麥文記麵家

营业中

休息中

除左食包之外,昨日仲食埋麥文彈牙雲吞麵碗麵比想像中細碗好多,真係好細碗,但係味道又唔錯,麵好彈牙,上湯味道香濃,不過我一個女仔食一碗麵都覺唔夠雲吞包得精緻,蝦肉唔算太多,有時會好怕太多蝦,因為會變成蝦餃,少食多滋味!味道好但價錢唔平,係我既評語

陪朋友飲飲下野, 她肚子餓, 便來個早場休息, 喫碗麵再說。朋友的雲吞麵, 小小一碗滿, 是麻雀雖小, 五藏俱全的。飽應該是沒問題的, 可是我想一定不能滿足我此等湯精。試吃了一口湯雲吞, 那頭湯是幾濃甜, 蝦肉雲吞沒有死實實的口感, 不過吃雲吞沒肥豬肉, 是稍遜色。芥蘭很清爽, 真的做到全走的效果。夜晚十二點, 還是很爆場, 証明好野,是有知音的。

今日收到朋友J 0既SMS, 諗起以前0係呢頭返學放lunch 時成日同佢0黎食麵... 趁2:30pm 0係呢頭, 0黎呢度食碗好耐無食的雲吞麵($22).先飲啖望落幾清0既湯, 好濃「蝦殼」(?) 0既味, 幾好飲; 麵質好爽, 無鹼水味, 不過都幾油, 食完幾漏; 雲吞就一如以往淨蝦肉, 又有少少切成絲0既筍(?), 食落極爽口又好鮮味, 加埋少少韮王, 好食! 雖然無豬肉硬係爭d, 但以全蝦雲吞0黎講, 我覺得呢度的係勁好食, 嗜全蝦雲吞的, 要0黎試試!環境ok, 乾淨企理; 招呼亦ok, 伙計們算好好禮貌.埋單$22 一碗, 同多年前0黎幫襯比較, 只貴了$1, 而且好食又食得飽, 勁抵! 印象中佢d (柱侯)牛腩比雲吞更掂, 下次0黎會食牛腩河!題外話, 唔知朋友J 會否見到呢篇食評? =P

麥文記除了鮮蝦雲吞好味道之外，牛腩亦好林好入味。24號的那天，除了雲吞外，就叫了蝦籽撈麵。雖然本人覺得麵有點點硬之外，蝦籽有很多亦很香，下次再去我都會再要蝦籽撈麵加淨雲吞，正呀！

又有一段時間無來過麥文記,今次來,不吃鮮蝦雲吞吃豬手.這間幾十年老字號,鮮蝦雲吞出名之外,其牛腩同豬手亦一時喻亮.另外油菜一樣是揀手貨,係蠔油要加$1才令人費解.胃口不算絕佳的一天,要個撈麵恐怕吃不完.就要碗豬手麵,再來一條芥蘭.豬手斬到不修遍幅,此老字號的豬手屬於柱侯系,其濃香的柱侯醬完全溶入在豬手,非常入味.豬手皮膠質豐富,且很夠肉地.下面的麵條柔韌有致,而且沒有鹼水味.須知道南乳加豬油再加埋鹼水味,陣味會好難聞.十年如一的芥蘭,永遠是爽甜無渣,連$1蠔油錢也得省.坊間三線水準平均的廣東麵店,老實講不算很多,有些雲吞得,其他唔得,牛腩豬手得,但雲吞唔得.這間麥文記,是其中之一間三線平均的麵店.我講九龍區.

麥文記呢間老字號，由細食到大。雖然水準不及從前，但相比時下嗰D所謂麵店，仍然係高幾班...今日趁有空檔又過去懷舊一番。平常去食通常都係來碗細蓉，但今次就係腩麵...小弟不嬲覺得呢度嘅牛腩係比雲吞更出色--- 炆得入味之餘，柱侯醬味道亦恰到好處；腩部位好淰，根亦夠咬口，實在不可多得...麵依舊高水準--- 爽口彈牙之餘又冇鹼味，跟劉森記可分庭抗禮...過癮之至...

29 FEB今天和兩個同事特登搭的士由尖東去到白加士街食！一直很喜歡食這裡的雲吞，因為是全蝦，細細粒，很新鮮，好好味！而且湯底很不錯！每次也會忍不住飲哂D湯.....今天叫了雲吞河(一早已經知道是細碗，對我來說最重要是味道！)，但是湯底已經比起以前遜色了！叫了一碟菜，好像比以前細碟了！說實在，已經沒有以前食完再叫的衝動，我想我唔會再O黎食了！品質退步了，但價錢反而上升了，雲吞河要$22，一碟菜+蠔油$12......

下午茶時間...爸爸突然說要吃東西...剛好我地經過這裡...爸爸之前都黎過...佢話哩到D雲吞同麵都好好食...我地有3個人.但係下午茶時間都有好多人等左差5多10分鐘才有位.叫了雲吞麵同油菜由於人好多.所以D野好遲先黎...全蝦雲吞好鮮甜...令人讚口不絕...D麵有小小硬..湯底都好好味...油菜其實冇乜特別...

星期三，因朋友會去﹔澳洲再進修廚藝，因晚上留番比屋企人。所以我與另一位朋友邀他午飯作離港前最後一聚。問他想吃什麼，他說於美國工作多年，最想吃的是一碗好吃的雲吞麵，因為在美國吃到的都是難吃不堪...本來約了在尖沙咀，但想一想要吃較全統的，應該是佐敦的麥文記...坐下，先來每人一碗雲吞麵及叫了一碟蚝油菜芯。湯是可人的，顏色清澈的，但味到＋足，起碼還喝得出有大地魚、湯骨及羅漢果等材料。麵也淥得非常爽兼彈牙。「去梘」時間掌握唔錯，雩吞麵本身的梘味才恰到好處...最失色反而係D雲吞，大小都算係傳统細細條金魚尾那類，但餡就無落到肥肉，無肥肉那種甘香味，令到那粒用大蝦仁做的雲吞失去灵魂似的。可能現今健康行先，但好像唔太啱我哋呢類卅幾歲嘅麻甩佬...蚝油菜芯的「芯」尚算清甜，不過三個大男人份就太細碟了，還是補多碟芥蘭...

鮮蝦雲吞足料, 蝦都幾大隻和新鮮。麵略為硬了一點, 幸好沒有鹼水味。不過, 雲吞麵實在太細碗但收費不算便宜, 見客人多數選擇撈麵或叫兩碗麵。

嗌碗柱侯牛腩麵加一碟菜心食!呢間麵店既牛腩麵做得好出色,牛腩嫩滑,柱侯醬入味,麵條彈口,係一碗上佳既牛腩麵,令人回味!菜心係加上豉油,如果要蠔油就要加一蚊,但係我無加,唔係因為貴,而係我唔想要!

原本去食澳洲牛奶，但要初九先開咁轉去麥文記。其實呢兩間都食超過廿幾年。但麥文記就要用今非昔比形容。今次食炸醬麵、雲吞、水餃+ 油菜。麵OK!!! 無大變，依然咁彈牙!雲吞、水餃.....唉....係唔同，D蝦無味..D筍...又...分別最大係D湯，以前好有大地魚同蝦味，但宜家就愈來愈淡，無香甜味!! 好似溝好多水咁!!!! 仲有D蠔油唔知係唔係又改！超鹹!!!D伙記又...，直覺成間轉人做(兩三年前都覺得，但今次更甚!!)我估要改去同系好旺角& 麥奀記囉!!!

個晚，青檸先生放工放晚了，加上之前他說麥文記好味所以就落去了。一去到，我話不如叫碗水餃麵試下啦，他就話唔好啦，叫兩碗都係雲吞麵，但牛精的我唔聽愛人的說話，叫左一碗水餃，最後發現水餃係唔得的，但碗雲吞麵就好好味。個d雲吞雖然細細隻，但全部都係蝦，無咩d肥豬肉係裡面，好爽好正！至於d水餃就唔係好得，裡面無咩(hum)，肉呀，雲耳咁，完全唔特別出色。個麵底都係一般，我比較仲意麥奀記多點，但青檸先生持不同意見，他認為呢度好味d。仲意食雲吞麵的朋友可以來呢度試試，都唔錯架！

久聞麥文記所以尼左一試叫左一碟油菜+一碟蠔油+兩碗牛腩面+兩可樂叫油菜...但係蠔油要一蚊....真係過分~~以為係正d...但係我又覺得同平時果d 冇咩分別....牛腩面....個湯都ok....但係d牛腩我覺得同平時d 十蚊面又係冇咩分別....咁佢貴在咩?又細碗wor....真係唔知佢想點仲要鬼死咁迫tim

食過幾次了．．每次都係食雲吞麵．～佢個湯底唔係味精湯，好夠味！正～雲吞蝦好新鮮冇雪味．．麵都好彈牙呢～～仲有要讚．．佢Ｄ油菜都好好味～不過蠔油要加一蚊～