麵棧 (已結業)

老公有節目, 今晚自己煮飯仔- 梹 菜+ 蘿蔔餃, 一打/$26! 佢比民x 貴, 其實後者既水餃更飽滿, 不過唔順路, 返到屋企煮鰦 一半黎食, 梹 菜味道極濃, 我還是喜歡較清淡既蘿蔔餃! 佢以菜為主, 無人民x 咁油! 睇你鍾意食肉定菜多啦!

唔洗多講高水準麵食台呢度d担担麵好香豆辦味一流

和友人分別點了：綠茶白肉麵，菜餃麵，後者朋友說沒有特別。而白肉麵就湯很清，湯好味，整碗麵也很易加分，但今次主角在麵，非常彈牙，不是一般的腍腍山東麵。一個下午，來一客清新怡人的白肉麵，能使人心情放鬆。得閒會再來

這個肥佬來自荃灣路德圍的麵棧，每次經過路德圍，都想下次入內一試老闆手打的山東麵，可是直到昨天才專誠前往一試。店子窗明几淨，尚算整潔。坐下點了一個下午茶餐，包括任何一款細碗麵食及豆漿，索價18個大洋。聽聞這裡的炸醬麵做得不錯，便叫了試試。豆漿淡淡的，一般麵店貨色。麵來了，一看，份量並不如想像般少，足夠一般女士當午餐吃。先喝一口附上的清湯，略鹹，是一般味精湯。到主角了。乾撈麵，拌料簡單，只有肉醬、芽菜和蔥花。先不拌醬，吃一口淨麵，麵條是白麵，麵身呈方形，口感滑溜，略帶煙韌，同區很少吃到這樣好的。試一下炸醬，甜而不辣，油潤香口，肉看得出是手剁的，和我在中環王府吃過的有點相似。加一湯匙上湯進碗，由近碗底的麵開始拌勻，使麵和醬充分混和，嗦嚕嗦嚕，瞬間便把整碗麵掃光。再細看餐牌，麵食選擇甚多，招牌菜有肥佬炸醬麵、綠茶白肉麵（白肉是豬頸肉，綠茶是指做豬頸肉時泡過綠茶，以減輕油膩，而不是指用綠茶作湯底）、秘製羊肉麵、甜酸鴨麵、東坡肉麵等，另外見到餃子除常見的菜餃外，尚有蘿蔔餃及芹菜餃可選，心想下次有機會要逐樣試他一試。離開前聽到有客人點了餃子茶餐還叫加，原來所有麵食的料都可獨立另加（如只叫綠茶白肉、甜

第一次來，發誓下一次不要辣。第二次來，竟信守諾言沒要辣。「秘製羊肉麵」的麵、料分上；跟海南東山羊相似- 骨碎，但柱侯、腐乳十足，化骨而入味；教人津津樂道的，是塊縮哂既冬菇，同撈完汁食既麵。山東麵跟其他麵不同：如果要求它如四海魚旦咁彈，或者北方拉麵咁柔韌之類，根本是強人所難- 它沒怎的手拉、竹昇大法，只用高筋麵粉發酵。不過，如果有個食客，其實已記不起上趟子吃過甚麼麵，只記得是在未裝修以前，只記得吃畢放滿酸辣菜的麵後，只有「五官痲痺」和「感激流涕」的份兒…但該位食客仍覺得，上次的麵是比較彈牙同好食的話，似乎「水準下降」是個不爭的事實。另，麵湯用過豬骨同雞骨熬，並「加料」研製。下一次來，還是再挑戰其辣罷。

沒去麵棧都起碼3個月了, 昨天4月25日去了, 發覺廚房的2個人都換了, 可能調到了新的分店吧..它的麵質感變了, 沒從前那麼好. 以前吃完還想吃, 但今天吃剩約4口便不想吃了, 難道是我的口味變了, 還是它的水準下降了. 此外, 湯底也沒那麼甜了, 而且吃後比從前更口渴..但是, 它的菜餃都幾好..希望日後它的麵可以回復以前水準..

其實這裡一點都唔偏僻，呢度出名多米線舖，只係我自己唔知街名，無意中行過先知原來係呢度...2個人叫左2個面+1個小食，我就叫左麻辣雞塊米線，佢就叫左個東坡肉面+蒜泥白肉，我同佢講呢度d白肉好出名，不過我自己就唔食呢d咁肥既肉，但由於好奇，我都試左一塊白肉，其實真係幾肥，有一半係肉，一半係肥糕，不過味道其實唔差既...我自己碗麻辣雞塊面就有D意外，唔係唔好食，不過佢既麻辣都我食開既唔同，佢個汁係好似咖喱咁既色，都幾辣，但就唔係麻辣個隻味，都幾油，D雞都幾入味！值得一讚係: 佢既環境係面店黎講都算幾乾淨

奴隸獸因為好乖，主人帶我去荃灣嘉樂冰廳食茶餐，點知門外大排長龍，點算呀！肚子好餓啊！在街上兜來兜去，不知不覺去了此麵店，見到人少少，又想食麵，於是．．．我們點了：綠荼白肉麵　$22.00 　　麵質爽滑彈牙，但D白肉落好多味精。淨菜肉餃$22.00　　　餃子皮OK，菜多肉少，但太多味精。總體來說味道只是一般。

他的湯底好清淡，我男友喜歡呀，如果好似我喜歡食濃味的，可以加酸辣菜，加了便馬上濃味多了。我叫了豬扒面，豬扒很林，還有餃子都好好味。這間面店的面是淡淡的，但慢慢又會喜歡上了。

係旺角上完堂, 搭車返屋企前係度食埋晚餐先! 同老公一人叫左一碗麵, 佢要左醬爆冬荀麵, 我要菜餃(要求只要蘿葡餃)麵, 一碗豆漿, 一碟灼芥蘭, 等緊既時候, 老公問, 食評有好多人讚, 但次次黎都唔full, 何解呢? 同區既雲貴川, 多人彈, 又污嘈, 次次去都好多人, 有無食家可以解答到我呢?本來我好鍾意食荀, 但每次見到佢前面既兩個字- 醬爆, 就驚油, 點知今次黎既時候係兩大片切開, 唔油, 幾乾身, 食落仲幾juicy! 我諗下次會加啦! 我既蘿蔔餃就水準穩定, 好多蘿蔔絲! 芥蘭仲當造, 仲係咁爽甜!P.S. 我覺得呢度既食物清, 地方乾淨, 我鍾意佢多過雲貴!

朋友對麵棧都很有好感, 因此近期都頻頻光顧, 今天中午去到, 照例都是人頭湧湧!吃過幾次羊肉麵, 今次改變一下, 試一下綠茶白肉麵, 其實早就覺得名字都改得很吸引, 主要就是綠茶兩字吸引我嘛!麵很快來了, 綠茶白肉, 應該是豬頸肉, 亦是本人的最愛之一, 當然先試試白肉, 坦白說不感覺到有特別的綠茶味, 雖然貨不對辦, 但白肉可能是「白烚」也說不定, 反而別有一種食味, 可能豬肉算新鮮, 有肉味, 加上豬頸肉本身油份較高, 用「白烚」的方式反而不會太「漏」, 感覺剛剛好, 可以說吃到最原始的肉香, 這些算不算是錯有錯著呢, 還是老闆的匠心獨運就不得而知了!麵質仍是一貫的出色, 白肉份量算多, 清清淡淡的湯底配上原味的白肉, 感覺很清淡, 真的相當不錯!而且索價二十二個大洋, 算是相當超值。環境絕對是說得上窗明几淨, 較很多麵店出色, 白肉麵絕對會成為我在麵棧的首選!!

依間野買點係麵~因為佢老闆做的~但我幾推薦佢個羊肉麵~幾香. . 但係羊肉唔夠林~可以一試

我成日都食依間野, 綠茶白肉麵, 菜肉餃, 雞絲冷麵都幾好食。菜肉餃d餡整得幾碎, 好好味~ d麵個質地好好咬感, 係我既至愛~

尋晚同男朋友食飯, 食來食去都係荃灣區, 因為佢係果頭返工, 就上網睇下open rice的朋友有咩好介紹, 就睇到呢間麵鋪, 就諗住試下啦, 食左介紹既羊肉麵(我男朋友食)佢話好味喎, 我就食左個豬扒麵都ok既, 不過d麵同個湯就好好味係豬扒麻麻, 仲叫左個淨菜肉餃呢個先係正, 皮唔太厚d菜同肉都好新鮮, 正! 比起同區既食市呢間算係幾乾淨, 價錢又係貴, 我會再去!

今日同朋友補祝生日，見到好多人話呢個正~所以想試下~我地叫左每人一個麵同一碟餃子，我叫左東玻肉麵，而我朋友就叫左個鐵板雞塊麵~呢度d 餸無咩特別~但d 麵真係唔錯~個湯好清，d 麵都幾好食~價錢又唔太貴~d餃子都唔錯~皮真係夠薄~不過我覺得唔太夠熱~呢間野湯底真係要讚一讚!