麥文記麵家

营业中

休息中

老字號.麥文記麵家大拇指屈指一伸,正,好味~！雲吞面是我的首選..次次去親 麥文記 都點雲吞面.. 又夠快 又幾低食雲吞皮薄 .入口夠滑.入面淡淡肉. 鮮蝦都好新鮮..好彈牙..加上麵夠爽滑.唔會好重澗水味..湯就是用豬骨&海鮮熬出來嘅上湯「抵食」和「好食」雲吞面

白加士街最多人食的應該係澳洲牛奶, 但係相信很多人都會認識麥文記的, 像我一樣, 久不久就會落去食一碗麵今晚十點左右, 又去食左碗豬手撈粗了, 豬手係十分之美味, 南乳的香, 配合梘水味不重的粗麵, 令人回味, 豬手另一出色之處, 係爽口, 肉也不少, 總之就係好食啦!加多碟菜心, 不要油, 要了腩汁, 結果係一小碗的腩汁俾我, 腩汁都唔失禮, 味道好!食完一碗好食的豬手麵, 心情都愉快得多

獨自一人入麥文記食左碗水餃河, 好正!水餃的蝦好爽, 蝦肉鮮甜, 唔係一般下欄野, 水餃皮好薄, 入口好滑! 上湯的味道很出色, 加幾粒韮黃落去吊味, 入型入格!老式粉麵店, 越黎越少, 好味的, 更加買少見少, 有些就改革, 改頸換面, 但味道就大幅退步, 麥文記係其中一間可以讓我食到好味的水餃粉的一家!

今日去買野.路經這裡又來吃入去到，細細間麵店坐到爆晒.等左一陣蝦籽撈麵好正，估唔到咁多蝦籽蝦籽量與味極豐麵冇挸水味又乾又爽.口感粗獷吃得過癮碟芥蘭都正到爆.係勁粗勁大棵service幾好, 雖然坐得唔太舒服但係唔單止一d都唔苦仲要係好甜現在.都好想返去再試下

隔了好一陣沒來。在遲來的飯局之前要打打底，到這兒吃一碗份量小巧的粉麵，就最適合不過了....一向對大部的"全蝦"雲吞沒有興趣，對這裡的出品亦沒有例外。反而小弟覺得她的牛腩做得比雲吞更出色 --- 柱侯味極濃極香，味是全然進入了那口湯及配料之上；牛腩腍糯也極膠口，牛根炆至入口即化的地步。最好吃是那些牛腩碎，很入味。當然，連瘦肉部份也做得不黐牙，亦令人佩服不已....吃得稱心滿意的一碗牛腩河。事實上自龍城陳南記消失了芳踪之後，好久也沒有吃到如此出色的柱侯牛腩了....看着鄰枱別人吃的豬手，想起亦是這裡拿手好戲之一。不過要留肚給之後的飯局唯有等下次再吃吧....

屈指一算師傅都有成兩年冇黎呢間食店, 尋晚有少少肚餓, 加上特然興之所致, 所以決定黎呢度食宵夜, 整番碗麵! 入到睇左一陣, 最後都係決定叫左碗雲吞麵, 再望下個餐牌發覺又加左價, 廿四蚊碗雲吞麵, 直頭係全區最貴, 不過點都好既然入左黎就試真d啦! 雲吞麵依舊好細碗, 一碗四粒雲吞, 雲吞就都真係幾薄皮, 個餡就係全鮮蝦, 少少豬肉都冇, 咬入口發覺非常爽口, 味道唔差, 掂喎; 而麵係全蛋麵, 入口都係好爽口, 真係唔錯喎; 湯底就幾清不過就一d都唔覺有鹼水味, 幾好!總括黎講雲吞麵嘅水準可以話係全區最掂, 但亦係全區最貴, 加上份量又太細, 如果要填飽個肚真係冇兩三碗都唔掂, 又細又貴仲要唔飽, 都幾唔化算; 不過偶爾一次亦不為過! 今次笑臉都比得過!

做足功課, 一心想食澳洲牛奶的炒蛋, 可是無位, 轉而幫襯麥文記的豬手麵, 澳洲牛奶都是留待下次吧, 反正之前看食評麥文記都很不錯根據資料, 麥文記最出名係雲吞同豬手, 今次先試食豬手麵吧, 豬手有香濃的南乳味, 有些少甜, 唔會酥, 有時食豬手好怕陣臭味, 但麥文記的豬手沒有這個問題意想不到的, 係個豬手煲到好淋, 但又好有彈性, 口感一流, 唔怪得之口碑會咁好啦!麵比較細碗, 份量很少, 真的是少食多滋味了

一場黎到佐敦一 d 都唔順路，就順道試埋隔黎間以雲吞麵出名的麥文記。飽得濟叫了外賣。淨雲吞 ($25) 有 7 粒。一咬落去，嘩，d 蝦勁爽，一粒有兩隻蝦倒！皮又薄，個湯又無(木見)水味，正！之前已經聽人講份量少，都算係既 $25 / 7 粒，如果我無食到牛奶公司既茶餐先可能都唔飽。

麥文記這個品牌歷史悠久,食品的味道一直保持水準而且食品的款式也愈來愈多樣化,以前只有十款八款食物近十年則多加了叉燒,牛腩,南乳豬手等等這次同女朋友來一坐底就先點兩枝玻璃樽裝的可樂一人一碗的雲吞麵.這裡能看到它們是正宗的做法先放雲吞在碗底,擺湯匙,再放麵,最後才倒下湯這裡的麵沒有鹼水味，但是又保持到彈牙的質感雲吞好吃,全蝦,我想該是本地工場做的吧麵份量小小碗,剛剛好,雲吞更是剛剛好一口一粒當然不會是單單吃雲吞麵另外叫咗碟芥蘭這裡的灼芥蘭較粗身清甜爽脆加上這裡特別好吃的蠔油.蠔油當然要另上蠔油要另外收費$1,曾經朋友說這兒是使用屯門醬園的優質蠔油值得一提朋友說這裡湯底是清清的豬骨大地魚湯大地魚湯可稱得上等麵湯.結合豬骨羅漢果,火腿等配料熬製六小時,麵湯無味精且鮮甜過人

雲吞麵很多茶餐廳都有, 呢間比較貴,又細碗. 但唔知點解, 一個人路經佐敦, 如唔係太飽都會去吃一碗.來一個「細蓉」雲吞麵, 配個沒有蠔油的油菜. 雲吞麵爽口彈牙, 雲吞的蝦結結實實肉不霉, 湯底加了點點豬油, 韭黃, 是其他茶餐廳雲吞麵沒有的風味. 我雖然不是吃得很辣, 但都喜歡加入他們秘製的辣油, 很可口. 配鹼水燙過的介蘭油菜, 是一頓健康輕便的晚餐.只要不是繁忙時間，服務也可接受，否則只有幾個無相干的人坐在同一狹窄的枱．

經過佐敦 , 走左去麥文記食個下午茶 .細蓉 - 麵幼 , 沒有很大鹼水味 ; 雲吞 , 全部都係蝦肉 , 好好食 !!不過 , 食食下發現個麵有隻疑似螞蟻既死屍 , 真係扣晒分. 都係以前既細蓉好食D ~~!!

下午四時, 不太餓, 只想找地方歇脚, 心想要吃不飽, 這裡是最合適了.人客不太多, 要坐那裡都不成問題, 當下選了面壁位,叫了豬手麵, 是本人的至愛, 十分鐘有得吃, 豬手份量不少, 有五件,一啖咬下, 牙齒郤反彈, 如咬住橡皮圈一樣, 好在老夫的牙力也不差, 卒之完成任務,但對這店的評價郤大打折扣, 因未夠火候的食品也夠胆奉客, 取價廿四大元, 只吃到幾片如橡皮的東西, 如此不顧店名譽的行為也甚差.雖然味道仍然不錯, 麵亦是水準之作, 但是主角的豬手也太令人失望了.

上次食過澳牛了, 今日去嘉賓大下睇完醫生之後, 食既係麥文記牆上的介紹令我決定試食佢地既雲吞麵, 同雜誌寫既無錯, 雲吞既餡係全部都係蝦肉, 都幾好食, 碗麵真係少得可憐, 少食多滋味吧, 大食既我就覺得真係唔係好夠了, 再食多碟油菜, 特色係蠔油要另外俾錢, 一蚊一碟!店內幾多人, 一個出一個入, 其門如市, 簡單既一間雲吞麵店, 提供了美味給我, 卻提供不了溫飽呢

跟老婆像遊客般很喜歡到不同地方找食﹐是日來到一個兩人都不熟適的佐敦﹐當然找緊機會試試附近不同的美食。當日時間差不多剛過兩點﹐店外沒有像隔離排著長隊﹐店內亦未爆場﹐所以進來吃此店出名的蝦子撈麵。 蝦子撈麵索價$35份量不算多﹐不竟覺得有點貴。當日麵質很硬﹐名顯還未煮得透心﹐咬落感覺到麵心還爽爽。這裡的蝦子撈麵因沒下豉油或半滴油﹐亦不能與其他食材雙拼﹐所以味道比較淡和乾身。亦因如此﹐所以點多了碗淨水餃 $24 - 淨水餃味道不錯﹐一共六隻﹐餡料足料。 與乾乾的蝦子撈麵一濕一乾一起食味道較適合。但不竟這裡不可以雙拼﹐如一人來叫兩款食物價錢亦不便宜兼份量少﹐所以都不會再來。

個人對麥文記嘅雲吞水餃之類，不太熱愛。但對它的南乳豬手就愛不釋手！最近對佢嘅南乳汁，覺得一滴都唔應該放過。所以呢家每次都係食完南乳豬手（六件，保充足夠嘅骨膠原，就再加多個細嘅炸醬撈麪（一個麪），撈埋南乳汁一齊食。南乳汁加咗炸醬嘅少辣，非常之滿足！