麺屋こころ (軒尼詩道)

营业中

休息中

早幾日經開灣仔見到呢間新開由日本黎嘅拉麵店所以去試下。果然冇失望，D拉麵稍固い，D汁算濃濃的好味道，加埋隻生鷄蛋令D麵更滑！我叫左最貴嗰款，乜餸都試齊，全部撈埋幾正，D叉燒反而有D硬我麻麻。份量方面女仔食M就ok，男仔應該唔夠。.

Kokoro Tokyo Mazesoba #朋友聚餐之選日本拉麵沾麵就食得多，但係撈麵就唔係間間都有啦。呢間落足料，食完麵仲可以免費添白飯，又係另外一種風味！🇯🇵細食啲嘅人可以揀middle size，咁就唔驚太多食唔晒啦😊佢仲有分四步曲~Step 1:篤爆個蛋黃，撈勻啲醬汁🍳Step 2:食咗三份一之後再加黑胡椒Step 3:食咗三份二之後再加少少醋我Step 4:各位大食怪係時候加飯啦🤭Must try✨1️⃣ 正宗全料東京拉麵 (M) $992️⃣ 明太子忌廉撈麵 (M) $89📍Shop 1C, G/F, 68 Hennessy Rd, Wanchai

My third time trying this mazesoba but this time at the restaurant instead of takeaway! Made the world of difference! Ordered the mentaiko cream mazesoba (L) size for lunch and it did not disappoint! The sauce was flavourful and not overly creamy, lots of mentaiko on top of a bed of bouncy noodles and delicious large cubes of fatty char siu. As the mentaiko one is extra creamy they give you a special vinegar on top of the normal one that is stronger to cut the richness of the mazesoba. Like any

拉麵同沾麵就食得多，日式撈麵就真係未試過。原來有一間日本連鎖撈麵店開咗嚟香港。口味方面，一共有8款撈麵同1款雞白湯拉麵。每款撈麵都有分M同L size：🥢正宗全料東京撈麵 $99 (m)🥢明太子忌廉撈麵 $89 (m)-全料撈麵配料多，包括蛋黃、溏心蛋、日式叉燒、肉燥、紫菜、蔥、筍、蒜等。味道豐富，帶少少辣。至於明太子忌廉撈麵，雖然無咗3大塊紫菜，但就多咗叉燒同明太子。味道濃厚，蒜味出。-跟埋佢推介嘅幾款食法：1. 原味2. 加黑胡椒3. 加海帶醋（明太子款會有另一隻黑醋）4. 加白飯（白飯用豉油碟裝，唔會好多，啱啱好撈埋剩低嘅汁同配料）

☞ 最近喺灣仔嘅呢間日式撈麵店都幾出名，最特別嘅就係原來佢一個撈麵可以有四個食法🤩☞ 首先可以將配料全部撈勻咁食，食咗三分一之後就可以加入黑胡椒😆再之後可以加埋佢哋嘅秘製香醋，最尾仲可以免費加白飯變成肉燥飯😍🍴正宗全料東京撈麵（$99）❖ 第一次嚟幾建議試吓呢個撈麵，佢包咗肉燥、荀、溏心蛋、生蛋黃、叉燒、紫菜等等配料，啱晒選擇困難嘅人😂❖ 因為肉燥份量好多，所有配料撈埋一齊好夠味，絕對唔會乾身👍🏻🍴明太子忌廉撈麵（$89）❖ 鍾意明太子嘅可以一試呢個，每一啖都好重明太子香味，呢款加完黑胡椒同醋之後，係三款入面最好食🤤🤤🍴 柚子鹽味撈麵(冷）（$59）❖ 呢個好似係menu入面唯一一個凍食嘅撈麵，啱晒呢排咁熱嘅天氣🫠佢味道相對之前兩款就會淡咗啲，但我覺得佢加完醋都幾好食，好開胃😆

源自名古屋既撈撈撈撈麵🥢係日本開到黎香港啦🍜對佢有好高既期望正宗全料東京撈麵 L HKD109✨明太子忌廉撈麵 L HKD99✨兩個撈麵我比較中意食明太子的😋雖然材料上全料豐富啲但食落口既層次感同埋新鮮感就明太子略勝啦🤙🏻全料既味道再重口味啲！！但味道唔算好特別兩個都似食緊沾麵魚介湯 只係配搭唔同一粒一粒既滷肉超肥好邪惡😈重點要讚下佢地既自家製粗身太麵🫶🏻煙靭彈牙 好掛汁💦佢地都知道成碗食完會好單調所以有一套建議食法 令個味道多D變化1. 將碗上有的都撈均食用2. 食左三份一之後就落黑胡椒🧂3. 再食左三份二之後就落佢地既秘製香醋4. 食曬個撈麵可以加個白飯🍚撈勻變成肉燥飯座位安排上比較逼啊不過都推薦大家黎潮聖下 係好食既

呢間開業無耐嘅東京撈麵專門店吸引唔少人慕名而來🌟鍾意食乾麵多過湯麵嘅我一於嚟試下將沾麵變成撈麵嘅特色食法。原來食一碗撈麵都大有學問，撈勻本身嘅醬料之後，可以先食原味，食到咁上下可以加黑胡椒食，再之後就可以加香醋，大食嘅話最後仲可以加個飯，撈勻碗入面嘅醬料食🤣正宗全料東京撈麵乜都有啲嘅版本，叉燒係正方形一粒粒咁，肉質幾腍又入味👍🏻配料有唔少香蔥同紫菜，仲有筍、溏心蛋同溫泉蛋。撈勻之後鹹鹹地又幾惹味，不過食到最後會有啲重口味同口渴嘅感覺😂麵條質感幾好，係似沾麵個種質地，軟硬度適中。我自己幾鐘意加香醋嘅食法，酸酸地可以減低膩感😗😗明太子忌廉撈麵呢款就加咗香港人好❤️嘅明太子，明太子加埋最佳拍檔忌廉，就係好經典想像中嘅味道。撈勻醬汁之後麵條幾creamy，不過味道就無上一款咁有驚喜。餃子餃子味道唔錯，如果煎得再香口啲就更好。海鹽3.7牛乳雪糕🍦可以揀海鹽或白咖啡味，雪糕軟滑帶少許冰感，牛乳嘅奶香味好出，海鹽存在感就較低，當係牛乳雪糕咁食又幾唔錯。人均消費：$130推介指數（10分為滿分）：7.5分

Kokoru係東京過江龍撈麵專門店，粗身麵條係全麥和自家手製，有煙韌感。今次試左唯一冷食既柚子鹽味撈麵，少少酸味既醬汁令人很開胃，亦加入少許柚子皮碎，食起來帶新鮮柚香味，雞肉亦非常滑，配料還有溫泉蛋。

來自東京嘅過江龍，👍🏼依間正宗加盟店由日本資深專業師傅主理💗 主打撈麵～粗身太麵入口好煙韌，再加埋各款配料撈埋一齊食，味道層次好豐富！仲可以按照個人喜好加入黑胡椒及昆布香醋汁💗真係非常香口。🔶Tea Set Combo $59平日3至6PM有好抵食嘅下午茶套餐，包括有：1️⃣東京得奬撈麵 (細) 1碗（可選：原味東京撈麵/鹽味撈麵/柚子鹽味冷撈麵)2️⃣小食 1款(可選：香脆單骨雞翼/炸雞球/餃子）3️⃣烏龍茶我就揀咗「柚子鹽味冷撈麵 」🥳 入面有香蔥、紫菜、生蛋黃⋯仲有大大塊雞胸🥳配埋柚子秘製醬汁，非常清爽開胃，最啱天氣熱熱地食。配埋肉汁豐富嘅餃子🥟滿滿日式風味～🔶北海道3.7新鮮牛乳製雪糕 $36飯後唔少得嘅甜品🥳充滿牛奶香～新鮮可口，香滑又濃郁。

Lunch time和同事滿懷期待前來進餐，點了三碗沾麵、一碗拉麵。可惜落完order等了差不多半個鐘都未有，立即詢問店員，她說幫我們看看，但又無告訴我究竟是否正在跟進。旁邊的食客入座後大概十幾分鐘已經有食物，後來我們再催了幾次，我的同事三碗沾麵於下單後差不多40分鐘才到，而我的拉麵最後足足用了50分鐘才到。本次體驗簡直吃龍肉也無味，非常失望，絕無下次。

東京嘅過江龍殺到黎香港喇🇯🇵係真真正正正牌加盟店！👏Kokoro喺日本被譽為撈麵嘅第一名🥇佢哋呢一度嘅下午茶套餐勁抵食$59就包一個自選撈麵+一個小食同埋一杯烏龍茶😍以港島區嚟計呢一個價錢真心抵！🫶🏻等我同大家嚟到呢一度試食啦！👣💚柚子鹽味撈麵佢哋嘅麵勁有咬口🥰而且佢哋呢一個配搭係配雞胸肉🐓雞胸肉勁軟淋淋 一啲都唔會有乾爭爭嘅感覺🙌🏻而且佢哋嘅柚子鹽味配合度好高🍊淡淡入口都有清香嘅柚子味🤤💚鹽味撈麵口感其實同柚子鹽味撈麵差唔多只不過係冇咗柚子味喺度🙈不過值得稱讚嘅位係佢哋嘅叉燒肉粒超級無敵勁好食😋唔會有太鹹嘅感覺✅份量亦都剛剛好👍🏻*佢哋嘅太面都會加入各款唔同嘅配料配料方面亦都好充足🈵包括肉燥、香蔥、紫菜、辣肉燥、滷肉、生蛋黃等🥰享用嘅途中仲可以按次序依照個人喜好加入唔同嘅調味料🤤例如黑胡椒同埋特製香醋汁💁🏻‍♀️可以令到味道層次更加分明 越食越滋味添啊🫶🏻💚炸雞球雞球反而我覺得冇咁大驚喜或者特別🥟有點兒乾身 不過配合埋醬汁都剛剛好嘅🙂💚餃子餃子反而比較特別👏🏻唔知老闆用咗咩方法令到肉汁可以鎖住喺餃子皮入面🤤餃子反而令到我覺得食得唔夠喉🤪💚北海道3.7牛乳雪糕雪糕有濃濃嘅牛奶味🐮仲有唔同

想吃另類一點的日本菜左ʟᴏᴏᴘ右ʟᴏᴏᴘ 最後到訪灣仔這家日本過江龍拉麵店將台灣的乾拌麵ᴄʀᴏss ᴏᴠᴇʀ日式拉麵🍜成就咗新的產物拉麵沾麵都食過 咁就試吓拌拉麵的滋味😛ᴡᴇᴇᴋᴇɴᴅʟᴜɴᴄʜ ᴛɪᴍᴇ排咗15ᴍɪɴs入得 所有撈麵都可選ᴍ (150ɢ) / ʟ (220ɢ)我哋兩碗都選ʟ · ┈┈┈┈┈┈ · ꕥ · ┈┈┈┈┈┈ · ✨正宗全料東京撈麵 (ʟ) $𝟷𝟶𝟿 ：撈麵有好多配料 一路食一路撈埋肉燥醬汁好惹味 叉燒大件而且多 麵質偏粗 但唔會好硬 彈牙具咬口 ✨𝟸𝟺月成熟芝士撈麵 (ʟ) $𝟷𝟶𝟿：一直掙扎緊呢個定明太子好🔁用上巴馬臣芝士 開頭仲諗住芝士實好溜 但食落反而比想像中耐吃 配料都一樣有叉燒 如果可以有其他肉類選擇更棒😗 · ┈┈┈┈┈┈ · ꕥ · ┈┈┈┈┈┈ · 餐廳有4部曲建議食法我哋跟咗 但係本身兩個麵都好濃味 感覺味道上差異不大 而食到尾啲汁 已經比ᴅ麵索晒 無落到白飯撈了人均💲109 📍Follow my instagram @tr.eatday

沾麵拉麵都食得多 但係日式撈拉都又真係未試過嗰日就去左試呢間唔中嘅日式撈麵😍全料已經撈麵真係超足料有慢煮叉燒、辣肉碎、生雞蛋、紫菜、竹筍等等 撈埋個醬汁 真係超線惹味😋麵條仲好掛汁 口感煙韌又彈牙！

麵係沾麵嗰種，但撈勻之後會變左台灣滷肉飯嘅味，都幾得意🤣醬汁本身帶微辣，枱面亦有辣椒自己加叉燒係角煮，食落其實似係港式燒肉，如果可以加埋炙燒就好🤔但麵有少少鹵水味，同埋以撈麵黎講唔算掛汁🙈送上麵嗰陣staff 會介紹建議食法，幾欣賞佢可以一麵多食幾鐘意加左香醋之後，refreshing 啲至於撈飯，可能因為我剩低太多汁，佢個飯又偏濕，撈勻之後口感我一般🙈餐廳裝修好光亮似cafe style 多過平時嘅拉麵店，坐得好舒服Weekend 1400 都仲有人排隊👏👏

話說這家來自東京的餐廳放在我的口袋名單裡已經有一陣子了拉麵不放湯撈起來食不知道味道怎麼樣呢 🧐🧐🧐其實Kokoro也是在2013年才由日本名廚石川孝在東京創立這裡的拉麵完全沒有湯 簡單來說是像放了拉麵的台式拌麵 🍝聽說廚師也說靈感是源自台灣乾拌麵哦~😮⭐下午茶餐⭐🍽細原味東京拉麵 & 日式煎餃子 & 叉燒迷你丼 & 凍烏龍茶 $78🍽因為我這次是把下午茶當成晚餐在吃怕不夠飽所以再加了額外$19的叉燒迷你丼🤣🤣🤣不然拉麵+小食只需$59哦🤩🤩🤩而且竟然不用加一耶 有驚喜到 ❤❤❤(但店員其實都會幫忙點餐倒水 蠻貼心的)🌟原味東京拉麵 (細)🌟以粗身太麵為底加入肉燥、大蔥、紫菜碎、流心蛋、蒜等等配料拌勻來吃日本餐廳果然很愛制定SOP讓大家跟隨我都有乖乖跟著做🤓試過後有點不明白為什麼要分吃完三分之一和三分之二 😆😆😆感覺愛黑胡椒的人自行加黑胡椒就好了而秘製香醋的話 我覺得一開始就加會更好吃 (有點酸酸的很開胃👍🏻)1️⃣先將溫泉蛋戳破 讓蛋汁慢慢流出2️⃣將配料和醬料全部攪拌均勻 讓每根麵都能均勻的拌上醬汁3️⃣吃完三分一撈麵後加點黑胡椒拌著吃4️⃣吃完三分二撈麵後加小量KOKORO秘製香醋拌著吃5️⃣