麵屋一平安 (已結業)

lunch set幾抵又好食餐後的咖啡幾好飲！飲得出唔係即溶o個d！好impressed~ good!

下午茶餐40元,有拉麵加3隻餃子, 聽落好抵,但唔好食就另計.我選了豬骨湯麵, 湯底質素如味千一等食店,完全沒有驚喜,更不明白為何有這麼多好評. 更差的是餃子, 像弄好了數小時的樣子, 又乾又硬, 要花點力才咬得開,味道比FOODCOURT食的差. 依然是橫綱好~~

20070505想回味一下剛剛完成的日本之旅，機緣巧合之下來到這裏，想不到又真是滿足到我們的想像喔：）室內用了許多黃色的燈光，暖暖的，暗暗的，九點鐘之後換上蠟燭更有情調；牆上掛著幾張江戶風情畫，吧台處則是一字排開的大大的清酒樽；來自日本的咨客姐姐只會講簡單的廣東話，與我們交流時有些害羞；我們旁邊坐著的兩個日本人看起來是熟客，存了清酒在此，再叫一碟天婦羅一碟厚揚京都豆腐，配清酒凍飲；再遠一點的那個也是日本客人，獨自點了碗拉麵，一面吃一面看店裏提供的當天日文報紙……一時之間有些時空錯位的感覺。吧台的位置，對於兩個人來說果然是個不錯的選擇，可以一邊享受美食，一邊看著站在裏面的嬸嬸像擺弄藝術品一樣弄冷碟。完全是一幅專注的、慢工出細活的樣子，只是看她把那麼多種的配料一點一點地堆起來，已經是一場視覺前菜。看得雖然很多，胃口所限，我們自己只叫了三樣東西：熊本叉燒豬骨湯拉麵：大大碗，叉燒兩片，不肥不膩，面底彈牙，湯夠濃味，略有一點點鹹；迷你豬腩飯：加了半個溏心蛋，賣相精緻，豉有味道很正宗，豬腩肉也確是上品，入口即溶，鹹香肥美，飯底還可以再好一點；燒玉子：中等厚度，熱辣辣的，雖然不如松露，也還可以。環境

可能未到晚市時候,18:30入沒內滿座,所以幾寧靜.1.長崎拉麵$60 ~ 好多好多菜鋪面,而且還有魷魚,蜆,及魚條.湯底幾清,唔會得個咸.麵條亦很好,不會太淋.2.豬腩肉拉麵$65 ~ 腩肉很香很入味,與湯底配搭得宜.

次次行過呢度都見到坐滿人，難得有次行過見門口幾張枱都冇人，於是入咗去坐低食碗麵。門口帶位個阿姐同好多個侍應都一副日本妹/姑樣，搞到叫嘢食嗰陣我都唔知講唔講廣東話好。間嘢裝修好簡單，最搞笑有對古谷實畫嗰啲樣嘅男女走入嚟，週圍打量吓間舖，跟住個男嘅話：「咁架咋喎。」個女嘅冷傲咁縮一縮膊，跟住兩個就走咗去。我心諗：「吓，你哋祈望間舖係點呀? 有碌鋼通喺枱上面啲侍應會忽然跳上去攬住碌柱轉圈呀?」幫襯嘅好多都係日本上班族。靜靜哋，食都食得舒服啲。去親食拉麵我都係叫最簡單嗰啲，今次都係叫熊本豬骨拉麵。個湯好濃，拍得住sanpachi，不過冇咁油。啲麵唔係咁好咬口，唔及yokozuna。啲位其實麻麻哋好坐，因為啲櫈都幾矮。

既然係拉麵店, 一定要善下啲麵質, 同埋啲湯底最好不要太味精, 飲咗好多杯茶都仲口渴..

D 拉麵勁好味, 我連d 湯都飲埋!仲有個咖哩豬扒飯, 超好味!

I had tried the noodles and curry pork chop with rice in this cosy place. The noodle was just okay. The soup was so-so. In my opinion, the noodle in Domon is street ahead.However, I found the curry pork chop with rice was very good as the pork chop was freshly fried.I especially like the traditional Japanese decoration of the place a lot. I also found that the sake selection was attractive. You can find some uncommon sake here.*I was surprised to find that the staff were playing 13-cards when I

今日同老公食左中華拉麵+豬骨湯茶漬.麵彈牙好味,豉油湯底有少少咸.豬骨湯茶漬其實即係豬骨湯飯,加埋蔥同泡菜,比想像中好味.

唔覺佢的面有幾好.試過咖喱飯. 一般貨色.吞拿魚飯, 一般貨色. 至怪係凍的吞拿魚下面, 是熱辣辣的飯囉. 拉麵來說, 好似Ramen Sanpachi or 元八好過佢waiter要叫至曉得幫你加水, service唔得.

食左個麵豉拉麵, 個湯好好味, 又唔多味精, 個麵都好味, 不過配料唔多, 一碗麵啱啱好, 其餘都好想試下, 見人地食中華冷麵都好似好好食咁, 有機會下次再去.畀多幾蚊, 去呢到好過去味千~

第一次黎係食小食同飲sake,唔錯!所以今次睇軟硬前咪又同班朋友黎食d野先.我order左個叉燒拉面,唔錯,面夠彈牙,湯味夠濃,份量又剛剛好;反而我個fd叫既長崎拉面,太大碗,兩個人食都夠我覺得係一個食日本野既好方,坐得又舒服,最好係唔會話成日想趕人走咁,係度dinner都幾happy

o尋晚三個人八點鐘行完街,經過一平安,咪諗住入去食飯啦!入到去無人等位,而我視線範圍內有兩張吉枱,分別四人及六人枱,侍應話要等陣先有位,咁咪照等啦!等左一陣都無人理過我地,飛仔又無張,我地三條友憨居居坐左係門口,其間有兩個客人一到就即刻有位安排位比佢地,間野有枱都唔比我地,我地咪問個侍應大約仲要等幾耐?佢話三個人係要等耐o的o架喇!真係比佢吹賬,我地咪即撇,去第二度食!

擒日同老公出0左尖沙咀, 行完uniqlo 同muji, 我個肚又飽飽地, 淨係想飲啖湯, 於是提議去試0下.我0地叫0左叉燒拉麵$58, 窩蛋牛肉飯定食$60同鹽燒鯖魚$35.個拉麵湯底好得, 又清淡但又好味.麵質又彈牙.個牛肉飯好好食, 牛肉煎得好香.鯖魚又唔醒, 不過仲有一兩條幼骨, 師傅真係要小心0的.唯一需進步是廚房出菜慢, 同侍應招呼麻麻地...

起身做到五點幾，未停過，亦未有時間醫肚，返公司前拿拿臨搵少少野食醫肚，唔係一定死係街頭，行過諾士彿檯，就到一平安試試新舊舖的分別。舊舖的豬骨湯底，是小樽之外的另一選擇，水準絕對是香港三甲之內，今來到新舖，餐牌上無長崎拉麵，只有熊本拉麵，見係豬骨湯底，就要呢款，Tea set配炒飯。聽到個架仔係度傾野，應該係經理，無理佢，繼續影相，之後佢走埋來起偶的底，當然是有禮貌地，偶亦表明身份，意外地傾得幾投契，原來是由日本來的太子爺，說得一口無帶鄉音的流利英文，之後繼續談論新舊舖設備的分別。又說這碗熊本拉麵，海苔、海草、銀牙、蔥、2片叉燒配，配料唔夠看頭，可以更好；麵是幼身拉麵，煙韌帶麥味，與西山是截然不同的兩派；湯底果然出問題，杰而帶厚油的質感不討好，亦欠豬骨的鮮味，不敢相信是同一集團出品，如馬師傅所言：「爐是夠新夠先進，但係做法同舊舖完全唔同，真係新不如舊。」，就拉麵而言，質數算唔錯，湯底同尖沙咀Domo差不多級數，麵是西山外，另一款值得吃的麵底。對日式炒飯無甚研究，日本米，粒粒飽滿的珍珠米，叉燒、蔥粒、火腿，腍腍地易入口，落得太多火腿，鹹得要命，喜歡呢味唔係因為佢做得好過中式炒飯，只不過是腸