麺屋武蔵 (已結業)

兩個人黎食拉面，食左一個白武骨拉面、一個黑武骨拉面。湯底唔濃，面唔彈口。白武骨拉面感覺就似一丁公仔面湯底加未遷拉面既面咁........仲有間食緊面果陣鋪頭播緊好似西班牙既歌，有D唔夾傳統日式面店既氣氛性價比較低，咁既價錢會有高D既期望唔會考慮再試

第一次食麺屋武蔵..原本上次係APM已經想試..但太多人等位了..><肚餓仔..等唔到..後來知道屯門市廣場開左..所以即刻去試下去1)環境:一般拉面店都俾人比較迫既feel..但呢度坐位都幾寬躺,我選擇左中午時間去食,所以兩個人都可以坐一個大卡位.^^店面佈置簡約,以黑色為主,有一種型格的味道.2)食物:當日我地試左兩種唔同既面種赤武骨:面質幾好..湯的辣味源自辣油..所以略嫌只有其色而無其味,沽汁面:豬骨湯濃而不咸,而且面質好,用類似涼伴的方式去做,面質更見爽口溏心旦很正宗,旦心保持半熟的狀態!!其他食品還有天婦羅,枝豆等.3)服務態度:店員雖然算不上殷勤.但態度有禮,可以值得再去.

拉麵風停不了，這是近年幾以來在好多地方都看到的對白。我鮮有追新餐廳，對於日本拉麵，上年吃過一風堂，最近在二月吃過拉麵台風，兩者都有著良好的體驗。上年暑期在屯門市中心開了第一間日本拉麵店：麺屋武蔵，她的第一店設在觀塘，第二店遠征來到屯門。(今天查資料才知道在黃埔的第三店都已營業了)初初開張那段日子真是多人都爆，本身見到太誇張的人龍都怕怕，幸好我並不急著去試，但有時都會留意其餐廳食評，評語很是參差。今天正值午飯繁忙時間才去搵食，去OUTBACK吃午餐不成，在附近盪來盪去也沒什麼心水，我突然醒起可以去吃拉麵喎，於是就去看看。沒有以前的人龍，向安排坐位的服務生示意人數後，她隨即問我”介不介意坐吧枱”﹖其實我最鐘意坐吧枱，因為可以看到食物的制作過程嘛。待她和入面的同事’溝通’好後，便可以入去了。經過日文(?)歡迎光臨的叫喊，坐在寬敞的吧枱位，很是不錯﹗及後服務生前來問我們飲’凍水或是熱茶?’，笨拙的我因習慣性飲茶，自然反應就點了熱茶…店子的內堂並不大，不過這店還設有商場室外位的。全店以黑襯紅的配對，很有型格，不過吧枱的設計是最特別，打造成如同日本街頭的車仔拉麵檔。無論頭頂上的紅燈籠﹑主餐牌和紙巾

試左黑雷，一D都唔辣，料超少，浄係有層油係面。湯味唔濃，味道一般，但係冇任何回味感。味道入口即逝。沾汁面都係一樣，唯一面質ok,買相一般，沾汁味道毫無特別。豬肉太乾，味道超普通。雞蛋有怪味

難得入到屯門，自然要看看有什麼東西吃，不過幾個商場內的食肆，多半是連鎖店，後來吃了麵屋武藏。求其點了特濃味僧拉麵，好像是限量供應的。不一會，碗拉麵便送到，呷口湯，算不上很濃，但又沒什麼驚喜。沒得揀拉麵的質地，還好送來時是幾硬身，正中我的要求。最弊是那片又大又厚的豚肉，韌得很，若要整塊的吞掉，是考驗牙力的一環。加六蚊可以有汽水，是但啦，來罐可樂。要加一的，我覺得不值。

今天因為要係屯門同時做幾樣野, 所以我就只是簡單係屯門市中心找野食, 方便一陣去年宵買野。之前已經見到呢間野開左, 沒有CHECK評價, 就入了去試。環境門口都好有風格，好簡單的黑色配上個招牌，感覺好像好高級。.由於我今晚只是一個人去食，所以被安排坐BAR 台。入面的裝潢都跟外面一樣，簡單得來感情好高級。拉麵看看個MENU, 發覺原來我好像係觀唐食過呢間。個次係同朋友H小姐食，我們好多年沒有見再見個時食的一個LUNCH。個時已經覺得都比較貴，但不是太出色了。想起呢度，突然覺得會不會跟觀唐個間差唔多。唔理，比多次機會。之後我就ORDER了:．黑武骨 豚骨煮 黑武骨 豚骨煮來到個賣相不錯。黑武骨是黑蒜湯底。上來時都嗅上去唔夠香。先說配菜:糖心蛋: OK入味, 不錯。豚骨煮: 肥瘦適中，好林，好像入口溶化甘。好食。湯: 湯底係黑蒜湯底，我期待會好香。上來時已經嗅上去唔夠香，結果飲落去都係唔香。麵: 麵唔彈牙，唔香，只屬一般。總括來說，不是特別好食，但卻不便宜。味道: 5.5/10

屯門區一帶拉面店的數量比他區較少，別府在屯門市廣場經營多年，質素一次比一次遜色，那就嚐嚐對面麵屋武蔵坐的位置是商場劃出範圍，環境較嘈打算叫午市餐，怎料侍應說星期日沒有供應 ，友人叫的餃子鍋也售罄（？） ，那為何不抽起繼續出現在餐牌中？ 加上侍應態度一般，讓人感覺不好叫了近一年在香港開始流行的沾面 （黑武骨）＄75 黑蒜油香氣四溢，感覺不錯麵質較粗，食起有咬勁，沾上黑蒜油配塔不錯奈何整碗麵較凍 ，湯熱度不足，影響感覺糖心蛋 失望 毫無蛋味 叉燒不過不失 份量亦一般價錢無論在地區或實際質素都是較不合理 若是想吃一碗高品質拉面或沾面，實在不是首選的地方

前面是特濃麵豉豚角拉麵(正確名稱唔記得!後面是赤武骨豚角拉麵!先講特濃那碗, 感覺唔到有麵豉味道, 非常油膩；隻蛋唔知佢係唔係想整流心蛋, 但係蛋黃過熟; 豚角有少少柴, 不過好在唔係好多肥糕; 不過唔知此店既麵豉湯底係唔係用甜麵豉整, 本人只感覺到個湯底係甜味多過麵豉味!赤武骨豚角拉麵, 即係辣既拉麵, 太多辣油,所以蓋左本身湯底味道!

週一晚8時入店，沒有等位直接入座。一個人選擇了counter前。內裝如一般連鎖店（雖然香港好像只有屯門一家），窗明几淨。侍應馬上送上餐牌，一貫集團經營風格。湯底是豚骨，分白武骨、紅武骨、黑武骨三種，白是一般豬骨湯，紅是辣味，黑是加了黑蒜。香港比較少特色黑蒜，而且餐牌寫是「人氣」，馬上選擇了「黑武骨」的豚角煮。點菜時侍應機械式點頭，只掉下一句「食物請稍等15分鐘」。但不用5分鐘就送上！店主是否過分緊張？黑蒜湯頭（學其他食家術語）喝下沒有驚喜，不濃不淡，豚骨味道不明顯，黑蒜更加失敗，沒有什麼蒜味！味精就喝得出。麵是不粗不細，有點像公仔麵的粗度，過軟，沒有彈性，敗筆！其實在counter看著廚房已經沒有太多寄望，因為負責淥麵個位仁兄根本不會chok麵，水分直接倒進碗內，一定林！配料玉子半只，看不見蛋黃，因為蛋黃接近白色，沒有溏心沒有蛋味，完全失敗。豚角份量頗大，賣相不錯。但是咬下原來好「實」好硬，失望！$72一碗加一，跟中環銅鑼灣價格一樣。屯門是否因為瓏門變了跑馬地？我情願坐車去中環「長浜No.1」，那裡價錢相約但沒有加一（省了用來搭車），而且味道好九條街！另外點了$32餃子，不值一提。

之前亞哥同女友黎食過話好味，介紹我同男友黎食，佢特別推介個黑武骨湯底，話好濃味一定要試，另外仲話要食炸物，所以今次我同男友就試晒佢話必試既野，首先拉麵我叫左個黑武骨豚角，味道都濃，而且豚角好入味又鬆化，果然好味，另外男友個拉麵係赤武骨叉燒，冇想像中咁辣，叉燒偏瘦，都ok，不過始終都係黑武骨好味!!!另外我地仲叫多3個小食，有吉列沙甸魚、胡麻菠菜沙律、烏賊海苔天婦羅，吉列沙甸魚我覺得幾特別，因為平食既都係茄汁沙甸魚，好少有吉列版本，所以3個之中我最中意，另外胡麻菠菜沙律最好味既係胡麻汁，最後烏賊海苔天婦羅算係我最失望既食物，因為同menu個樣唔同，但味道都幾新鮮特別。

我同老婆去到，本來想食別府，點知佢到落緊場，咁就谷住食其他，咁岩見到呢間野就試下佢，門口有個牌，睇左陣，都知道唔對路，點解咁小野食又咁貴？？d餸點解得豬？，，，唔信邪就入去試一試啦，我地叫左，赤武骨同咖喱骨上菜時，第一時間試湯底，一般中既一般，悲劇，味道唔夠重，淡而無味，咖喱果個就好似搵包咖喱粉求其整成湯，味道古怪，d麵就比油麵痴牙點，d蔥多到喊，隻egg唔想提，其後叫餃子，比目魚，餃子正常，比目魚第一口，爆香！正，其後好漏，因為油！總結，選擇小，味道差，價值貴Ps本人食好食野貴貴都唔怕。

開張都有一段時間，一直都無去過，等個熱潮散去先，前排終於都要單挑武藏喇…武骨湯分為…黑…白…赤，我們要了白色 (原味) - 豬骨湯黑色 (蒜香味) - 特制發酵洋葱、蒜头等香料炒成麵條軟硬不適中，口感麻麻，湯底有些咸，但香味濃郁，整體一般，無驚喜的拉麵。

初開張時, 非常多人, 所以一直也沒有試~近來等候的人好像少了, 剛好又想不到吃甚麼, 就順理成章到這裡試試拉麵~每碗只有一片叉燒, 略嫌少, 而且不夠鬆化, 沒有入口即溶的感覺~拉麵不算十分出色, 略嫌普通~唯一可取, 就是每碗都有溏心蛋, 不用額外再加錢叫~價錢並不便宜~ 同樣的價錢我寧可選擇一風堂~

星期四夜晚放工，自己一個人係屯門搵食，是日天氣超凍+落雨，想食熱野，最後就選擇黎食碗熱騰騰拉麵，雖然價錢不算便宜，但勝在香味吸引同熱騰騰，所以都試食一次，order左黑武骨叉燒拉麵，成碗都係黑色，叉燒較瘦，但不難咬，蛋是例牌糖心蛋，但係只得半隻，有喲失望，麵唔太多岩岩好夠食，至於個湯底好油，但又好好味，因為好濃郁，唔似平時食麵湯底，平日食麵多數係配料有味湯冇味，今次調轉，湯有味而配料味淡，如果價錢再平喲，我一定會成日食!!!

是日做完功課，想食好少少男朋友又一路想試呢間，就決定左食呢間見menu無咩野揀就叫兩個白武骨拉麵一來見到好多蔥,已經知有d問題一食就, d 蔥好生，好苦肉就無咩味, 但個湯好濃，都ok 如果無蔥，可能碗麵會好食d餃子就一般般service....就唔太好上菜唔係咪d碗太重，上菜時會"bang bang"聲整體來講，真係唔會再食