麺屋武蔵 (已結業)

屯門好似開左好多日本食肆，但講到拉麵店又好似唔係好多!如果要食好食既拉麵又要出到尖沙咀或銅鑼灣!好遠呀!所以，屯市既武骨就特出啦~!開左差唔多一年，食過幾次，水準都係咁好!!今次試翻佢最出名既黑武骨豚角拉麵同炸雞(信用卡優惠送嫁)，整體唔錯!首先，黑湯低(炒過既長蔥及黑蒜!即係重口味!)味香，質地濃厚及滑口!麵條既質地都偏硬，而果條豚肉雖然偏瘦但一D都唔”鞋”，份量夠大。所以加上炸雞食完好FULL呀!(其實有時食好多好食既拉麵店唔知點解D麵都好似唔係好多咁既?)總之，我大力推介黑武骨豚角拉麵啦!!!!而炸雞，就係呢排睇韓劇睇得多!去到邊一見到有就忍唔住ORDER左!但佢完完全全俾到驚喜我!!炸得岩岩好!啖啖肉，又唔會有油利感!!!正!相信我日後一想食拉麵就一定會諗起武骨~~~

未曾食過咁差既拉麵！！！叫左個期間限定既二刀流拉麵，個湯好似人參湯咁，肉就得個咸字！！！唔值呢個值錢。。。小食試左個牛肉年糕卷。。都係咸。。牛肉就燶哂！！！結論：好睇唔好食

之前與男朋友係APM武藏麵屋食過一次，雖然覺得很好食但係太多人,環境比較嘈位置也比較迫，今次係因為見客關係黎到屯門,見完客都已經係9點了，正當想著吃什麼的時候，記得屯門都有武藏麵屋，所以決定去試下跟可能已過了黃金時段 ，場內人數少了很多環境: 地方十分寬躺，黑配紅的型格佈置，燈光柔和，感覺很舒服黑武骨豚角拉麵: 拉麵麵質幾好，都幾彈牙，豚角肉質都炆得幾淋, ,豚骨湯底加上用肉蔥製成的黑蒜油，湯味濃郁並不會太咸,配料是菠菜，大蔥和一大片紫菜。赤武骨义燒拉麵: 豚骨湯底再加上辣油，令湯底質感黏稠會漿住匙羹，湯既味濃郁但咸了點，义燒整得不錯都得幾淋身，配料是菠菜，大蔥和一大片紫菜。溏心鹵蛋: 蛋黃凝固在蛋白上，賣相不錯，但鹵蛋既味道很淡。小食: 明太子青椒燒，味道一般，青椒帶有微辣。小食:: 牛肉年糕卷，味道很好，肉汁滲入年糕很美味。優惠: 以半價購買飲品價錢；大型商場內算是合理

星期六晚同男朋友撐枱腳, 去左屯門武骨食拉麵, 晚飯時段要等位,好彩佢地地方夠哂大, 唔洗等好耐就有位, 平時多數坐出面,今次第一次坐裡面卡位, 坐位唔夠出面咁闊落, 室內環境都唔錯,唔係太嘈可以密密斟, 岩哂我地二人世界 今日我選了黑武骨拉麵,男朋友選了赤武骨拉麵, 大約等了15分鐘,兩碗拉麵一齊送到,唔會因為黃金時間要等耐左, 高效率 ~拉麵: 仍舊保持煙靭彈牙 黑武骨: 豚骨湯底加入秘製黑蒜油比其他湯底更香濃美味, 係我男朋最喜歡吃的赤武骨: 豚骨湯底加入秘辣油湯底更野味,係我最喜歡吃的  豚角: 好似五花腩肉, 煮得十分淋身, 口感肥而不膩叉燒: 肉質不肥, 肉味濃, 有咀嚼感配料: 略為簡單, 糖心蛋唔夠味

點了一客餃子、一客黑武骨沾麵和兩杯啤酒。餃子皮薄飽滿，煎得剛好。餡料辛香(是白胡椒吧)，肉汁均勻。沾麵的麵質柔韌，醬汁濃郁幼細。沒有感到人工添加的味道。總體而言，食物的味道自然不造作。然而，重口味者應該略嫌义燒的味道不夠。另外，該店服務令人滿意。店員誠懇而沒有帶來壓迫感。物有所值。

同朋友食飯只係想搵個安靜地方, 坐下, 傾下計,對食本身無咩要求見間餐廳幾靜, 又坐得舒服, 就入去試下 點知中伏!!!我點一個牛拉面, 朋友點一個叉燒拉面面一上台已經唔對路, 兩個拉面都有成層油唔係講笑, 真係一層3MM厚既油牛拉面有兩舊肥牛,肥糕多過肉叉燒拉面有兩塊叉燒, 朋友不予置評食左兩啖, 啖啖油, 吞落肚, 喉嚨都係油頂唔順,於是好聲好氣問職員點解咁油佢話用豬骨煲, D油係骨膠原(骨膠原?)我問可唔可以比D無咁油既湯比我溝到無咁油佢當堂黑面, 話D面正常, 加湯要加錢仲好串咁話:我地D湯全部都有油咖喎吓?原來拉面有一層油係正常?我當堂比佢串到收皮其實我同朋友都珍惜食物, 次次都唔會食剩隔硬食多兩啖, 真係食油多過食面終於放棄, 碗面剩九成埋單兩個人大約170除左一層油同兩塊肉,我食過咩?服務又差所以我一毫子TIPS 都唔比走個時, 個職員仲眼超超我係11/11星期一下午五點半去食大家留個參考我唔會再去依間餐廳講完

 剛剛搬返入黎屯門, 發現屯門已經變左好多, 係時候約返D舊朋友聚下,星期四約左相識十幾年既舊同學係屯門食下午, 我地仲各自帶埋小朋友出黎,到左屯門市廣場,佢問我想食咩,其實我無所謂,最緊要坐得舒服,有BB櫈,佢就帶左我去哩間麵屋武骨,有條電梯直接上到黎,好方便,哩度地方好大,坐位有好多,唔怕要等位,服務員示意我地坐室內,方便照顧小朋友,真細心^^仲問我地小朋友係咪飲水,大人飲茶, 又安排左BB櫈,服務真一流,未食佢D野個心都甜左先^^因為我未食過哩間拉麵唔知食咩好,所以由朋友介紹及點餐,食物好快就到,服務員避開小朋友坐位將食物安全放到檯, 跟住又多給我地2套餐具給小朋友,真係好想比個獎牌佢,真係酒店式服務 ~小食: 胡麻菠菜沙律 :個汁調較得好好味,兩個小朋友都好中意食拉麵: 赤武骨叉燒拉麵因為係辣湯底,我又唔食辣,所以試唔到個味, 不過我朋友話個湯底好正,唔係落辣椒油,所以一D都唔油, 佢每次黎食都會食哩款.拉麵: 白武骨沾汁麵一碗拉麵一碗汁, 好似廣東撈麵咁, 檯面仲有可愛圖片講解食法,拉麵既麵質很彈牙, 果然係自家製既特別唔同D, 溏心蛋給了小朋友食,小朋友很愛吃, 叉燒肉質炆

周日約左朋友食下午茶,朋友建議去武骨拉麵度食, 貪佢地方夠大,坐得舒服,三點去到唔太多人,平時食慣左白武骨, 雖然好食但已經唔覺有咩特別,決定試新野,見到佢個沾汁麵係日本好似幾受歡迎咁,就決定試下,朋友照舊食豚肉白武骨, 落左order唔夠15min就有得食, 我碗拉麵係唔熱既,但唔係凍到一舊野咁,食落麵質好有彈性, 同放湯既白武骨有d唔同,汁係微熱的,而家食剛好, 而肉就跟之前的一樣水準, 佢本Menu仲有圖教你食法, good!夾起拉麵再沾上汁食, 味道很好,汁既份量可以按自己喜歡,侍應仲話唔夠汁可以叫佢地加, 真係幾貼心,朋友話我食得好滋味, 下次都要試.

約左男朋友喺屯門睇戲, 順便行下街shopping, 係睇戲前先搵家地方食野,我地經過麺屋武蔵, 因為唔係食飯黃金時間,見無人等位, 所以揀左哩間.環境幾好, 地方夠大, 除左有開放式坐位, 也有室內坐位坐低無耐服務員好快就俾左一餐牌及set好餐具, 還問我地要清水/茶, 十分貼心,由於未食過哩間, 所以揀咗最普通既白武骨豚肉片拉麵….而我男朋友就揀左佢地既限定牛肉拉麵.同埋叫左薯仔沙律, 錫燒比自魚串, 燒芝士年糕Order左之後唔洗等好耐食物已經差唔多到齊, 先講白武骨豚肉片拉麵,第一時間梗係要試下個湯, 有好濃郁既豬骨味,就算飲晒都唔覺得口渴,拉麵麵質彈牙,豚肉肥瘦適中, 煮得夠入味又夠淋,整體嚟講幾好~其實一碗既份量都唔少,食埋佢隻溏心蛋, 真係好夠飽.價錢都算合理,,因為質素幾高,,所以覺得幾抵.再來是講限定牛肉拉麵, 都係第一時間試個湯底,湯底比白武骨的更濃郁, 牛肉是牛腩及牛根, 煮得夠淋入哂未, 好正!我覺得佢地既湯底應該無加味精, 飲哂個湯底都唔覺口渴薯仔沙律及燒芝士年糕味道不過不失, 最好味的係錫燒比自魚串,上桌是仍是用錫紙包住的, 要服務員幫忙將錫紙拆開,拆開後內

在附近剪完頭髮已是4:00pm，有點餓，第一時間想去武骨度食，原因係就算是平日，晚市時段實在太多人，我也不喜歡呆呆地等位，所以到現在都未有機會去食，現在時間正好，終於可以去試下，因為時間早既關係，人也不多，也不需等位 ~介紹牌寫著極濃厚豚骨湯底，自家製拉麵 ，應該這就是賣點 ~看了看餐牌，有點意外也有點失望，原來拉麵種類並不多，湯底分三款:白武骨/赤武骨/黑武骨，肉類只有三款: 豚肉片/豚角煮/叉燒，意外的是只有這些款式就引來咁多人食，失望的是還以為會什麼特別菜色，帶著疑問下點了一個白武骨豚肉片拉麵.，食物很快就來了.第一時間試試豚肉，肉味比較清淡，肉質很嫩，可是湯底卻是非常的濃郁，真是很好的配搭，再吃吃拉麵，果然是自家製的好，麵質十分彈牙，還帶有少少蛋味，最後是糖心蛋，蛋白偏甜，蛋汁很有蛋味，因為湯底很好味，整碗湯都差不多給我飲哂，但一點都不覺口渴，應該沒加味精，整碗拉麵既份量也剛好，下次還會來~

星期四放假，獨自去屯門市廣場行街，行到有點肚餓，開始邊行邊搵野食，行過武骨比佢個廣告牌裡面碗麵吸引左，我見價錢唔貴，又未試過這間，一於入去試下，可能時間太早(6:00pm)，無咩人唔洗等，加上佢個鋪都幾大間，設有室內同埋開放式，估計就算人多都唔洗等好耐，服務員示意我入室內，但我不太喜歡燈光較暗既地方，最後我揀左去開放式.我隨即點了這碗牛拉麵，唔洗等好耐，我的晚餐到了，香濃既豬骨湯底，一點都不覺膩，很岩我口味，麵是粗身的，質地好彈牙，牛肉既肉汁味濃，質地淋身不痴牙，配菜是煮至入味既蘿白，最令我欣賞係佢隻糖心卥蛋，蛋白帶點甜味,蛋汁成果凍狀，入口很有蛋味，更讚既係蛋汁一點都沒有蛋腥味，真想食多一隻糖心卥蛋 ! 值得下次再幫襯 ~

老公是拉麵痴, 在日本總是要橫掃拉麵店才罷休所以, 偶爾總要陪他去吃拉麵, 即使質素實不能與日本相比在屯門只有此店、黑福多、築地、鳥華(V CITY)可選個人認為這是稍好的一間這次老公點了白武骨厚豚肉,老公覺得是一般水準, 豚肉腌得入味, 可能因選了厚豚肉, 鬆軟和較有口感我點了限量的厚豚肉沾麵端上一碗沾麵汁, 與豚肉、麵分上沾汁能熱一點更好, 麵則爽身, 粗身的麵亦很能掛湯沾汁味道濃重, 別人可能吃不慣的, 個人覺得味道不錯不過, 吃完後叫店員加湯進沾汁這做法不敢恭維, 那"湯"一點也不好喝, 還是保留沾汁好了這兒的特式飲品最好不要點, 都是罐裝飲品, 而且不便宜點了炭酸柑橘汁, 來的是吉之島十多元的貨色, 但索價35元

星期六行完街同媽咪食個LUNCH，見未試過呢間就儘管一試。坐左係出面既位，冷氣唔多夠，未食已經覺熱。媽咪叫左黑武骨叉燒拉麵，一上枱真係好黑呀，仲杰達達咁款。攪兩攪啲黑蒜油溶番，仲好香，但就油左啲。得一大塊叉燒同糖心蛋。叉燒OK，唔會太韌。但隻蛋一啲都唔糖心，個蛋黃仲好實。我叫左蕃茄豚肉拉麵，蕃茄味好濃，係用新鮮蕃茄煮，唔係用茄膏。蛋一樣係太熟，豚肉有2塊好淋幾好味。仲有舊薯容，但唔知點食好，攪爛佢定成舊食呢? 不過薯蓉唔夠滑，有啲"鞋口":。個名好好聽，但其實姐係炸白飯魚。份量得好少，仲好厚粉，又無咩味。街邊買果啲惹味好多。

話說今日同阿媽兩個人食lunch, 見呢間未試過，喺出面睇下餐牌，d拉麵ge樣好似ok，咁咪入去試下lor點知中伏……我地叫左三樣野，赤豚角煮拉麵，黑叉燒拉麵同牛油果雞肉沙律，先來的是牛油果雞肉沙律，mix左幾下，發現冇牛油果亦冇雞肉，我地即刻同侍應講，佢話落漏左，即刻拎走加返俾我地，之後佢拎返碟野返黎話放左喺底，我同阿媽唯有再mix下佢，真係有，得4，5粒細過手指尾頭ge牛油果同雞肉！！ fine, 39蚊, 可能真係唔可以expect too much跟住同碗麵（兩碗都72蚊）麵條一般，冇特別，但同日本仲差好遠lor.. (而且唔平！！）至於湯底，赤湯話辣ge，但食落一d都唔辣黑蒜油勉強可以，但偏油…叉燒得一塊，人地日本邊有咁孤寒呀，同樣價錢，起碼三四塊啦與理想差最遠ge係豚角煮，肥肉同瘦肉比例差不多，即係有一半唔使食呢餐加埋一201.3, 學阿媽話齋，下次貼埋錢都唔會去lor~勸喻各位唔好做傻事！！

早排小儀同金剛嘅節目，相信好多人都睇過，上次介紹屯門，份外留意，其中有個爆炸糖拉麵，金剛繪形繪色，話好有特色，又話爆炸糖中和了拉麵的辣味…………睇完電視介紹加上佢地7情上面嘅表情，雖然朋友不斷話純粹gimmick ,不過我都唔理3721走去試菜。搵左成本menu,都搵唔到咩爆炸拉麵，問下侍應，原來佢原名叫“雷神”，仲要係另外有張leaflet 介紹，不過都幾貴$88，一場黎到，都要試下既……………………拉麵上枱了，另外旁邊有間未開嘅爆炸糖，侍應提醒如何食出好味。我地都開始，打開爆炸糖，落哂去啲湯度，聽到呯呯啪啪的聲音，食一口，平平無期的拉麵，呷一口湯，冇辣味，只有味精湯的味道。失望，朋友說得對，gimmick 包爆炸糖似係廚師唔洗落糖，我地幫佢加咁，其實對成碗麵無幫助架唔假如唔係期待個爆炸糖嘅出色表現，咁都可以一試既。