麵屋一平安

营业中

休息中

每到夏天總會來吃碟中華冷麵，又一年了，今年推出了芝麻汁版本。忙，也得騰些時間吃個晚餐，納悶時候喜歡在小店吃些小品料理，然後，發呆。七時許，已近八成滿，樓面全女班，來了幾年，已成老朋友了。仲夏，經理如常推介中華冷麵，要了芝麻汁中華冷麵，又看看每周精選，青瓜伴麵豉及煎蛋。冷麵製作須時，先來的是日式蛋卷，剛煎熟的，濕潤並冒出水氣，軟熟略甜，半生不熟滲透出蛋液，火候很好，鬆軟已很好了不能要求豐富蛋香，就蘸些蘿蔔蓉及日本豉油提味，很好。芝麻汁中華冷麵，六款材料配襯，是日冷麵夠凍亦乾爽，芝麻汁是外配的，得個酸字，麻香不足，配料切得有粗有幼，感覺很不爽。最矜貴兩只中蝦，興趣不大，當然冷麵價值並非與矜貴掛勾，汁醬調得對味，配料如青瓜絲、叉燒等切得夠幼細，麵夠冷，要求其實很簡單，下次來，還是穩陣地吃回醬油中華冷麵好了。本來打算邊吃青瓜邊等主菜，豈知這小吃竟是最遲來，很少原粒麵豉，配上落了幾刀的幼身青瓜，很青爽，麵豉堆頭太大，不好浪費，最後要打包走。招呼不錯，聽說新店將於港島區開幕，期待。

6月7日 晚 上個禮拜先去完美麗華既分店... 覺得非常唔錯因為睇過某d食家既食評...話總店既烹調方法唔同... 比分店更好味既說法於是今次就黎左總店度食 是晚橫風橫雨... 好彩幸福中心都唔算太難搵 一入到去... 就有如眾食家所說... "好大陣油煙味!!!"然而.. 店內既擺設同埋裝修同分店好唔同比分店更具日本小店風味 店入面既角落位置擺左一部電視播緊既係 阿曼 對 日本 呢場世界盃外圍賽 (日文評述) ... 打左半場坐我地後面既3個日本大叔睇得好投入 (以我所知.. 呢場應該係錄播黎~~~ :=| )睇睇個Menu... 同新店個個好似完全唔同...anyway... 大部份新店有既野佢都有既... 係無左我地上次食個個什錦豬骨湯拉面 於是... 今次就叫左 長崎拉麵 ... 迷你拉麵... 2串冬菇 & 芝士獅子狗卷芝士獅子狗卷... 有8件呀~...黎之前我以為佢會係好似金菇肥牛卷咁既賣相 xdd黎到... 原來係有塊紫菜包住層芝士同埋獅子狗... 中間仲zip左塊青瓜係度~~一試... 口感好得意~~~ 芝士好香口~~~... anyway... 淺嘗無妨...

長崎拉麵 - 1分, 賣相不佳, 飲啖湯後發覺出事, 湯煲的時間未夠, 冇味。麵又十分硬. 魷魚粒勁硬.麵豉湯定食 - 3分, 湯的色水淡. 冇味. 味道十分一般Conclusion - 十分普通, 十分港式, 十分不正宗

開飯喇, 呢排成日食拉麵, 清清地總好過又係食魚生一入到呢間店, 個feel 都幾香港式, 可能d 服務員比我感覺太餐廳feel....鋪面唔算大, 但服務員小姐都有幾位咁多, 周不時加水, 連客人都唔少, 只係夜晚7點, 地庫鋪都台台都有人坐.眼看餐牌上係無拉麵, 得台面張紙寫左個名, 我仲要問人地裡面有乜材料 o.o最後我叫左個咖哩拉麵, 介紹我黎食既靚仔叫左個 叉燒拉麵, 亦因為前幾日食過 ( 和x和x ) d 煙肉露x串燒, 見到呢度個價錢平幾元, 唸著試下佢d 水準, 點知一黎到個賣相已經唔係好得, 好似無乜燒過咁, 肉又少, 中間夾住個露x 又細條... 真係輸返幾元, 而且仲覺得佢一d 都唔值18元 好在黎左個麵之後, 咖哩香陣陣, 哄返我開心, 不過個麵都幾dry..., 唔加錢叫其他配料, 都真係幾單調... 而且價錢都算特別平, 好在個湯底幾好 我都會再去, 但真係要試下其他麵至得

原本係慶祝朋友生日, 可惜佢OT黎唔到, 轉為朋友聚會因為各大忙人(包括我)都好夜放工, book唔到位最後由一位朋友提議黎呢度食, 我地5個人叫左:一平安沙律鐵板炒麵長崎拉麵鹽燒鯖魚鹽燒牛舌帶子薄餅煎餃子etc...(唔記得左)位置較偏, 但仍有不少人等位, 亦見到有不少日本人光顧, 感覺應該會幾好食overall d食物都幾好味, 尤其長崎拉麵, 麵彈牙又多料而薄餅全由雜菜製造, 而肉則舖在薄餅面, 很特別不過鐵板炒麵比較咸另外, 員工態度亦很親切, 感覺很舒服

這天中午電影節在科學館,順手光顧一直想試很久的"一平安拉麵".隱身在幸福中心的地庫,一如尖東內的商場,大多十去九空,如繁華背後的破落頹廢,似乎,廿多年前的煙花地,今日已成明日黃花.海港城一帶的旺氣,這處完全沾不上.十二點去到,直行直入,店內氣氛和諧,播著的是久保田利伸的舊歌.時間緊逼,二話不說,要個長崎拉麵豬骨湯底.懂近代史都也知道,長崎在二戰期間,受到原子彈轟炸.這道長崎拉麵,件頭極大,大得有點難以置信.有如平日吃開拉麵的加大碼.賣相雜亂,果真如長崎被炸後的景像差不多.椰菜荵段在面上亂佈,下面的魷魚,蜆肉,瘦肉等等,也是一樣地亂.這味的起源,是否同牛"井"飯一樣,又是戰後亂世之下的產物?雖則賣相不佳,吃落又不錯,首先一口豬骨湯,湯色奶白色,味道很濃甜香滑,麵身比吃開的拉麵幼細,也挺有煙齦的質感.材料內的椰菜幾爽,非淋如濕紙巾.蜆肉,魷魚非鮮貨,也過得去.瘦肉就略略有點齦.無相大雅,或者亂世下的拉麵,就是如此.你去吉野家吃牛肉飯,也應該差不多.吃罷埋單,已差不多比班日本人逼爆場,這間小店,殊不簡單.

一個長崎拉麵, 一個蘿蔔豚肉, 一個手做飯團長崎–我覺得好普通, 男友話好好味蘿蔔–好有日本家庭feel, 唔錯飯團–麻麻地客人7成係日本人, 好有日本feel, 男友勁鐘意!

早一排老尖搵野食, 但係行黎行去都唔知食咩好, 最後行到黎呢度, 師傅記得呢度食評都幾好喎, 反正未試過, 決定一試!入到去咁好彩唔多人, 好快就有位! 跟住就睇下有咩好食, d拉麵賣相都絕吸引, 考慮左一陣決定叫碗辛辣湯麵, 麵豉湯叉燒拉麵同埋迷你咖喱豬肉飯!最先黎到迷你咖喱豬肉飯, 真係幾迷你, 咖喱真係幾香但係唔算辣, 而豬肉就好鬆好腍, 都幾好味; 而辛辣湯麵就紅紅一碗, 好似有d料到喎, 起初師傅都以為好辣啦, 點知飲左幾啖湯後發覺又唔係回事, 辣一d都唔辣, 反而勁咸, 越食越咸, 越咸就越唔想食, 叉燒就真係好靚, 又腍又鬆, 不過拉麵就幾硬, 唔算爽口, 最後加埋碗清水拖一拖都依然咸到顛, 食左半碗就食唔落喇, 唔得; 其實麵豉湯叉燒拉麵咪又係得個咸字, 好唔得囉! 總括黎講食物質素麻麻, 一個字可以形容可晒就食"咸", 服務都幾好, 不過唔知係咪有期望所以都幾失望, 如果食拉麵師傅都係寧願去橫綱, 所以師傅絕對唔會有下次!

貴為最早期於香港開設的日式正宗拉麵店，懷著很大的希望前往一試。餐廳位置隔涉有點難找，要下兩層，穿過其他鋪子才到。一進去便有位坐，以為會有不少人輪候。店內很有日本小店氣氛，皆因店內很多日文字還有日本人的聲音。我們就根據推介點了長崎湯麵和長崎炒拉麵，等了很久才來。湯麵的樣子很像日本那種堆得很高的模樣，但都是一大堆菜疊高起來，其實料不是很多，麵是似韓國都那種比較淋和軟的麵，感覺有點怪，可能是我不懂欣賞吧。湯底偏淡，要狂落七味粉調味。至於長崎炒麵竟然是像港式酒樓那種肉絲炒麵的樣子，即是麵條是硬的，上面再加少許海鮮料和獻汁。和想像中的有很大出入，味道亦不見突出。可能這是正宗??服務普普通通，期間我們被要求更換座位，讓出4人檯，雖有說唔好意思，但始終感覺有點低級。總結應該不會有下次。

放工後，原本想食SUSHI ONE，但太多人排隊，最後黎左呢間小店. 我地食過九州拉麵和東京拉麵，都係長崎拉麵最好味. 九州及東京既湯底比較清，而長崎拉麵既豬骨湯底香濃，有野菜，魷魚粒，豬肉，大大碗，份量好夠. 另外一定要試燒雞翼，加上檸檬汁，好惹味.

點了平安沙津、長崎拉面和一個定食，水準很不錯！阿姐見我地食曬ｄ飯仲主動幫我地加ｔｉｍ～～樣樣野都幾大碟,太飽~試不到其他小食

和bb找了好一陣子才找到這間店(原來跟美麗華那一間是一樣的喇)，就是為了它的長崎麵。星期六中午，我們叫了一客凍豆腐，兩碗長崎麵(一個豚骨湯底，一個麵豉湯底)。凍豆腐配以木魚，很冰凍醒胃，不過沒什麼豆味。我喜歡長崎麵麵身較粗，吃好吃。豚骨湯底清清淡淡，正合我意。麵上舖上份量很多的青菜、肉絲、墨魚絲、蜆仔，很健康清新！bb的麵豉湯底味道較濃，也很好味。這日本小店環境不錯，服務周到，不停加茶，侍應友善。四周有很多日本人。

We ordered the Nagasaki-ramen (長崎拉面). Looked around the restaurant, every table has ordered the same ramen as us!! The soup base was sooo nice, sweek and fresh!! The bowl was full of assorted vegetables! But for such a meat-eater like me, I think it would be better to go with several slices of BBQ pork!! We have also ordered the stuffed dumplings (餃子), fried scallops (帶子), grilled skewers (串燒)!!! Heard from my frd, the stuffed dumplings are freshly made by the shop owners everyday at home!!! wow

尋晚睇完變形金剛後,又同男朋友仔由habour city行到去尖東嚟呢間小店食飯,貪呢到假期人都唔多,唔駛等位,環境夠清靜,嘢食有水準,價錢合理。坐低侍應姐姐即端來一冰茶一熱茶給我們兩人自行分配,叫了長崎麵,墨魚天婦羅及鐵板豆腐,墨魚天婦羅先來,一碟3大件,內有墨魚條,雜菜絲,墨魚條切得均勻,唔會一d粗一d幼,口感十分好,雜菜絲切得幼細,所有材料十分新鮮,呢個必食。跟住再來鐵板豆腐,圓形鐵板上放四件約2cm厚的豆腐,有一些像XO醬的醬汁,與侍應姐姐一併端來的辣油一併食,熱辣辣,豆腐嫩滑,這個也不錯,不過四十多五十元只有一盒百福豆腐的份量,略貴了少許。最後是長崎麵配骨湯,內有大量墨魚條,日本魚旦絲,椰菜絲等材料,同樣用料新鮮,麵質彈牙,骨湯鮮甜,高水準,前兩個小食食完肚子好像還是空空的,食埋呢個麵,飲埋個湯,剛剛好,非常滿足,埋單一百八十多元,價錢合理。食飽飽又行回habour city搭車回家,當做運動,一套近乎完美特技嘅電影,一餐平凡中又有風味的一餐,乎服何求!

I've tried this restaurant for a few times and recommended to my friends too. 長崎拉麵is one of the recommended order. The soup, the noodles are very good. About the place: I like it cos it's a quiet place without much noise. It's not a place of luxury but it gives customers a comfort area to eat and to talk to friends.If you like to have Japnese noodles, you have to try this one