呀!!個蛋黃係流出黎架!!正，而白武骨個湯較清，飲到有豬骨味，而豚角都係入口即溶，好鬆化!!唐揚魷魚卷較乾身，但配埋濕濕地既拉麵，岩岩好中和返!!

自己住屯門知道有間拉麵舖新開, 襯星期日放假就去試一試先.兩個人去, 試了以下:豚角白武骨 - 豬骨湯底, 第一啖先飲佢既湯, 男朋友話好有自己屋企煲既青紅蘿蔔豬骨湯既濃版, 都ok既, 之後就即刻咬啖豚肉, 好攪笑到, 男朋友即出聲, 好有出面茶餐廳的"梅菜扣肉味", 只係無出面禁肥!我地心唸發生咩事? 點解係咁既味既? 可能我地唔識食拉. 重有佢既拉麵簡直係失望, 同樓下吉之島super market買既包裝拉麵無咩分別, 完全不是高級拉麵店的果回事.我係咪真係去過日本試過真正既拉麵感覺唔同d呢? 但我覺得連粉嶺"爵士拉麵"最普通果碗都好味過佢, 佢真係失敗!豚角黑武骨 - 只係有"黑芝麻"既豬骨湯底, 其他同白武骨無分別. 醬燒比目魚 - 正正常常, 滑滑地都好味既!

之前成日見APM間麵屋武藏咁多好評想試下，咁岩見到屯門新開支分店，雖然唔係總店食，不過都想一試日本拉麵風味。一入去就叫左個赤武骨豚肉片拉麵 + 子持白魚天婦羅，麵粗身煙韌，好有咬口，而湯底雖然好紅，但冇想像中咁辣，而流心蛋好滑，都有蛋味，而子持白魚天婦羅雖然賣相一般，但食落唔油，口感都ok，整體黎講拉麵同小食都好味，可以再食!!