雞蛋仔專門店

营业中

休息中

【📍大埔｜突圍而出街坊雞蛋仔😋】🐨士多啤梨雞蛋仔 $21推薦度：⭐️⭐️⭐️⭐️所有雞蛋仔都可以叫佢即叫即整，大約等3-4分鐘就已經有，出爐後會先吹風機🌀🌀所以上手做到外脆內軟，另外雞蛋仔粒粒都做到一半脆口一邊有雞蛋糕嘅感覺，完全係傳統雞蛋仔應有嘅口感！仲要唔同口味都同價錢，啱晒貪心嘅小編每一次都可以叫唔同嘅味🍓🍓.🐨朱古力格仔餅 $21推薦度：⭐️⭐️⭐️⭐️⭐雖然鋪頭叫雞蛋仔專門店，但佢哋嘅格仔餅更加有驚喜🍫每日底都會有滿滿嘅牛油、砂糖、花生醬同煉奶，淨係聽呢四款邪惡嘅組合就知一定唔會差啦🍬🤣最緊要係格仔餅厚度啱啱好，擘大口一咬有一個好滿足嘅感覺，外皮做到少少薄脆，入邊食到鬆軟口感，最緊要係朱古力味極之濃郁！！！絕對打贏好多出面知名嘅店舖～如果大家覺得唔夠佢仲有埋朱古力醬以及係金莎朱古力嘅創意口味，總有一款適合自己😛.🐨日式小丸子 (6粒) $32推薦度：⭐️⭐️⭐️⭐️⭐小丸子粒粒飽滿足了，本身小編擔心佢好似預先整定，但之後發現原來都仲保持到熱度！而且每一粒小丸子都一定會有章魚粒🐙上面仲會有滿滿嘅沙律醬、紫菜碎等配料，每一粒味道都好香濃！絕對係學生放學必選小食之一～.🐨胚芽紅豆奶茶 跟餐$19推薦度：⭐️

📍雞蛋仔專門店 (大埔)大埔安慈路4號昌運中心榮昌閣地下14A號舖👉芝麻雞蛋仔💰21😋😋😋😋.8/5呢款雞蛋仔外脆內軟，表面灑滿香香的芝麻，咬落去有淡淡嘅芝麻香味，甜而不膩，食完令你想再嚟一份，真係好正！👉花枝丸蘿白營多撈麵💰35😋😋😋😋.8/5呢碗撈麵有花枝丸同脆口嘅蘿白，配上濃郁嘅醬汁，每一口都好有味道，麵條滑溜，食落好滿足，適合一啲想食重口味嘅朋友。👉綠茶走甜💰15😋😋😋😋.8/5呢杯綠茶唔止係清新，仲有一啲淡淡嘅甜味，飲落去特別舒服，適合炎熱嘅天氣，簡直係消暑嘅最佳選擇，飲完心情都會好好回頭：yeeyesyes!第一次嚟依度，經過見咁多人幫襯，買過嚟食就知，下次一定會再食

趁七一假期，約咗幾個家庭一齊去大埔踩單車，一人一車坐喺餐廳食飯又唔係咁方便，其中一個家長提議去昌運中心買雞蛋仔食，小朋友個個舉手贊成。看來小朋友都好肚餓，一人一份雞蛋仔，食到一粒都冇，大人試咗少少都覺得係唔錯，即叫即做，蛋香濃脆卜卜。我叫嗰份小丸子，真係食得飽，粒粒飽滿，勁多木魚同紫菜，墨魚粒有咬口。冷糕同格仔餅都唔錯。飲品我哋全部點咗少甜少冰，阿姐好配合，味道啱啱好。雖然企滿晒人，但店員服務態度好好，她們好合拍，出餐都算快。點晒餐先留意到金莎格仔餅，唯有下次再試過。

今次嚟到大埔昌運中心呢間人氣雞蛋仔店，成日排長龍，究竟有咩魔力？✨✨✨🥚 原味雞蛋仔 $21即叫即製，等咗大約8分鐘。一拎到手就聞到超香蛋味！😋😋 外殼香脆，入面保持濕潤軟熟，蜂巢狀結構完美，每粒都飽滿唔空心。甜度適中，食到尾都唔會膩！想encore！🍜 營多撈麵（加料：牛柏葉+牛丸+煙肉腸） $43驚喜位！營多麵煮得剛好，彈牙有咬口，醬汁撈勻後每條都掛汁。牛柏葉爽脆、牛丸爆汁，加埋店家自製咖啡醬，香辣惹味！🧋 珍珠奶茶 +$19（大杯）奶香同茶味平衡，珍珠細細粒但夠Q彈。【 雞蛋仔專門店 】📌大埔安慈路4號昌運中心榮昌閣地下14A號舖

呢間舖頭除咗主打雞蛋仔、格仔餅仲有傳統冷糕今次就試咗朱古力雞蛋仔🍫等咗大概5分鐘到一底熱辣辣嘅雞蛋仔就ready啦雞蛋仔外脆內軟朱古力味好濃郁亦都唔會太甜😋

雞蛋仔、格仔餅等的小食店🧇近年在香港開到成行成市🔥要成功突圍而出，除了靠創新口味，還能以懷舊情懷取勝🥇大埔最近就有一間小食店因售賣冷糕而廣為人知，吸引了不少人專程到大埔親嚐這份特色味道👯‍♂️———————————————————————冷糕外皮香脆，內裡鬆軟綿密😊而且蛋香味濃。冷糕內撒了花生🥜椰絲🥥砂糖這些傳統街頭甜品必備的材料，但份量方面略嫌偏少🤏🏻令口感未夠豐富，不過整體味道仍然不俗👌🏻雞蛋仔賣相正常，粒粒飽滿脹卜卜😃亦有些少蛋香，味道也不算太甜👍🏻但最大的敗筆是雞蛋仔表面十分軟淋😩並不香脆，未能做到外脆內軟的口感，令人相當失望🥺金莎醬非常香甜，同時混合了一粒粒堅果碎🥜完美重現出金莎的招牌味道😊格仔餅朱古力味香濃，而且非常軟熟，但失敗之處與雞蛋仔一樣，表面毫不脆口😤本人實在不懂欣賞😓———————————————————————店家為傳承香港懷舊味道而特意製作冷糕，這份心意本人十分欣賞👍🏻但同時亦希望其出品的其他小食也能趕上應有水準，這樣才不會令一眾顧客失望🧐

呢一個又係第二間大埔名物嚟 喺大埔中心已經開咗好耐 成日都有好多人嚟排隊 即叫即整熱辣辣味道係幾好，食吓幾香蛋香味 而且外脆內軟 但如果啲花生醬同煉奶可以再多啲就會更加好

📍雞蛋仔專門店香港好難搵到售賣冷糕既舖頭今次竟然係大埔一間小店搵到❗️即刻試下😎🥚迷你花生夾餅 （$20）呢個迷你花生夾餅又名為冷糕入面有牛油🧈砂糖🫙花生碎🥜椰絲每件冷糕都係即叫即整外皮非常脆口一啖咬落去食到粒粒既花生粒同椰絲冷糕既蛋香味十足成件糕既厚度都岩岩好👍🏻感覺其實似格仔餅既感覺只係佢呈現既外貌同餡料唔同比較傳統既味道值得一試😋另外呢間舖出名既仲有雞蛋仔見有好多人買成間舖都有好香既雞蛋仔味🤤下次有機會可以再試下

今次嚟到呢間人氣勁旺嘅鋪頭，一入去就被一陣香甜撲鼻嘅氣息吸引住！我一試首先係佢哋招牌嘅「金莎朱古力格仔餅」，真係太犯規喇！ 🍫 熱哄哄、噴香嘅格仔餅喺嘴裡面就融化，朱古力醬又香滑得嚟，滿口果仁嘅脆香真係一流，啖啖都咁過癮！🤩又或者，你可以嘗下呢度嘅「原味格仔餅」。唔好睇佢普通，但食落呢，真係口感一流！外皮微脆，裏面軟綿綿，熱辣辣嘅格仔餅同香甜嘅花生醬、煉奶同沙糖完美融合，係咁滋潤嘴巴。最正嘅係，啲餡料好曬甘香，係我食過最滿足嘅一次呀！😋真心話呢，好少寫食評咁興奮，但係呢度嘅格仔餅，無論係經典定創新口味，真係令人忍唔住話晒出嚟！如果你都係甜品控，呢個絕對唔可以錯過！下次我會試埋啲咩口味，到時再同大家報告！ 📝🥰

去開馬鞍山突然間好想食雞蛋仔格仔餅，一直都好想試大埔呢一間出晒名人氣雞蛋仔，最特別係因為佢有冷糕！所以特登飛落去大埔試一試😃唔試由自可一試把鬼火朱古力雞蛋仔$20一買到即刻食，淋到呢真係估唔到新鮮整都可以咁差朱古力味又假味道差！質感差！原味格仔餅$20 餅底係薄身又係軟淋淋已經嗌咗多醬花生🥜醬淡到呢一啲都唔香原味冷糕$20首先佢唔係正宗冷糕嘅質感同埋味道另外都係個餡好少食唔出香味啊，冇花生香冇椰絲香唔明點解個評價咁高可能係我腌尖啦非常之唔掂呀！價錢嚟講唔算太平呀⋯⋯專門店都搞成咁一啲都唔專業！

呢間雞蛋仔屹立不倒咗喺大埔好多年今時今日一個雞蛋仔可能同一盒兩餸飯，差唔多價錢💸但呢度咁有名氣只係買$20 ，都算係抵👍🏻其實呢間店另外一樣出名嘅嘢就係冷糕因為喺香港真係好少地方有做，但係食咗太多次啦，今次就食返雞蛋仔啦😆 芝麻雞蛋仔：本身以為啲芝麻會係黑芝麻但就算佢哋用白芝麻，可能因為有溫焢過，啲芝麻味都好出😋而且每一粒雞蛋仔都有芝麻，非常真材實料👍🏻而且雞蛋仔都好香蛋味，外脆內軟但未做到每粒都滿滿嘅粉漿脹卜卜 朱古力味雞蛋仔：雞蛋仔表面有啲朱古力紋🤤食落真係每粒都有朱古力味，但嗰種朱古力係牛奶朱古力，所以會有啲甜不過$20一底，都咁真材實料，真係唔錯！👍🏻 菜式：- 芝麻雞蛋仔：$20- 朱古力雞蛋仔：$20 味道：🤤🤤🤤🤤/5性價比：🤤🤤🤤🤤/5

行過呢條熟悉嘅小街，香氣撲鼻，我忍唔住走咗入一間人頭湧湧嘅小食店。店面唔大，但每一個人嘅臉上都掛住滿足嘅笑容，我知道，呢度一定有嘢好嘢。我點咗份魚蛋。一試，哎喲唔錯喎！嗰魚蛋外面炸得金黃香脆，入口即化。真心攪得一手好滋味，口感完美地平衡咗酥脆與鮮嫩。攪啲辣椒醬就更加惹味，稱得上係「手工極品」，聽我講，咁嘅好味道，嚇死霸王花！再來，一定要試埋個豉油雞。肉質嫩滑，㖞得嚟唔肥膩，就算係咀嚼肉塊，都能夠感受到啲肉汁嘅潮濕同豉油嘅香味混合成一種「滋味浮雲」，一啖嘅享受，完全忘記咗周圍環境嘅喧囂。最後，嗜甜如命嘅我當然唔會放過甜品。黑糖燒仙草，滑溜溜嘅口感，加上黑糖嘅心暖意縈，每一啖都似喺講咗聲「食多啲啦！」响應，我就咁著迷咁喺呢個小小嘅天地食得心花怒放🌸。簡單嘅街邊小食，每一口都充滿暖意。有時候，快樂就喺呢啲小小嘅碟碟碗碗裡面。食到嘴角微笑，係咁簡單嘅享受，無需太多修飾，每個味蕾記下嘅，都係港式小食嘅淳樸同趣味。呢啲味道，真係令人憶牙難忘🥢🍜👍！

好鍾意食格仔餅雞蛋仔 各叫左一份 雞蛋仔都幾鬆軟 食落蛋漿好有份量好厚 花生醬煉奶份量亦都好多夠唒甜 超推介朱古力雞蛋仔 雖然冇朱古力粒但係淨係個蛋漿已經好香朱古力味 外脆內軟👍🏻

今次閒日放學時段黎到 (3點幾)，都有大約3-5單喺我前面，最後等左12分鐘就攞到，比預期中快，本身我預15-20分鐘。嗌左兩樣野，首先係原味格仔餅 ($20)，即叫即整既關係，所以等左一陣。格仔餅熱辣辣，都做到外脆內軟，有砂糖、花生醬、煉奶，醬既份量亦比到足。落單果陣老闆會問想要熱/暖，識揀緊係揀熱啦，擺左喺度唔係即食邊好味架。另外嗌左香芋奶茶，加黑珍珠 ($22)，珍珠屬於有咬口果種，我自己就鍾意呢間既珍珠多啲。至於隻香芋既味道，同雀巢既香芋味雪糕一樣咁濟。挑剔既位有兩個，首先係口感，冇同區既TakEatEasy咁厚。其次係甜度，今次嗌既係少冰少甜，飲之前亦有搖勻先飲，但由於杯野飲係一早整好 (大約早格仔餅10分鐘)，所以都擺左喺度一段時間，變相飲到最尾既時侯，個甜度就差咁啲喇。其實我見另一單，佢地反而係先整餅，後整野飲比客人，咁樣就唔會有我講既問題出現喇。總結一下，42蚊有格仔餅+大杯珍奶，性價比絕對冇得輸，格仔餅醬既份量足夠，外脆內軟，即叫即整又得，要現成既都得，十分推薦。至於珍奶就一般啦，口感冇同區既另一間小店咁醇厚，另外亦有飲到尾甜度唔夠既問題 (原因係店家先整野飲，後整格

朱古力雞蛋仔 $19 ✨：8/10係好食嘅雞蛋仔😋😋蛋漿半滿，最緊要係即order即整，會吹乾一陣先俾你。到手仲係熱辣辣，外脆內軟。🤤🤤🤤不過真係要食快啲，因為始終有水汽，慢慢俾水汽整軟咗，個質感就冇咁好😶😶其實鍾意原味多啲，不過難得朱古力唔使加錢，一於試下，估唔到都幾香朱古力味。😋雖然冇朱古力粒，但係都夠味。🤤不過其實價錢都有啲貴。🙈最唔好應該係要排隊，成日都keep住有人龍🤣🤣