麺処一家 (已結業)

依間拉麵店只有三款拉麵選擇，全部都係豚骨魚介醬油拉麵，分別在於配料係慢煮豬腩肉、火炙豬腩肉抑或兩樣都有，可見拉麵店對自己嘅出品都好有信心咁。嚟到當然就係揀兩樣嘅「料理長推介」都有啦，一次過食晒兩種風格嘅豬腩肉，再加$10配埋溏心蛋。拉麵嘅湯底偏稠，掛湯力強，味道比較濃但又唔會覺得膩，都差不多可以飲晒啲湯。兩款肉比較，火炙豬腩肉肥瘦適中，用火槍炙燒過逼出油香，慢煮豬腩肉就相對普通啲，可能本身期望高，食落唔算話特別腍，所以我就鍾意火炙豬腩肉多啲。