麥文記麵家

营业中

休息中

黎到佐敦, 總會諗起麥文記但每一次總係俾佢門口gei 人龍嚇怕了...今次唔理三七廿一, 點都要等(因為太耐無食過啦)~ 麵未上, 先黎一碟韭菜花, 每一條都肥嘟嘟, 又爽爽的, 剛剛好~ 好味~~ 雲吞麵, 大家都唔想諗, 坐低就叫雲吞麵~ 雲吞一啖一隻, 每一隻都有滿滿的蝦肉, 爽口彈牙, 正!!! 至於麵呢... 我就覺得對面海個間麥X記好食d 啦... 唔夠爽呀~佢d 麵睇落好細碗但食落我又覺得剛剛好呀~~雖然坐得唔係幾舒服, 好迫但下次都會再黎, 因為d 雲吞真係好味~~~~

豬手夠淋 , 麵身彈牙 , 南乳汁香濃之如加上起膠 , 簡直一絕 ,食完用紙巾沫嘴時 , 起膠南乳汁弄得成咀貼滿紙巾稅 , 認真失禮 .

本身諗住去人氣極旺的澳洲牛奶公司，但那裡生意實在太好了 -- 年三十中午收市，到初九才開工 -- 咦，行過隔離，係「麥文記麵家」喎﹗都係未試過兼且有少少名氣的﹗好，咁就入去先。一入到去，得閒角落頭既位... 諗左好耐，再經侍應「指示」後才入到去座... 那兒真係好迫好迫，可以用「水泄不通」來形容。(p.s. 那時是初五正午十二時，可想而知個情況都幾誇張下)叫左個雲吞麵同埋牛腩撈麵，夾埋都要成 $60 ，真係唔算平。又迫又貴，侍應又好急，點解仲會有咁多人幫襯？食完之後我便明白了。 雲吞麵 ($24): 個湯用大地魚淆，好鮮甜，冇味精的，加分。而下面都有提到，d 雲吞係全蝦的... 最重要既係，肉質新鮮、彈牙，同埋真係好足料 -- 做到「皮簿饀靚」﹗而 d 麵都係好煙靭，食第一啖時煙靭就唔係咩驚喜之處，但佢 d 麵係食到最後一啖都係咁煙靭，麵質依然沒變，實屬佳作也。 牛腩撈麵 ($34): 本身對佢既期望冇雲吞麵咁高的，但佢真係「超水準」了。牛腩份量充足，腩肉炆得好腍，但腍得黎係唔會黐牙; 而 d 牛根係好有口感 -- 佢唔會蚊得好腍，食落去好似一 pat 野，但又唔係硬到唊唔開... 至

見d牙冇咁痛即刻想食野同朋友行完街 本身諗住凍冰冰 去食蛇羹點知好多間都提早關門做節 於是黎左呢度食同麥奀記個名差唔多 食既野都係雲吞麵因為驚咬唔開d麵 所以叫左雲吞河兩碗比較起上黎 比較唔到麵底 睇下其他野la~湯方面 呢度比較清 麥奀果個濃味d 但個人鍾意清少少..雲吞先係主角 食起上黎一啖一粒 大細非常適中吞落去食到d蝦既鮮味同有少少豬肉既"煙un" 仲有麻油香味我覺得皮就麥奀靚d 薄d 但入面d料就呢度好d份量大過麥奀少少 但平4蚊 所以下次想食都會諗黎呢度先

今天第一次來到這兒吃雲吞麵，有點失望，可能我一向不喜歡吃多蝦少肉的雲吞，尤其是只有蝦沒豬肉的雲吞。到來時隨便叫了碗雲吞麵，卻來了一碗只有蝦沒豬肉的雲吞。進食時才見到餐牌有另一款雲吞可以叫。麵身較硬，不彈牙，不爽口，而且隱隱有點鹼水味。湯底有大地魚味，但只覺比一般的好，與我的兩間至愛雲吞麵舖沒法比。地方清潔出現很有問題，我的枱底又有豬手骨又有用過的紙巾。比24元吃一碗雲吞麵，不應是這樣的待遇吧。

早幾日晚餐, 食完碗雲吞麵, 當然唔夠飽....一個鮮蝦雲吞麵, 有細細粒,足料鮮味既雲吞,麵爽沒鹼水味, 湯底清甜,2x蚊一碗麵咁好食, 本來係值既...如果夠飽既話...諗過叫多碗, 但係加埋成5x蚊, 先係一碗飽既雲吞麵, 就太過唔值....其實麵成本有幾貴? 唔明點解要咁細碗....最後情原過隔離繼續我既晚餐...

今日放工之後過左去九龍果邊,都唔知道食咩好,就決定去食雲吞noddle~其實我未食過呢間野,大多數都係對面海食多,都知道出名既野係貴d架喇...食後感:個人認為雲吞係好好好滑,好有蝦既鮮味.. 服務態度普通,你唔可以要求有餐廳既水準, 不過湯底就唔係咁夠味..可能我like濃味既野喇~

到了佐敦，想吃個快餐，到了澳牛和麥文之間，不想吃得太急，於是就進麥文。六點左右，人客不多。叫了個柱侯牛腩面，牛腩煮得夠淋而且入味，而且牛根多，吃起來口感不錯。下了腩汁的湯又濃又香，又不會太咸，面沒鹼水味，伴著吃差不多把湯都喝完。吃完感到滿足，但如果這裡兼賣奶茶咖啡等等，吃完面喝杯奶茶，總好過喝氣水。

同個同事一齊黎食晏, 見唔使等位, 就試下啦. 有見朝早個早餐實在太豐富, 就食一碗雲吞麵, 唔夠飽再下午茶啦. 有卡位坐, 兩個人坐有d迫, 再加上依家著多左衫, 我諗卡位係俾d比較纖瘦嘅OL坐嘅. 一碗雲吞麵24蚊, 你話唔好食唔係, 好好食又未至於. 雲吞皮幾薄, 餡大部分係蝦, 仲有少少豬肉, 蝦幾爽口, 整體水準都ok. 一碗雲吞麵唔使十分鐘就已經食完, 值得嗎? 真係見仁見智.

經過佐敦，入左去呢間叫左一客雲吞麵。碗雲吞麵比我想像中細好多，原本以為係湯碗，點知只有飯碗既大小。麵身幾爽口，雲吞亦幾大粒，鮮蝦係非常彈牙，味道方面非常不俗。但廿四蚊只係呢個大小又未免貴左d，一碗真係食唔飽。

麥文記麵家這間麵店在這裏也在十位之內,想必有一定吸引,這間店鋪以雲吞作主打.因為每逢星期五也要晚上進修,倒不如親身來食一碗雲吞麵.這間店鋪也在澳記的旁邊,不難發現,二者也是知名店鋪.幸好還有卡位坐下,本來不知道多少錢一碗,原來要24一碗,價錢也較貴,份量有點令自己突眼,但是多未必一定好,重質不重量的.雲吞雖是細細粒,但是皮很薄,看到內裏的餡,食下去感受了蝦的爽口,口中還帶點豬肉,雖一口一隻食得不太痛快.但質素實屬高水準.非常美味的雲吞.麵質也是不錯.最後還不禁把湯喝完,如果用來充飢的話,不適合.但來這裏品嘗雲吞.我說的值得.

引起嗜食之念, 是由上海街富記開始; 隨著就被數家食店誘發; 麥文記是其中之一.行到佐敦, 必湧進麥文記.先來淨雲吞及淨水餃; 這不用多說, 當然是佳品; 而想要說是那碗湯, 湯一入口, 那種味香鮮甜(用豬骨+雞骨...), 令我狂飲之而一點不留. 我出外例不叫湯, 嗜喫物品隨湯,亦只喫物品而棄湯不顧, 因怕味精加滾水而成次所謂湯, 恨之, 惡之必棄之. 麥文記之湯則例外.再叫牛腩撈麵, 是次喫有多件坑腩, 喜其有咬口; 原來有更佳部份曰"白腩", 腩與腩間有層薄膜, 咬之似有輕微抗力, 稍用牙力再咬之就喫出那牛原味來. 澳洲店老闆說我知, 麥文記有嗎? 香港在那處找到?飽餐後找數, 步行數分鐘, 未見口渴, 可証湯沒有味精. 誠美食也!!!所謂"美食" , 我給予定義: 色之誘惑, 香之引發, 味之可口, 三者合之而生發強烈之食慾,因而產生食之滿足無憾感也"(註:知有名嗜食家不用美食, 故稍為解說, 以示己意)

這家位於人氣依然爆燈的"澳牛"旁，也是一樣人氣十足的小店，聞名的是它那一小碗中的"物體"。那"物體"不是甚麼，而是尋常不過的雲吞。這些有時候被當作小吃的麵食，要做得出色可是大有學問，不是雲吞料多蝦仁大隻便是好的雲吞。剛才的和牛之旅，還在腦中口內回味著，跟女友漫步在海旁，看著海景想起數月後便得離開這個地方，怎樣也有點不捨。就在此時，女友竟然感到有點"口痕"，經相議後決定過來佐敦這邊，吃一碗該能令人滿足的雲吞麵。時為九時許了，店外還有一點點在等候的客人，心意已決的我們當然加入了他們的行列。差不多十五分鐘左右，也終於能夠入座了。坐下後多想無謂，點了麵食後也靜靜的等待.....先來的<<淨雲吞>>，每隻帶著小小的"尾巴"，餡料以蝦為主體，加進了大地魚粉，既有鮮味亦有甜味和香味，蝦肉爽口彈牙。再來呷一口湯底，清純而帶有麻油香味。大滿足~ 那麼為什麼要棄雲吞麵不吃呢﹖是因為我們改變策略，而要了<<水餃麵>>。麵身沒有梘水味，頗有彈性。而水餃不但有蝦肉和大地魚粉，亦有木片絲和筍絲，既正宗亦美味。對於雲吞麵，各有不同口味的追捧者。能夠以小

我地5個人去,,,知道呢度出名,果晚開完會未食飯,就去左食雲吞麵,我食了炸醬撈,都好食,蠔油一定要啦,叫了油菜,but一碗食完真係唔飽肚,我仲要飲左2枝汽水,唔知呢d係咪叫做小食多知味呢...哈哈!!埋單都要2舊鬆d....希望可以大碗d貴少少都無所謂^^

今日去了麥文記, 叫了招牌菜, 雲吞麵 + 蠔油菜心, 水餃雲吞都算足料, D麵都幾彈牙! 不過蠔酒另上, 要加$1, 真係有D唔抵! 但他們的雲吞麵同Happy Valley 正斗的都屬好味之選!