麵屋一平安 (已結業)

星期六，11/3下午2點幾，同佢唔知食咩好，所以黎左開午飯。叫左2個午餐，一個係熊本拉麵加餃子加意粉沙律加橙，另一個係迷你豉油拉麵加迷你炒飯加意粉沙律加橙，凍奶茶同凍檸茶。0個日人唔多，但係招呼麻麻(除左那個應該係日本女仔)，叫斟茶叫左成4-5次，叫左不同0既人，最後先肯加，我覺得好似扮唔記得囉，收錢就快。份量唔係好，僅僅夠。野食0既水準比想像中無咁好，唔係好夠熱，d麵仲有d漿住添。之前都係呢度0既食評寫得咁好先黎，所以失望。其實價錢唔平，而家好多地方都有拉麵食。我覺得元八同北海道拉麵好食d。我覺得如果唔係食午餐就更加貴，因為又無野飲又無小食，水準又唔係真係咁好。所以未必有下次。服務同食物有待改善。