麵棧 (已結業)

麵質不錯，但味精太多，吃完條脷痺哂。餃子煎得不錯，但料少了點。

呢排可能天口熱，諗親去邊度食嘢都係同麵食有關。今日又再次嚟呢度食上海麵，即時令我諗番琴日肥仔周個牛肉麵，好味..^_^上一次食東坡肉加水餃麵，今次斷估都無理由唔試吓佢個招牌炸醬麵啩(因佢哋係打正旗號賣山東麵嘛)，再加一個煎韮菜餃子同豆漿。先嚟餃子，同上一次食嘅餃子一樣，不過今次係煎嘅，餡料有韮菜、冬菇粒及豬肉，細細隻，個底煎得幾金黃，都幾脆口，餡都幾多，不過稍嫌內裏唔夠juicy；豆漿比上次飲嘅差，好淡...炸醬麵嘅麵仍然煙韌，保持水準；附上一大pat淺啡色嘅肉醬及一碗湯。我唔怕味濃，再加上我最喜歡乾撈麵，所以只呷咗一口湯就擺低碗湯。肉醬充滿住微濃嘅芫茜及葱味，食一口，味道頗對味，配合彈牙嘅上海麵，確實有山東嘅風味。但係有少少可惜係配菜竟然只得芽菜而無咗青瓜絲，確實美中不足...總括嚟講，仍然係好食嘅...

昨晚有事去荃灣一趟，經過路德圍的食店，記得看雜誌談過麵棧的老闆為黎生長兄。抱住一試的心情點了兩款麵─麻辣雞塊麵和紅燒牛利麵，另加一杯豆漿，共＄49。先來的凍豆漿，溝水般，淡得很。紅燒牛利麵─牛利切得很薄，大概有8片左右，因為切得太薄，談不上好入味，叫做帶一點點滷水味而已。麻辣雞塊麵─可取之處是湯麵跟雞塊分上。讓汁料不會被湯溝稀。雞塊切得細碎，幸好不帶骨頭。汁料像是咖哩＋花椒/麻椒而成，頗辣，麻辣兩字算是對題了，但雞塊是冷的，而且沒什麼雞味。寫之前，看過前面幾十個食評，發覺幾多人認為麵條煙韌，可能我來得不是時候，昨晚吃的，只是硬，談不上煙韌，實在是令人失望。。湯底，一般清甜，黃芽白等配菜算是新鮮。服務方面，當我們進食途中，亞姐過來清潔桌上的調味盤，實在有點騷擾。。友人說，既然是由黎生亞哥主理的，上過電視，又有知名度，理應不會太差吧，豈料又是另一回事。。

見到好多人話呢間既麵好味，我又同女友去試下，我叫左秘制羊肉麵、女友就叫左綠茶豬頸肉麵加東坡肉。羊肉都幾稔夠入味，兩隻炆冬菇就仲好味添，冬菇又厚又爽口，至於麵質夠彈牙有咬口，果然係零舍唔同。個麵湯都幾清，中和返味道比較重既羊肉。綠茶豬頸肉麵加東坡肉呢，豬頸肉幾好味，不過唔係好覺綠茶味堝，東坡肉我就覺得唔夠肥，但女友話瘦O的仲好冇咁漏。叫左野先見到人地有得叫乾撈麵，成兜羊肉連汁倒落麵度撈來食，好似仲好味添，等我下次又去試下先。

叫左碗"秘製羊肉麵"...好li-ke佢將o的羊肉同麵分開上...事關o的羊肉比較多汁多油...一齊上的話感覺會好"混濁"...羊肉本身冇咩特別...用上一般整羊肉方式製成...而佢又煮得夠腍...都算唔錯!!個麵真係好掂喎...十分彈牙...有咬口...好正!!可以話係我食過咁多麵之中最彈牙o既...湯底就差o的...原本以為佢將o的餸同麵分開上係想"保護"個湯底免受污染...以為個湯底會好勁添...咁的確係冇被污染...但個咁平凡o既湯底就真係襯唔起o的咁正o既麵...希望佢係個湯底度落o的功夫...咁會貼近完美多o的...p.s. o的辣椒油大有驚喜...好夠辣喎...噴哂火咁...勁野!!

昨日下午無飯開，睇過食評知道呢間鋪唔錯，於是專程坐巴士去試吓。荃灣可算係香港數一數二麵鋪集中嘅地區，食評話呢度係區內差不多首屈一指嘅鋪頭，咁就等我嚟會一會佢...一入去間鋪就專登揀一個比較近廚房嘅位嚟坐，可以睇清楚師傅淥麵嘅情况。間鋪嘅侍應及師傅清一色係女人，食麵時旁邊嘅侍應們正努力地包菜肉餃，見到D餡切得好細，包嘅時候又大大堆餡"質"入去，實在太吸引，於是叫咗一碗東坡肉麵加菜肉餃，另加一杯豆漿。豆漿先到，水準普通。跟着麵終於來到，感覺係幾大碗，吃一口麵，感覺頗為煙韌，吃得出係手打嘅，呢度已經要加分la..跟着吃一口東坡肉，十分夠味，肥肉部份入口即化，小店可以食到咁嘅水準，真係無得彈..D菜肉餃就一如之前估計，餡多亦夠大隻，饀嘅調味亦十分和味。埋單大約三十幾，真抵食...可以講係荃灣頭三位最好嘅麵食

見咁多網友話依間好食~今天要到荃灣~當然要去依間試試~我點了羊肉面~果然名不虛傳羊肉同面分開上羊肉十分淋而且好入味~一d都唔蘚~份量有不少冬姑都好好味~係乾冬姑炆制而成~好厚肉又入味至於面~十分爽口彈牙~份量也很多再伴上雪菜,黃芽白~清湯底~非常好吃~友人點了東坡肉面~佢\都覺得幾好食~總結:好吃~份量多~2x蚊碗面價錢合理~地方清潔值得再試~

夏天來了....老公沒有胃口....最好是吃雞絲冷麵加餸(甜酸鴨)加豆漿....! 而我今晚清清地叫了個蘿蔔餃麵走湯....一向也是怕熱辣辣的麵浸在湯中....waitress 幾好人問我會唔會太淡....要唔要加汁...我話唔駛啦...蘿蔔餃- 蘿蔔多過肉最鍾意! 吃完...剛剛好! 題外話...我比較喜歡這裡多過雲貴川...因為後者味道頗濃....喜歡濃味既食家會適合多些!

住荃灣甘耐, 始終都係呢間d 上海麵最好食! 一向叫開白肉綠茶麵, d 白肉爽口, 老婆就鍾意叫菜肉餃麵, 另加酸辣一細碗, (雖然要比$3, 但都幾多下, 如果一條友反而覺得多得滯, 兩個人Share 就差不多), d 菜肉餃菜肉比例剛好! 要提係佢d 自家製辣醬, 我係食得辣之人, 都覺得幾辣下! P.S. : 下面有位食家話冇水供應, 其實你開口問佢, 阿姐都會樂意比杯茶你, 可能學佢話齋, 希望你叫埋佢d 飲哈, 所以呢d 係要扣分地方!

見咁多人讚, 今日去食,叫了冷noodle 和菜餃,覺得noodle ok,手打的, 但菜餃有d 失望, 太實了, 我覺得附近的'海記菜餃' 好食好多好多.另: 冇茶冇水.... 一定要買他的飲品....

與媽子相約在荃灣吃過晚飯才回家, 想起k兄的介紹, 一於來試試. 店子幾簡潔, 坐位亦唔邊迫. 點了k兄推介的冷麵(只有雞絲一款配料), 另點了麵棧擔擔麵.冷麵幾煙靭可口, 而且真的有"冷"的感覺. 除麵質外, 伴麵的醬料亦係其靈魂所在. 這裏的醬由三款材料而成, 有微帶醋味的花生醬, 蘿蔔蓉及自家秘製的醬, 多口問句秘製的成份, 亞姐(老闆娘??)只答有甜醬, 腐乳, 芝麻醬等等. 咸咸甜甜的, 蠻過癮.另以鋪名為名的擔擔麵亦不賴, 肉碎中有炸菜碎, 咸咸辣辣的, 不錯, 但還是較愛花生醬味較重的擔擔麵.連一杯大豆漿, 埋單不用$50. 見不少食客都點羊肉麵, 睇來都要再來試試呢!

地方清潔，麵有咬口，可惜湯底太淡。最喜歡吃炸豬扖麵，炸得剛剛好，不會太乾。

我是一個荃灣人, 所以以前工作沒有那麼忙時, 都喜歡到這兒, 覺得這兒提供的食物也不錯, 我尤其是喜歡那兒的辣椒醬, 很好味的, 因為我絕對是一個無辣不歡的人. 我覺得這兒的服務也不錯, 有一次我好夜去吃了, 成十點幾才去, 而麵店是在十一點關門的, 到我將近吃完時, 整間店只剩下我一人, 但是當時坐在我隔離數錢的老細仍然好好笑容的跟我說慢慢吃, 不用急, 給我的感覺好好啊. 不過我沒有去已經很久了, 不知道現在有沒有加價呢!

湯麵內很多菜...清湯不俗...麻辣雞够味...吃後全身流汗...可惜服務不够熱誠...水都無啊..

昨天去開附近, 見食評幾好, 晚上就專登黎試下~!我要左個菜肉餃子麵, 朋友要了個酸辣肉絲麵, 再叫了一碟三色餃子($15)1) 菜肉餃子麵: 一咬落去, 麵好爽口彈牙, 好好味~~!! 菜肉餃子有好多隻, 好似有六隻, 菜肉好多, 皮又滑, 又係好味~!2) 酸辣肉絲麵: 起初望落去有d似炸菜肉絲麵. 偷了點吃, 酸菜一咬落去先是酸酸地, 之後就覺得好辣!! 其實就幾惹味既, 不過就好辣...食得辣既可以試下~~3) 三色餃子有韮菜豬肉/芹菜/蘿蔔, 侍應姐姐話可以任選一款六隻, 或者三款都要兩隻. 我地就叫左三款試下. 芹菜餃子有好勁既芹菜味, 幾清新, 不過本人不太喜歡芹菜. 蘿蔔餃子好香口, 好似蘿蔔絲酥餅, 好味啊~! 相比之下韮菜豬肉餃子就普通左d, 不過都係有水準既兩個人埋單$66, 抵食呢