麵屋一平安 (已結業)

Noodle is good & service feel very nice!

來了尖咀辦事，會合朋友去午飯，卻遇著連天大雨，原先計劃的食飯地點去不了，近近地就來了吃拉麵。呢度地方唔錯，比起一平安以前縮在商場地庫好好多。裝修以木為主調，幾好坐。我們坐在吧檯，都不錯。Higomonsu其實是日本來的牌子，賣的是熊本拉麵，同一平安好像沒有什麼關係，既然佢賣九州麵，試下豬骨湯就知是龍是蛇。午市有套餐供應，就要了個B餐，有熊本拉麵一碗，餃子三隻，飯及飲品，幾豐富的，朋友就叫了咖哩飯。等左一陣就有得食，麵賣相不錯。先渴口湯，夠濃味，亦頗有甜味，好像有少少豬油，因為都幾香。九州麵，有落味精不出奇，亦似乎不在少數。在香港，算係咁上下的了，起碼至此為止都未吃過一個非常好的豬骨湯底，拉麵街福福Noren及元八那個算不錯。單論豬骨湯，這裡的是5名之內；配菜有芽菜、木耳絲及紫菜一塊，亦有醃菜跟生蒜可以隨意去加，有個壓蒜頭的鉗可以自己動手，我當然不客氣，加了生蒜，增加不少風味；叉燒兩片，炆得又腍又入味，幾有水準；麵是直幼身的九州拉麵，口感較爽，但應是本地出品，算是及格。吃完碗麵，其實已經幾飽，所以餃子只吃了一隻，都不錯；那一小碗飯是掂都未掂過，給朋友拿了去加飯底。朋友的咖哩飯，他說普普通

上次食睇o岩o岩開張.....同埋同事一共六個人......Order 晒d 野....但等o左半個鐘都未到....咁就追啦~~~~另外見到隔離檯早order 過我地...但都未到...再過多十五分鐘...亦追o左幾次...終於上o左3碗拉麵.....但3碗都係一樣的....問佢咩o黎....佢竟然答唔到我地....我地根本冇嗌過3碗一樣o既野.....最大問題係...我後面o個檯...遲我地半個鐘有多先到...但..我一早order o左o既蛋包飯...竟然由我面前............經過...............俾佢地先....跟住...我即刻問個waiter.... 佢竟然答我唔到.....最後一行六日....起身即走....Total 浪費o左我地45分鐘時間....Lunch Hour 飯都未食就用晒d 時間...最後...成班同事...只好一齊去麥當當買外賣....>_<"

雖然對拉麵不是有特別興趣，既然是新開，都去試下。拉麵不算好多選擇，小食就有唔少，對我o黎講唔多吸引。初時驚兩個人食唔晒，叫住一碗叉燒拉麵同煎餃子，原來size唔係好大，再叫多碗辣味拉麵。叉燒拉麵係豬骨湯底，叉燒夠厚有咬口，肉質唔實，不過味道一般，豬骨湯底唔算好濃，但係老公好鐘意，差不多成碗飲晒。辣味拉麵有d似上海酸辣湯麵，但前者湯底較浠，味道好好，辣辣地，拉麵本身與叉燒拉麵個種麵有D分別，呢種麵身較為好食、彈牙。我平時好少食日式煎餃子，一來大隻二來嫌餃子皮太厚。今次呢款細細隻，皮較薄但又煎得唔攔，餃子好有肉汁。總體來講一般啦，但冇其他人講得咁差。

晚上三個人食飯,叫咗長崎拉麵,味増拉麵, 拉麵沙律及炸魚餅, 個味增拉麵同埋個拉麵沙律份量都好細, 個炸魚餅只得3粒, 味道好似我地港式炸鯪魚球咁, 但好鬼咸, 又唔彈口, 冇鮮味, 好難食, 跟住個長崎拉麵同埋個味增拉麵都好普通, 個拉麵沙律既汁又係唔好味,d菜又有沙, 有咁既經驗, 下次都唔會再食喇!

完全唔掂！！！第一次去.....是午飯時間.....12:30noon坐低落order, 等到1:00pm還沒有得食,於是投訴啦.....佢話就得啦！再等到1:10pm都係無......終於1:15pm左右有啲嘢來啦......但只是3碗不知明拉麵(因我們問他是什麼拉麵, 他竟說唔知.......><)....但在我們隔離枱剛剛坐落不到5分鐘,就有嘢食...而且是我們45分鐘前叫的食物....他們也沒給什麼解釋,只是唔理我們繼續做嘢....最後我們什麼也沒食就走了(因為夠鐘上班啦！)>o<第二次去.....也是一肚氣....>o<但終於有得食啦.....我們order拉麵"走蔥",但最終碗麵來回4次才走到蔥....唉.....佢哋好似完全唔知自己做緊啲咩.....>o<.....又唔知自己間舖頭賣啲咩咁！真係唔會再去啦.....我諗好多人都係咁諗！因我今日去食....成間舖頭得幾個人....>o<