雞蛋仔專門店

营业中

休息中

係大埔行行下街，突然口痕😂見到呢間小店售賣香港地道小食，我就隨意揀咗三款小食醫下肚仔。雞蛋仔除咗原味，仲有朱古力、芝麻、士多啤梨味雞蛋仔，今次試咗朱古力味雞蛋仔，朱古力味道特別濃，好似蛋糕咁軟熟，如果想要雙重朱古力可以加$5，追加朱古力釘～格仔餅好少格仔餅會有其他口味，我今次試咗士多啤梨味，以為係鋪啲士多啤梨喺上邊，估唔到係成個餅都係士多啤梨味，味道鮮甜，內裏保留傳統特色花生醬、煉奶和砂糖，鹹甜交織。日式小丸子咬開有粒粒章魚，真材實料，不吝嗇灑上木魚碎、紫菜、沙律。最後叫咗杯荔枝玉露，吃得到玉露的口感讓我越嚼越涮嘴～