麥文記麵家

营业中

休息中

雲吞麵.. 最欣賞是那個麵底.. 爽到... 你會聽到自己咀嚼時的"嗦嗦聲".. 就是如此..雲吞﹕ 皮薄, 質料ok~ 湯底﹕梘水味不重~ 韭菜花﹕ 清甜, 爽~ Overall, 不錯不錯~ 值得試, 也值得再去~

我抗拒豬肉，所以一直有豬肉既野我都唔會吃，不過今次因為依間店話距既雲吞系全蝦包，沒有半點豬肉成份，因此就慕名去穩吃啦~~~下午2點幾，居然仲有人排隊.......相比之下，其他既店鋪就空空如也，就系得距做到忙曬腳。好彩等左唔夠5分鐘就可以入去吃，坐得比較逼咯，地方好細，不過為左吃，咩都願意。招牌雲吞面（24元）：真系好細，不過入面有4只雲吞，每隻雲吞都有2只大蝦，有鮮味，吃得出唔系冰凍蝦。雖然話細細碗，但系我一個女仔都夠吃。翠綠芥藍（11元）：依排好想吃菜，見到隔黎臺叫左份體上去唔錯，所以又叫左份。恩，菜吃落去好甜，煮得淋，唔錯，值得一試。總體黎講，價錢系就貴左些少啦，不過偶然吃下都算系犒勞自己啦。下次要帶埋媽子過黎吃下，就系為左那個全蝦雲吞。

十二月中旬雲吞麵誰沒吃過？但堅持不賣沾仔記「拳頭雲吞」、堅持沒有雙拼、堅持蠔油要多收$1、堅持只有不健康的豬油所做的傳統雲吞麵店，就是達官貴人亦不賣你的賬，有性格的麥文記，做的是老街坊生意，喜歡吃那分煙韌又不失爽柔的竹昇麵，偶爾路過亦會來吃碗細。這裡擺陣正宗，粗身鹼水麵置上，羹柄朝天而雲吞置底，放在面前已嗅到大地魚湯的濃香。而蛋麵粗身軟柔，下了蛋令質感更煙韌而薄有蛋香，一頓平民麵食，有著老香江的味兒，比較起矜貴的鮑參翅肚，偶還是喜歡簡單而花心機處理的「生活味道」。 更多雲吞麵的逸事分享可參閱偶的網址@http://foodxfile.blogspot.com/2009/12/blog-post_14.html

佐敦有孖寶一粥一麵 粥就彌敦 麵就麥文記 上文講彌敦今文就講麥文記麥文記呢3個字對於上一輩佐敦/油麻地成長人並不陌生屹立超過40年 自有過人之處最靚只有兩樣雲吞麵/水餃麵先講雲吞麵 雲吞用料好新鮮加上味道好好唔錯不過就咁叫淨雲吞真係唔值 coz 淨雲吞6粒 雲吞麵都係6粒不過小弟略嫌梘水味太濃同埋麵質幾硬相比起羅富記呢樣真係有少少....可能自已唔太鐘意梘水麵始終"那"口 仲有麵size相對較細 再講水餃麵講真水餃粒數真係好少得4粒無疑真係少左D所以嗌淨水餃喇coz 淨水餃6粒都係24 食完雲吞再嗌多個淨水餃就very gd!!淨水餃/淨雲吞 就5分 扣1分就係麵本身梘水味太濃/同埋麵質幾硬/湯底好怪 水餃麵/雲吞麵各4分

南乳豬手麵$24柱候牛腩河$24淨雲吞$24淨水餃$24芥蘭$11可樂$8合共$115.00豬手炆得夠淋入味，好有南乳香味，吮埋啲骨髓仲正，應該撈麵仲好食牛腩河變咗撈嘢，啲湯好快索晒落啲河粉，亦係炆得夠淋同入味，柱候味濃雲吞有幾多蝦，食到甜味，啲皮唔厚，食多幾隻都唔腻水餃就肉多，有啲筍喺入面，都係雲吞好食啲芥蘭好爽脆，唔會有澀味呢間有好正嘢，值得再嚟

２００９－１０－６（TUE)每次都係要上堂才會出佐敦，所以，兩年無o黎過呢度。到門口，掙扎一輪去澳牛豬手，結果都係對呢度Ｄ豬手念念不忘。食過全港的豬手鋪不多，但呢度炆得實在太入味，而且件件大細差不多......巨型，勁！可惜，河粉就太淋，下次都係叫蕃粗麵 ~~~至於個芥蘭，唔知係咪收成期，好甜咁喎 ~~~

經過呢度.心諗有一排冇嚟.肚又餓.就入嚟十時多.選了位置在店中的坐下來阿姐，手腳快夠醒目叫了碗豬手撈麵加埋碟九菜花那個豬手撈麵 豬手紅紅地，切得好大舊好香有南乳味的.豬手膠質故然豐富南乳味肉汁都通通被鎖在豬手裡麵真係冇得彈, 沒有半點鹼水味爽口兼彈牙三兩下手勢就把它清光了食完都唔多夠喉.上湯真係好味.無mud 味精.我飲哂成碗上湯九菜花, 夠嫩好新鮮，好好味鐘意食雲吞麵的朋友可以來呢度試試.雲吞麵.傳統老字號出品,但收費不算便宜

是日放工後行完街行經這裡.就閃了入來.幾旺場..好彩.一上來就有個位，立即坐下.叫碗雲吞麵這裡的雲吞充滿肉香又有蝦的鮮味所以我常點這個.幼麵特別爽滑彈牙.不過份量少了一點.一碗雲吞麵要24元加碟芥蘭要11元.芥蘭幾嫩沒有蠔油須要另付1元,改用豉油幾好味.食完好飽這裡店舖已經比較舊, 坐位都較迫,但是一直都保持好水準每次去都唔會令我失望.但貴了少許

下午三點, 有事到佐敦一行, 要到久遠了的麥文記找這傳統的雲吞麵.店內沒有幾個人, 侍應阿叔叫隨便坐, 便選了卡位的一邊.上次吃豬手領野, 沒有好感, 罷了.叫了水餃麵, 誰料等了十五分鐘也沒有得吃, 而比我遲入座的人客也已經在食用了.提醒阿叔, 他說忘了落單, 再等五分鐘, 卒之麵才到.先試湯, 不得了, 淡如白滾水, 豬骨味, 蝦瞉味, 大地魚味, 味精味... 都沒有.比起灣仔揚記的, 差十萬九千里.再吃麵, 爽是夠爽口了, 不過又是沒有味的, 似吃膠條, 不像劉森記的爽口而有麥味.水餃呢? 還好, 是值得一讚的, 小個子, 咬開有汁液, 有鮮味, 配料足, 皮亦爽滑, 不過沒有好湯底, 仍是不足.收客人最高價錢, 味道郤每況愈下, 未免對顧客不起. 要給喊面.

星期一工作較清閒,偷空到這兒當時是12時, 店子就只得1檯客人來此店不可不試的當然是蝦子撈麵絕不欺場的蝦子撈麵,麵乾身有嚼勁很彈牙蝦子鹹鮮美味又下得很慷慨,不過就油咗少少,都算唔錯來一個淨雲吞D雲吞就麻麻地,唔係好得,但個湯底就一流超濃又香,我飲到一滴不留,好正地方細坐得唔多舒服,不過乾淨光猛,都值得推介,不妨一試

今日去開佐敦買野.路經這裡,於是又來吃入去到，細細間麵店坐到爆晒.等左一陣蝦籽撈麵好正，估唔到咁多蝦籽蝦籽量與味極豐麵冇挸水味又乾又爽.口感粗獷吃得過癮湯只有淡淡鮮味，真係好淡碟芥蘭都正到爆.係勁粗勁大棵但係唔單止一d都唔苦仲要係好甜雖然坐得唔太舒服但服務態度幾好, 值得一讚

落課後的晚上,時間不太多因為要趕著回家為明天的旅程作最後的收拾.來到食肆林立的白加士街,這次的目標就在好評食店澳洲牛奶公司旁的麥文記.店中面積一般,但到9時仍然滿座,魅力驚人.等待期間看著一碗又一碗的雲吞麵出爐,肚子不期然打鼓.一場來到,當然要試雲吞麵($24).麵條厚厚的覆蓋著雲吞,麵條不算爽口,反而有點煙韌.清湯味道不俗,但帶有梘水味.雲吞很大粒,裡面都裹著鮮蝦,既爽口又鮮甜,不錯.傳統雲吞麵份量都很少,女生吃罷一個也好像有點不足.等候期間看見有不少人點南乳豬手麵($24),我可不是支持者因為豬手太肥膩了,淺嚐了一口,肉和皮緊貼著,有陣陣的南乳香,口感很豐富,膠質很重,愛好者也值得一試.到麵店當然少不了灼青菜.要了一份灼芥蘭,份量不算多,勝在嫩綠.這裏的蠔油是要另點的,每碟$1.但味道不大討好,因為很咸.回家後媽告之此店歷史真的很長,想當年還是推車仔的麵店.但她說店鋪老闆早以易手,味道已不及當年的好.我沒有試過原始時的味道,不能定奪,只是我還是喜歡爽口的麵條.

對雲吞麵有狂熱追求的食家們，想必和我一樣對麥煥池先生創立的廣州池記廣東雲吞麵有一份固執和喜愛。從前被當作小吃而今天變作正餐的一小碗麵食，要做得出色可大有學問。 網上對麥文記創辦人有兩個說法 : (一)是麥民敬先生所創，麥先生煮麵技術源於廣州池記 (二)是麥煥池兄弟輩麥文先生所創。誰是誰非還請指教。 淨雲吞，金魚形既圓頭長散尾，長散尾可以吸收更多湯汁，外表合格。雲吞不含豬肉，淨蝦肉加大地魚粉，大地魚引出左蝦既鮮味同甜味，蝦肉爽口不會過腍過實。但湯底是敗筆。大地魚蝦籽韭王是麥氏既傳統，但這碗湯底既無鮮味也無甜味。雲吞既長散尾得物無用處(吸收既湯汁係無味既) 只可算係合格。 水餃麵。麵身粗身夾爽口而保留了小許梘水味，不過蛋味和麵粉味都欠缺。竹昇麵應用上新鮮鴨蛋和麵粉唔落水猜出粉團，再用竹昇 "un" 出來。麵身無蛋味無麵粉味應該係材料出問題。個水餃就一般，蝦肉大地魚粉加冬菇絲筍絲。對於雲吞麵，各有不同口味的追捧者。無話正唔正宗，只有自己鍾唔鍾意呢 比得一樣既價錢，我就鍾意麥奀啦

搜尋了佐敦的食肆, 找到麥文記的名字, 便打算去幫襯, 因為今天須要的, 係一碗湯麵坐在狹窄的座位, 看上價錢二十四元的雲吞麵, 便要一碗粗麵的了, 一個人食, 心情不好, 找人傾訴也無路, 連碗粗麵都食不起勁來, 可能自己口淡, 但感覺味道比較清淡, 還好係雲吞都算ok好食, 蝦肉很爽, 彌補了湯麵的不足或許, 今天的心情真的不好, 為何一間百多好評的餐廳在我心中都是沒特別之處呢?

最記得＋年前和3個同事來食午飯,有個同事投訴連茶都無杯,地方又舊,座位又細坐得極唔舒服,油菜要油要另加一蚊,顆記又老,態度又差,常常給你一種”食快Ｄ啦,食完快走,門口有人等”的感覺, 那個同事自此以後都沒有再光顧,話之它的麵有多好食!!!十年了,我仍間中光顧,除了價錢,什麼都無變,一切照舊,來這裏好像走道時光隧道一樣!!24蚊一細碗的雲吞麵湯底味濃,甘甜比較濁,色比較深,大地魚味重,味精一定有;雲否有4粒,全是鮮蝦,一粒有隻半蝦,蝦身上橙色像蝦子的醃料才是主角,將蝦的味道提升了幾個層次,蝦肉弹牙爽口,鮮蝦才有!!麵爽身,不算彈牙,有些小鹼水味,用鴨蛋造的麵,確是較香!!!雲吞皮厚薄適中,煮的間剛好,不爛也不會像吃生麵粉般!!11蚊油菜芥蘭(無油) 這裏的芥蘭很有保證,是上等貨,深綠的很大棵,清甜鬆脆爽口,必食!!論其品質,雲吞麵的價錢算物有所值!!論服務,可以改善一下吧,最起碼都有杯茶吧!!!學學隔離人山人海的澳牛,食過多士都有杯茶啦!!