鳴門壽司串揚料理 (已結業)

琴晚9:00半價時段走去食,以為好抵, 但食物質素實在強差人意, 完全明白點解半價都坐唔滿:- 壽司舊飯好多時都係一夾就散- 唔知係佢處理手法別樹一格,定係貨源獨特, 唔知點解可以整到大部份壽司都係無味, 連鰻魚都可以無味,服!!! 元綠/ 百佳都做唔到呢個效果..- 枱上wasabi 欠奉,上壽司時亦無跟wasabi, 要自己問waiter攞- 枱上面嗰樽子壃竟然有隻 "畢" wasabi 嗰d匙羹仔,無咗應有既夾, 根本無可能攞到d壃出黎, 唔通佢expect我用對食過既夾佢出黎?- 乜迴轉壽司收茶錢架? 雖然只係$2位....一開始叫咗d生既壽司:* 三文魚壽司: 叫咗2碟,第一碟無魚味, 第二碟塊三文魚竟然係爛既(唔知係太薄切到爛咗,定係跌過), 咁肉酸點食呀? waitress 換過碟俾我地,點知換嗰碟仲衰, 連魚皮都未去清呀!!!!!!! 真係虧佢咁都敢攞出黎,仲衰過supermarket擺咗一日嗰d* 吞拿魚壽司:乜味都無, 無魚味都算,但吞拿魚唔新鮮都應該會有腥味掛,佢無喎！到底佢俾咗d咩我食呢？* 特大甜蝦壽司:唔新鮮,乾乾地* 車子（即賴尿蝦）壽司:唔好食，佢搽咗ｄ

1/3與女友到Megabox睇戲及溜冰後於商場Shopping,行到夜晚諗住食飯,途經10樓呢間鳴門,諗起上次於九龍灣另一間鳴門幾好食,諗住呢間都唔太差,決定入去試試,一去到門口,個侍應同我講9點後入座壽司半價,當時8點半,但實在太肚餓,照入,一入門口,全場大叫歡迎(日文)坐低叫食物,點了燒鯖魚,串揚拼盤,日式牛肉窩及幾客三文魚壽司,除牛肉窩無乜特別,其餘都是水準之上,到8點55左右,已見大量人潮於門口排隊等半價,到9點正,員工忙於安排客人入座,嘩,全場坐滿,侍應忙完後,經理亦無忽略舊有客人,將半價壽司紙送到9點前入座之客人,仲記得上次去xx壽司,又係半價,但不可提早入座,如要提早入座便不能享有半價,既然經理咁識做,梗要捧場啦,叫多十幾款壽司,可能因為太多人同時落單,所以食物比較慢,20分鐘左右侍應將壽司送上,咦,鴨胸壽司,我無叫呀,望一望張單,完來自己寫錯,女友話自己寫錯硬食啦,諗住照食,見到個西裝友貌似經理經過,諗住搏一搏同佢講有無得換,佢立即幫我改單,咁好服務,下次約埋多D朋友再唻捧場

星期一晚放工與女友專程在此試一試半三文魚壽司幾新鮮,色澤橙而透 $4.5 2件(抵)軟殼蟹手卷 幾好食$10(抵)雪場蟹柳壽司 普普通通芝士蟹子壽司 幾好味帶子壽司 普普通通腐皮壽司 普普通通用半價的價錢去食就抵

某日下午和女友行MegaBox, 我未食早餐, 勁餓, 見到鳴門下午茶唔貴, 就黎試下. 侍應態度同環境都好. 我地點左:叉燒湯麵 : 夠份量, 湯底好咸芝士海鮮焗飯 : 碟飯超細, 好少海鮮, 實屬精美兒童餐, 唯一可取係芝士味香.三文魚壽司 : 少少腥味帶子刺身及希靈魚籽壽司 : 普通海胆軍艦 : 見人見智的深橙色, 望落唔多開胃....以上壽司刺身, 無論色澤同賣相, 都唔覺"鮮味"!餐飲百事可樂, 沖得淡而無味, 浠而無氣, 難得......一次KO, 撇

今日星期二同女友來megabox睇完戲，行經十樓發現呢到有半價壽司，就入來試下，熟食叫咗個牛肉火煱、地獄拉麵同埋好多壽司...印像比較深刻既有火炙鵝肝壽司特大皇帝蟹壽司同埋個針花魚壽司(真係成朵花咁)d壽司都好新鮮熱食就麻麻啦不得不提d服務真係幾ok架，以呢d場來講有咁既服務值得一讚，好過樓下企業一期個間既然有半價壽司，下次一定再來

睇完戲0岩0岩好九點多d, 想打邊爐, 但佢又唔舒服... 無啦啦發現左有半價壽司就走左入去食啦食物質素...好明顯無咩特別...因為食完之後無印象食過乜服務態度都几好價錢...其實都唔係好平...半價後都要二百几蚊? 有無計錯?anyway...我地無check 單...算了...如果咁0岩0係mega box 睇完戲既話, 都ok 既唔駛下下走返去德福/淘大/牛頭角度食野...

於MegaBox，幾乎都是中菜餐廳多，而且很多餐廳價錢也偏貴。在行經10樓期間，無意中發現半價壽司，便一枝箭地進入餐廳。侍應有禮貌，因為當客人進入時差不多全部侍應都有說歡迎光臨，而且人手充足。此外，落單後會在單據上並寫上那些食物缺貨，十分清晰。惟一美中不足的是點一客食物，職員也要叫客人寫在下單紙，難道他們沒有記性嗎？食物，點了壽司為主，也有點料理，詳列如下：八吋鰻魚壽司/八吋三文魚壽司 半價時段六元一客，鰻魚和三文魚很厚，但好像沒有足八吋。吞拿魚壽司 普通，味道跟其他餐廳差不多，沒有甚麼驚喜。雪場蟹柳壽司 味道與蟹柳壽司分別不大，也是這麼彈牙。吉列炸蠔卷/黃金蝦卷 炸蠔及蝦很脆，惟獨飯份量較少。紐約卷 聽名字已覺得怪怪的，想不到真是這麼怪，硬的彩色粒與壽司飯形成強烈對比，個人對這些配搭不大喜歡。鰻魚肉鬆卷 普通的卷物...帶子壽司 份量足以一口吃掉，份量剛剛好。豬軟骨拉麵 湯底很濃，麵條夠長，比那間札X拉麵要好。看來此餐廳的壽司還是普通貨色，不過勝在員工有禮貌和環境舒適。記得於2009年1月31日前在門口索取單張！可以減五十元！

本人係九龍灣工作，知道鳴門係到開咗間分店所以上去試下，呢日係星期五大約下午1:45到，好多人要排隊，可能係個場大，好快有位我地一行五個人，由於想試新野分別叫咗北海丼~即係雜錦剌身飯，好多料~正大阪牛肉釜飯~D飯唔夠熱地獄拉麵~湯底麻麻，得個辣字，但配料好多海鮮加叉燒厚切三文魚刺身(12片)~正，新鮮$68合理特大皇帝蟹柳壽司~真係好大隻蟹柳串揚拼盤~無乜特別，味道麻麻...同埋叫咗好多壽司，ok幾新鮮d樓面服務幾好，幾有禮貌，一入門口就聽到好多人大聲咁叫(依拉沙依~)同埋走個時都係好多人同你講多謝而且d食品落親枱都聽到多謝，唔錯，需然d和食同個串揚都麻麻，但氣紛好呢一餐都食得幾開心

18/12 開張, 20/12同女友睇完戲約 21:00 去到.....睇睇餐牌, 價錢同之前目黑差唔多, 點知質素就差好多‧全店沿用目黑的裝修,連壽司碟都係．迴轉帶上的食物, 同一款食物可以有幾隻唔同色既碟, 而且冇寫明咩色係幾錢, 要客人自己對 menu!．迴轉帶上面既壽司極唔新鮮, 賣相極差, 好似擺左幾日咁．order 食物比較新鮮, 但都唔係叫好, 而且細件, d 飯幾散, 係得個鰻魚飯叫做見得下人．店員雖有禮, 但竟然連泊車優惠要幾錢呢d最基本問題都唔知, 有待訓練．咁既價錢, 竟然連任幾十蚊食壽司既質素都不如, 實在過份同女友食到一半已經冇心情再叫, 難得有一間壽司可以令我呢個連"明x" 同"金太x" 都覺得好味既人劣評到咁......大家小心.....雖然極難食, 但念在佢新開張, 所以希望俾d意見佢改善, 問待應有冇意見書, 冇, 唔緊要, 俾張 order 紙後面寫, 寫完俾左經理, 經理即刻拎去俾後面一個似係老細既人, 但因趕時間冇睇下佢有咩回應就走左