鵜舞

营业中

休息中

食曰本餐！仲要去到荔枝角？這兒不是工廠區嗎？心在猶豫！但既然朋友極力推介就去試一試啦！好彩很容易找到這店子！地鐵站D2 出囗、D2 place ! 一上地面就被這間門面光猛、又掛住好多燈籠的日本“居酒屋“ feel 的店子吸引着！就是它.. "鵜舞“ 噢！竟然要排隊等位！幸好很快就輪到我們，一進入餐廳、氣氛真的有如置身日本一樣！先經過壽司吧、串燒吧、噢！原來這兒有我的致愛“ 爐端燒“！可是已經满座了！唯有坐咗一旁的位置了！餐牌上的食品種類很多、真的可以照顧不同類型的客人！剛才被壽司吧内的“生“吸引着、忍吾住一定要叫兩隻來試！“慧比須生“？從前我只吃過“熊本“ “銅“ ！今次又可以試新的！果然爽脆、肥美！之後當然離不開刺身、點了一客“剌身五款“、内有三文魚、吞拿魚、油甘魚、带子和甜蝦！刺身也不俗！之後當然再順着入門的方向前進、到串燒吧！侍應推介“鷄亦串、䐁肉串、腐皮芝士串, 免治鷄肉串.. 由於要留肚、所以只好點了幾款推介！但又真的燒得很好味！等了一會兒的“爐端燒“ 终於出場了！先有燒蚝、然後牛舌、宮崎煙肉、鹿兒島五花腩、是曰廚師推介 “一夜干燒@魚“ 朋友果然冇介紹錯！今晚的晚

荔枝角最近開了一個叫D2 Place的購物點，前身是工廈，經過翻新和活化後，變成一幢全新的工商廈。它的地點隣近荔枝角地鐵站，非常方便。商場一共四層，有自家品牌的時裝手袋精品、各式餐廳、Cafe、歐洲雜貨店以及頂層的家品店，由於部分舖頭尚未開始營業，人流不多，部分已開業的店舖更提供折扣優惠，部份低至五折。我很喜歡那間在三樓的雜貨店，因為有很多新奇的品牌和商品；我也很喜歡頂層的家品店，設計簡約型格，價錢也合理，不過今晚分別在這兒嚐了三間餐廳，結果都叫人很失望。鵜舞是一間日本居酒屋，位於商場外圍。我們六時許來到，店內沒有客人，心想還是再觀察一下好了，結果逛完商場再來的時候，全店竟然滿座，我們唯有等。這間居酒屋的裝潢很有市井味，店外有一些木櫈給客人等位時坐，前面有掛起透明膠布用來擋風，在這樣寒冷的天氣其實也挺貼心的。走入店內，前後兩邊都是吧枱，中間是普通餐檯位，正中的走道沿途掛滿了大紅燈籠，配上有點破舊的木柱和地板，那種氣氛很討好。當晚我們被安排坐在吧枱位置，我很喜歡坐那兒，因為可以看到師傅的刀工，又可以看到不同的食材，但我首先看到的是師傅貪方便用壽司刀來𠝹開打單的感熱紙，我以為專業的師傅會將

知道屋企附近開左間日本餐、因為開在工業區的原因、本來沒有什麼期望。嘩！點知去到門口、見到人佢地用心的橫裝、可比美尖沙咀、銅鑼灣一帶。坐位與坐位之間都有一定距離私穩度夠高。食物質素亦相當唔錯、特別是燒物及串燒都很出色。而餐廳眼見亦有三位日本人、所以都很安心可能是新開的原因、樓面的服務就真是有點...........冇叫的佢又開單、有叫的又遲遲冇來......唔知關唔關樓面冇日本人事呢^_^食物的種類可再多一點、特別是煮物而刺身亦不似市區我店咁有本日精選（唔好同我講今日牡丹蝦、甜蝦好新鮮）例如而家季節是食安康魚肝、鯛魚呀咁呢度都唔見有餐牌的內容可以再豐富一點價錢算合理希望可以好像某些日本餐有每日推介小食牌咁就非常好啦

響我地為慶祝N年紀念日的日子，當我地在頭痛去邊度搵食的時候，找到了這間很近我工作的地方，又是我們喜歡吃的日本菜。位於新建的商場地下，很容易找。店鋪的裝修很有日本當地的風格，只是沒有安裝天花，很怕有甚麼東西會掉下來，由於我們訂了坐，坐在比較入的地方，兩人坐四人枱，地方很寬闊，枱上又有水瓶可以自己加水。我們初頭叫了六樣食物，但食物份量很少，最後叫多兩樣。什錦壽司十款 $280： 份量不多，頗新鮮豚肉秋葵串 $24：好少見會用秋葵黎做串燒，味道特別芝士免治雞肉串：中間有些雞軟骨，有咬口，但係點解個感覺咁似現成買返黎果D0既豬腩肉串：有少少感覺肥，但係好香口天婦羅蒿麥麵 $88： 普通吉列黑豚肉扒 ：炸粉薄，肉扒鬆化牛肉飯糰：好特別，用牛肉包住D炒左既飯，我地都覺得幾好食     響工廠林立的地方都有高級日本野，高級既意思唔係佢地風景同環境高級，而係價錢高級，質素比一般的亦好一點，而且仲有個日本人同你整爐端燒，我地都相信呢類餐廳都係服務返附近四小龍既客戶。我地好奇之下拎左午餐的餐牌黎睇，侍應話原來佢地分兩種餐牌，有預訂客的和Walk-in客的餐牌，我地比較過，原來兩者供應的東西都不同，預訂的餐

公司附近的D2 PLACE商場內的食店陸續開業, 斷斷續續已光顧了樓上好幾間了,今次就揀了此日本食店用餐. 此店開業不久, 午飯時間常見其門外人頭湧湧. 為免白走一趟, 所以早作部署, 揀定日子訂位食午餐, 好好慰勞自己一下.當天因為預先訂了位和準時到達, 跟門口的侍應姐姐確認后, 便能入座. 食評應該是主講食物, 但對於此店, 實在忍不住讚一讚它的環境及氣氛. 走進此店如入了時光隧道, 第一個給人的感覺是誤以為自己身處日本, 入了一間地道的居酒屋內. 暖黃的燈光配上不同顏色酒樽型的燈罩裝飾, 整店籠罩著濃濃的東瀛味道, 不知是否此原因, 當天胃口特別好.午飯時段主打是套餐, 因為想食壽司, 當天便要求坐在魚生柜前的吧檯位置, 順便可欣賞壽司師傅的”手藝”. 一坐下來, 侍應哥哥即時奉上熱茶, 由於午飯時間只得一小時, 時間無多, 便馬上點了壽司定食套餐. 等了約十分鐘, 俏俏的侍應姐姐把壽司餐送到面前來. 壽司上的魚生看起來相當新鮮肥美, 肉色鮮明兼帶有光澤, 忍不住講句”おいしいそうです“、賣相實在太吸引了(可能肚餓的關係), 急不及待已吞下第一件, 魚的鮮味加上攻鼻的わさび, 實

正如報導所言:「鵜舞裝潢落足本，設計以日本漁船作靈感，甫入餐廳，是一條掛滿燈籠的走廊，左方是特長壽司吧，右側牆壁則掛有不少漁船工具；盡頭還有特意搜羅的古董漁船指南針。」鵜舞的裝修絕對是出色的。可惜午餐質素確實普通。可能晚餐的爐端燒才是重點？叉燒拉麵 ($68)以這個價錢來說，實在算差。湯不夠熱，叉燒肉質十分「鞋口」，拉麵普通，跟低檔次分別不大。刺身定食 ($160)刺身算新鮮，但絕不是頂級那種。日本米正宗。沙律、茶碗蒸、麵豉湯質素與其他平價店舖一般味道。整體份量對男性來講未必夠飽。上述兩款午餐均不包括飲料，幸好熱茶質素不錯。一頓加一後盛惠約$250的二人午餐，比鵜舞吃得更滿足的，還有太多太多並他選擇。

其實自從這家店開業，一直心癢癢想試，日本餐，我喜歡！這家店就在公司附近，午飯時常常經過見到門口有很多人在等候，我猜應該不錯吧！終於2013年最後1天，和同事一起訂位，要慰勞自己辛勞了好一年!午餐餐牌主要是套餐，我選了吞拿魚腩定食，同事選了壽司定食，同樣有沙律、湯、蒸蛋。很高興，我選的很、很、很好！那些吞拿魚腩很新鮮！感覺很柔軟及美味！至於同事的壽司定食，我忍了良久，終於忍受不了誘惑，吃了她的帶子壽司，實在很甜啊~~~蒸蛋是另一絕，滑而且有料，面有菇，中間有少許帶子，底還有蝦，這是絕對意想不到的，好像在尋寶！這個餐廳裝飾也很有東洋味，經過這次試午餐，下次就要再來晚餐，或許又有新驚喜！我一定會再試！

平時食個午餐都係求求其其就算, 最緊要快,  尋日2013年最後一日, 要食得享受d...諗起附近新開的一間日本餐廳, 決定去呢間..比午餐時間早左少少出去(特別日子嘛 ), 所以唔使等位...裝修好日本FEEL, 我地兩個人被安排入房, 出面都已經FULL曬...SET LUNCH, 同同事兩個, 我叫左辛辣拉麵, 同事叫左海鮮定食, 同埋小食炸雞..我係極愛好食辣的人, 以前食過的辣辣拉麵都係無辣味, 但呢個辣得黎又香, 但值得一提既係半邊溏心蛋, 蛋黃半熟至溜, 正 , 而家出面大多數都只係烚蛋....同事話魚生都好新鮮, 我食左佢個蒸蛋同埋海膽..海鮮蒸蛋好滑, 仲有好多蝦, 抵..D野食好快上, 食完仲有空閒時間飲下茶傾下計, 加上環境舒適, 呢個午餐真係好享受呀...值得再黎, 要試試晚餐..

位於荔枝角工廠區，估唔到都有間唔錯既爐端燒 - 鵜舞！入到去，都幾有日本feel，仲有日本人坐鎮，負責爐端燒！被安排坐bar檯位置，可以欣賞師傅功架！佢哋會將當日新鮮既食材（魚、蔬菜）擺出嚟，任食客自由選擇！串燒：燒鷄皮（外脆內軟），燒青椒（外面少少燶，裏面好juicy），燒鷄腎（正）爐端燒：燒粟米（醬汁一流，唔過火，值得encore），燒牛肉（燒到裏面略帶粉紅，唔會太乾）當日，仲見到有人order燒魷魚，用炭爐叉起隻魷魚慢火燒，幾得意！我哋仲叫咗個壽司併盤，有帶子、三文魚子、呑拿魚.....件件都係新鮮既食材！（不過由於只係顧住食，所以冇影相）工廠區裏面，估唔到有間幾正宗、價錢又合理既爐端燒！

幾年不見的好友突然來電，說她辭職了，我答，我也辭職了。即時約好晚飯互道近況，坐在以竹簾相隔的卡座，正好自成一角讓我們好好談上整個晚上。試了三款不同的免治雞肉串燒，還有雞脾蔥串、豚肉秋葵串和腐皮薯蓉。三款免治雞肉串都好吃，雞肉混入了雞軟骨，軟滑中帶爽脆。蒸蛋好滑！比較之下，普通蒸蛋比海膽更香蛋味，友人則較喜歡海膽蒸蛋，各有所好也。燒宮崎煙肉，好香煙熏味，看起來與吃下去的質感都有點像叉燒，外脆內軟很香口。還吃了刺身拼盤、壽司拼盤、明太子蛋卷、燒雞全翼、燒牛舌、炸魚餅、牛肉飯糰、雜錦天婦羅、芝麻／柚子雪糕，吃著談著，這頓飯吃了近四小時，夜已深，是時候回家了，只好下次再約再吃再談。

今天一行6人(4大2小)去咗鵜舞晚餐, 因為在附近返工, 之前都幫襯過幾次, 感覺唔錯. 咁平時多數都食開 set lunch, 咁今晚就帶埋屋企人同2個小朋友試下晚餐. 好彩一早 book 咗位, 所以唔洗等位. 來到時見門口都要等位. 環境: 裝修靚, 座位舒適, 又好有日本feel, 正!!食物方面: 感覺比較地道及正宗, 有些菜式在其他的日本餐廳未見過.牡丹蝦刺身: 一份3只, 大大隻又新鮮, 好抵食. 蝦頭仲可以幫你炸埋. 讚!!海膽刺身: 好 fresh, 正!!壽司: 我地 order 咗三文魚, 三文魚籽, 蟹籽同一份什錦壽司(有10款), 好新鮮, 三文魚子漲卜卜, 2個小朋友每人吃了各3件.碎蔥吞拿魚腩卷: 我無食到, 但老公話好味.蟹膏麵豉配鮮菜條: 強勁推介!! 唔係好多地方有得吃. 我都係第一次食, 賣相好靚. 估唔到蟹膏同麵豉D味係咁"夾"的. 用鮮菜條點來食, 一D都唔溜. 最好有碗白飯跟埋, 呢味蟹膏送飯一流.野菜雜菇煮: 分量偏細, 我只夾了一條菜, 其餘的比2個細路 KO 了.麵豉醬燒田園茄子: 味好濃但唔會太咸, 燒的時間剛剛好.德島產阿波尾雞翼:

每年冬至，必定為了親人團聚而犧牲老公的生日，齊齊吃中菜。今年決定離隊，食豪啲、舒適啲，加埋女兒，三人食日本菜。無得慳喇。家在附近嘅老友介紹「鵜舞」。交通極方便，地鐵荔枝角Ｄ２出，行半分鐘到。裝修非常日本feel,座位寬闊舒適，滿意加like。這晚先吃五款刺身，然後五款爐端燒(Robatayaki)燒物，最後米飯及麵食。刺身係每人一隻牡丹蝦,二片上吞拿腩，一小碗三文魚籽，一隻生蠔及半板海膽share。牡丹蝦足五吋，蝦肉解凍適中，鮮甜到蝦頭都啜埋。滿分like。上吞拿腩睇落有Ｄ根，但基本上無須細嚼己滑到食道中，而吞拿魚嘅甘香魚脂停留在口腔，超正，Ichiban 讚。三文魚籽以蘿蔔蓉承托，混和一起使魚籽的咸香多咗層次而少咗油感，魚籽皮十分脆口，滿分。生蠔係惠比壽(Ebisu)入口，清甜，嫰滑，微點檸檬汁充分吃出味道，高質素，超正。海膽就由北海道入口，香加滑！紫菜包住食，真係無以上之。飲啖茶，吃燒物。眾人(還有其他食客)圍坐爐端，睇實日藉厨師全神貫注在為大家泡製食物，欣賞專業精神亦一樂也。我們主打燒蟹腳及宮崎煙肉；另加二條沙丁明太子，白飯魚干片及芝士免治雞肉。蟹腳燒得很正，飃來香氣而肉質保持鮮

最近發現荔枝角有間幾大幾好坐既日式串燒/爐端燒餐廳，叫鵜舞 （鵜讀音：題），裝修好有日式風味。裡面有專食爐端燒既座位，我地無坐o個度，我地既餐牌都無爐端燒菜式，我地問侍應可唔可以點爐端燒，佢話如果師傅整得切都可以。我同朋友兩個人點左刺身同一D串燒、爐端燒。刺身款式係侍應推介既幾款，好新鮮！餐廳有D食材係日本進口，例如我地點既厚燒宮崎煙肉同德島產阿波尾雞翼。Overall 食物質素唔錯。下次如果去開旺角深水埗想揾個坐得舒服既地方我都會再番黎！

我老公話補回我的生日飯, 我的生日是在11月24日, 早幾日前才跟我說補回給我 , 不過好過冇啦 ,我同個女一向都好鍾意食日本嘢, 我聽我朋友講最近公司附近開咗日本嘢好似好多人咁, 未叫我老公同我同女一齊去試吓, 原本有得的訂位我又唔知, 所以等咗半個鍾先有得食, 一入去覺得裝飾OK, 服務都OK, 我地食了魚生, D魚生好新鮮, 又食咗網燒和牛, 串燒, 卷物, 清酒, 天婦羅, 我同個女都好鍾意食牡丹蝦刺身, 好好味, 好大隻, 好新鮮, 有個高級服務員同我講將隻牡丹蝦的蝦頭比佢攞去炸好好味的, 她唔講我都唔知, 原本可以咁食, 佢話因為隻蝦大先可以咁做.

新開店，和幾個老朋友試試看，地方還是挺好找的，進門也很熱情的招呼，進到店里，非常經典日式裝修，很有日本漁村風，黃黃的燈光，很溫暖的樣子。牡丹蝦和生蠔，晶瑩剔透很香甜，海膽的品質很好，口感軟糯，潤滑細膩，吃在嘴里很有質感，很新鮮的樣子，但是菜品和其它同等級的日料店有點少。贊一下鵜舞，由日本廚師主理的燒物一級棒！原始燒大蝦鮮美，但有點咸了，典型半生熟和牛，沒有什麼脂肪，吃起來有嚼勁超級鮮，特上烤牛舌，烤得很透，抹了醬，吃起來脆脆的。天婦羅也不錯，炸的酥脆，甘香美味。相比如此優雅的環境來說，上菜速度有點慢。總的來說，不錯，蠻好的，以後還會再來。