麵道 (已結業)

行荃灣突然想食日本野，見呢間新開既新麵，門面都幾有日本風，裡面坐位唔又唔會逼！伊勢海老豚骨湯，我覺得幾特別，我本身都幾喜愛食蝦，蝦味湯底唔會話好濃搶曬d麵味，小小辣都幾惹味！燒餃子係幾出色，皮既厚度剛好！天婦羅無骨雞翼有好多種味揀，我開頭都諗緊食炸蒜定芝士，後尾諗食蒜味香口d！一碟都幾大塊，2個人可以share一碟！靜岡綠茶可樂又幾特別，其我唔多飲凍野，特別係可樂！呢支飲落幾特別，真係有茶味，清清地唔太甜！

本身係見到有個龍蝦湯底比佢吸引，但見到雞湯有得揀濃度，最終捨棄左龍蝦湯底。自己比較喜歡濃味湯底，所以就揀左最濃味。雞湯味道非常濃郁，好香雞味，但咸而不渴， 呢點抵讚而呢碗配料唔係跟叉燒，而係雞肉件，當然仲有流心蛋啦。雞肉好滑，冇冷藏味。另外雞皮有煎香，令到雞件味道更加出。流心蛋好食就梗啦，佢仲要係原隻上添。而特盛份量都多，我自己就唔洗再加替玉。燒餃子佢都有幾款口味揀，我就試左原味。外皮薄，饀料夠。芝士味下次有機會都想試下。飲品叫綠茶可樂，味道幾特別，偏乳酸飲品，未試過既，都可以叫黎試下。

最近時不時都會到荃灣搜尋兒時喜愛的卡通精品，千色匯最近成我血拼的新地點，短短十多分鐘已經收穫豐富！拿住一袋二袋的戰利品，身心確實俱疲，路過一間拉麵店，被門前的人龍吸引我，細看餐牌，覺得價錢食物選擇均合心水，故此一試！內裡環境寬敞，人流相對多但不翳焗。特盛叉燒味玉龍蝦豚骨湯拉麵 - 湯底味道挺濃郁，不太顯渴！拉麵偏幼直，柔軟彈牙之餘掛湯能力也不錯。叉燒厚度剛好，食落富有一股肉油香，加了芝麻粒更易於入口。溏心蛋味道比我想像中出色，流心度不俗，有豐盈的蛋香味！天婦羅無骨雞翼 - 外皮煎得脆卜卜。粉漿不厚，搭配著嫩滑的雞肉，實在會令人不自覺食多左！最重要是雞翼沒有骨，簡直是我們這種懶人之喜訊！綠茶可樂與平時飲的可樂分別不太大，綠茶味道不算太出，不過最後吐出悶氣果下實在大快人心！

麵道是一間主打日本關西囗味拉麵店，餐廳只有三種囗味，愛好拉麵的我們，今天來吃個午餐特盛雞白湯拉麵$88雞白湯為期間限定，雞白湯用上大量雞肉和豚骨煮成，呈奶白色湯頭濃厚稠身，每囗湯頭濃得鮮甜，每囗拉麵能黏著雙唇，非常美味。特盛拉麵包括4塊雞肉叉燒，糖心蛋。叉燒非用上豚肉，而是雞肉造成，大大一片，滑嫩無俾，配合湯底，清甜推介。燒餃子$25餃子可選芝士餡料或純豬肉餡料。可沾燒汁或辛囗辣味噌。餃子以鐵板燒起，有微微薄脆外皮，可囗香脆。餡料不多，但辣味噌惹味好吃，值得一試

臨近新年 又係掃平貨嘅時候行商場途中 見到個a-stand介紹新開拉麵店作為十分為食嘅我 當然唔執輸啦6點半去 唔洗等位 不過爆左半個場拉麵有三款湯底選擇分別係醬油豚骨 海老豚骨同埋雞白湯基於小妹對海老無咩興趣 所以㨂左雞白湯重可以㨂埋麵嘅軟硬度 走唔走䓤等等我㨂左少油濃味嘅雞叉燒溏心蛋拉麵湯底入口超香濃 果然無令人失望重有切到同叉燒一樣size嘅雞肉拉麵嘅靭度非常適中 師父好厲害少不了非常流心嘅溏心蛋最後加左碟燒汁餃子 但其實本身已經夠味點左燒汁反而覺得太咸

同男朋友到荃灣辦年貨，經過千色匯發覺多左好多餐廳，見到呢間麵道裝修好有日本居酒屋風格，決定入去試下！拉麵有3款，今次叫左特盛叉燒糖心蛋醬油豚骨拉面拉麵黎到時店員細心講解枱上既材料，除有前菜供食用外，仲有芝麻和新鮮原粒蒜頭，隨個人喜好可以用樁來磨碎芝麻或者利用蒜蓉器磨蒜,之後放入拉麵中👍🏻麵軟硬度方面擇選左中度，但因掛住玩枱上既配料，令麵變左小小軟，但食落都唔錯😆特盛係有4塊义燒，黑木耳,葱同埋原隻糖心蛋作為配料，再自製大量蒜蓉放入湯食用，湯底唔太油膩, 美味可口！义燒方便輕輕燒過，好香同埋有入口即溶化既感覺，又唔會太肥，正！糖心蛋中間一切開,橙紅色的蛋黃就流出😋流心效果好勁👍🏻叫左個小食芝士餃子，餡內的芝士與豬肉混為一體，餃子皮外的芝士則焗至溶化牽絲，簡直係雙重味覺享受！曾經係日本大熱既綠茶可樂竟然係呢度比我搵到，淡淡既綠茶香配上可樂，令可樂唔會過份甜同埋聽講綠茶可樂係較健康嫁！

話說咁岩想食下日本野，又咁岩行過尼間餐廳，當時時間尚早，排隊的人唔多，見佢環境又唔錯，所以就揀左食佢 - 而且仲要有個大既落地玻璃，夠曬吸引呀😍咁行左成日無點飲野有啲渴，所以坐低二話不說就叫野飲啦，點知.......比我好似發現新大陸咁 ～ 店員👍極力推介👉👉綠茶可樂👈👈試過非常特別，值得一嘗😋😋😋利申：店員服務好好，熱心，體貼！佢介紹有咩好食，講到佢都興高采烈，所以一於試下佢既招牌小食.....芝士餃子！真係唔話得，味道唔錯，芝士足料，我仲不停玩啲芝士😂😂😂拿拿拿....到主食啦，當然唔少得拉麵啦，我點左個，湯底濃郁，麵質適中岩岩好，味道真係一流！😱最重要係....佢可以比你自選湯底濃度、麵質軟硬，非常體貼！😘

我今日去荃灣等朋友收工，就響千色附近行行！見到間日本拉麵外面望入去都幾有日本風味特式！入去到雖然地方唔算大 ，勝在食客坐位之間都有空間感，而在椅下亦可以放袋！檯上有配料，原粒蒜位、前菜青瓜、餃子醬等等！一般食拉麵都可以揀麵質，軟、硬、中間， 湯底淡、中、濃味，仲可以揀埋少油、走蔥、 走木耳。而通常我會揀麵質中間同中味，而可能冬天關係想食小小辣，可以同員工講，都樂意另上比我！濃厚醬油豚骨湯配叉燒溏心蛋，湯味香，而表面都唔會有起油、杰面既情況，麵質真係剛好，肉唔會太多肥肉！我平日去，食左大概$200就有免費泊車2小時，同之後$11半小時 服務！

今日去開荃灣買嘢, 經過千色匯, 見佢翻新過, 咁就入去睇吓. 行吓行吓, 見到一間日式拉麵店. 之前聽朋友介紹入面有一間拉麵幾好食, 所以我就向呢間拉麵出發.呢間拉麵店叫麵道 ( Ramen Dou ) , 好似係新開嘅. 當然呢間餐廳主打係拉麵. 鋪面唔算太大, 有5到6張大枱, 同埋bar枱. 燈光光猛, 擺返全是木制, 環境整潔簡約. 佢每張枱面都會有點餐紙, 一碗麵一張, 好方便.呢間拉麵店只有三款拉麵可以選擇, 有醬油豚骨, 雞白湯同伊勢海老豚骨. 醬油豚骨, 主要由豚骨熬制而成, 濃郁又有口感; 雞白湯, 用大量雞肉同豚骨熬制而成, 濃稠濃厚; 伊勢海老豚骨, 微辣, 用蝦頭同蝦殼再加入豚骨熬制而成, 並加入蝦油同蝦膏融合.因為唔食得辣, 所以我只係叫咗一個主食 " 特盛雞叉燒味玉雞白湯拉麵 " . 佢可以根據個人口去要咩唔要咩,真係好好. 另外小食叫咗一個 " 炸蒜天婦羅無骨雞翼 " , 同埋一支 " 靜岡綠茶可樂 " .先講 " 特盛雞叉燒味玉雞白湯拉麵 " , 佢面頭有一浸油, 而且湯底濃郁, 口感一流. 而佢嘅流心蛋唔夠流, 差唔多好似熟咗8成咁. 另外佢個雞扒真

第一次係千色匯食飯，於是揀左一間唔算好多人排隊嘅麵道試下！果然真係有驚喜喔前菜點了芝士餃子，聽說是招牌菜式之一，果然不是吹噓的，今天試了確實是出色。餃子很滑有汁，唔會蒸到乾晒，而芝士配搭餃子嘅味道都好好，芝士味濃而餃子味則較淡，而芝士又唔會太咸蓋過了餃子嘅鮮咪另外，點了雞湯底的拉麵，餸菜是雞和叉燒。雞湯揀了標準嘅味道，是店員推介的！日本拉麵湯底是靈魂，所以雞湯底應該是有烹調過一段時間，味道濃郁！另外是日式的蛋在拉麵作配菜。主角雞肉是最要讚賞的，雞肉唔會太難咀嚼，非常滑，而且都幾滑呀而且每塊都大大塊嘅⋯⋯真係好抵食呀！飲品就點選了靜崗綠茶可樂，店員極力推介，所以就試了，非常特別的題外話，這裡店員的服務非常貼心

城市中心改名大裝修後開左幾間新食市，其中一間係麵道。睇餐牌湯底有三款揀，其中款係龍蝦豚骨湯。配料要左叉燒同糖心蛋。呢款湯底我自己真係比較少見，就揀左佢黎試試。講下個湯底先，聞落蝦味好香。啲湯味好鮮好濃郁蝦既甘香，但又唔會腥。而舊叉燒都好特別，有烤過既~所以食落肉味比平時更加突出。同埋都好“淋”。仲要隻糖心蛋係原隻上，蛋黃流心超正而我個碗唔知點解仲有兩粒雲吞仔，但我見圖係冇既。不過個雲吞皮都好薄~小食我就叫左炸蒜天婦羅冇骨雞翼，炸蒜超多又香脆~另外隻雞翼都算大隻，天婦羅皮炸都夠脆~雞肉都好滑~呢個推介下次都想試埋其他口味~

每次放假一個人午餐的時候，拉麵絕對是我的首選，簡簡單單的一碗拉麵與小食便能滿足我。最近荃灣千色匯所開業的麵道一直想吃，不過沒有吃的理由，今天就有😂想不到十二時多也蠻多人來吃~麵道拉麵湯頭選擇頗多，有雞湯，豚骨湯與龍蝦湯，愛海鮮的我當然必選龍蝦湯吧🙄加上個人食量蠻多，必然選特盛叉燒糖心蛋龍蝦豚骨湯拉麵~這拉麵叉燒沒多到蓋滿整碗，不過四片叉燒比平時所吃的已算很多~ 叉燒不會太小片，還有點厚度，油花與瘦肉的比例掌握得相當好，吃起來軟嫩不膩口，如果喜歡吃偏瘦肉的朋友必定喜歡。龍蝦湯雖然濃郁但卻不像日本湯頭鹹得難以入口，好喝不膩口，完全是龍蝦的精髓所在發揮出來~ 拉麵所用的幼麵軟硬適中頗有嚼勁，吸滿湯汁的幼麵，接著大口的吸吮入口實在過癮~糖心蛋，木耳，蔥花，餃子，紫菜這些配料雖是拉麵裡的陪襯，但跟主食卻能相輔相成~半熟糖心蛋很完美，很多拉麵店都有糖心蛋蛋黃過熟或是調味不足的窘境，麵道卻沒讓我失望這蛋。芝士餃子一大片芝士整片覆蓋著，拍照時很辛苦，芝士流下來時還吞了一下口水。小巧的鮮肉煎餃搭配芝士實在不得了，趁熱時一下子就吃光光了~當然有綠茶可樂的話我絕對會點😆

近來和友人鐘意周圍食新嘢,今日自己行荃灣見到有間新拉麵店,好光猛,便走進去醫下肚。入面的環境都錯望下餐牌,這裏主要做3款拉麵,和幾款小食。可能集中幾款會更加煮得好味。平時都係叫义燒拉麵,今日試下叫個新嘢,特盛雞叉燒味玉雞白湯拉麵和燒餃子。當等待之際,職員告訴我枱面除了一般調味料外,枱面還有蒜頭和芝麻可以供食客自己磨完放入拉麵中,令到拉麵更加香嘩，特盛雞叉燒味玉雞白湯拉麵嚟到個賣相好吸引,件件雞都好厚身,有好多件,有荀和流心蛋。首先試下啖湯先,一飲之下同豬骨湯好大唔同,好濃的雞味,好鮮。雞肉林身,每件都有附帶有皮,煎到金黃色,和雞肉一起食,更加甘香。而麵質都好彈牙,份量都不少。燒餃子有4件，燒得好金黃,有黑醋和白醋以作調味之用。雖然餡不是太多,但和皮的比例啱啱好,因為是燒,所以沒有肥淋淋的感覺。今次第一次食雞白拉麵,覺得雞肉的鮮味好味,下次會再食。

今日閒逛荃灣 突然想食拉麵😂見有人排隊 莫非是好西？！所以跟風鳥😂😂麵得3大類🤔 經驗話比我知 應該不錯！因為對有吉烈豬排呀 燒雞排拉麵的店 印象麻麻😑雖然3選1 但選擇困難證的我都好難選擇😂😂😂最後選擇了伊勢海老豚骨湯底～～麵我喜歡硬的！拉麵第一習慣！！嚐湯底！！海老即是蝦湯底確是聞落陣陣蝦的香味湯是比較杰身的 唔知係咪因爲咁 麵條比較能夠掛湯义燒夠淋又夠入味木耳夾雜在拉麵中 加添爽爽的口感木耳也是有益食材 感覺良好流心蛋是原粒的大大滿足 一口咬下 蛋黃就緩緩流出小食胡麻露筍估唔到2樣東西這麼夾！！露筍爽膽 麻醬好味 蟹子脆脆抺茶可樂

天氣凍左又想食拉麵，同事話千色匯開左新拉麵店幾好味咁話，是晚放左工行過黎試試先。門口好多人排隊等位，好彩我一位好快就有得坐bar枱。點完麵，睇下枱面先，有好多野喎。有得自己麿芝麻，仲有前菜，係辣黃瓜，酸酸辣辣好惹味。仲叫左個小食胡麻露筍（$18），因為好鍾意食露筍，又好鍾意麻醬，哈哈，呢個好啱口味，露筍爽脆，小小蟹籽更爽口。拉麵叫了雞叉燒糖心蛋雞白湯拉麵（辛+硬麵）（$78），第一次食雞湯，平時食親都係豬骨湯，因為寫住期間限定，有股魔力另人想叫。先試一口雞湯，真係雞味十足，雖然睇落好多雞油，飲落又唔覺喎，味道鮮甜。雞叉燒，雞皮煎得香脆，雞肉札實嫩滑，不錯喎。叫了硬的拉麵，較喜歡有咬口的，麵吸了湯汁很好吃。最後就係至愛的溏心蛋，蛋味香濃，蛋心綿滑，勁正一碗食完大滿足