影片
更多
2021-12-31
25 浏览
又explore屋企附近嘅餐廳，呢晚去咗日式小店鶴旭 ，餐廳充滿和風，甚有氣氛。小店主打拉麵及咖喱飯，我哋各點咗一樣試下。日式咖喱滑蛋叉燒飯 ($68)叉燒肥瘦均勻，軟腍軟彈，滑蛋炒得嫩滑，配上甜甜嘅日式咖哩汁，味道唔錯。我最欣賞呢度有大量色彩繽紛嘅時蔬配菜，健康又吸引！叉燒飯好大碗，呢個價錢嚟講飽肚又好味，可能之後都會再encore！日鶴 雞原湯拉麵($88)小店原本有四款精心熬製嘅湯底，包括：日鶴，白鶴，翠鶴，竹鶴，可惜最想食嘅廣島蠔翠鶴拉麵暫停供應，點咗店內另一招牌雞原湯日鶴拉麵，湯底奶黃，質地唔算濃稠，但拉麵好掛湯，湯底鮮甜充滿肉香，調味剛剛好唔會遮蓋鮮味，湯底唔錯。慢煮雞胸肉質嫩滑。完全唔會鞋熠熠，呢個價錢有一碗熱騰騰嘅拉麵算抵食。吉列炸豬扒($38)豬扒大大塊，炸到金黃香脆，難得嘅係內裡肉質依然juicy嫩滑，伴有沙律菜解去膩感。日式炸餃子（$29／5隻）餃子size唔算好大，但炸得脆口，入面主要係菜肉餡。雖然拉麵嘅質素唔可以同尖沙咀中環嘅拉麵名店相提並論，但勝在性價比高，份量足價錢又抵食。店員亦笑容滿面，服務友善，充滿人情味。得閒都會再去！
日式咖喱滑蛋叉燒飯 ($68)
叉燒肥瘦均勻，軟腍軟彈，滑蛋炒得嫩滑，配上甜甜嘅日式咖哩汁，味道唔錯。我最欣賞呢度有大量色彩繽紛嘅時蔬配菜，健康又吸引！叉燒飯好大碗，呢個價錢嚟講飽肚又好味，可能之後都會再encore！
日鶴 雞原湯拉麵($88)
小店原本有四款精心熬製嘅湯底，包括：日鶴，白鶴，翠鶴，竹鶴，可惜最想食嘅廣島蠔翠鶴拉麵暫停供應，點咗店內另一招牌雞原湯日鶴拉麵，湯底奶黃，質地唔算濃稠，但拉麵好掛湯，湯底鮮甜充滿肉香，調味剛剛好唔會遮蓋鮮味，湯底唔錯。慢煮雞胸肉質嫩滑。完全唔會鞋熠熠，呢個價錢有一碗熱騰騰嘅拉麵算抵食。
吉列炸豬扒($38)
豬扒大大塊，炸到金黃香脆，難得嘅係內裡肉質依然juicy嫩滑，伴有沙律菜解去膩感。
日式炸餃子（$29／5隻）
餃子size唔算好大，但炸得脆口，入面主要係菜肉餡。
雖然拉麵嘅質素唔可以同尖沙咀中環嘅拉麵名店相提並論，但勝在性價比高，份量足價錢又抵食。店員亦笑容滿面，服務友善，充滿人情味。得閒都會再去！
张贴
