麵屋神匠

营业中

休息中

小店裝修日本風情濃厚，一入門口有好多七彩繽紛嘅燈籠係頭上，好有祭典嘅感覺。🔸濃厚蝦湯拉麵🍜有四款湯拉麵揀，蝦湯拉麵係主打，湯底真係好濃郁，重口人士最愛，蝦嘅鮮味好出。慢煮叉燒好腍，偏清淡唔會搶左個蝦味。🔸神匠蕃茄蝦湯沾麵沾麵店家大推蕃茄蝦湯，而且上菜時仲好貼心，食到半路可以request 再翻熱。沾湯好似茄膏甘傑，麵底係烏龍面好彈牙，掛汁一流。🔸炸日式餃子日式餃子即叫即炸，一咬爆汁入面勁燙嘴，餡料係菜肉餡，都幾滿。一碟4隻share食岩岩好，仲附有餃子醋可以解膩。

冬天食碗熱辣辣既拉麵就最正了🤩🤩🤩 在油麻地轉角位有間好耀眼的拉麵店，掛滿日本燈籠，超亮的！好多客，好人氣😎 即刻入去食碗先！分別叫左湯拉麵同沾麵既招牌🤤..🦀花咲蟹湯拉麵超濃既湯底😍好多蟹肉係面，超鮮甜！加埋兩大片慢煮叉燒、半隻溏心蛋、紫菜、蔥、荀，一切都好完美！慢煮叉燒好好食，好軟腍，就咁食叉燒唔駛點汁都好食！麵條質感好有嚼勁，吸收湯汁好入味！..🦐神匠蕃茄蝦湯沾麵蝦湯沾麵醬超濃厚超稠，感覺蝦湯精華都濃縮哂係裡面，然後將麵條同湯醬撈勻一齊放入口，超香超濃郁，不過真係好飽肚🤣 除左都有以上拉麵所寫下配料之外，仲好特別有一塊法包配羅勒醬，脆卜卜好正，重點係點一點沾麵醬食好有風味..本來一開始仲諗住駛唔駛叫d小食同野飲，點知好在無叫，叫呢兩個招牌已經夠哂！🤣 都真係唔怪得咁多人食！

見佢裝修得幾靚咁 比佢個樣呃左..叫左濃厚蝦湯拉麵同埋濃厚蝦湯沾麵朋友叫左個拉麵 我試左一啖 啲拉麵完全唔掛湯 食落去無乜味朋友都話個湯好淡我就叫左個沾麵個沾麵真係難食到…個湯好傑撻撻 食落去一pat野咁 個口漿住漿住 仲要個湯唔夠熱 食左1/3碗麵 啲湯開始凍 同埋得返勁少湯😓 個蛋係過熟 得中間少少係流心 差唔多食烚蛋咁 但朋友碗拉麵個流心蛋係正常無事成碗沾麵最好食係個多士😓😓間野真係伏伏伏伏過直升機兩舊幾水真係食到一肚氣 未食過咁難食既沾麵嬲得濟食食下忍唔住影左張相

1.濃厚蝦湯拉麵 $128食拉麵一定係要飲個湯底先，湯底嘅蝦味好重，我覺得櫻花蝦同蝦米嘅分別好唔同，櫻花蝦好脆，面就好煙韌，配料就好齊。如果價錢再親民少少就會更好٩(˃̶͈̀௰˂̶͈́)و -2.神匠蕃茄蝦湯沾麵 $128呢碗湯底綜合哂d精華，如果鍾意濃郁嘅朋友可以揀一碗，配料就大同小異，加分就係個法包，冇諗過佢同拉麵食都幾夾，肉質就較粉色，可能係慢煮嘅關係，食落去都幾滑。-環境各方面都唔錯，因為佢個裝飾擺設都幾日式，好似入咗日本啲拉麵店咁樣，其次就係員工嘅態度都幾好，自己就比較推介第二款，比較有特色！

麵屋神匠 (Menya Shinsho）-MK成棟562都好多野食 比個紅藍燈籠🏮吸引左 好有日本feel☺️本來都唔係太好拉麵 🍜HK同日本比真係差得遠但朋友仔鍾意就試下 都有少少fusion菜既feel 🦀️花咲蟹湯拉麵$128荀 ｜蔥 ｜慢煮叉燒 ｜溏心蛋半隻 ｜紫菜 淡淡蟹肉 蟹汁融入湯底 非常濃郁麵質彈牙 材料十足👍🏻🦐神匠蕃茄蝦湯沾麵$128冇諗過食法式麵包配羅勒醬 上菜時總係暖暖的蕃茄櫻蝦湯 每啖都充滿蕃茄味炸日式芝士年糕 $28次次食完糯米粉都會滯一整日 …都不敢吃太多 但呢個年糕軟熟得來 外皮極薄仲唔油膩 入面嘅芝士都好香☺️日式梳打汽水—白桃🍑$26從小到大都不喜歡汽水🥤在沒有其他選擇下揀了一個較保險的300ml 夠我同朋友飲 一人一人杯冇化學味 白桃味好清新 爽！地方不算太大但勝在服務態度超好服務生主動拎個盒 讓客人放低袋下次絕對會再食！😛

時時經過碧街與登打士街中間嘅巷弄，多年來都係以潮舖做主打，某日見到裝修咗無耐嘅舖頭將會開一間拉麵店，感覺新奇有趣，擇日一試。小店地埋位置極便，入到去頭頂掛起好多燈籠，黃色燈光營造溫暖，加上一大幅柴犬壁畫，七彩繽紛好有氣氛。辛辣蝦湯麵 $88有四款湯麵供選擇，第一次幫趁試試其辣味湯底。湯底一開始比想像中淡，攪攪個底後鮮味同辣味出返晒嚟；慢煮叉燒軟腍，麵質彈牙，份量十足。神匠蕃茄蝦湯沾麵 $128比起湯麵，我更喜歡沾麵嘅香濃。沾麵湯底加入蕃茄，蝦鮮味更突出，配料同樣有筍、蔥、溏心蛋、紫菜同慢煮叉燒，麵質較硬身，掛湯力強。本來覺得個法包配羅勒醬格格不入，但原來個pesto係自己打，唔油膩之餘又有香草香，用嚟點沾麵似西餐，有另一番味道幾驚喜，如果多士烘得更脆更好。日式唐揚炸雞 $38一咬開炸雞就有好多肉汁流出，肉質嫩滑，食到薑調味，外脆內軟又唔油，好食。白桃梳打汽水 $26對於汽水不太熱衷，淺嚐了伴侶的一口，食完濃味嘢飲返一啖甜甜的，感覺圓滿。

鬧市之中新開既拉麵店，一個個燈籠🏮掛哂係到實在太吸睛，望多兩望就同男朋友決定今晚個餐就地解決😂。沾麵比拉麵多左塊法包同半隻蛋，我地就一人叫左一個沾麵😂。🍅蕃茄控必點第一次食蕃茄味既沾麵，唔錯，但我個人就鍾意傳統既蝦湯多D，比較日式😌。第一件事就梗係襯熱食塊法包配羅勒醬，多士都幾脆，好香basil味，好似平時食西餐麵包點湯咁，玩fushion野😆。麵條係我喜歡既粗麵，櫻花蝦散發淡淡既蝦味，每條麵條都掛哂汁，好食！叉燒係慢煮，入口極嫩！好欣賞！食得勁乾淨😋，真心推薦👍🏻。食完只係7點出面已經排緊隊，即刻覺得自己去左轉日本咁😆。如果入面播既歌轉埋日文歌應該更有feel🎌。

旺角鬧市區地鋪都有間日式拉麵店裝潢十分日式，就好像身處在日本🇯🇵一樣！它以木紋日式及落地破璃設計🏮日式紅白藍燈籠再加上店內特色可愛牆畫，打卡影相一流！而且食物真的很驚喜，皇牌推介一定要食：🦐 濃厚蝦湯拉麵 拉麵🍜一向食得多， 但呢間有別於一般拉麵店，選用口感爽彈拉麵，配上自家調製香濃湯底，蝦味撲鼻，每條麵條都有滿滿濃蝦湯汁！配上粉嫩慢煮叉燒、溏心蛋、竹筍、特製蝦油及櫻花蝦，豐富到不得了！記得配以一些小食炸餃子和日本波子汽水，太滿足了！麵屋神匠 Address: Shop B, G/F, Nathan 562Opening Hour: 12:00 - 22:30 (Mon to Sun)

有日同屋企落油麻地旺角果頭食晏，本身排緊牛丼，但係條隊點排都唔郁，跟住見對面開左間拉麵，估唔到有驚喜。我地排左一陣就有位，一坐底就有staff遞左杯水比我哋，但係如果有茶揀就會開心d..雖然日本食親拉麵都係跟水多，但係最好多個選擇啦。睇menu都係主打蝦同蟹拉麵或者沾麵，本身重口味多，所以識嗌一定係沾麵，最後118蚊叫左濃蝦沾麵。雖然118睇落好貴，但係跟埋一隻糖心蛋、紫菜，平時加埋呢d都要呢個價等左2-3個字終於黎啦，正如標題話個蝦味好濃、配埋沾麵一流，同埋個麵底都好足量，起碼我都唔洗加底。最驚喜係個個叉燒，唔係平時好甜果種，係偏咸類似Parma ham果種，所以第一次食都幾okay, 但係如果唔係重口味既可能就唔太岩。

-麵屋神匠🍽- 🥢花咲蟹湯拉麵 $128係出面排隊已經聞到勁香蟹湯味😌所以未入去已經決定左要試呢個花咲蟹🤣仲要見到佢鋪左勁大塊豚肉好吸引😍蟹湯的確好香飲落好有蟹鮮味唔會話好味精👍都要一讚個豚肉厚薄適中肉質好嫩而且有拆殼既蟹肉🦀😋-🥢神匠蕃茄蝦湯沾麵 $128呢個好多人叫最後一碗俾我地叫埋🤣因為平時沾湯都係魚介湯多第一次用蕃茄沾湯🧐本身都驚個蕃茄太勁會搶哂個蝦🦐味但食落又唔會仲要愈食愈開胃😋-🥢日式唐揚炸雞 $38炸雞🍗簡簡單單用鹽唔用沙律醬原來都好好食🤣炸雞有3件每件都即叫即炸卜卜脆又juicy😋-🌟評分:🏅🏅🏅🏅📍地址: 旺角彌敦道562號地下B號舖-#foodieluveat#foodisluveat_hk#foodieluveat_旺角#foodieluveat_日本菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西#拉麵 #沾麵 #旺角拉麵 #旺角沾麵 #

每個星期都經過呢條巷仔，見到呢間拉麵店好多次，每次都見到好多人喺度排隊，今次終於有時間嚟試一試，今日係平日所以都唔駛等好耐就已經可以入座。今次同朋友一人叫咗一個拉麵，一個沾麵，拉麵個湯底非常濃郁，係佢出名嘅蝦湯拉麵。另外最吸引嘅我都係覺得佢個沾麵，由賣相到味道都非常出色，沾麵個蝦湯係特別濃同埋最緊要係好夠熱，因為啲沾麵唔熱，所以個湯要夠熱先覺得食開心。另外，沾麵上面有個香草味既多士，覺得幾得意，食落個味道都唔差。

同朋友行完街，突然想食拉麵。經過這間店，見唔使排隊就入去試下。招呼很好，由店員帶我地兩個去吧枱，張高椅都ok 唔會太吊腳。之後落單，選擇唔多，就試一試佢個蝦湯拉麵，見到廚師好似係逐個麵咁煮，似乎好多heart.拉麵好快就上左，湯底非常濃郁，umami。想連湯麵飲埋。拉麵亦爽可，不錯。只係塊叉燒比較生，無咩味，不過整體ok. 只係我朋友被漏左單，等左差唔多十五分鐘，要再提醒先發現，幸好佢地都有道歉，而且食物質數幾好，咁就算啦

旺角新開拉麵專門店，我地頭當然要去試下。日式拉麵店裝修，環境乾淨。主打蝦蟹麵，有湯麵，有沾麵。今次試了花咲蟹湯拉麵，個人口味，走紫菜，走溏心蛋。 驚喜的是，提供的是自家拆蟹肉，有蟹味，不是平時食到的雪藏量產無味蟹肉碎。 湯底質厚而有鮮味，因為不鹹不油膩可以飲晒，不覺有味精，少數在香港可以飲得的拉麵湯底。美中不足的是，慢煮薄叉燒，本身味道還可以，但因為不是熱上，總覺與熱驣驣的拉麵不協調。 期待下次試蝦湯麵。 

見旺角有新開張既拉麵店 見唔多人等緊即刻入去試一試入門口見裝飾既燈籠🏮好有日本feel坐低望下menu見主打都係蟹湯/蝦湯平時去開拉麵店都好少有得簡蕃茄湯底最後叫左份蕃茄蝦湯沾麵好快就上左菜 見到碗麵上仲有一塊法包多士配青醬青醬同多士好夾 食得出個醬都係新鮮整無諗過係拉麵店食個多士都咁好味再到個主菜 蕃茄蝦湯沾麵蕃茄湯好濃厚溫度夠熱麵份量算幾多下 岩岩好掛到汁最後一讚係枝日本蘋果梳打汽水味道唔係普通罐裝汽水 好飲過市面大部分超市賣既貨色整體黎講Menu係拉麵店入面定價偏高但真係一分錢一分貨 睇得出店主有心經營 有機會會再試埋蟹湯

早排放工經過油麻地條巷成日聞到陣蝦油味見正式開張就走左去試😛原來係一間專做蝦湯蟹湯嘅拉麵店平時超中意食蕃茄所以見佢有蕃茄蝦沾麵就叫左🤣黎到有驚喜！份量都幾多個沾汁唔係平時好水個種 而係偏濃郁蕃茄味好出而且有啲蕃茄粒粒個麵texture幾好有咬口 好掛湯最特別係有塊青醬法包 好似突然有啲fushion 😂問左店員佢話可以就咁食啖再點下湯又幾特別😝蛋好味！叉燒係慢煮個隻都唔錯同行友人就叫左蟹湯拉麵不過我冇影到😫湯相對蝦個味清新啲😆但剩係試左啖湯就唔俾太多comment了環境幾靚岩打卡🤣不過同一般拉麵鋪一樣都係有啲啲逼😕唯一就係對我黎講有少少多😂我諗大食嘅人會好滿足🙈香港比較少店舖做蝦湯希望個質素可以keep到😋😋