麵屋黑岩

营业中

休息中

拉麵味道及擺盤可以但偏咸，配料跟相片不一樣，落單時無講，上左枱問佢先知無曬配料，廚房上比客隻湯匙係爛的，同埋兩個煮麵女子掛住傾計細声講大声笑，椅子上有拉麵碎無人抺😥 汽水吳夠凍同無乜冷氣。

去開深水埗，上網睇下有冇拉麵店好食，搵到黑岩。去到兩點五十幾分，等幾分鐘就可以嗌下午茶份量，我個人就好鐘意食拉麵，不過怕正常份量太多……所以嗌個下午茶份量試下就好。小朋友試左原味叉燒拉麵，湯算厚身有質感，又唔算濃又唔算重味，我個人食得偏濃味，所以覺得好一般，麵質合理，唔會太過軟，叉燒片唔會太肥，入味而軟淋。海老拉麵，食評同上，蝦湯及碗上櫻花蝦亦沒有太大驚喜，只能說合格而已。追加$6大蚊兩小舊炸雞，炸得比較乾身，好普通。溏心蛋好好味，浸得好入味，水準之內。經過好多次，終於入去試下，但我覺得不是我杯茶；我就鐘意食果d乜王物王，個湯要濃要重味，試完仲想加個替玉果d就perfect喇。不過唔知係咪人手問題，下午茶客人較少，師傅都係一個人走出走入（煮完又要出嚟上菜收錢），雖然價錢係好經濟/平，如果食物品質可以做得更好，會有比較大機會再光顧。

海老拉麵🍜$82湯底好正好鮮甜，仲有好多蝦仔，令到個湯底好重蝦味好香濃😝叉燒有燒一燒過，好淋入口即融🤤黑蒜拉麵🍜$82哩個拉麵岩曬重口味之人，一送到嚟有粒黑蒜個面，個湯底杰杰地咁好掛汁🤪Ps: 性價比幾高，同埋唔洗等就入得入面裝修都似日本d拉麵小店🏮個人會推介海老拉麵 個湯底比較鮮甜

天氣開始轉凍，當然要食吓拉麵暖吓啦，黎到深水埗地鐵站附近嘅麵屋黑岩，離遠已經見到門口好日式嘅佈置，木系日式拉麵店嘅裝修，開放式廚房，亦都設有吧枱位，小店唔算好大但座位都夠闊夠舒適👍🏼湯底選擇多，除咗原味嘅豬骨湯底，仲有辛辣、醬酒、黑蒜、海老、鰹魚同蟹肉🙆🏽‍♂️叉燒都可以簡慢煮或火炙，麵底可自選軟硬度，唔中意食葱嘅都可以轉椰菜，拉麵本身都有2塊叉燒，加$20就可以追加紫菜，溏心蛋同叉燒添😋黑蒜拉麵加紫菜，溏心蛋，叉燒漆黑嘅湯底，黑蒜味非常香濃，配料都好多，椰菜，炸蒜，木耳同豬肉碎，簡咗火炙叉燒，厚身燒得十分靚，好有光澤，叉燒肥瘦適中入口即溶🤤溏心蛋好入味，好明顯食到加咗啲酒去醃製，特別得黎都好夾😋蟹肉拉麵加紫菜，溏心蛋，叉燒表面一大個蟹肉球，好足料，湯底都好鮮甜，慢煮一樣入口即溶，比較清淡唔會好似火炙咁重油香👍🏼糖醋魷魚炸到表面香脆，炸粉唔會好厚，魷魚夠煙韌🦑

經過深水埗，睇到黎間店，還不錯吸引我的是這兩個紅燈籠，挺有feel的唔使等位，感覺好好進到去點佐黑椒叉燒拉麵普通硬度的拉麵🍜，我感覺口感適中。黑椒味道挺重的，拉麵🍜都好掛湯，感覺一口麵一口湯，不錯不錯。仲陪有黑木耳like it

今天下班經過這兒，肚子很餓，看見這店舖門面裝修很有日式風味，便入內一試。由於當時是黃昏時間，未到晚市，店內人流不多，空間寬敞。這店採取電子點單，顧客可以透過手機點單，除了可以選擇不同口味的拉麵外，更難得是可以選擇拉麵的軟硬度。我點了一個蟹肉拉麵，因為本人喜歡吃軟身的東西，故此便選了軟身的拉麵，配料可以選擇蔥或椰菜，我選擇了椰菜，並另外加了紫菜。上菜時看見還加了不少黑木耳，份量十足。拉麵湯底很濃郁，拉麵質地很軟，配合大量的黑木耳爽口彈牙。 叉燒雖然只有一塊但是面積非常大而且肉質很嫩滑，入口即溶。蟹肉很鬆軟，少少海水的鹹味，鮮味十足，跟濃郁的湯底形成強大對比。另外我還點了章魚小丸子，木魚花份量很多，小丸子表面很脆，章魚彈牙。

位於深水埗嘅麵屋黑岩💫裝潢以木色作主調🪵滿有日本拉麵店嘅風格🎏拉麵嘅配搭相當個人化👧🏻湯底共有七款選擇🥣豚肉亦可配搭慢煮肩肉或火炙叉燒🐽配菜可選蔥或椰菜🥬麵質軟硬度亦可由食客自行決定🥢相當貼心💕♦ 拉麵 ♦🔸黑蒜拉麵（$82）追加溏心蛋（+$12）黑蒜湯底味道濃郁😍伴以大量炸蒜🧄木耳絲👂🏻蔥花調味🌱拉麵掛湯入味🍜爽口有彈性💋配搭肉質腍嫩🏵入口即溶嘅慢煮肩肉🐖同一咬就流出香濃蛋黃汁嘅溏心蛋🥚令人相當滿足💛🔸蟹肉拉麵（$86）追加火炙叉燒（+$16）豬骨湯湯底清甜醇厚🙆🏻‍♀️濃而不膩👏🏻蟹肉份量相當豐富🦀而且鮮甜味突出😽火炙叉燒肥瘦均勻🐷比慢煮肩肉多了份焦香味🔥配合蔥花同木耳絲等🤠味道同口感都絕不單調❣️♦ 小食 ♦🔸松露燒叉燒（$28）份量十足✨未上枱已聞到松露香🍄叉燒油脂滿滿👍🏻配上大量蔥花💁🏻‍♀️惹味非常😋🔸日式炸餃子（$32/五隻）餃子炸至金黃香脆🥟肉餡豐富多汁🤤蘸上蟹籽沙津醬更為滋味✅♦ 飲品 ♦🔹富士山柚子梳打（$28）以天然富士山水🗻加入富士川町嘅柚子汁製成🍋味道清新酸甜🤩胃口瞬間提升💥🔹靜岡蜜瓜梳打（$28）選用靜岡縣蜜瓜製成嘅梳打水🍈由日本直送🇯🇵味道清爽香甜🎉消濟一流💃🏼

深水埗出名美食多，這次就來試這間地道拉麵店，店舖非常近地鐵站，交通非常方便。店舖裝修也非常具日本特色。蟹肉拉麵蟹肉拉麵不是間間拉麵店也有得品嚐，他的蟹肉鮮甜，但份量不是很多，叉燒看似普通，但吃落很香的黑椒味，非常嘢味。他的湯底不會很鹹，這點我比較喜歡。醬油拉麵醬油拉麵的湯底很香，配搭店內特色的醬油味道，吃落很香濃。加上他的叉燒充滿油香味，咬落肉質像在口腔溶化一樣，出奇好味。煎餃子他的餃子皮脆肉香配上特色的沙律醬，很好味。

無心插柳，喺附近做完嘢，就嚟試下門口好日式睇下餐牌有咩食先拉麵店一向選擇唔多， 不過這一間就有多d唔同湯底選擇。原味,辛辣,醬油,黑蒜,海老,鰹魚蟹肉,仲有一款啱。時間尚早，未有咩人，內裏乾淨企理坐低就QR code落單蟹肉拉麵厚切叉燒，配上絲絲蟹肉， 拌上椰菜 。湯底鮮香，口感幼滑，味道清甜。 叉燒肉質滑嫩。鰹魚拉麵同蟹肉拉麵一樣用料十足。選擇了炙燒叉燒， 多了一份焦香味。鰹魚湯底， 偏濃及重鹹香味。 愛魚人士的首選。溏心蛋好香，望住蛋黃流出嚟，好療癒。炸蝦餅外層香脆，內裏肉質鮮甜，蝦味濃。

剛巧經過，被店舖外觀吸引了。1. 食物 - 叫了個黑蒜豚肉拉麵，另加煮蘿蔔。一碗豚肉面，上面有一球黑蒜，好可愛，面質可選軟身，適中及偏硬。我選了軟的，吃落有面味而質感軟得來又有彈性，豚肉一大片，湯底濃淡合宜，黑蒜很香。喜歡的還可以選擇加大碼，不過忘了有甚麼，但必定有蛋。小吃選了白蘿蔔，切成丁粒，一口吃，味道清淡易入口，輕輕感受到有鰹魚味湯底釋出，不錯呢！工作人員 - 年輕人招待，有禮貌，衹是說話有點快及不清楚。環境 - 日式小店，感覺舒適，乾淨。眼見不多食客，店舖雖位處大街，四週不是食店，晚上6時多已全關門，若不是落車見到，也不知有間食店。門口既有大燈籠裝飾，建議老闆著燈，好讓遠處也能吸引客人，希望這店生意長好。

辛辣拉麵:濃郁杰身豬骨湯頭、一勺辣味噌半肥瘦肉碎，木耳絲，厚切火炙叉燒。辣味不算強烈，大約譚仔十小辣，反而厚重既豬骨湯頭更出。叉燒被火熗噴燒，焦黑但無苦味，肥瘦相間，入口軟綿。午市套餐配送炸雞，新鮮熱辣，外脆內軟。

放假同Mcdull食晏，經過深水埗，有咩好食呢？唔知點解我第一時間就諗起佢 - 黑岩拉麵其實都好耐冇幫襯，味道係點呢都唔係太記的，印象淨係記得粒溏心蛋同個麵好食。我同Mcdull叫咗兩個午市套餐，包一份小食或汽水，散叫溏心蛋/替玉$8。小食唐揚雞肉☹️炸得over左，鹹，唔好食。芥末薯蓉😐份量太少，得壹個雪糕球size嘅份量，凍食，味道都OK。火灸叉燒黑蒜拉麵+ 溏心蛋 $82+8 🙂Mcdull食第一啖麵就即刻話「好食」，塊叉燒偏肥，但一放落口度肥膏個part溶化，我試咗啖，感覺真係好肥😗你根本唔可以咬咗佢掉咗佢。到食到中段，碗麵開始冇咁熱：Mcdull話「唔好飲啲湯，鹹！」Mcmug說「依啲就係濃而不鹹，正！」Mcdull繼續話「鹹呀！」ummm, 開頭食嘅感覺幾好，但食落食落就會feel到佢啲味濃到一個點，油+鹹。最後會覺得膩。慢煮肩肉辛辣拉麵 + 溏心蛋 $80+8 🙂有啲辣，但我開頭唔覺，塊肉偏瘦，同薄身，Mcdull個塊火灸叉燒好食啲。我叫正常軟硬度嘅麵底，麵底幾好食，軟硬適中，索埋啲湯食，辣辣地感覺都真係幾爽，但真係愈食愈辣/鹹。由於我食得好快，好快就叫左替玉(軟)，點知替

今晚去到深水埗買嘢，經過呢間拉麵舖，叫麵屋黑岩，就決定今晚晚餐食日本拉麵。今晚叫咗個蟹肉拉麵，一上枱蟹肉香味撲鼻。真材實料嘅蟹肉，即使拉麵湯底濃郁，都唔會蓋過蟹肉嘅味道。叉燒肥瘦適中，以少量黑椒令味道更突出。拉麵配菜亦豐富，海苔同椰菜係我今晚嘅選擇。拉麵軟硬適中，再加一隻半熟溏心蛋，令滿足感倍增。小食就揀咗日式豬軟骨，用咗唔少蔥調味，口感一流，仲可以保充大量骨膠原。我特別鍾意拉麵舖入面播嘅日文歌，勾起我唔少童年回憶。

呢幾日天氣開始轉涼，心思思想食返碗熱騰騰嘅拉麵，今晚咁啱嚟到深水埗，就同朋友試咗一間幾有人氣嘅拉麵店。呢度係用QR code自助落單，可以自己慢慢揀想食嘅款式同要求，都幾方便。拉麵款式嘅選擇都唔少，總共有七款。🥢辛辣拉麵（+$20追加紫菜+溏心蛋+叉燒）湯底香濃惹味，又唔會太油膩。辣度剛剛好，唔會食得太辛苦。加$20嘅套餐都幾抵食，即刻變得好豐富。🥢海老拉麵（+$12溏心蛋）湯底同樣濃郁，上面鋪了滿滿的櫻花蝦，賣相非常吸引。慢煮叉燒值得一讚，肉質軟嫩，非常好味。仲有溏心蛋亦煮得非常出色，有少少流心，口感味道都控制得啱啱好。🥢炸餃子🥟平時比較多見係煎餃子，而呢度係用炸嘅。呢個炸餃子幾香口，裏面嘅肉餡鮮嫩美味，配上呢個明太子醬，好好食

深水埗搵食, 食吓拉麵都係唔錯嘅選擇, 這間拉麵店在地鐵站附近, 木器傢俱更顯古樸格調, 小店主打拉麵, 有湯底多款以供選擇。蟹肉拉麵嘅蟹肉份量都唔少, 味道鮮甜, 令湯底更顯濃郁, 义燒完全不覺肥膩, 拉麵煙韌夠彈牙, 掛滿美味濃湯, 椰菜清甜爽脆, 和拉麵很合襯。海老拉麵中櫻花蝦香脆味濃又多份量, 食落口感豐富, 令海老湯底味道更突出, 慢煮肩肉腍滑又入味。配以溏心蛋, 軟滑蛋黃混合拉麵濃湯, 特別滋味。唐揚雞肉即叫即炸, 炸得熱辣香脆, 肉質唔錯, 稍鹹味道點以麵湯又有另一番口感, 用嚟送拉麵都幾合適。