麵棧 (已結業)

早在它開點不久時, 來這裡吃過一次, 還記得那次吃的是水餃麵, 感覺一般!怎料同事極力推薦, 剛巧我又忘了名字, 去到才知道原來是這裡!既然同事力讚, 就再試一次, 今次不吃餃子, 試試羊肉麵!羊肉麵是餸跟麵分開上!麵雖然細碗了一點, 若食量較大的朋友可能會不夠, 但麵本身不錯, 很有口感!羊肉方面, 幾入味, 煮得亦夠火候, 都算足料!麵店本身都算乾淨, 以一般粉麵店來說是很不錯的了!廿多元的價錢, 會再吃它的羊肉麵!

見咁多人好似好like依間o野咁, 今日就同細佬同媽咪去try o下la.叫咗抺茶白肉麵, 南乳豬手麵, 肉餃麵.抺茶白肉麵都冇抺茶味ge. 肉餃都冇咩特別o者.係南乳豬手麵大大件, d味都ok咁lor.最好係麵條真係好有咬口，其他地方未食過．都可以再去ge,　下次try o下鴨or担担麵la

唔知大家有無自己既comfort food,我諗唔到食咩既時候就會去麵棧食佢既担担面.出面其實有好多唔同既担担面,講真,用料間間差唔多,但係一般比較油膩担担面係麵棧呢到食就一D都無咁既感覺之餘仲覺得易入口,唔會太濃.可能我自己鐘意D清D既食物,麵棧既面有咬口同有麥香之前好多人都提過,我想講既係我食左咁多年(住係附近所以成日去)發覺平時食咁大碗面個胃會好脹,但呢到既無咁既應覺,只係好滿足咁,同埋佢有D酸辣菜放面到一流.睇見好多網友都覺佢地個湯好平淡,但如果個湯係濃豆漿又濃咁D面咪會俾佢搶晒味?同埋佢地好多野食都好濃好多汗,如果覺面淡既可以叫D啊姐加多D汗...除左担担面我推介既係甜酸鴨面同餃子,我唔係特別鐘意食餃,但佢地D餃肉比較少,唔會好heavy,同埋塊皮好滑好薄,唔會chee牙;面甜酸鴨有蘿蔔片,唔錯,但有時太油,所以分開上都好,唔駛食到咁油.之前試過佢地炸魚面都唔錯,啖啖魚肉,好滿足咁.麵棧已經成為我同好多荃灣友既飯堂...哈哈哈.

食左碗"綠茶白肉麵", 家人就食左碗"香蔥豬扒麵"麵既分量都幾適中, D"白肉"其實係豬肉(應該係豬扒肉卦...) 佢切到好薄, D湯唔會好似雲南米線個D咁濃....幾好食... 另外個碗"香蔥豬扒麵", 塊豬扒係炸既, 不過睇落都唔係太肥膩,因為我無試過, 所以唔知好唔好食下次試下先... : )

經食友提起這裡的白肉如何了得，見有時候來試試。老闆已一把年經，但創意倒是無限，不時有新搞作，甜醬鴨胸、南乳豬手數得出多了幾款新菜，附近競爭唔少，這些搞作大概是迫出來的。打算試試甜醬鴨胸，售罄，新上場的點子幾好賣的，老闆娘道。最後叫了南乳豬手麵拼醬冬筍。明知這裡的豬手好極有個譜，但久未吃過，點來純粹為過口癮，打定輸數全部是豬腳，出到來手、腳各半，豬手皮厚夠肉有咬口，但就炆不出膠質感，豬腳就更不要提，又軟又散，不吃也罷，南乳汁亦唔夠味，加多點八角會更香。麵依舊的對版，感覺較上次來得煙韌而軟熟，麥味一般，走的還是口感為主路線，配上醬冬筍，是幾滿足的一餐。後記：這裡還是點舊的菜式穩陣，單論麵的話水準同區而言，是高幾班的。

昨日放假喎, 咪去荃灣行吓law, 去之前search到lee間有咁多個笑笑, 咪去試吓.試咗菜肉絞麵: 好味喎!! d麵彈牙ka! 個菜肉絞,一個字"正", 算多餡ka.值得一試!!I will come back!!

叫食評寫得咁好,於是上個星期同男朋友來試下,叫左一個豬扒麵($22), 麵幾有口感, 唔淋,但豬扒就好一般.另外一個牛脷麵(唔記得幾$), 牛脷幾爽不過星期六日及假期冇下午茶, 結果冇飲品送, 另叫豆漿($5)整體來說,款式唔算多,但味道算ok

太耐無黎....今日又係同上次一樣叫蘿蔔餃麵, 雞絲冷麵加(甜酸鴨), 灼芥蘭同豆漿! 麵水準穩定...估唔到而家唔係芥蘭當造...都灼得岩岩好! 係覺得佢既豆漿麻麻地....所以我就無叫!

菜肉餃+羊肉麵菜肉餃多又新鮮, 肉同菜比例好, 唔會食到太飽, 似係自家製的!正!羊肉就話係秘製, 好好味呀, 似係滷水咁, 其實都唔知係咪汁,但又唔鹹而且好入味, 又唔會遮到羊肉味, 所以食落都有陣陣羶味,晒我呢d 鐘意食羊...哈哈講到d 麵, 就係覺得成間舖最正!麵條有d 硬身...但硬得又淋淋地, 好煙好有口感, 又彈牙wo! 呢d 真係要有經驗師傅人手造先有呢效果ga!湯底都幾清甜無味精.

星期日下晏點幾都ok多位.豬扒麵($22): 豬扒好鬆軟, 好入味, 麵口感都ok. 唔好o既地方係豬扒幾熱氣同埋幾油. 入味o既豬扒配清淡o既湯麵就好match喇!!朋友食菜肉餃湯麵($22), 全個都好清, 餃都唔錯.不過, 冇想像中咁驚喜, 可能期望高得滯; 呢度comment太好或者我地叫o個d未係最出色o既食物啦. 食完之後見到隔離o個間雲南米線勁多人等位, 如果再黎荃灣都想試.

再度響荃灣區搵麵食,決定走去路德圍呢間麵店,因為好多笑臉又有雜誌介紹,最終食左"芹菜餃麵加鮮荀"....味道---認同湯底較清,不過麵質係唔錯既,唔會過淋,而芹菜餃有d咬感,肉又唔多,對怕肥又為食既我黎講,真係清清地既選擇...而且見之前食評對鮮荀有讚亦有彈,決定一試,不過今次好好wor,無"渣"仲好鮮甜,可能來貨好d,而且佢係醬爆過既,所以好入味!環境---下午約2點去到,人唔多,冷氣夠,可以慢慢食,而且幾乾淨同光猛,小店黎講算唔錯啦!價錢同份量---一般麵食$22,加餸$6,以女仔黎講,份量係夠既,不過我屬於大食既一類吧,哈哈,所以一般啦!而且以個人口味同滿足感黎講,都係鍾意之前試過既刀削多d...不過如果經過我應該會再試吧!

睇雜誌介紹, 專登黎食呢度的麵. 我叫左碗東坡肉麵.價錢好合理,d 麵硬左d,個湯好淡,東坡肉幾入味, 唔錯.

我今日食左新荀麵, d荀唔好食呀, 有渣的, 係d麵唔錯.最後食晒d麵, 剩下d渣.

我自問唔係係一食麵既博士,但至少一定係一個大學生...無麵不歡...愛吃之人麵棧係我4,5年前同前女朋友行過路德圍既時候俾個老板既笑容吸引左入去...肥老闆: 入黎試下我手打既山東麵丫就係咁樣我就入去食左第一次既麵棧佢既麵係主要賣點..煙煙un un...7,8成熟既麵係最好既.有朋友話佢個湯底淡..冇味...但係你地有冇食過淨麵丫..個湯底用黃芽白去做..好清香...好夾..味道既見人見至啦.要果要計配料..必食首選次序如下係菜餃-->筍-->東坡肉-->白肉-->生根冬菇-->豬扒,雞翼...等等個胃尚可容納多一點既..要試埋佢既煎餃..但係,..有點不足既係佢既飲品未夠完善. 近幾年我放左麵棧係我到荃灣必食既食店..可是我住上水的呀ccc..如果係欣賞麵既朋友...絕對要一試,食完會有滿足感^^!如果不喜歡麵既朋友可能會覺得此店好普通亦正常....

睇咁多人話好食~琴晚同男友又走過去~我地叫左1.菜餃麵($23)加酸辣($3)~D餃都幾大隻,一碗有五粒,加埋D酸辣,好辣呀,不過都幾好味GA~佢\個湯底真係比較淡,如果唔加埋D酸辣我諗會差D~2.羊肉麵($27)我就唔食係好食羊GE,不過都食幾左小小,始終都係唔太喜歡果D味,不過男友話幾好食,但係\"漏\"左D~佢\都食唔晒,我見到仲有粒好大GE冬姑,佢\話幾夠味~3.煎餃(可以3隻款都要晒,有蘿蔔,芹菜,9菜~每款2隻)($15)細細地,但係都煎得幾香,芹菜爽爽地,幾得意~不過我覺得蘿蔔最好食~4.豆漿($5)因為太辣,所以要叫埋...淡淡地,好就好在唔係太甜環境奇實都算企理~唔錯GA~