麵棧 (已結業)

綠茶是在煮豬頸肉用的, 作用是減少油脂, 不是加在湯的, 既然喜歡濃味, 下次試下肥佬炸醬麵, 俾多個機會佢呀, 我食左約十年來架啦

我試了綠茶白肉麵，少少綠茶味都冇，白肉是豬頸肉，個湯好淡，不太好味。

菜餃($22)菜餃，大大粒，菜多，蒜味重，味道一般。

綠茶白肉麵+ 豆漿($22+5)綠茶，吃不出，可能是綠茶粉，白肉，肥而不膩，但不爽，麵，in-un，雪菜，過鹹，湯，清甜帶鹹。豆漿，一般。

食左雞翼麵同雞絲冷麵雞翼好好味, 好特別既炸法~冷麵d醬都好好食, 又特別d湯係比較清, 可能"濃味人"未必鍾意, 但本人就覺得幾好~ 唔算多味精! d 麵都幾好~

試左炸醬麵加菜餃；炸醬味道麻甘，唔辣；ｄ麵好有嚼頭；菜餃大大粒，但味道頗寡，可能真係菜多肉少的關係；湯清清地，都鮮甜，又唔覺有味精喎；２８蚊，唔平囉，但都OK

我係tsuen wan 人黎ge....得閒都會去食下...以前都ok ga,菜餃唔錯~但我前陣去食,食完好口渴lor~以前都唔係咁ga....雖則都仲係好多菜汁,但係係msg黎ga lor~

第一次試食,食物質素,服務態度,極度十分非常不知所謂.所謂綠茶白肉麵,湯底都唔係咩味,d麵中間尚未熟透就比人食, 菜餃都係.........唉唔好提

我常常去架最愛菜餃加白肉麵菜餃多菜小肉,D白肉又夠味D麵係肥老闆自己打架(因為我常常見佢推D麵粉返黎)另外鐵板雞扒麵都好味煎餃都好食,有芹菜,蘿蔔同韭菜味三款我覺得煎芹菜餃最好食

麵條彈牙, 紅燒牛煮得入味, 加的菜餃亦不錯.整體來說, 食得過. 但絕未到電視吹捧的境界

>綠茶白肉麵$22>>蘿蔔餃/菜肉餃$16(可以跟麵$22)>>>油菜走蠔油加東坡肉汁$8所謂白肉原來係豬頸肉,一碗有8-10塊,每一塊都切到很薄,所以d肉好入味+好淋,不過我就feel唔到有綠茶味,哈哈.菜肉餃麵一碗有4粒,都幾大粒啦^^好好食呀,我同朋友每人各分2粒,食哂都唔覺得漏囉,我諗因為係菜多過肉,而且將餃咬左一半後，d菜汁係咁流出0黎,好fresh>u<///嘻碟菜的叫法好複雜，我叫左幾次個姨姨先明白XDD我問過佢地係得麵賣咋(冇米粉,河粉…)，不過d麵都彈牙0架~飲品得豆漿，$5一大杯，口渴的話可以叫0黎飲，都ok。麵方面,佢地都會有雞翼,豬扒等的餸,麵同料係分開上，碟0野都幾大0架^^

一直都想黎試下上星期六﹐我同阿妹終於去左試啦~我叫左︰白肉綠茶麵阿妹叫左︰菜肉餃麵可能因為期望過高﹐所以﹐一點也不覺得有什麼特別！

成條街度好多間麵店，見到呢的有好多電視、雜誌既報導，有見幾多人係入面食野，所以就走入去試食。叫左兩個麵；雞翼麵&菜肉餃麵。的雞翼好滑好入味，的菜肉餃清清地，好易入口。湯底好清，唔係好覺有味精。豆醬濃淡適中，甜度剛剛好。仲叫左酸菜& 菜心，一般啦~~但係間舖的位太細，唔係咁好坐。Total: $65

打正旗號山東麵,未進門, 印像是濃的,山東大漢嘛, 吃的, 都要濃味吧.點了綠茶白肉麵.很快端上桌,一看, 呷一口湯, 清清的.都怪自己見識少.白肉, 是豬頸肉的質感, 嫩滑, 富肉味.但綠茶呢? 在哪?一點也嚐不出, 奇怪.麵的口感不錯, 是自家製的吧.印像, 還是由實踐而來的, 才妥當.

見雜誌同電視都介紹過呢間麵店, 趁去開荃灣走黎試下. 點左綠茶白肉炸醬麵, 一次過試勻兩款招牌菜. 麵條本身有咬口, 但炸醬就油膩而唔夠香濃, 整體效果我只係覺得普通. 綠茶白肉唔覺有茶味, 係少少咸香咁, 都唔錯. 但試完就算囉, 無乜特別令我想再幫趁.反而服務令我留下較深印象, 首先係入座時無迫我攝入去d卡窿位, 我一個人可以照坐二人檯. 坐低之後, 阿姐見我明顯係生客, 都有講幾句介紹下d款式, 絕無不耐煩之意. 食下食下, 人開始多, 阿姐亦無叫我換位讓張檯出黎(雖然佢出聲既話我都唔介意). 呢d小節令人覺得佢地尊重客人.