麥文記麵家

营业中

休息中

lee間係細個時,阿爸出親佐敦都會帶我地黎食...都有好幾年冇黎到lu!有次想食返咪去囉~原來已經裝修左光猛左好多...仲清潔左好多添呀咁當然都係食返個d喇..仲叫多左個芥蘭雲吞麵保持水準...個湯好清個芥蘭d莖好爽好味...<<當然要叫1蚊既蠔油啦~1蚊既蠔油真係唔同d!味濃又冇咁鹹~我記得以前全部都係男人黎架...haha

雖然呢度d雲吞麵好出名,但我覺得實在太細碗啦!另外d雲吞好細粒(total 5 粒),一一粒至兩粒,好快冇曬,個麵又細.一個人除非當tea食,唔係就一定唔夠飽.總之就係太的骰!

小弟好多時返夜班都會經過呢度,係好多舖頭做緊十蚊一碗麵時候,佢仲可以唔減價就知唔優做啦!(我諗同九記差唔多掛)事實碗麵咁細,我一次可以食三碗,不過少食多滋味,下午茶一麵一菜都好夠,我仲次次飲埋D湯,真係好正,聽日食多次至返工~~~hehe

又一次買外賣, 點了一個豬手撈麵, 汁料杰而味度偏清香, 豬手賣相精緻, 皮軟肉滑亦有質感, 最欣賞的還是麵質, 感覺比民園的豬手撈麵更合胃口; 再來淨雲吞, 同樣鮮味而且蝦肉爽口; 炸醬麵, 小辣偏甜, 肉質亦唔錯. 服務方面仍然有效率, 落單五至十分鐘已準備好~

本人十分之喜歡食呢度d野, 好似薑蔥撈, 蝦子撈, 九菜花, d九菜花勁好食, 可能因為d豬油, 另外蠔油都正過人, 再加支裝汽水, 都好滿足架啦。

同女友share 左一個大添記三文治後，慢慢散步行到麥文記，見個肚未被半個三文治填滿，遂入內試試正宗既細蓉。一般雲吞麵檔格局，不必多提。女友點了豬手麵，而本人則點了雲吞麵加芥蘭。麵來到後女友不斷抱怨雲吞如何地細、份量如何地少，本人亦嘗試解釋此麵如何地傳統、如何地物有所值。由於本人一向對麵食研究不多，所以享用時亦格外用心，希望食出一個價值出來。麵來說本人比較喜愛灣仔既永華，永華既爽身彈牙，但麥文記則食不出所以來；雲吞當然不會難食，但對本人跟女友來說都實在包得太實身，口感不佳，內裏既材料亦如前食家所說既差不多。豬手色澤不錯，亦不會炆得毫無口感，不過可惜是豬手亦因此不太入味。芥蘭係比較有驚喜既一環，皆因芥蘭淋上豬油，豬油香味加上芥蘭煮得時間得宜，連蠔油亦可以不沾。全數合共五十餘元，出店後醒起離此店不遠有出名雲吞巨大既龍記。我想我還是比較喜愛巨蓉多一點。

九點幾放學, 買個外賣回家晚餐, 叫左一個淨雲吞, 水餃麵, 蝦子撈麵, 共$70. 見佢煮麵既地方好細, 緊緊夠一人咁上下, 不過真係好快手, 約莫5-10分鐘左緊已經攪惦晒.打的回府, 好在d食物仲係熱騰騰, 淨雲吞同埋水餃都好鮮味~ 麵質同味道都唔錯, 蝦子撈麵十分多蝦子, 但似乎蝦子味唔夠香濃.雖然係簡簡單單既外賣, 已經好滿足下~

噙晚又去整蛋糕喇, 事前當然要醫定肚啦, 唔係邊夠力喎!! 同事提議麥文記, 都好, 平時好少行來呢頭.初來報到, 當然要試下雲吞啦, 見一碗的份量唔係太大, 就要左撈麵, 同事要左炸醬撈.份量幾大, 就咁睇, 比炸醬撈的更大碟. 雲吞有六七粒, 細細的, 每粒有一隻蝦同埋少量肥豬肉, 味道幾甜, 有蝦味, 亦爽口. 麵就幾有口感, 亦沒有太强的梘水味, 湯亦ok.另加碟菜心, 但質素一般, 略帶苦味, 早知見芥蘭啦, 見d芥蘭好似唔錯咁.....

麥文記算水準平均, 湯/麵/雲吞都叫做合格, 如各位在九龍區有更佳介紹, 請不吝介紹．

8 August 2004, 1pm響電影中心睇戲, 近近地行過o黎官涌吃o野.1人吃: 雲吞麵, 雲吞爽口, 略嫌麻油落得太多. 麵算彈牙, 但比起黃枝記還有一大段距離. 而且還是有小量鹼水味. 湯底則不俗,飲完無乜好口渴既感角.油菜要芥蘭, 蠔油另上($1碟), 爽脆. 但精采的是油菜本身淋響面果o的油, I can sure 係落o左少少豬油溝埋的! 香口!!!overall , ok 啦.

人家說中國人不可無飯，依偶看嘛，霑不到飯是沒差，麵倒是不可缺，尤其是雲吞麵！多日沒吃過雲吞，真的不是味兒，最近最地道的，大概只有麥文，那只好來各二百五十步長征，路程不算遠，但在大熱天時下這麼一走，也真夠好受說。數數手指，關於雲吞的文章，大概也又三、四各，寫的那位不悶，卻怕看的會吃不消，但吃到好點子不寫的話，卻又過不到自己那關，那管未有人會看，偶還是要寫，偶就是這麼的機車，嘿！嘿！聞說麥文與麥奀是用一祖宗的，何以一分為二，箇中原因，偶不清楚，反正麵好便成，其他支節，管他的！既然是雲吞麵，雲吞行頭，就先宰它吧！正宗的細蓉，內含兩、三只細蝦，豬肉碎一粒粒的與蝦混和著，偶比較欣賞這種包法，先是吃到蝦的口感、肉味從後而來，坊間的雲吞嘛，肉都是聚在一角，雖有肉未卻無口感，肥肥實實的一團，吃下去，感覺甚為嘔心，想吐出來嘛，又沒有那份勇氣，這種場面，有夠竹升說，叫人哭笑不得！麵是自家打造的，口感雖沒有永華那麼強烈，然而，幼幼的一束放入口時，齊輯輯的一口爵下，那種迅間斷開的感覺，真夠各爽！湯是一般，大概是用大地魚煲成的，屬於清的一種，味道沒有麥奀的那麼強烈，喝後不會灌水止渴。小小的一碗雲吞麵，與麥奀相比

有一日, 我同幾個同事OT~~O到成11點幾,咁咪約埋一齊去食宵夜,聽講話呢度d麵好好食,咁咪一齊去試下囉,點知去到見到間舖就已經覺得唔係好舒服,地方又細,又好似唔係咁乾淨,總之就坐得唔舒服啦!!後來我地一人叫左一碗雲呑麵同埋一碟油菜,但係就真係感到好失望囉,價錢又貴又細,碗麵味道又一般喎,又唔夠爽,未如理想,雲吞都無乜水準,d菜又凍冰冰咁~~ v.v 簡直令人失望呀~~

真的嗎﹖其實"純"講個"麵餅"，呢度比其他一般都好啲，有"嚼頭"佢啲麵、湯、雲吞咁多年都同麥奀啲係唔同，呢度碗比較"粗"啲，麵身較厚，湯加咗較多油(似池記)，雲吞啲蝦係大隻啲"粗"啲既其實"純"講個"麵餅"，呢度比其他一般都好啲，有"嚼頭"依度就$18，麥奀就$23，雖然後者又貴又細又唔扺食，但仍叫水準之作

聽說呢間o既老闆同麥奀創辦人同宗嫁播...乜d面唔掂咩?

以前細個果時成日都會跟阿媽嚟幫襯呢度老實講細個果時無而家咁咀刁，都覺得呢度只係好普通，唔算咩好嘢大咗之後食過一兩次，今日再食咗碗雲吞麵，結論係每況愈下，越嚟越難食唔好嚟