雞蛋仔專門店

营业中

休息中

趁七一假期，約咗幾個家庭一齊去大埔踩單車，一人一車坐喺餐廳食飯又唔係咁方便，其中一個家長提議去昌運中心買雞蛋仔食，小朋友個個舉手贊成。看來小朋友都好肚餓，一人一份雞蛋仔，食到一粒都冇，大人試咗少少都覺得係唔錯，即叫即做，蛋香濃脆卜卜。我叫嗰份小丸子，真係食得飽，粒粒飽滿，勁多木魚同紫菜，墨魚粒有咬口。冷糕同格仔餅都唔錯。飲品我哋全部點咗少甜少冰，阿姐好配合，味道啱啱好。雖然企滿晒人，但店員服務態度好好，她們好合拍，出餐都算快。點晒餐先留意到金莎格仔餅，唯有下次再試過。