鴻星中菜 (MOKO新世紀廣場) (已結業)

家父生曰,見新開又近近哋就去試吓,早一日訂八人枱食晚飯,一行六大人一小童一BB,因有BB車地方較窄,枱亦偏細. 點咗個"松葉蟹拑.原隻鮑魚.魚翅"全包宴六位. 加壽包六個.家父點生力啤, 女待應送上時話唔係好凍, 問佢有無其他牌子凍啲嘅啤酒, 佢就行入厨房唔夠三秒出嚟話其他都唔凍可能好忙費事同你換來去又要改單.當晚七時入座都幾旺塲,唔知係咪趕下塲,上菜亂晒龍,先上'金裝拼盤',即炸豆腐拼义燒,义燒幾好之後上'原隻鮑魚花菇',細粒過麥樂雞,再嚟元貝燴生翅都幾多瑤柱但翅就難揾啲.炸蟹拑ok嘅,跟住到'紅糟醬爆象拔蚌'以為係炒土魷. 突然送上糯米飯,我同女待應講,仲有魚同雞都未嚟,之後佢話攞走,我怕佢加料,叫佢分咗佢唔好攞嚟攞去。 到"清蒸大海斑",又梅又散好明顯唔新鮮。"上素津白包"有啲怪味.雞ok.糖水,甜品及壽包都唔錯.理單約千五,但叫待應攞兩張泊車等到頸都長,呢個應咗你轉頭又掛住執枱,叫第二個,個個都好忙,十分鐘喥終於有人比到我, 無下次

酒家開張之日， 食神有緣為座上客， 當然要在此向大家報道一下。先說食物: 食神素來對中菜要求不高，索性點套餐算吧了。 蟹肉元貝羮二人份量， 但可足四人享用， 用料不算矝貴但湯料十足且味道不錯。 燒帶子燒帶子加以特別醬汁， 帶子質感非常好但茨汁略嫌太鹹。 蒜蓉上湯蒸開邊龍蝦龍蝦偏細、肉質過軟，但調味適中。 燒乳鴿當然沒有沙田燒乳鴿的水準和風味但肉質嫩而骨香。 臘味糯米飯味道不錯，可惜不夠乾身，臘腸粒也寥寥可數。 金沙麻米滋皮薄兼流沙，最重要是熱辣辣，值得推介。其他: 空間從來沒有見過那麽擠迫的高級中菜酒家。 枱與枱中間的空間可以說是不存全，最可憐的算是傳菜的侍應，過完一關又一關。 上菜時間等了超過半小時才等到第一道菜， 整晚上菜時間表很不「規則」， 有時兩道菜一起上， 但甜品、 湯卻等超過半小時。