麗島小廚 (已結業)

平安夜去咗食雞煲，叫咗個花膠雞，但係原煲上隻雞好好大嚿又切得唔好，而且比較鞋，之後睇返OpenRice，原來啲雞係分開上，唔知真定假。雞唔係好食，花膠其實係粟米魚肚啲魚肚，另外其他嘢都一般，四人餐698 ，送四杯飲品，自己再加$15其他飲品，同埋一碟餸，埋單差唔多$1000 ，價錢普通，但衛生環境欠佳，食完後坐一陣，我同朋友同一時間見到地下有隻黑影經過，好驚😰

襯天氣未熱返晒心思思又去食雞煲，叫咗椰子雞煲因為貪佢潤潤地。佢呢間d雞煲嘅出品保持水準，兩個人叫半隻雞都非常大份，雞同湯分開上，椰青就喺你面前倒落湯底度，就好似話比我哋d客人聽唔係罐頭椰青水甚至係大膠袋椰青水咁樣。叫咗碟細嘅安格斯，其實都唔係好細份，$188都幾抵，牛肉味同雪花紋都好ok。見隔離叫咗個巨型炸魚皮好似好正所以我哋都跟住叫，佢呢個魚皮比平時食到嘅薄身，所以特別脆，同埋佢真係好巨型。油麥菜好新鮮。巨型凍檸茶一杯飲到尾啱啱好。

呢間雞煲店的雞煲份量真係好足，我地兩個人叫半隻雞再叫多咗一份蝦滑，叫做好勉強先食得晒，感覺上佢嘅半隻雞係多過出面其他地方嘅，連蝦滑一份都有兩條，咁闊佬好少見，咁樣食一餐先至係每人大約$160左右，都真係好抵食。佢嘅椰子雞煲，雞同湯係分開上嘅，另外仲會由伙記幫你倒個椰青落個湯底度，然後等到個湯滾起又會黎幫你將D雞倒埋落個湯底度。D雞好滑，個湯底落咗新鮮椰汁又真係好味D好Fresh，感覺又清又潤。佢個手打蝦滑都好新鮮，食落好Q彈。個雞湯無味精好好飲，D雞食好耐先食得晒。

呢間雞煲份量好足，最鍾意佢D雞夠新鮮，唔會因為雞煲D味濃就比D唔新鮮嘅雞你。碟雞同個湯底分開上，水滾先至喺你面前幫你倒落個湯底度，睇到D雞件件都好靚仔。雞湯滾起好係好好味，飲夠雞湯食夠雞之後就開始叫其他火鍋配料打邊爐。碟安革斯牛肉質素唔錯，D脂肪分佈都算靚。韭菜餃可以話係必食，因為D餡料都幾新鮮，所以食落特別美味。叫咗鯪魚滑同蝦滑，放落湯淥一陣就食得，咬落去好有彈性。最後叫多個烏冬同一份菜，完成滿足的一餐。佢呢度有隻啤酒幾好飲，德國麥啤，麥味真係香好多。

本身訂左檯7:30pm，7點去到睇下食火鍋套餐定散叫！有2位店員喺收銀位置附近細細聲講，今日旺場，唔做套餐收走個餐牌，收到指令嘅同事，一枝箭咁沖埋嚟，收走左個小菜套餐？！就一個餐牌（收果時有聲嫁，好似搶咁），之後將火鍋紙攤平俾客睇，之後放好左個位置，又同落指令嘅同事細傾！個眼神不屑，之後即取消，唔食，寧願唔食！

今日黎呢間雞煲因為佢除咗麻辣雞煲之外仲有唔辣嘅椰子雞煲，3個人食要半隻雞就fit晒，因為仲想食少少其他野。雞同湯底分開上，睇落去佢哋嘅雞都幾大隻，半隻雞都有咁大碟，同埋佢嘅雞都幾靚。飲完原味椰子雞湯之後加湯開始打邊爐，其他配料就叫咗手打墨魚滑、蓮藕片、蜂巢豆腐、西洋菜同烏冬，啲火鍋配料樣樣都好新鮮，都幾抵食。手打墨魚滑竟然一份有兩Set墨魚滑，抵食。蓮藕片打邊爐夠爽。蜂巢豆腐即係冰豆腐啦，打邊爐一流。西洋菜都洗得幾乾淨。烏冬好食。

12人食雞煲竟然可以坐埋一枱唔洗分枱真係好，我地叫咗胡椒豬肚雞煲、椰子雞煲同埋烤魚。兩個雞煲都係半隻雞，而個烤魚就揀咗海斑因為貪佢D肉實淨D。兩款雞煲嘅雞都係分開上，好處就係隻雞唔會因為喺個煲度煲得太耐而令到D雞肉韌咗。我地叫咗一份安格斯牛肉，好靚，淥一陣就食得，好鮮嫩。佢個鴨血都幾好食，夠爽脆。韭菜餃好味，因為入面D餡好新鮮，應該係自家製嘅。個炸魚皮超巨型，雖然可以落湯或者就咁食，但係因為太好食所以等唔切落湯就已經食咗落肚。鯪魚滑都幾新鮮，加埋D飛魚籽上去都咻話唔正。跟手再叫咗一堆火鍋配料，分別有冰豆腐、金菇。菜、秀珍菇、鮮腐竹同埋粟米，基本上樣樣都好新鮮，好好食。之後再補多一碟烏冬，為呢完美的晚餐作結尾。基本上樣樣都新鮮，好掂。

今天晚上不吃辣所以點了椰子雞煲，因睇Openrice的食評話呢個椰子雞煲好似幾正咁。湯底來了，湯、椰子和雞分開上，waiter在你面前將個椰青加入個湯底度，然後等湯底滾起再落雞，落雞後再滾起等大約5分鐘就食得。個雞湯好清甜，D雞嘅質素唔錯，都幾新鮮。飲完雞湯食完雞之後就開始打邊爐，叫了蝦滑、鮮腐竹、韭菜餃、菜同紅薯粉。蝦滑都幾新鮮，食落都幾彈牙，有飛魚籽粒粒好正。鮮腐竹好過炸支竹因為無咁肥。韭菜餃食落好新鮮，應該係自己包嘅，好好食。菜同紅薯粉都OK啦。呢度仲有隻德國的麥啤幾好飲。

晚餐來試吃雞煲，餐廳一邊大玻璃可以望到石門站外的大廣場，坐位都很舒適，也有小圓枱位，五六人圍埋一齊都開心。因為有小朋友便試了一個不辣的雞煲，雞煲裏面除了雞、洋蔥，原來還有年糕，很特別，都好好味，這是個二人套餐，除了雞煲，還有雲吞水餃、蔬菜籃、美國肥牛八大片，肥牛不會太肥，肉質味美，兩件響鈴超級脆，好似食薯片咁，套餐還包了兩罐啤酒，可以轉汽水。另外還點了魚皮，上來的時候，真的是很特別的魚皮，是三大塊新鮮炸起的，上面還有點胡椒粉的調味，又脆又好味，四寶丸很有趣，不是平時的那四種，有牛丸、豬肉丸、芝士丸等，牛丸好彈牙特別好食。

今晚喺呢間雞煲店揀咗椰子雞煲，滋潤好味道，湯底嚟嘅時候雞同埋湯分開上，湯底滾起咗先至落雞，兩個人叫半隻啱啱好。另外侍應姐姐會幫我哋成個椰青車落個湯底度好震撼。湯底滾起 咗之後5-6分鐘左右啲雞就食得，又鮮味又滑。題外話，呢支德國麥啤幾好飲。個雞煲食到七七八八之後就開始打邊爐，我哋叫咗碟細嘅安格斯牛肉，好新鮮好靚，淥一淥就食得。佢個蝦滑都好新鮮好彈牙㗎。另外我哋仲叫咗芋頭片同埋菜，兩個人食都真係幾飽，呢度啲份量都幾足，真係一餐豐富嘅晚餐。

呢間雞煲店嘅烤魚物超所值，我地揀嘅係桂花魚，條魚好新鮮又大條，肉質嫩滑，加埋D配菜真係好好味，嗰啖魚湯真係要飲多幾碗，鮮味無比。將條桂花魚食到七七八八，D魚湯又每人都飲咗兩三碗之後，就係打邊爐時間。由於條魚都真係幾大條，所以火鍋配料都唔係叫到好多野。呢度嘅韭菜餃係自家製嘅，新鮮好食，無乜雪味，D韭菜都幾香。跟手叫咗份菜，都係好新鮮嘅。臨尾見仲有魚湯剩下來，唔好浪費，叫個烏冬實行來個自製魚湯烏冬。呢隻小麥啤幾好飲，原來係德國嘅，好味易入口，有小麥香但係又唔會苦。仲叫咗杯大檸茶，真係堅大杯。

雞煲好好食，可惜冷氣不夠，已食過幾次，打邊爐一般，hograden啤酒價錢可接受，希望冷氣能改善，因為夏天是不夠涼快，員工態度可再改善更好。雞煲可選擇要辣底不辣也是好的選擇。

今日在沙田石門食了一餐無味精的午餐，非常滿足。呢度的Set Lunch有七款，都算多，我本來想食豬軟骨，不過可能差唔多兩點先去所以賣晒，於是就揀了蒸魚嗰款。是日蒸魚係剁椒蒸珍珠鱲魚，唔係平時茶餐廳的鯇魚倉魚黃花嗰D，都幾好。條珍珠鱲比想像中大條，真幾新鮮，落辣椒咁樣蒸都幾好食。另外原來個餐係會跟一碟菜，D菜算幾嫩。個Set Lunch仲有一碗湯，無味精好好味，今日個湯係茶樹菇煲唐排，非常足料。餐飲叫了凍檸茶，呢個Set Lunch質素都幾高，可以encore。

其實食雞煲都可以好滋潤架，因為除咗麻辣雞煲之外，仲可以好似我今晚咁樣揀番個滋補花膠濃湯雞煲。我地兩個人只叫咗半隻雞，佢嗰半隻雞都幾大隻，真係好抵食，再叫多少少其他火鍋配料就已經飽到無朋友。佢隻雞都幾新鮮，個雞湯真係好滋潤，D花膠同埋D蟲草花都OK唔錯。佢呢度個墨魚滑一Set係有兩份嘅，平時出面食開都係得一份，佢個墨魚滑滾熟咗之後都幾彈牙。呢間嘅韭菜餃都做得唔錯，係佢地自家製嘅，所以入面D餡都真係幾新鮮，D韭菜好香。冰豆腐就必叫嘅，尤其是放入雞湯度，真係吸晒雞湯嘅精華，好好味。黑木耳新鮮爽口，唔錯。仲有呢個釀油炸鬼，唔算太油，點埋個泰式甜酸醬就好正好好味。

住沙田 又唔想去新城市廣場近近地 試吓石門區食物忽然見到有打邊爐小菜館就一於試吓叫左花膠雞湯底（半隻雞）唔算太濃牛拼盤牛質素不過不失其實我哋都係叫菜多叫左個墨魚滑餸菜可以不過不失周圍環境叫做乾淨坐得舒服但係坐我地後面幾個內地後生女本身都安安靜靜無乜嘢但係突然同其中一個職員交談後佢哋好似他鄉遇故知幾個職員圍住佢地不停用鄉下話交談幾個職員仲越嚟越大聲我地就好似處於環迴立體聲氣氛感覺就係似返左大陸響大陸D小菜館咁‼️‼️‼️其實唔係吾比你地傾偈但係都唔好咁大聲‼️‼️‼️而且佢哋並唔係特別平我哋3個人叫左一罐可樂但係都食左千一蚊