麺処一家 (已結業)

近排市道好差啦可能,佢午市8折好抵下, 因為佢係唔錯的拉麵鋪, 又係得3款揀, 同埋麵質算正宗既佢份量合理, 但食完有種想再加麵底的衝動, 因為真係算好好食下, 所以得好少款揀的拉麵鋪, 可能係好拉麵的指標lol

依間拉麵店只有三款拉麵選擇，全部都係豚骨魚介醬油拉麵，分別在於配料係慢煮豬腩肉、火炙豬腩肉抑或兩樣都有，可見拉麵店對自己嘅出品都好有信心咁。嚟到當然就係揀兩樣嘅「料理長推介」都有啦，一次過食晒兩種風格嘅豬腩肉，再加$10配埋溏心蛋。拉麵嘅湯底偏稠，掛湯力強，味道比較濃但又唔會覺得膩，都差不多可以飲晒啲湯。兩款肉比較，火炙豬腩肉肥瘦適中，用火槍炙燒過逼出油香，慢煮豬腩肉就相對普通啲，可能本身期望高，食落唔算話特別腍，所以我就鍾意火炙豬腩肉多啲。

呢間拉麵有三款選擇妹妹推介（慢煮豬肩肉拉麵）弟弟推介（火灸豬腩肉拉麵）同埋店長推介（2隻肉都有哂既拉麵）我叫左店長推介再加左隻糖心蛋同埋味荀湯底非常之濃郁加埋個糖心蛋 一流👍🏼👍🏼肉既部分就正常冇乜特別但佢個湯底絕對會再次去食😉

弟​の​選択(火炙豬腩肉) ​$98呢款配嘅係火炙豬腩肉，肉味香而且油香味足，肉質軟綿🤤🤤只係份量較少。湯底屬於偏清，但係深度足，會俾好高分🥇飲落完全唔會膩口，👦🏻輕鬆飲曬😋麵嘅部分係有彈性嘅幼麵，掛湯度高👍🏻菜嘅部分係炸紫菜碎，有別於其他舖頭，幾有驚喜且多咗一份海味😌糖心蛋係要加$10，但係食完就知一定要加，蛋熟度一流，蛋黃全部流心，少量蛋白半熟，有淡淡醬油香🤤🤤🤤妹​の​選択(慢煮豬肩肉) $98呢款唔同在個肉，豬肩肉相對瘦身，會有咬口啲😋整體分數係香港黎講好高🏆份量雖然偏少，同埋冇其他炸雞、餃子等小食，但就係因為店長淨係想專心做好一碗麵俾客人👏🏻👏🏻唔夠食既嘅男仔可能要加麵，加嘅麵上面都會有豚肉㗎😝😝相信呢間拉麵絕對唔會令鐘意食​豚骨魚介醬油拉麵嘅你失望，真心推薦👍🏻👍🏻

我係拉麵控，行開尖沙咀口痕想食拉麵，揀左呢間主打一湯底醬汁既拉麵店試一試。款色唔多，湯底全部都係「豚骨魚介醬油」湯底，肉配料「火炙豬腩肉」、「慢煮豬肩肉」其他配料要額外加錢。難得黎到，叫個料理長之選擇，一次過試勻兩款肉。🤤再加埋溏心蛋（$108）先試湯底，飲落有豬骨湯，雖然寫濃厚，但豬骨湯味唔會好濃微微飲到魚介既甜，口感唔係太濃稠，唔會太鹹。火炙豬腩肉略嫌燒得唔夠，只燒到中間。食落有脂肪香，唔會柴。慢煮豬肩肉，入口都軟滑，但唔係特別滑，豬香味出溏心蛋，熟左的咁多，個人鐘意偏流心荀爽脆，唔會一忽韌硬一忽軟最後麵既掛湯能力正常，吸水力中底，軟硬適中。 總結：湯底平衡做得唔錯，飲到豬味又有微魚介湯甜，而兩款肉各有特色，略嫌份量太少，至於麵同湯頭既配合，要先講掛湯力並不是一碗拉麵好壞的準則，而是麵要與湯頭配合。拉麵同湯的配搭合適，掛湯力正常。食麵都食到湯味（湯頭唔算濃稠，如嘗試掛湯力高的麵可能更佳）值得一讚既係個「筍」，食落每條爽脆入味。好多拉麵店都會忽略「筍」處理。而一碗拉麵既配料，放得入碗既，每一樣都係主角，能夠每一樣大大小小既配料都用心做好，令所有野融為一體先係一碗好麵。希望該店繼續進步

李小龍曾說過：「我不怕練一萬種招式的人，只怕一種招式練一萬遍的人。」因為做事不在於多，而在於專注、在於精。專注做一件事，花時間把一件事做到「極致」，這就是成功的奧秘。而這個奧秘我在麺処一家 這間拉麵店體驗到！麺処一家 餐牌中只有三款拉麵 ，一，慢煮豬肩肉；二，火炙豬腩肉； 三，慢煮豬肩肉和火炙豬腩肉。湯底是豚骨魚介醬油三合一，濃厚中又有點黏口，但又不會太重油膩感。麵底是幼拉麵，可選硬度。慢煮豬肩肉肉嫩不柴，肥瘦分明，而火炙豬腩肉簡直是極品，以火鎗燒出油，入口即融。再加配多一隻溏心蛋，蛋心恰好，不太稠，不唔會太浠。⋯⋯正！高水準拉麵！

因為有朋友極力推薦呢間拉麵，所以落雨天都拉咗男朋友去試。麺処一家由一位從事洋酒生意嘅香港人開。當年佢去日本尋找好食嘅拉麵，幾經辛苦搵到佢最滿意嘅拉麵店。佢邀請師傳來港開分店，師傅反建議佢學識拉麵然後自己開店。結果呢位香港人花咗幾個月時間來回日本好多次，最終喺香港自己開店做廚。拉麵只有3款：妹妹、弟弟、料理長，全部係濃厚豚骨魚芥湯底（辣湯+$5），分別在於妹妹嘅叉燒係慢煮豬肩肉（２片），弟弟係燒豬腩肉（２片），料理長係兩樣都有（每樣２片）。我同男朋友分別叫咗妹妹同弟弟（溏心蛋+$10），再自製肉量減半嘅翻版料理長：我選咗正常湯，湯底非常濃郁，充滿膠質，鹹度剛好，而且魚芥並唔係好似坊間咁用魚芥粉，所以飲哂啲湯都唔會口渴。男朋友叫咗辣湯，辣度比一般拉麵店嘅要高（不過未去到地獄level），所以侍應落單時都有提一提我地。叉燒上有一抹辣醬，就咁食會好辣，但加埋落個原味湯底度就令味道更豐富。配料有日本筍、生洋蔥、蔥、紫菜。生洋蔥喺拉麵比較少見，但我自己本身都鍾意所以對我嚟講有加分。糖心蛋亦做得唔錯，而且隻蛋都幾大隻。慢煮肩肉（右邊）非常軟滑，肥瘦適中。燒腩肉（左邊）都好食，如果燒得再香口的就更好。

湯底加辣醬係香港難得的出色配搭，有驚喜👍🏼～一定要另加辣醬👍🏼👍🏼👍🏼👍🏼👍🏼🥰🥰🥰🥰🥰🥰😋😋😋😋😋麵質都出色不過，兩款叉燒就不太符合我的口味，但係味道都不錯。食物味道整體係very good👍🏼👍🏼👍🏼👍🏼👍🏼👍🏼👍🏼👍🏼店員服務都很好，又每張枱都有搓手液提供，衞生程度很好。如同其他拉麵店一樣，坐位偏窄，但尚算舒服。值得再返去食多次

政府德政禁晚市堂食，但不是樣樣食品也可外賣。本人認為拉麵就係其中一樣不能外賣的食品。位於黃店林立的厚福街，這家拉麵店一向都要排隊。但武肺第三波殺到，現在人龍也没了。拉麵有2款叉燒可選：妹の選択 - 慢煮豬肩肉、弟の選択 - 火炙豬腩肉。弟の選択 $88豚骨魚介醬油湯底夠鮮甜，濃度恰到好處，不會太鹹。除了烤海苔、竹荀，喜歡它還加了洋蔥碎，令整個湯底味道得清新。 火炙豬腩肉肥瘦比例剛剛好，火炙後油脂更突出，更顯惹味。麵質夠爽，軟硬適中惟溏心蛋不夠溏心。另外試了一塊慢煮豬肩肉（妹の選択），口感偏鞋，還是火炙豬腩肉推介較合我口味。餐廳資料：麺処一家   地址: 尖沙咀厚福街11號地舖電話: 23601212

讚1.湯底濃郁，夠骨香又稠身，同埋唔會有果種好討厭既豬羶味，煮得出色，海苔既海水味帶啲咸香；叉燒一共有兩種，厚肉得黎唔鞋口，夠肥香；拉麵質感爽滑，三樣基本功都做得好2.唔知點解仲有81折，平左唔少

上網見到呢間嘅師傅係香港人喺日本嘅一間小店食到一碗拉麵之後念念不忘 喺多次努力之後 日本師傅決定教佢煮 比佢翻嚟香港創業喺一年間佢每星期都飛日本學藝 翻到嚟日日係咁煮 務求整到最完美嘅拉麵見到一個咁比心機去煮好拉麵嘅人有少少欣賞佢呢種態度 which is 我冇 加上又係黃店 所以決定試下嗰陣仲未禁堂食 所以都排咗一陣好搞笑 餐牌有三款揀分別係 妹妹推介 弟弟推介 同店長推介其實係 慢煮豬肩肉 火炙豬腩肉 同有曬兩款肉嘅分別由於店長貴十蚊($98) 所以我哋決定叫妹妹同弟弟 再交換一塊湯底係豚骨魚介醬油三合一 應該係香港比較少見濃厚得嚟有啲黏口 但又唔會好油膩我呢碗豬肩肉比較瘦同嫩 但朋友嘅豬腩肉又比較香口wuwu溏心蛋要加錢 有9/10分 高水準麵係幼身嗰種 正正常常 掛湯ok鍾意佢落咗紫菜碎instead of 其他舖頭嘅成塊！朋友嗰碗嗌咗辛辣味 比起我呢碗原味香好多 而且真係幾辣下原味雖然冇辣椒粉嘅香氣 但就可以清清楚楚咁品嘗到原汁原味嘅湯底如果好似我咁好想食辣但又想飲到原味湯 可以加錢買碟辣椒醬 個醬都係好好食😂

終於放假，有得去搵野食！想食拉麵，搵黎呢間係厚福街都幾人氣既試試佢！呢間店既拉麵基本上得3個選擇！好易揀！有選擇困難症既我都好快揀到我叫左店長推介$98+糖心蛋$10糖心蛋好味呀！！比個like佢！湯底唔錯！好香濃既魚介味！麵質良好！軟硬度適中。主角「叉燒」超好味！慢煮豬肩肉，食落滑滑的！正火炙豬腩肉，我超鍾意食呢種「叉燒」的！呢度整得好好食！成碗野整體黎講我比90分朋友要左個碗湯底同麵同我個碗一樣，只係少左糖心蛋同埋一款肉$88佢都話幾好食，不過有少少咸咁話喎！下次想食拉麵又多一個地方選擇了

前幾晚同龍難食完串燒，就決定不如去食拉麵做宵夜啦。哩間拉麵平時好多人，臨近就嚟收工嘅時間竟然唔洗排隊非常高興。因為已經食咗嘢，就只係叫咗兩個普通拉麵，入面只有個肉唔同。不過其實佢都係得三款，第三款係有哂兩種肉嘅。兩款拉麵分弟弟同妹妹。弟弟係肥啲嘅燒叉燒，妹妹係瘦啲嘅類似火腿嘅豬肉。我哋都覺得弟弟好食啲。至於湯底就一樣係魚介豚骨醬油，係一種日本好流行嘅湯底，見佢一上枱已經漿住一層薄膜都覺得佢充滿膠質。飲一啖都覺得佢唔算太咸，都幾似日本嘅味道。最出色嘅係佢加咗紫菜碎同荀絲，令佢成個湯底都有層次咗。另外一讚就係佢個麵好彈牙，而溏心蛋都好入味值得加。整體個拉麵都好食。但始終比日本貴啲。雖然我哋兩個都唔算拉麵狂熱者，不過食完飯再食個拉麵真係好有旅行嘅感覺呢。只要有拉麵做宵夜，哪裡都是日本！

見到好多人讚，去過兩次都冇開，昨天終於試到。一睇 menu，只有三款麵同幾種 toppings，冇啲無厘頭綽頭嘢，已經好有好感。揀咗'料理長の選択'，豚骨魚介湯，加咗少量碎洋葱，兩款チャーシュー都好好味 ，配幼麵，成碗嘢好過好多日本過嚟啲 brands。唔明香港啲麵店，不論 local 或日本嘅 brand, 都鍾意搞到個 menu 鬼五馬六，又加埋啲淋嘅炸雞，雪到死晒嘅蟹肉，腥嘅海胆 ..... 唔係好多好似呢間咁認真去搞好一碗麵。仲有 discount. Support. 一定會再去。

又係一個happy Friday night!諗住搵間黃店食晚餐，點知去尖沙咀人勁多，去到本身想食個間餐廳，連walkin都冇位，咁就走返去黃食店集中地－厚福街，心諗亂入去都唔會差得去邊。7點幾左右，好多餐廳都大排長龍，我見麺処一家唔太長龍就跟人排下，反正又未試過，見門面唔錯就開始等。排左半個鐘左右，天氣太熱，焗到差暈低，友人遲遲未到，其實等位算快，啲人唔會逗留太多，回流率高，早就可以入去。平時啲餐廳多數要齊人先入得，友人仲有10分鐘左右先到，我膽粗粗問一位員工可唔可以入住去先，佢一口答應，完全冇為難，咁我就順利入左去等，降溫凍水即刻送上。🌟之後我點餐，女員工見我仲有一位未到，勁細心問係咪上得拉麵，我話可以，佢周圍望一眼，同我講，有圍枱啱啱有6碗麵要整，計落都要10幾分鐘先到我張單，你朋友係咪差唔多到?我話應該係，佢就幫我入單，心諗咁嘅服務態度喺邊度搵💛呢位女員工服務我比100分💛再加上佢見我出哂汗，仲遞盒橡筋問我洗唔洗紮起啲頭髮食麵?會唔會太貼心呀！有時對得多唔好嘅服務業者，呢啲一下半下窩心舉動真係令人記一世!到左食物個part，佢只有一款湯底，完全喺日本人精神個種，一生專注做好一件