麵屋一平安 (已結業)

平時去開幸福中心果間一平安, 今次就去下新開呢間.老公叫左個長畸拉麵, ok 啦水準差唔多.但我叫個滑蛋豬扒飯, 勁難食. 豬扒乾身, d飯勁"林".食到一半已經唔想食. 下次都係去返幸福中心果間

三人飯局. 又要經濟, 又要坐得耐傾到偈, 呢度環境都幾適合, 唔太逼, 樓底高, 又冇乜人. 九點後仲較喑燈光, 情調真o係唔錯. 不過野食就好一般. 我食長崎拉麵, 湯幾香, 但d料就好碎濕濕, 除左芽菜同甘荀絲, 菜, 蜆肉, 瘦肉(?), 魷魚, 魚蛋...樣樣都係切成細塊細塊; d麵似油麵多d, 雖然口感唔太差. 份量又多, 但感覺好麻麻...小吃嘛, 免治雞肉串非常唔掂, 除左個麵d醬汁, 整團雞肉o係冇咩味道, 又冇口感; 個燒蕃薯就一般. 服務就好好, d侍應好nice好有禮又好笑容, 又斟水斟得密.

星期六，11/3下午2點幾，同佢唔知食咩好，所以黎左開午飯。叫左2個午餐，一個係熊本拉麵加餃子加意粉沙律加橙，另一個係迷你豉油拉麵加迷你炒飯加意粉沙律加橙，凍奶茶同凍檸茶。0個日人唔多，但係招呼麻麻(除左那個應該係日本女仔)，叫斟茶叫左成4-5次，叫左不同0既人，最後先肯加，我覺得好似扮唔記得囉，收錢就快。份量唔係好，僅僅夠。野食0既水準比想像中無咁好，唔係好夠熱，d麵仲有d漿住添。之前都係呢度0既食評寫得咁好先黎，所以失望。其實價錢唔平，而家好多地方都有拉麵食。我覺得元八同北海道拉麵好食d。我覺得如果唔係食午餐就更加貴，因為又無野飲又無小食，水準又唔係真係咁好。所以未必有下次。服務同食物有待改善。

週六晚上，才六點半，巳經六成滿。因為只吃一碗拉麵，食完便要走，無得可以好似在居食屋咁賴死唔走。所以無靠墊椅都可以接受。我點了「長崎拉麵」（$60，加一）：久等十五分鐘。有什錦海鮮、豬肉薄片、什錦蔬菜、彈牙拉麵、和鮮甜的海鮮湯。好味，好滿足！咖哩湯拉麵（$550，加一）：三分鐘便上餐桌，只試了一口咖哩湯底，相當香濃，好好。靚湯底加彈牙靚麵，雖不算經濟，但點都好過食碗「味x」的港式日本拉麵。食完一分鐘，店家巳經示意要我們離座。好，唯有到樓下星巴克飲咖啡冲淡MSG 的功力。

一平安已成為我嘅飯堂。一句講哂﹕平、靚、正。老闆娘滿口日文，加上幾個日本食客，令人猶如置身異地。拉麵、飯、菜、串燒，都有正宗日本普通餐廳水準。咁樣已經Fight贏其他感覺百佳嘅大眾日本餐廳。如果每間食店keep客都需要一個理由，咁佢吸引我嘅地方，就係佢無束縛嘅日本feel。

是晚和朋友吃飯，去開諾士佛階，便選了一平安麵屋。由於之前試吃的長崎麵感覺不好，於是選了新的炸雞拉麵配豬骨湯底。友人則分店選了辣味拉麵、咖喱豬扒飯和奄列蛋飯。雖然上菜時間很慢，但店員都很有禮貌。拉麵的湯底味道不錯。朋友也大讚咖喱飯和奄列蛋飯好吃。店內裝飾也有氣氛。如果來喝酒也有啤酒小食套餐提供，感覺不錯。

近來最喜歡的節目之一就是陪朋友們試婚紗. 上一次試完就去左近近地的麻布茶坊, 今次本來是去南山谷的, 但要等45分鐘, 一係就入房, 但每頭要食150. 於是就轉了上來吃拉麵. 看看餐牌, 選擇不算多, 最後因為隻蛋而點了雜錦拉麵. 麵不用等太耐便到. 賣相頗豐富的. 湯底有豬骨香, 但不算濃, 個人還是要加點七味粉才對自己口味. 比起湯, 麵是較為遜色. 全個麵我最欣賞的是豬腩肉上面舊入口就化的厚厚肥膏! 比起厚厚的瘦叉燒, 這肥膏無疑是相對出色.我的胃口算不算是夠食力, 就唔知啦. 但當我見在我把整個麵吃完時, 身傍的好友還有大半個麵便叫飽時, 真是"嘩~"了一聲.

昨晚在尖咀唔知咩好，吃拉麵又唔想成日都係去棋綱，記起一平安響諾士佛台階開了分店，便跟男友上來一試。二人各要了一碗麵豉拉麵和熊本拉麵，麵質兩碗都唔同，麵豉那碗孿孿的，好爽，但湯底就遜色了，頗淋，完全唔係麵豉，係醬油，但熊本就ok，麵條好似幼版油麵，但甚有彈性，湯底濃郁，不過飲得多都有點涸喉。總括來說，食物so far so good，但服務真的不錯，好有禮，又好笑容，仲會主動加茶，very nice。

試過熊本麵個湯係OK ,另一個長崎麵就毫冇特別,Ｄ湯一飲就知有味精,麵就一般D料得D菜,唔知乜野肉同D尤魚碎就要60$有Ｄ唔值同埋個豆付沙律又唔凍D豆付又鞋又勁少份量!!唔掂!!但D串燒OK咁啦

隔離鳳凰花唔掂,便寄望下這裡本來想逛一陣才再食,但見到無乜人等,便立即入去點了2杯sour,正常味道麵食就要了角煮和長崎兩款長崎的湯底是海鮮湯,幾清麵是普通寬度,略為攣曲那種幾彈牙,唔錯角煮的湯底是醬油,濃味,食到有少少苦味豬肉好”林”,正如自家介紹經過6個鐘頭煮成麵是比長崎的寬,直身那種我地覺得長崎麵好食d雖然上半場唔好食,但係總算吃了東西所以都食唔哂見到人地點餃子,酒煮蜆都幾靚下次再來還有,這裡一大”特色”就是waitress多國籍老闆娘係日本人waitress有d似係東南亞人,有d係香港人真係唔知用什麼語言點菜(結果我懶,都係講廣東話)

麵好食,湯夠濃,腩肉义燒入口即溶,唔太肥,串燒就過得去咁啦,整體黎講算係有水準~

10月1日, 一行二人, 下午三時左右光臨此店, 不用排隊, 但只有三款Tea Set供應, 選了兩款不同麵食, 一是熊本拉麵set ($38), 一是醬油拉麵set($35)。兩款set連3只餃子, 味道一般。兩款拉麵的麵質是不一樣的, 分別依足九州及東京風味。個人推薦醬油拉麵, 另熊本拉麵的湯底亦不錯。

放工想食拉麫..就同烏小姐黎左一平安..第一次黎...主要都係想試下TST有咩拉麫好食..叫左個豬腩豬骨湯麪...豬腩好林..五花肥瘦相間...但係覺得冇乜特別..咪即係東坡肉...湯都唔覺得特別好飲...麫就更一般...都係覺得元八好味d...烏小姐話佢\碗X燒拉麫都係一般...d 串燒好唔得...雞肉好老..落埋汁都冇乜味..露筍又係好老...唔會再去..

This restaurant has the best tasting ramen I have had in HK. I believe it is partnered with one of the biggest and most popular ramen restaurant chain in Japan! Must try the traditional egg pudding for dessert aswell. The sake selection is also quite extensive. Service is friendly and knowledgable. Atmosphere is super chill. Great to relax and just enjoy the food. In addtion, the music is pretty good.

舊舖同新舖都食過,始終覺得舊舖既食品係好味點,食物種類尚可,燒餅同長崎拉麵(豬骨湯) 必食, 豬骨湯同海鮮甜味極夾,配椰菜一起煮,簡直係正! 而裝修方面舊舖比食客好似返到屋企既感覺,新舖氣氛則比較適合與朋友或情侶邊食邊傾.老闆娘為日本人, 識少少廣東話, 為人極nice.