鵜舞

营业中

休息中

一段時間沒去日本旅行。愛她的文化，愛她的親和，膚淺的我，最愛她的食物。從街頭的外賣店、轉角的居酒屋，到大型百貨的美食專櫃和隨處可見的連鎖餐廳，通通都愛，各有特色。剛從日本旅行回來的友人，選了鵜舞吃午餐，可見東洋文化的吸引力。從烈日當空的長義街，走進鵜舞，彷如踏進另一個世界。餐廳只以昏暗的燈光照亮。接著正門，以木柱劃出一條走廊，上面吊著燈籠和魚網。幻想走進多啦A夢的隨意門，此刻身處舊日本的居酒店。被安排到吧枱，可以觀賞師傅的手勢。每次他們手執火槍，都深呼吸，很喜歡火炙的味道。午餐定食，有拉麵、烏冬、魚生飯、吉列等等，由＄88到超過＄200都有，任君選擇。碎蔥吞拿魚腩、海膽、三文魚籽飯定食魚生飯色彩鮮豔，賣相贏盡掌聲。看似平凡的茶碗蒸，其實深藏不露。超滑的蛋，水汪汪的，入口滑溜，且富蛋香。有蝦、蟹柳、銀杏和菇，材料夠足。芽菜混著泡菜，韓式前菜。壽司飯的中央有紫菜絲和芝麻，再鋪上一層蛋絲，然後放上刺身，令賣相更美豔動人。蛋絲除了好看，淡淡而帶甜的玉子，可以清一清口裡的味道，它的乾身和淡味，也使刺身顯得突出，是個很好的襯托。紫菜和芝麻，亦增強了味道和口感的層次感。三文魚籽脹卜卜的，咬下去爆汁，

早前到訪過位於荔枝角D2 Place地舖的Umai鵜舞，對這裡的美食和濃濃日式居酒屋般的裝修及氣氛留下相當不錯的印象。這晚與朋友一起再訪，發現原來鵜舞也有供應大阪傳統料理割烹，由來自關西的行政總廚主理。坐在自成一角的吧台corner，看著大廚親自為我們預備一道又一道的菜式，真期待～<割烹料理menu>~ 先付~ 向付~ 椀物~ 小付~ 溫物 ~ 肴強~ 食事~ 止椀~ 甘味鵜舞的割烹料理晚餐，有9道菜，每位＄780。逢星期二至六晚供應，每晚最多可招待9位食客。大廚會根據當日的食材來決定當晚menu會炮製什麼，所以下次每次來都或會吃到不同的食材與烹調方法。秋天到了，店員向我們建議這款秋日限定的日本酒。入口清爽，帶淡淡的香甜，無論淨飲還是伴接下來的食物都很夾得來。<先付>先來前菜3拼：湯葉刺身。南蠻黑鰽魚。納豆伴山芋蓉向來愛吃豆腐類食物的我最愛就是湯葉（腐皮），入口清新軟滑。南蠻煮黑鰽魚微酸香甜，與香滑的納豆伴山芋蓉都是不錯的前菜。這納豆的味道沒有太濃烈，就算平日接受不到納豆的朋友也能吃。<向付>吞拿魚刺身，肉質爽甜。刺身上還有金箔碎 ，讓賣

不常來到荔枝角，這區變得特色小店林立。在工廈群中找到了鵜舞。星期六的午市也多人，幸好二人找位子總是容易。午市定食主菜配有有漬物、茶碗蒸、味噌湯。河馬生要了刺身飯、河馬太要了以其招牌命名的牛肉飯。刺身有池魚、三文魚、吞拿魚、𩶘魚各2片，還有帶子和甜蝦各1。除了三文魚和吞拿魚較厚切，其他如帶子未見突出，甜蝦亦很細隻。由於䜴油太少，送珍珠飯時感到乾。牛肉飯既然以招牌來命名，一定對他有比較大的期望。然而希望越大，失望越大。牛肉比較韌，說難聽一點，連吉野家也比他好吃。唯一可取的是茶碗蒸，蒸蛋的要表面蒸得很滑溜，鰹魚的味道也香濃。然而裏面的材料也是少得可憐，河馬生的一碗有冬菇、白果和蝦；我的一杯卻找不到蝦和白果。總括而言，以＄150一個人的價錢，吃的卻是低於＄100的水準，性價比低，不會再幫襯。

去完恩福堂睇培靈會直播，走到這日式食店晚飯。這食店附近整個範圍都可以說非常新，有不少新落成的商場及食店，而價錢亦不便宜。食店內裝潢不錯，很有身處日本的感覺，門口有一條長長的通道，沿著通道掛滿了燈籠，極具特色。坐下時店員先送上綠茶，茶本沒甚特別，特別在那水杯頗重，或者是為了保障茶不被打翻吧！點菜時店員介紹和牛串，靠著和牛本身的美味，吃罷味道不俗，但我還是比較喜愛用鐵板燒多些，因為可以鎖住肉汁。香葱吞拿魚手卷，包法有別於一般日式食店，吞拿魚肉攪碎再加上葱花味道還可以，紫菜亦夠脆。豖肉炒拉麵，份量夠大，食材除了豖肉及拉麵外，還有溏心蛋及酸薑切絲，兩樣都是我喜愛的食物，炒得熱烘烘、香噴噴，很好吃。鹽燒牛舌，本身已是我非常喜愛的食物，而這食店所做的亦保持到牛舌的軟度，加上燒過牛舌的肉香及檸檬汁，不需要另上醬汁已非常好味道，值得一試。燒雞翼，燒的時間剛好，雞翼夠熟。雖然價錢不便宜，但食物味道整體不錯。

又有舊同事飯局，揀左依間勁hit嘅日本菜。帶位小姐問我想坐邊，梗係壽司吧啦！望住個日本廚整壽司勁開心！雖然啲樓面員工好忙，但都好好招呼！野食方面燒牛舌壽司無得輸，反而刺身方面未如理想。但加埋招呼，應會再黎！

近來說起日本野, 我媽就會要來這裡皆因她覺得這裡裝修特別, 品質穩定, 又不會天價, 有早年加太賀的feel位置在荔枝角D2商場地下, D2由工廈改裝, 鄰近地鐵站,又有車位和泊車優惠, 朋友家人要來也很方便 門口看入去是這樣的:一入門口左手邊是開放式廚房, 刺身壽司似乎也在這制作,右邊就是座位了這裡的接待很熱情, 會"懶"friend, 例如你是林太的booking, 他就會: 阿林太~你囡囡到咗啦!但不會去到討你厭的程度, 整理感覺良好不過當晚看似有一定數量的暑期工哩, 問題一個都回答不了每次都要找長工同事解答, 但要稱讚服務員的主動性!例如: 1.我們舉高手想研究一下燈泡立即有人問我們"有咩幫到你?"2. 我還沒舉手叫人, 只是在眼神找服務員就已經有服務員看到並來serve我們."今時今日搵到D咁既服務好難得!!"我們四個人食了很多東西(但我食家級數出不了那麼多圖片抱歉):溫室蕃茄豆腐沙津 -很大一碟讓人覺得很抵lol麻醬像是有調過的, 好吃; 滿滿的碎芝士令人想到了caesar salad餐牌說是溫室蕃茄, 但老實說我不覺得有很大分別(笑)菜菜子有些已經開始泛黃了, 很勝在品種

荔枝角區又一話題之作 -- 門面已經好有日本居酒屋特色嘅餐廳一行8個人樣樣叫D黎試食,好壞參半，都唔係樣樣有驚喜架。。。大部份食物都係以爐端燒既最穩陣,咁當然，其他食物如果可以再提高質數就肯定可以帶起成間餐廳既水準喇～

裝修環境充滿日本居酒居feel, 以為置身在日本。除了餐牌上的食物外,也可以出去睇下爐端燒的位置有咩岩食,但我地都是叫返餐牌上的食物,太多吸引了。厚燒明太子蛋卷,口感鬆軟,但不夠蛋香味呀。刺身系列:三文魚腩(5片),比較肥美、三文魚(5片),不俗、甜蝦(6件),幾鮮甜,整體味道不俗。炸軟殼蟹卷,味道普通。鹿禿島產豚肉五花腩味噌漬,香口惹味。厚燒特上牛舌,好少可見到厚切的牛舌,口感比較軟腍,唔韌又有咬口,好味呀。半生熟和牛,外層燒得全熟,香口鬆化,中間生的部分,口感鮮嫩,肉汁豐富牛味濃,可惜油脂較少,如果多點會更好味。燒魷魚干片,送酒必備的佳品,燒得好香,而且好彈牙爽口,好味呀。梅酒加冰,梅酒梳打,冇乜酒味同太淡,感覺好似溝稀左呀。

正是午飯時間，炎熱時間，日本餐廳特別吸引！經過一間，就咩都冇睇就入去啦！店內環境不錯，以木為主嘅裝修令餐廳很有日本味道，一入門口便已日本歡迎而上，但可以上班時份，店內食客都多，看到店員都很忙，服務態度一般。我嗌左三文魚魚子魚生飯，刺身食落很新鮮，而且三文魚係厚切的，食落很滋味，加上配了少少蛋碎絲，令口感更豐富，而魚子粒粒都好大粒，輕輕一咬就爆，都好新鮮，其實碗魚生飯係好好食嘅，但略厭份量吾太夠，食完都吾夠飽，細食朋友加埋杯茶都會足夠的，但如果魚生飯大碗d，加多少少飯就好了！！

好少去嗰頭， 行過見到，氣氛很好。入去試吓。 walk in 已無 table 枱了，只好坐爐端燒 bar 枱。 睇住個日本師傅係度燒肉，都幾好。 而且抽風很好， 唔會一頭煙。講返食物。要了一個魚生飯和一客鰻魚飯。 魚生飯的魚生不算大新鮮，只是中價貨。 而飯又調得太酸，失去飯味， 十分失望。失望中食個鰻魚飯反而有驚喜。 尐鰻魚很美，入口熔，飯加了浦燒汁，甜甜地，好正。另外，加了兩個小食，明太子蛋卷和炭燒牛舌。 蛋卷和明太子很夾。 但要趁熱食，否則有鯹味。 牛舌就值得一讚， 燒得恰到好處，彈牙又香。 好回味。 如果喜歡飲酒的， 佐酒無得彈。

單睇個價單以為好平，點知三五知己小飲返兩杯，愈叫愈多野食，咁就出事啦。講真，呢度野食真係唔特別好食、上菜慢、所有職員都好似傻下傻下不夠醒目，但氣氛真係冇得輸，好似置身喺日本的小漁港、大家一齊開祭典派對咁。尤其是直行到尾有個位可以直接望到廚師做爐端燒，所有新鮮食材都放曬出黎，真係睇到都開心。由於叫左的食物眾多，略講幾味值得分享。個鵜舞沙律做得好，有多種材料口感豐富，但建議mix埋先上碟，因為唔mix試唔曬所有食材。沙律中有吞拿魚、蛋、番茄仔、脆脆、生菜等等，味道互相配合而且放左成晚都爽脆、冇咩出水。番茄sukiyaki唔太ok，個湯底甜到「嗱喉」。而且牛肉片放左入去湯入面，點解唔係燒完肉先放湯…？一點也不日本、不正宗。唔緊要，港式食法一煲上其實都ok，但肉應該分開上，免得放入湯過熟「孩」曬。另外點雞蛋泡泡好嘔心、 我接受唔到﹝我知日本有人點泡泡﹞。咁如果一開頭港式不如全部港式曬，點生蛋液算啦。佢地出名的爐端燒，item有啲好食有啲唔好食。牛舌同魷魚都燒得好juicy，即叫即整所以熱辣辣。塗上少少的青檸汁更帶出肉和海鮮的味道、同時減少膩口。但職員推介、$380隻的大幔就好不濟。鵜舞燒大

之前一直都想試呢間, 見介紹講到好日本地道居酒屋咁, 好彩tablemap可以訂位, 所以約埋朋友去試下我地4個人分左2批去, 第一批坐低左先, 我同另一個隨後去到, 一去到門口果度, 店員已經係好熱情 (其實係扮friend果種)入到去坐低, 負責serve我地個枱既店員不斷催我地落單, 話星期五好多人要等好耐, 心諗你都要比時間人望下個menu有咩至得架, 再唔係就一係你地推介囉揀左D串燒, 但又猛咁要我地叫多幾串, 話唔夠食, 我唔係好明點解唔可以比我地叫多幾款唔同既野, 做咩係都要我地同一款叫幾串, 如果係咁樣, 我不如一人一個定食好過啦其實4個女仔order左十幾樣野, 都唔係好算唔叫野霸住人地張枱丫, 同埋朋友之前聽到佢地同冇訂位既人講滿晒唔駛等, 咁即係8點呢轉只係做一轉唔駛趕翻單啦我地叫左：刺身5點 -- 不錯！幾新鮮！鹽辛魷魚 -- 送酒一流碟野上枱後, 前後幾個店員同經理都來問我地知唔知呢碟係咩野, 話好多人都唔知, 驚我地叫錯左, 心諗唔知又點會叫, 叫左又點會唔知呢, 好煩囉明太子蛋卷 -- 入面勁好明太子, 一咬落去就標晒出來, 好好味！蒲燒鰻魚 -- 初時睇

I seldom walk into this neighbourhood (Lai Chi Kok, Kowloon side) for years. My last impression was an industrial area which you only see factory buildings and truck drivers on quiet street. The fact is once i step out of the Lai Chi Kok MTR exit D2, i found nice western cafe restaurant, well painted grafitti drawing n looking-authentic japanese restaurant called UMAI right across. This short alley is full of excitment.To describe "tasty" in japanese, i've learned two words from my japanese clas

一向都係睇open rice 多，無寫過食評。本身係比附近既 graffiti 吸引所以今日就轉登黎呢邊食野，見到呢間既舖頭裝修得幾靚就入去試下。叫左個88$ 既叉燒豬骨湯拉麵，D肥肉超多（95%），個湯底又淡，麵又太多，完全唔值呢個價。另外叫左個鹽燒雞脾肉定食165$，係燒得幾好食但份量就非常少，食完成個定食都好似無食過野咁！同個大肚果個經理（定老闆）講，佢態度好串，呢間野除左D茶同waiter 比較ok 之外，食物真係overprice 左！好失望！

近年來，不少工廠區慢慢轉型，出現了不少工廈內的食肆，傳統的工業區變得商業化，在長沙灣這個傳統的工廠區就有一間彷照著日本傳統居酒屋而開設的日本餐廳，未入內已有股濃濃的氣色，除了一般的刺身壽司及熟食外，最令人興奮的就是由日本大廚主理的爐端燒。如不是在早前曾到訪旁邊的西班牙餐廳，絕對不知道有一間日本餐廳在旁邊。今次受邀來到，就是品嚐一下【和牛祭】這個推廣，平常一間餐廳只會供應一個地方的和牛，可是今次他們卻會供應不同地區的和牛，可以有一個有趣的比較。被安排坐到大廚的面前，可以一邊品嚐美食，一邊欣賞大廚的手藝。人們還未到齊，先拿來點前菜及小食，有多款不同的漬物，估不到有最喜歡的【牛蒡漬】及【炸牛蒡條】，實在開心。吃牛蒡是因近來身體不好，一來可消脂，二來可降血脂、膽固醇等，感覺也特別良好。未開始前，先來一杯【自家製梅酒】，酒味醇郁，梅香濃厚，甜度亦適中，飲後十分開胃，最後更不要忘了那粒美味又爽口的青梅。第一道是【A4但馬和牛他他】，大廚以一個有趣的醬汁來拌，就是加入了韓風味的泡菜，令牛肉他他帶點辣勁，而且還有山芋及蛋黃，一同拌勻後，質感有點黏，但卻很惹味又富蛋香，只是和牛本身肉味不濃，醬汁的味道蓋