麵屋一平安 (已結業)

一入去, 就覺得是為了配合諾士佛台的Feel, 感覺得是一個三五知己飲Sake不錯的地方。不過我沒有飲酒, 叫了一個醬油拉麫和豬骨拉麪, 還要了一個蔥花吞拿魚。我認為醬油拉麫比較好吃, 因為麫質不錯,而湯底感覺不是很濃, 不會很有味精的感覺, 但豬骨拉麪就略為普通了一點。而蔥花吞拿魚也尚算新鮮。而我發覺大部分店員都是日本人,所以感覺幾地道。服務也不錯, 不停為我加茶。

實在凍得交關，好想食一碗熱辣辣嘅拉麵...一坐低就叫個拉麵set。有招牌熊本拉麵之餘亦有豬腩肉飯...坐响bar枱，十分地道，身旁盡是單身日本男仕上班一族。見佢哋揸住份日本報紙，呷住啤酒，真係有如置身九州拉麵舖入面...呷一口奶白色嘅豬骨湯底，並不是太濃。感覺跟北海道札幌嘅特濃豬骨湯底可謂各擅勝場...麵條尚算彈牙，有少許鹼味，但這是日本傳統拉麵嘅特有味道。若傳統廣東銀絲幼麵有如此鹼味，棄之絕不可惜...豬腩肥肉部份入口即化，瘦肉亦夠味道...喝一口熱咖啡，寒氣全消，全身暖笠笠^0^

早幾年前已到舊店食長崎拉麵, 百吃不厭. 湯底甜, 麵爽口, 每次都飲曬d湯. 舊店好有日本拉麵店feel, 因老闆娘正是日本人, 好多日本人放工都到舊店食晚飯, 如果連電視店都轉埋日文, 就真係好有置身日本感覺啦。新店既長崎拉麵與舊店無分別, 只係裝修完全不同, 好時代感, 老闆娘既女就係新店打點。除長崎拉麵外, 豬腩仔肉飯都要一試, 好林, 入味, 與日本米一起食, 感覺好好. 正而兩店既炸物較為一般. 兩店服務好好, 不失日本人服務態度。

很久沒來過這裏了,記得有一次吃過這裏的野菜拉面,覺得個湯底和配菜的balance很好,還有套餐包的salad, 所以今次順路幫襯了。點了一個熊本拉麵,埋單七十多元,但有吃不飽的感覺,湯底也不像以前的。不過,這裏日本人的確多,但他們不是光顧麵食,是來喝酒的。我鄰座便是一個日本男人, 佢有支酒放在店裏,來了後叫小食邊飲邊吃。同時佢大sell聖誕無限飲套餐, 二百多元一個人無限飲清酒、燒酒、啤酒及佐酒小零食,可坐五小時,有興趣的人可試下。

20071125一直喜歡這裏的地道風情，也可放心介紹朋友前來。只看身邊一桌一桌的日本食客，以及操日文的侍應，亦足以令他們放心。長崎拉麵：配料很多，不像豬骨湯麵那麼濃味，另有一番清新；串燒：三串起，鵪鶉蛋醃肉卷的味道和質感其實搭配得很出眾，只是不敢多吃；明太子飯團：22元都頗貴，略覺得有點不值，當然了，味道還是好的。有機會一定會再來：）

每次經過麵屋一平安都坐無虛席，11月16日同朋友晚上10點左右經過，見人潮已經散去，唔洗等位一於去試一試。其實麵屋一平安係一間居酒屋，店內裝修亦很有地道日本居酒屋色彩，有多款日清本酒選擇，除咗主打各式拉麵之外，仲有多款佐酒小吃。當晚我地點咗:三文魚刺身日式煎餃子炒雜錦野菜日式炸雞件枝豆串燒雞腎2碗拉麵其中日式炸雞件係我至愛，只可惜味道帶甜，比起八八八拉麵店的略遜一籌。好多時我都強調一間食店嘅成功與否，除咗食物質數本身之外，店員服務態度同氣氛都會影响到我對該店嘅印象。麵屋一平安有不少日本人幫襯，再加上地道居酒屋裝修同店內陳列出排列整齊嘅各款清酒，感覺又好似置身係日本咁。當晚食得好開心好自在。

第一次去食附近都係日本人，招呼既老闆娘都係!!我既豚肉拉麵好得~!!!!個燒餅估唔到入面全部都係菜黎!!!成間鋪好多日本人係度飲酒食野，入到去真係好似去左日本咁~第二次去係因為太掛住個麵，另叫左餃子同埋牛舌~男朋友既麵鼓湯麵一般~都係豬骨湯叉燒拉麵最好味~

試試個Lunch Special啦!又平幾飽好好味.我嘅定食一定係豉油湯底拉麵+肥豬肉飯一碗,食完要跑步返公司幫助消化.美中不足,Service一般.very一般.

其實已去過幾次，而家一次過寫食評。含豬骨湯底的拉面的確不普，夠味但不油膩。試過下午餐時間幫襯，有特價啤酒飲，好飲。有試過晚餐幫襯，叫「貴價」ramen (HK$70或以上），曾經送過沙律，日沙律好新鮮，D生菜好甜，配埋蟹子沙律醬很好吃。不過我個人喜好反而不是HK$70多元的拉麵，因為日式「老」蛋與日式又燒本身不是特別好味。反而HK50多元的九州豬骨湯豬（或以野菜為主肉為輔）的ramen更好吃。此點有不少日本雜誌，也有「平飲」各式酒類的set, 所以吸引不少日本白領男到此地，為此店增加地道之感。

一個人單拖食lunch, 諗起呢度未試過, 雜誌又介紹過, 走0左入0黎. 招呼我坐低個女店員俾人好遊魂0既感覺, 斟茶俾我+ 幫我take order 個男店員就反應好慢講0野好細聲, 好似未訓醒咁@_@"叫了個豉油拉麵(見圖)... 好清0既湯底, 亦幾多油; 先飲一啖湯, 味道幾清, 不過唔似豉油湯底, 似中式清雞湯多d -_-" 麵質唔錯, 幾彈牙唔會腍bad bad, 但亦令我諗起吉x 島有得買0個d 「九州即食麵」. 成碗0野0既感覺唔知點解好似自己0係屋企淥0個d 麵, 食完都唔記得味道係點... $50 一碗, 真係唔多抵食.環境唔錯, 幾日本feel, 不過音樂幾嘈; service 就係上述咁遊魂. -_-"叫做試過0下咁啦... 相信唔會再0黎, 俾得$55 ($50 + 10% service charge), 不如俾多$20 去函館Domon 好過!

男朋友仔帶我黎食~等左唔係好耐就有位~d位麻麻地舒服啦~因為d 櫈無椅背~不過野食就ok ar~~一開始叫左個餃子~好熱~好味~之後叫左3串串燒~豬肉真係咸左d~煙肉卷ok~good架~仲有雞亦都好好味~之後仲叫左個迷你拉麵~想試多d野食ma~個豬骨湯都好清ar~有舊好肥既五花腩~我男朋友就超級欣賞~最後因為唔係好夠飽~再叫多一個燒餅~又係超熱~個邊好脆~good~我已諗定下次幾時再黎了~

聽朋友說，這裡的拉麵幾出色，而最近喜歡的另一間拉麵店又已結業，當然希望來這裡試試，希望可以找到另一間喜歡的拉麵店。看到有鹽味拉麵，想也不用想，立刻便決定了，另叫了雞肉、露煙肉卷和日本蕃薯串燒及熊本豬骨湯拉麵。鹽味拉麵- 只得鹽味，完全沒有鮮味，相信都落得唔少，麵還食到很重的水味，雖然麵質幾彈牙及有咬口，但因湯底唔出色，感覺已差了不少；叉燒就好韌，真係有點像咬一樣；雖然沒有想象中出色，但也不算太差，只是自已要求高了點吧。雞肉- 燒得好脆，雖然鹹了少少，但也很出色，幾好食。露煙肉卷- 露新鮮，幾爽又有咬口，可惜煙肉煙得過硬，好在味道都還算幾好。日本蕃薯- 日本蕃薯？不要說笑吧，樣似唔代表係，但十五元就想食真正的日本蕃薯，又好像沒有可能。蕃薯完全沒有香味，燒得又過硬，不說也吧。熊本豬骨湯拉麵- 豬骨味過濃，感覺唔到是真正煲出來的，相信又係作怪吧，麵的質地，明顯和鹽味麵唔同，自已就比較上喜歡，可惜也是湯底問題，令喜歡的感覺降低，實在可惜。

自認自己絕對不是那些食遍大江南北的滔滔菜欄，只是當朋友說此店是「少有給了你像在日本吃拉麵」時，我還是無法贊同。真的希望有專家教路，是否所謂正宗的拉麵，是宿命性的「簡」水味隨身？華蘭路的北海道函館如是DOMON如是這裡如是。我想，就算自己如何不懂吃，也至少明白，「簡」水味是一項致命的bad，而不是good 來吧。也點了串燒。始終還是太過乾硬。味覺未能滿足，唯有和友人肆意逗玩，心理飽足填滿吧。

今晚同兩個朋友0黎到(想試好耐, 今晚一償小妹心願, 嘿), 叫左兩個拉麵, 炸墨魚軟骨, 煙雞胸, 什錦天富羅, 同埋芥辣牛舌~ 基本上樣樣都好食, 拉麵0既質感都好好, 伴牛舌0既蕃茄沙律好新鮮好味, 只係炸墨魚軟骨較為多油, 麻麻地好食~店舖細細, 較嘈, 但佈置有日本小店feel, 同埋都幾多日本人0黎~　Waitress 招呼好好，雖然佢地好忙，但不停為客人加茶，同埋我地食哂野之後，雖然門口有人等位，但無迫我地埋單, 抵讚, 我會再0黎0既~

想試炸雞拉麵，但結果都係食o左set lunch o既飯滿足~好味~不過杯奶茶唔好飲P.S. 坐低要叫先會俾茶你飲…見到隔離枱叫o左兩次…