麵屋一平安

营业中

休息中

今日好開心, 因為朋友仔在德國Exchange完返黎.一年冇見, 今日終於都見到喇.我地冇咩變過, 依然鍾意出去食飯, 吹水.不過朋友仔話唔食西餐, 唔食Pizza, 唔食熱氣嘢...咁可以食咩?!諗諗下, 就諗到依間日本餐廳: 麵屋一平安其實我之前食過, 但係係另一間分店食.上次食過咖喱拉麵, 幾好食, 所以今次都介紹朋友仔黎試下其他拉麵.今次食咩好呢?鐵板豆腐熱辣辣上枱, 好香呀.豆腐配埋木魚絲, 我覺得好好食呀.不過味道鹹咗少少.麵豉拉麵朋友仔話湯底好濃.叉焼豬骨湯拉麵拉麵質地唔會好軟或好梗, 岩岩好.但係我覺得個湯唔係好濃, 不過又唔係淡.成個拉麵好似普通咗D.整體黎講, 食物味道都ok嘅, 不過依間餐廳的地點就難搵d, 我朋友仔搵咗好耐先搵到.餐廳的人唔多, 係度同朋友傾計吹水係唔錯的.

數年前去過一平安的銅鑼灣店，印象頗佳。今日經過尖東，在外面看見招牌大大的總店宣傳海報，心血來潮決定再試。點了午市套餐：豬骨湯面加大，拼炒飯。炒飯是微波爐翻熱的，不大有誠意，但我主要是吃麵，所以不談了。湯底欠缺香氣，有點失望。第一個感覺是好像加了水溝稀了，但喝多了還可以。這湯給我的感覺是較舊式的柔和而不會像一些潮流拉麵店的一味越濃越好。較柔和的拉麵湯麵才能常吃，反而潮流派的試過一次就夠了，因爲每再想起只覺得很滯膩。拉麵質量不錯的，但芽菜令湯底感覺更淡，不加也罷。總體不知是不是午市套餐關係而令質量下降。服務員也不是很專業。希望下次會有較好水準。

喜歡這裡多少有點感情分，只是「一年一會」，然而多年不變的伙計還是笑著說：「拉麵已上市好耐啦，為啥咁遲才來？」心情放鬆的喜悅，食物亦倍覺滋味。是的，我是很喜歡小店的中華冷麵，尤其在大熱天穿外套通街跑，一杯冷烏龍茶，然後一碟冰涼的冷麵定食，沒甚麼比此更感「幸福」吧？畢竟是拉麵居酒店，賣相未及味十味般仔細，然而麵條粗而煙韌是九州那邊的風格，在繁忙的午市嘗到入口夠冷的冷麵真不易，這裡便做對了，而論配搭今年亦較往年細緻。配料非特別，卻花了點心思，比方雞絲雖為冰鮮，但以上湯處理後肉鬆而味道不單調，木耳爽口亦健康；回心一想廚師正為繁忙的午膳疲於奔命，而這裡卻有你想不到的Open face溏心蛋，怎不教長龍店一風堂汗顏？吃得滿意，而店員見我的烏龍樽「吉」了，便主動建議為我添滿自家沖調的冰烏龍，是老店四十多年保留下的「文化遺產」。

午餐order 了一個 迷你拉麵豬骨湯拉麵 + 迷你滑蛋豬扒飯。 食物方面係ok , 湯底好好味, 麵好彈! 個飯都唔差。但最失敗係服務態度, 我朋友一食完, 佢個男服務完就拿拿聲收碗。 係, 快手收野係好。但當我剛食完飯, 口裏啖飯都未吞完, 朋友叫佢加茶時, 個男服務完一見我食完, 就茶都添左一半, 就叫收銀黎埋單。 咩態度?? 我都冇叫埋單, 趕客呀 ??? 食完飯, 抖一陣先走都得掛。 我同朋友唔服氣, 坐多左一陣, 5 分鐘左右。佢見我地唔走, 就走埋黎叫我地走喎。 知你地多客好巴閉喇, 但當時門口都只係得番2個人等緊o者。 味道好, 但服務唔好, 都唔駛指意再食你。 食完包你一肚氣 !

此店有很多分店, 還記得多年前我在這家店與朋友食生日飯, 這幾年間她開了很多家分店, 可以說是港九都有...這家店給我的印象很特別, 到店內坐下後, 服務員會為你奉上一熱一冰茶, 發現男的是冰的, 女的是熱的, 原因不明..我們點餐了...款色不多...沒有點刺身及特色食物~只點了拉麵及定食...我點了酸辣肉拉麵....味道沒有從前濃郁...是配菜少了....這個可能是久久沒吃..通脹影響吧...但這碗拉麵份量 = 大碗~! 湯底可以再濃一點就好了! 拉麵仍然保持水準，彈牙爽口。日式燒餅, 木魚不停地飄呀飄的, 比起其他燒餅，燒餅較薄身, 不太油膩，燒汁咸度剛好，讚！最後是定食了....漢堡扒...只屬普通...比起拉麵的...下次會選擇拉麵..定食就一般了...但感到這漢堡扒是用心制做...肉質鮮...但欠牛味~

試過美麗華一平安之美味，我連湯都飲到一滴不漏，今天早上剛好在尖東，便決定到一平安老店尋開心。除了選擇比美麗華店少一點之外，價錢是一樣的，姐姐們態度比美麗華店差，只掛住看電視，但這些都影響不到我，我只在乎拉麵。豬骨湯叉燒拉麵來到的時候，我已發覺出事。沒有香味，湯的顔色也比較淡。叉燒方面，比美麗華店也少了豬的香味。本著費事嘥的心態，我強逼自己把所有面都放進肚裏，但湯我確實是喝不下去。這經驗令我充分感受到同一分量的面，唔好食的一碗是會令人覺得超級飽而不想把它完成的。結論：老店之出品是偷工減料加無心製造！！！！很不明白何解同一個老闆的不同店味道會差這麽遠，不是有統一的 recipe 嗎？還是因爲老闆不注重老店？還是尖東的鋪租竟然比美麗華貴導致要將貨就价？還是........總之，同我最討厭的888拍得住，不能原諒！！！！

每次來到尖東搵野食時都會第一時間諗起一平安，因爲佢果種本土氣氛同欣勤既服務態度令人有至身日本既感覺。但經今晚一驛後，呢種感覺轍底幻滅。 入到餐廳，個侍應即時俾杯茶黎，但好奇怪隻杯好似同以前唔同（茶記透明杯），不過唔緊要哋嘢食好味就得。跟住開點餐隨即被佢個定食menu吸引住。因為個set2 照燒雞扒定食有我最仲意既芥勒八爪魚小食。 於是急不及待就叫呢個set. 等咗一陣，個姐姐捧咗個餐黎，但係佢話個麵士湯陣間先到然後走咗。（未得咪等埋個湯先一齊上囉）好！唔打緊，陣間黎。再望一望唔對路啵，個八爪魚都冇咗，甚至連筷子匙都漏咗。（駛唔駛急成咁）起初諗住佢轉頭黎。但念返起個姐姐好似冇話爭八爪魚喔！ 咁我即刻嗌返個人問返個八爪魚同叫佢補返啲食具啦，隔咗陣個侍應返黎竟然話個芥勒八爪魚小食只係裝飾嚟既跟住講咗句唔好意思就走咗。（筷子到但匙更冇咗件事）有冇搞錯，實物同餐圖size有出入無可厚非,但原黎個餐圖上顯示既組合係可以同實物唔同，真係講都冇人信！！成個餐牌得個餐名同張相，唔包唔緊要，你寫明唔包或者落order前講一聲，可以接受。問佢果時仲要我都未講完佢就一句唔好意思就走，真火滾到我呀！！果時真係好

一般中式炒飯一样有一只半熟的蛋加三舊腩肉少少咸菜,一间以拉面為主打的鋪头,拉面煮得好似农心牌泡面,唔算彈牙,味噌拉面沒味噌味,鼓油拉面淡着点, 小食倒唔錯, 可能係 要收工,10:30最后一个柯打,随便煮一下,師付沒哪么用心

日式小店,非常光猛,電視有日本既劇集睇同埋日文歌聽.侍應個個都好有笑容,好快就坐抵左佢拎左一杯坏熱茶一杯凍茶埋黎俾我同我朋友佢諗住我係女仔會飲熱野啦!佢放抵o個一下問我"要凍定熱?"哈哈!!I唔好意思,我要凍呀!!搞到佢又要拎過杯埋黎,不過全程都好好笑容!!!加分!!!!另外一位侍應埋黎幫我地菅order,叫左帶子拉麵同雜菜飯(其實我個人覺得個侍應有點煩..我本身味決定好叫咩野食,見朋友食帶子拉面,我諗住都跟佢一齊要帶子拉面啦..點知個侍應就幫我話事.仲叫我order 最貴o個一個拉面,之後我決定要咖哩飯,佢又話得咖哩汁,冇肉要我叫咖哩豬扒飯,明明我就係唔太想肉!我話想食多d菜要雜菜飯,佢又話『得d菜ja喎.!!!』咁你想我點呀= =最後我堅持話要雜菜飯!!)帶子拉面拉麵質地唔錯,都叫做彈牙,湯底就反而一般,帶子都幾有鮮味,配菜同普通既日本拉麵差唔多。份量都唔算大,食完叫做岩岩好唔餓..以60幾蚊既拉麵黎講有少少貴。雜菜飯算係幾多菜,有姑有菜打埋個"軒"淋係飯度..我懷疑呢d飯唔係日本米黎架..食落同普通係出面食既白米冇咩分別.但係d 餸同埋d 汁做得真係唔錯,清得黎又唔係冇咩味fil

今晚去了尖沙咀, 想食有名的美麗華麵屋一平安,中午打去想 book 位, 點知 book 唔到, 打了去尖東的同名店舖, 又有位~好不容易, 先去到呢間位於幸福中心的麵屋一平安, 一入去.... 冇人嘅.....睇 menu, 好少選擇, 除了招牌的拉麵同美麗華嗰間好似一樣, 其他美麗華有的食物, 好多佢都冇...究竟, 呢間係咪我們本來想去嗰間嘅分店嚟o架???講返食物, 兩個拉麵都唔錯, 麵質彈牙有蛋香, 絕對唔係港式日本拉麵, 長崎拉麵: 好大碗, 不過配料有D 求奇, 只是一些冇乜味的肉....帆立貝拉麵: 麵豉湯底唔錯, 帆立貝都算鮮味不過要比較喺日本食的, 還是有點距離啊~ 湯底可以再濃一點就好了!燒牛舌都幾好, 薄切, 幾香口, 不過唔多熱? 似乎唔係即整...店內有好多日本人, 仲播埋日文電視, 頓時可以幻想吓自己身在日本~

我唔敢講呢間係咪好正統既拉麵店, 但入到店俾我哋既感覺正正如此, 日本師傅侍應 (當然侍應識中文), 日本電視台劇集, 日本雜誌漫畫... <地點>真的很難搵, 所謂既加連威老道, 並唔係賣衫街, 而係近噴水池 m 記果楝大廈, 2個白痴行樓梯落, 兜嚟兜去都搵唔到, 上上落落行咗好幾次, 突然見到佢响最地牢, 唔理三七廿一, 硬著頭皮經過其他食肆去搭扶手電梯落, 最後發現原來一入上幾級樓梯果層有lift 落到去, 真的很8t... 哈哈哈 ! <服務>想平反一下佢哋既服務, 真的不如食家所講咁唔好, 果日一坐低, 侍應即刻遞上凍熱茶, 而且執碗快, 加茶快, 飯後仲有熱毛巾抹手, 真的好有好效率, ichiban <食物>一心為鰻魚飯而嚟, 點知己經無咗呢款飯,改咗變為鰻魚炒飯, not my cup of tea la, 唯有揀其他主菜啦, 其實選擇並唔多, menu 無啱心水既, 見咭仔有新口味, 而又見唔到有食家評過, 呢個任務就等我嚟喇 1) 燒牛肉豬骨湯拉麵 $75牛肉好有牛肉味同超林, 肉汁仲超越過豬骨湯味, 拉麵真的很彈牙

好友大力推介，說位於幸福中心的老店比美麗華的那間還要好，菜單亦不一樣。這晚與男友決定拜訪老店，再嚐美味的日式拉麵！這間老店確實不好找，我們倆在猶如迷宮一樣的幸福中心繞了兩圈才找到一平安。老店地方不大，裝潢樸實，牆角的電視在播放日語節目，很有家庭小店的感覺。相隔我們一檯的，有三名中年日本食客正開懷大嚼滿檯的菜餚，佐以冰凍啤酒。心想，這店的拉麵小吃等應該很地道吧！翻閱菜單，發現這裡供應的菜式果然與美麗華店有所不同。男友很快就決定點麵鼓拉麵加叉燒。想必是上次在美麗華店試了我那碗滋味無窮的麵鼓拉麵後，念念不忘吧！(話說下單時，侍應提醒男友麵鼓拉麵已有叉燒。但叉燒怪yulo很堅定的要再加叉燒！連侍應也忍不住在偷笑。) 嗜辣的我則打算試試這裡的辣肉拉麵。在侍應的推介下，我們還要了一客鰻魚天婦羅。小吃鰻魚天婦羅先上。剛炸好的天婦羅熱騰騰的，外層酥脆甘香、內裡的薄片鰻魚混著惹味的照燒汁，美味可口。緊接而來的有加了叉燒的麵鼓拉麵。老店的麵鼓湯並不如美麗華店那般濃郁。麵鼓份量少了，所以不會偏咸。可是，愛上了濃味麵鼓湯的我們，當然有點失望。因為老店的菜單不是所有菜式都有圖片，我原以為辣肉拉麵是清湯底的。侍應

上兩個月先同老友來吃過，大叫好味，今晚帶食家來試下。呢座幸福中心其實都幾騎呢，0的電梯轉來轉去，中間又有一層無人既咩club酒吧，好似去左夜場咁，奇奇怪怪﹗10:00pm先來到，人客不多，我點了個野菜拉麵，而食家就要左個紫菜泡菜麵。估唔到個野菜拉麵個湯會係杰的，杰的程度等如變左汁，一向都唔鍾意食野有太多汁的，今次卻有點改觀。拉麵依舊是彈牙有嚼口，麵身有少少曲，掛上湯汁很好吃，因雜菜是清淡食物所以湯汁偏鹹，雜菜有菇、黃牙白及金針菜等，新鮮脆口。食家的泡菜麵也不錯，泡菜份量少就少左0的，不過夠辣亦惹味，叉燒呈粉紅色，肉味夠有脂香，紫菜掛在麵上味道清新，她說湯底清清地最好，吃得出食材的味道。還要一提這兒的麵底份量十足，我這個為食鬼吃一個麵已覺得大半飽，所以來呢度都係食完個麵先再點小食，免得眼闊肚窄浪費食物﹗最後食叫左條開邊燒花魚食，可惜魚一口已偏腥，肉質亦一夾便散，爛溶溶似的﹗吃了兩口她也放棄，說以後去麵鋪都係食番麵就算了﹗埋單$180有找，如只吃麵的話會更平。這兒的生啤6:00pm-8:30pm有happy hr，如早點來一定整番杯﹗一提的是這兒的空調有問題，天氣今天開始轉熱，14度變24

其實看過 蔡瀾 看過飲食男女 看過任何一個介紹過拉麵的節目 專欄報導 都會知道一碗拉麵 的靈魂是他的湯可是昨天晚上 我竟然在這裡喝了一碗加了水的豬骨湯拉麵 我很懷疑他們是換了廚子 因為在我的印象中 他們以前沒有這樣做過 我個人十分喜歡有個性的小店子 是因為我配服他們的堅持 但如果這點堅持做不到的話 ...我倒不如去味千 最少我喝的會是加了味精的湯而不是加水....雖然如此 我看到隔離枱的吉列xx 飯好像不錯 ...我會回來的.....但不是吃拉麵吧.....

呢晚同老友happy hr完，本來都唔打算食野不過佢又話麵屋一平安有張coupon快過期，就去試下﹗一平安我只食過美麗華的一間，原來呢度都有一間，老友話呢間先係老店，真孤陋寡聞﹗成十點當然人不多，一坐低有coupon有beer送，仲要有兩隻溫泉蛋。beer是嘉士伯，講真頭先都飲得幾多，所以無咩飲﹔溫泉蛋味道雖未算很濃，蛋心質感卻很綿，如蛋味更濃的話那種留在牙縫中的甘香一定超正﹗來麵屋當然食麵，要了個招牌拉麵，豬骨湯底味道濃烈，充斥豬骨的鮮甜味，拉麵麵質彈牙有嚼勁，很不錯呢﹗配料方面有魷魚、大量椰菜等、肉片、蔥等，講真雖叫招牌不是什麼招牌貴價貨材料，不過由於個麵底同湯底做得好，整體食後感仍相當滿意。友人叫了個魚仔餅，餅底煙韌有麵粉香，上面是0的小魚仔、沙律汁及香蔥，配搭幾得意，我都不覺太腥，好食﹗串燒拼盤一客個人share，有冬菇、煙肉露筍卷、雞翼及尖椒，海鹽下得不算多，吃得出那食材的原味，不錯不錯﹗又話唔食又叫咁多野食，呢晚真係食大了，捧住個肚返屋企﹗