麗島小廚 (已結業)

呢間雞煲店嘅烤魚物超所值，我地揀嘅係桂花魚，條魚好新鮮又大條，肉質嫩滑，加埋D配菜真係好好味，嗰啖魚湯真係要飲多幾碗，鮮味無比。將條桂花魚食到七七八八，D魚湯又每人都飲咗兩三碗之後，就係打邊爐時間。由於條魚都真係幾大條，所以火鍋配料都唔係叫到好多野。呢度嘅韭菜餃係自家製嘅，新鮮好食，無乜雪味，D韭菜都幾香。跟手叫咗份菜，都係好新鮮嘅。臨尾見仲有魚湯剩下來，唔好浪費，叫個烏冬實行來個自製魚湯烏冬。呢隻小麥啤幾好飲，原來係德國嘅，好味易入口，有小麥香但係又唔會苦。仲叫咗杯大檸茶，真係堅大杯。