鶴旭 (已結業)

今次嚟到大角嘴第一次食雞白湯拉麵出乎意料哋好味湯底濃郁 但不涸喉 口感很順滑另外哩度嘅炸物都好好食！等我好返之後 要再嚟食過~😝🔸日鶴（$88）👍🏻湯底係雞原湯，呈奶白色，味道濃厚順滑，一點也不涸喉，忍唔住會飲哂。配料有叉燒、雞肉、溏心蛋，慢煮雞肉又軟又嫩，非常好食！拉麵粗幼適中，質地亦夠彈牙。🔸日式吉列炸豬扒飯定食（$80）👍🏻大大塊豬扒，炸得好脆口，豬扒唔會太瘦，所以好鬆軟。跟咗一款有柚子味嘅醬汁，開胃又清新。定食仲有沙律菜、湯、漬物。🔸香脆山椒雞翼（$25）👍🏻哩款都係炸得好脆！炸粉厚度適中。面頭灑咗山椒粉，幾香，辣味幾突出。炸雞外脆內juicy，好好食。.🔸日本黑椒枝豆（+$22）烚過嘅枝豆，是很刷嘴的小食，食落有牛油味，再嚟就係黑椒嘅味，幾香，不過唔會辣。🔸日式麻醬番茄（+$22）👍🏻切片番茄口感冰涼，配紫洋蔥碎、胡麻醬，非常清甜開胃！紫洋蔥應該浸泡過水，所以唔會太重味，唔會蓋過番茄嘅清甜，好好食！

🍜香港有好多日本拉麵舖頭❤️今日次食呢間除咗環境靚🇯🇵主要係木系嘅裝修🪵令餐廳充滿住日本風情❤仿如置身於日本居酒屋裡面🏮而且食物水準仲唔錯呢👍🇯🇵慢煮雞原湯拉麵 $88 ：帶着蛋黃奶白色嘅湯底❤️加埋糖心蛋🥚慢煮嘅雞胸肉配日式叉燒🍜賣相已經贏咗喇👍慢煮嘅雞胸肉非常之嫰滑👍令我愛上了雞胸肉呢😍個湯底又夠濃😍成碗吃光光連啲湯都飲晒👍🇯🇵北海道精選牛乳海鮮烏冬🦐$108：呢個烏冬係我下次一定會再黎Encore多次🦐湯底好濃又滑❤蝦又大隻🦐帶子又新鮮🍜烏冬質地好爽滑同彈呀👍呢個一定要試呀👍依家跟餐廳仲會每份送你一份小食🥟今次我就揀咗餃子🥟同炸薯波🍡兩款小食都好好食😋我自己本就好鍾意食餃子🥟因為佢嘅餃子實在係太好食喇😋所以我額外再嗌多咗一份呢🥟餃子煎🉐️啱啱好又新鮮❤推介推介呀👍🚩鶴旭 ..📍大角咀大全街26號地舖

今日路過見到門口餐牌好吸引，所以入去試下，叫左個日鶴拉麵，啲雞肉同叉燒超正，最重要係個湯底，勁濃勁好味但又唔會咸 👍🏻👍🏻👍🏻，跟住叫多個餃子，都係好好味！

大角咀真係小店集中地 呢間日式小店開左幾個月 主打四款唔同湯底既拉麵 除此之外仲有咖喱飯 滑蛋飯 串燒 燒物等等 種類幾豐富 整體質素正常唔算好有驚喜~🍜【日鶴】雞。原湯叉燒拉麵 $88雞湯底一如預期不及座銀濃厚 但都少鮮甜 不完美可接受🥲 有慢煮雞胸肉同豚肉叉燒各兩件 雞叉燒厚肉白滑嫩口唔乾柴 有少少醃過既感覺唔太單調 豚肉半肥瘦 煮得鹹鹹地入曬味 再炙燒過幾香口 溏心蛋流心程度岩岩好😍🍜【竹鶴】日本酒。甘蜆醬油湯烏冬 $88甜醬油湯底帶有微微清酒同蜆肉清香 飲落唔會太鹹 喉嚨幾C服😌 蜆肉有十隻八隻 扁身既稻庭烏冬非常滑溜 灑上脆卜卜既櫻花蝦就錦上添花🍢吉列鵪鶉蛋 $25小食方面 見呢個炸鵪鶉蛋幾特別就試下 咬落去食到炸皮蛋白同蛋黃既三重口感 味道就冇咩特別🤣🍢燒雞皮 $38燒到非常薄脆 無油膩感 配埋個芒果芥末沙律醬味道冇咁單調 仲食到少少芒果果肉

😋 []上次食串燒有經過見到個廣島蠔烏冬想試，今次特登過黎試，點知原來係期間限定，已經冇做啦🥲🎈日鶴 鶴旭 雞•原湯叉燒拉麵 $88一碗有齊雞肉片同叉燒片，仲有玉子，岩晒多心既我😝😝湯底味道幾好，微微杰身唔會太稀😋😋🎈赤鶴 黑松露雜菌•安格斯牛肉•烏冬 $98安格斯牛肉靚，薄切半熟有牛味😋😋至於黑松露味都好出，仲有好多菇添，如果有埋玉子就更滿足🤗🎈富士山 可樂-白 $28🎈富士山 櫻花可樂 $28

最近開始發掘新地區，去左大角咀搵食。見到呢間好和風咁所以揀左😚。裝修環境好靚，真係好似去左日本咁😍。🔅【白鶴】北海道‧牛乳‧海鮮烏冬 ($108)湯底好甜，一飲勁驚喜😍，配烏冬好夾😋。但之後食左啖男朋友既咖哩滑蛋叉燒飯再飲個湯會覺得個湯冇咁甜😂，建議2樣野唔好share 😎。烏冬有刺身蝦同帶子，比較失色係鮮味略唔夠。🔅日式咖哩滑蛋叉燒飯 ($68)咖哩香濃偏甜，典型日式咖哩味👍🏻，咖哩唔夠仲可以請員工添加，即煮熱辣辣🤤。蛋好滑，蛋味十足。叉燒肥瘦適中，有少少炭燒味幾香。配菜好健康，有西蘭花、粟米心同蕃茄仔，都幾多，同咖哩好夾😍。🔅鹽燒蔥花牛舌 ($58)厚燒牛舌入口即溶，牛味香濃，口感一流😍。3塊厚切既牛舌$60有找，性價比算高😎。💬整體食物都唔錯，員工親切友善，好有禮貌。廁所都去埋😂，乾淨企理👍🏻，加分！ 

鶴旭  鶴旭 雞·原湯叉燒拉麵 $88Classic Tsuru Asahi Chicken Soup Ramen雞湯底幾香, 清清哋無平時食拉麵豬骨湯底咁濃稠, 所以食到最後都唔覺膩. 雞胸應該係低溫慢煮, 所以保持到口感幾嫩滑唔乾. 叉燒肥瘦均勻, 帶炙燒過香味. 溏心蛋流心程度剛好. 日本酒·甘蜆醬油湯烏冬 $88Sake Steamed Claims Soy Sauce Udon蜆肉量都唔少, 而且帶淡淡清酒香. 同樣有幾好食嘅叉燒. 另上櫻花蝦增添鮮味. 湯底日本甜醬油略帶有蜆肉同清酒香味, 烏冬滑溜唔會太腍. 日式豬軟骨飯 $68Japanese Stew Pork Tender with Rice豬軟骨炆得軟腍入味, 仲帶有軟骨. 喜歡佢一邊仲有各式蔬菜. 飯粒粒分明煮得幾好日式咖哩滑蛋牛肉飯 $88Japanese Beef & Egg with Curry Rice金黃蛋包飯勁靚仔, 都炒得幾滑. 咖哩味道ok, 不過相對無其他幾款咁印象深刻好多日本風décor, 係坐得幾舒服嘅

又explore屋企附近嘅餐廳，呢晚去咗日式小店鶴旭 ，餐廳充滿和風，甚有氣氛。小店主打拉麵及咖喱飯，我哋各點咗一樣試下。日式咖喱滑蛋叉燒飯 ($68)叉燒肥瘦均勻，軟腍軟彈，滑蛋炒得嫩滑，配上甜甜嘅日式咖哩汁，味道唔錯。我最欣賞呢度有大量色彩繽紛嘅時蔬配菜，健康又吸引！叉燒飯好大碗，呢個價錢嚟講飽肚又好味，可能之後都會再encore！日鶴 雞原湯拉麵($88)小店原本有四款精心熬製嘅湯底，包括：日鶴，白鶴，翠鶴，竹鶴，可惜最想食嘅廣島蠔翠鶴拉麵暫停供應，點咗店內另一招牌雞原湯日鶴拉麵，湯底奶黃，質地唔算濃稠，但拉麵好掛湯，湯底鮮甜充滿肉香，調味剛剛好唔會遮蓋鮮味，湯底唔錯。慢煮雞胸肉質嫩滑。完全唔會鞋熠熠，呢個價錢有一碗熱騰騰嘅拉麵算抵食。吉列炸豬扒($38)豬扒大大塊，炸到金黃香脆，難得嘅係內裡肉質依然juicy嫩滑，伴有沙律菜解去膩感。日式炸餃子（$29／5隻）餃子size唔算好大，但炸得脆口，入面主要係菜肉餡。雖然拉麵嘅質素唔可以同尖沙咀中環嘅拉麵名店相提並論，但勝在性價比高，份量足價錢又抵食。店員亦笑容滿面，服務友善，充滿人情味。得閒都會再去！

味道：⭐️⭐️⭐️⭐️⭐️餐廳嘅環境就好似置身係觀賞紅葉當中🍁充滿日本風情🇯🇵❶日鶴 $88鶴旭 雞·原湯叉燒拉麵🐣（轉配烏冬加$5）呢個拉麵既配菜好豐富 有溏心蛋、慢熟雞胸肉、叉燒😍其中雞胸肉就最得我歡心❤️味道唔會好似白烚雞胸咁味道單調 食落都幾嫩滑juicy😈而湯底帶香濃雞香味 烏冬又夠曬彈牙🍜❷竹鶴 $88日本酒·甘蜆醬油湯烏冬🌅蜆肉既份量多 完全係從前所未見既多⛴蜆肉無少 仲散發淡淡日本酒香 🍶加埋另上既櫻花蝦就錦上添花🌸令鮮味進一步昇華🌊❸日式麻醬滑豆腐 $28豆香味十足 質地柔軟 口感嫩滑🧆

“日鶴 鶴·旭 慢煮雞·原湯叉燒拉麵”($88)“日式咖喱吉列炸蠔飯”($68)“吉列鵪鶉蛋”($25)“香脆麻椒雞鎚”($30/2隻)大角咀其實真係好多嘢食😛次次嚟都會發現有新餐廳今次就去咗呢間食日式菜嘅鶴旭食晚餐☺食物方面主要提供拉麵/烏冬/咖喱飯/滑蛋飯仲有各款小食,炸物,串燒價錢仲要經濟實惠😍叫咗碗【日鶴】慢煮雞·原湯叉燒拉麵🐔🍜配料有2片雞叉燒,2片普通叉燒,溏心蛋,木耳首飲一啖湯,味道濃郁😋慢煮雞叉燒呈少少粉紅色,十分嫩滑普通叉燒燒完好香口脆味☺整體都好唔錯另外就叫咗個咖喱吉列炸蠔飯🍛個飯賣相好靚☺一半係炸蠔一半係蔬菜3大隻蠔炸到金黃香脆💛呢道咖喱同飯係分開上,咁就唔怕整腍啲炸物🥰最後叫多咗2款炸物分別係吉列鵪鶉蛋同埋香脆麻椒雞鎚之前都比較少見到炸鵪鶉蛋😝唔會炸得過龍,粒粒鵪鶉蛋蛋黃都超多🤤麻椒雞鎚炸得岩岩好,食落都仲juicy😙味道有少少麻幾惹味😝推介😆

雞軟骨 $35有兩串 好爽口 不過有d咸北海道牛乳海鮮烏冬 $108好鐘意個湯底 牛奶香味足夠 唔會太油膩 同烏冬幾夾 烏冬夠煙韌 唔會煮得太淋 海鮮有兩隻蝦同帶子 兩樣都好新鮮 而且隻蝦好大隻 日鶴 慢煮雞 原湯叉燒拉麵 $88呢個拉麵好特別 個配搭唔係一般嘅拉麵店會有嘅食落果然無失望！有2片雞 2片叉燒 溏心蛋 木耳湯底味道濃郁 又唔會太咸 幾好飲慢煮雞整得好嫩滑 雞肉有醃過 平時唔鐘意食雞胸都覺得好好食叉燒幾juicy 溏心蛋流心程度啱啱好

週五放lunch當然要食餐好啦，所以就嚟大角嘴發掘下唔同嘅餐廳，今次就揀咗日式料理鶴旭。餐廳環境非常有日式風味，裝飾非常有心思，有點居酒屋嘅感覺🏮我地叫咗兩個lunch set，分別係雞。原湯叉燒拉麵同埋日式咖哩吉列豬扒飯😋-雞。原湯叉燒拉麵拉麵裡面有叉燒肉同埋雞胸肉片，非常豐富足料，鍾意食肉嘅朋友真係唔好錯過🤤 雞湯有雞肉嘅鮮味，對比起平時食嘅豬骨湯，雞湯會比較易入口亦都唔會咁油膩。拉麵麵質煙煙韌韌，同濃郁嘅湯底一齊食非常夾😋 拉麵仲有半隻溏心蛋，流心蛋黃真係令人無法抗拒🤤-日式咖哩吉列豬扒飯豬扒新鮮炸起非常香脆，切成一片片好易入口，炸粉亦唔會太厚。咖喱醬係分開另一隻小碗上嘅，咁就唔會令到炸豬扒淋晒啦～豬扒旁邊仲有各式各樣嘅蔬菜感覺比較均衡健康，米飯份量都好足料，配埋微辣嘅日式咖哩一齊食令人停唔到口😌-除咗主菜之外，我哋仲加配咗日式麻醬滑豆腐同埋吉列蝦小食。豆腐超級大塊，兩個人share都夠食，配埋香濃嘅芝麻醬冇得輸✌🏻 吉列蝦真係好驚喜，炸得好酥脆，炸粉剛剛好，蝦肉又夠彈牙🤩

今天星期五放假一人到大角咀揾食,見到其小店門口餐牌餐牌圖片吸引已經口水直流,店裡不大, 放不夠十張桌子, 但裝修充滿日本風情, 坐下感覺挺舒服, 有種去了日本的感覺, 點了［竹鶴］日本酒甘蜆醬油湯烏冬,小店好處當然是即叫即煮, 所以上菜時間不算快,但也未之於等太久,先嚐一口湯,味道清甜,配上櫻花蝦乾更是一絕,店家貼心將蝦乾分開另上,客人可隨意添加增添風味,在下就一口氣全都下,蜆肉新鮮,叉燒有肉味,烏冬彈牙, 最精彩是其豆腐吸收了湯啖啖至味,最後在下整碗湯也喝下,暖暖的飽腹感,非常推介

大角咀一向都係我經常黎發掘新美食既地方,今日又趁住星期日夜晚唔想自已煮飯就同埋屋企黎食飯.見到呢間日式餐廳環境同氣氛都相當唔錯就入左黎試試.鶴旭雞原湯拉麵帶住淡黃白奶色既濃郁雞湯底再配上溏心蛋,嫩雞胸肉及叉燒片賣相已經贏左.雞白湯上枱唔夠一陣就已經結成一層薄膜,證明真材實料.湯底入口香滑又帶住濃醇雞香,湯底雖然濃郁但飲落唔會過份油膩.雞胸肉經慢煮後入口嫩滑又唔會柴,嫩得黎亦帶住肉既嚼口及肉香.叉燒輕輕炙燒令豚脂味更香,放入口後係口腔內慢慢融化.溏心蛋黃濃香綿滑,蛋白部份亦唔會過硬.拉麵充份可以掛上上濃厚雞白湯,啖啖精華.日本酒甘蜆醬油湯烏冬醬油清湯配上同樣鮮味突出既蜆肉清新香甜.蜆肉無沙帶出海水鹹香之餘亦浸透左日本清酒香.清湯配上味道平淡烏冬更突顯鮮味.烏冬煙韌彈牙同時亦吸入蜆醬油湯香味.配上櫻花蝦皮令整體味道更鮮明.鵪鶉蛋炸串炸吊唔會炸得過份油膩,香脆乾身.外脆內彈牙,鵪鶉蛋充滿蛋黃濃香,口感綿密香軟.

每個禮拜有一日會去大角咀 次次都好期待食咩😂真係唔怕冇嘢食只係怕食唔切🤫 今次發掘到一間超正勁抵食嘅日本嘢𝗬𝗲𝗮𝗵𝗵‼️🇯🇵❣️日鶴🦩鶴旭雞原湯拉麵 $82抵食喎😚 難得見有拉麵賣咁平又足料🥰湯嘅顏色唔係白湯 而係有啲黃 似係用埋雞皮👅 面頭有少少油 似日式老火雞湯 好飲🐥麵幼身 正常硬度 配洋蔥 蔥 木耳一齊食( ˙༥˙ )慢煮雞胸超級軟熟 勁入味同滑🙋🏻‍♀️ 叉燒炙燒完好香🤤味玉又係正 呢個價錢真係好抵‼️😍❣️日式滑蛋叉燒飯定食 $75話說早一日食咗個$200嘅日式雞扒定食🤣 然後朋友話呢個好食啲😵‍💫叉燒有超多塊 每塊都炙燒過🔥 蛋又炒得靚 蔥花又多 加埋個汁 真係白飯殺手😂另外跟餐仲有牛蒡同日式湯~❣️日式滑蛋蒲燒鰻魚定食 $78鰻魚飯差唔多只係個汁係另上 而且鰻魚都尚算肥美🦦❣️日式炸餃子🥟 +$25建議大家可以同朋友分😂 抵食呀咁多隻*ˊᵕˋ)੭每隻就的骰少少 入面都係菜肉餡 炸得好脆🥰