鳴門壽司串揚料理 (已結業)

一心和同事去Mega Box食餐好，泊完車由14/FL.,一路行落去,花多眼亂,最後看見鳴門,便一大伙走入去,希望食番餐好.一打開餐牌,看見價錢不是很便宜,五個人便叫了五個不同款式的午餐,價錢分別40-78,肥經理的服務態度有待改進,叫餐時像命令我的叫我說出五款午餐的編號,我心想你們自家舖不是很清楚那款食物是那個編號嗎?服務態度不好,唯有寄望食物質素,唉,又一次失望,那個盛惠78元的銀雪魚套餐,魚的份量少的驚人,只有兩隻手指大小,馬上請來肥經理投訴,他都是例牌一句,"圖片只供參考,不能作準",唯一可取的是那位肥經理竟自認那只有兩隻手指大小的銀雪魚確是比平常的少,說著飯後會送雪糕補償,但飯後肥經理一招"自動消失",最後唯有向另一位經理訴,都能爭取到雪糕回來.結論: 祝佢好運!!!

抵食义燒拉麵 平日去megabox行街, 見鳴門tea set都幾抵, 仲有半價壽司, 可惜只限迴轉帶上既壽司, 只得寥寥幾碟, 最後都放棄 選了义燒拉麵, tea來講份量算多, 奶白色湯底, 好濃, 但同時亦太多味精 拉麵煙韌彈牙

本身好少去megabox~~但因為有d 特別野要呢頭攪所以約好個friend 一齊食晚飯原本想去白本屋~因為樓下派左8折coupon,但點知一上去~上錯左去foodcourt個陣咁冇計~又想食日本野所以揀呢間朋友a叫左日式肥牛窩($70),而我叫左個特別d既飯~溫泉蛋芝士豬軟骨石頭窩飯($60)<單睇個名已經好掂咁!朋友a 對佢既肥牛窩既評價係=同吉野家一樣但又貴過吉野家不過我都試過~真係一樣味而我個飯,賣相幾好~溫泉蛋幾好味,飯面全部都係芝士, 豬軟骨都幾多, 飯都唔少~但整體味道唔算太突出,最要讚係佢d 飯,好有咬口幾彈牙.食完都覺得唔錯~但番到屋企就黎料啦~~口渴到爆,飲左2杯水都仲覺得口渴.... 再問番朋友a ,佢都話一樣口渴不過環境算唔錯,坐得都幾舒服~如果唔我會比喊面

都有一段時間無黎食野lu,去開吉之島行街街順便去食下,睇下有無退步先~可能係假期前夕,眼見都好full下....喜歡坐壽司bar,因為可以睇下的師傅做壽司~又有得睇又有得食~^^~見到佢地都好忙下....有幾部出單機不段'da da da da...'係咁出啲'單'不過見佢地依然好努力咁做!值得加許!我都快啲落order先,如果唔係有排都唔駛食~先來刺身:三文魚,油甘魚再來一客三文魚腩(必食)一客甜蝦(好好味),吞拿魚腩(好肥),花之戀(正)蟹棒壽司(唔ok,硬左啲)round1&2之後再來軍艦:蟹子(好爽),芥辣八爪魚(夠嗆鼻,過癮!),辣味三文魚(三文魚有咬口,唔會'碎濕濕'),海膽,(再來多客!)三文魚籽(淡淡的酒香)嘩.....呢餐真係不得了~******************************order完到上枱時間比想像中快,半價&特價order紙得一張....可唔可以放多幾張係個架度呀))))...唔駛下下問你攞樓面加茶要改善下,好多時都要叫先加><''

呢間不嬲都唔太好吃,只係住KOWLOON BAY近,特價SUSHI香港而家好多可以的話都唔會再去...點解?1. 特價SUSHI,我而家會去MK/TST的MONTER SUSHI食,平得來好食呢間?考慮下先啦.....2. 因為女朋友好LIKE吃櫻花魷魚,我又唔知邊度有...所以好多時唔想都陪女朋友來直到上次收夜,黎到仲有3個字LAST ORDER明明仲有3個幾字,D 員工好似趕放工咁"3個字炸,你不如下次先食啦,,,係呀,唔夠時間嫁啦,下次啦好冇?"我同女朋友都未有機會問佢已經拒絕我地入去所以我都冇點講,你既然有生意唔做,我地都唔希罕食你唔好忘記應該有99%人都係德福坐車過來我住淘大都覺得遠,你估我仲會唔會去?

約了朋友到MEGA BOX 食飯便選了鳴門日本料理不過今之不是食魚生而是選了蕃茄牛肉烏冬他們用石鍋盛著烏冬熱熱的選用蕃茄湯底好味道呀湯底好濃仲有一個糖心蛋..超正要食好耐呀個烏冬因為由頭到尾都好熱呀值得推介呢個蕃茄牛肉烏冬

OT,甘arm 記起呢間有宵夜優惠正, half price, 大量都係,就算無 , 都有特價估唔到, 頭三十個人等, 仲有free 三文魚食我至likeservice 都好好, 知我有大肚婆, 俾左個卡位我地算係甘啦, 食左$136,,, 原價$270,,,,你話我地到時食左幾多野呢XD食完都行唔郁!!

昨天同事出左去食開年大吉飯,同事揀左鳴門,好彩訂左位炸,都好多人呀,我地五個人坐近門口位置,餐牌改左係圖片,好似好吸引,但其實上次嚟食已覺得份量細左,質責差左架啦,今次再嚟食發現再嚴重左呀.我叫左咖喱豬扒湯鳥冬,另加6元有兩件三文魚壽司,同事分別叫左海鮮拉麵,生薑黑豚肉飯,蕃茄豬軟骨烏冬及鰻魚飯.等左一陣先嚟三文魚壽司,ok都算新鮮呀.跟住我的咖喱豬扒湯烏冬就嚟啦,嘩,縮晒水呀,塊豬扒好明顯係細左好多,好薄呀,賣相都唔吸引,唔係金黃色的,好似一開二咁呀,碗烏冬都得好少,只係得d湯及一些菜及海帶,味道麻麻地,豬扒都好味的,不過真的好薄囉,碗烏冬太多湯,攪到好油,咖喱味唔突出,真的唔太好味.同事的海鮮拉麵都ok,份量都差唔多,都見海鮮都有幾款呀.這個算係正常的.另一個鰻魚飯個樣及味道都好味的,生薑黑豚肉飯都係正常份量,味道都ok不過同事話唔夠汁,我見都有幾多料呀.另外一個蕃茄豬軟骨烏冬明顯細左好多呀,同事都話以前係好多的,但依家少左一部份.不過味道都係一樣的.我諗我地唔會再去食的了,雖然好多人,雖然個餐牌好似好吸引,不過圖片跟食物質素係唔配合的,個圖好靚,但實物都唔對等的.

日本菜係香港實在十分普遍，成街成巷都有，除左明將外，我都未試過一間食完話唔會再有下次的，其實已經唔止一次俾機會架啦。鳴門這間店舖職員態度已經唔太好，仲要食物質素麻麻，價錢又唔係平，客人已經唔多，真唔明點解仲可以生存到。九龍灣MEGA BOX 開了JUSCO，為了到那裡的日式雜貨店買禮物。買完之後，行勻全商場都唔知想食咩，屋企人偏偏要揀呢間，我都已經講左唔好去這間，再一次既不滿就這樣出現了。沙律燒牛肋骨飯，在視覺上都好像樣，可是偏偏就係嗅覺同味覺上出現了偏差，一上枱已經聞到了一股濃烈的燶味，這是因為將沙律醬燒烤的味道，感覺太強烈，唔太好，有輕微味道都可以接受，可是實在太強勁了。輪到味覺，味道尚可接受，可是隻汁太甜，最重要的是呢碗唔係湯飯，飯量都已經唔係多，仲要俾半碗汁浸住，隻汁又太甜少少辣，真係食唔落去。另外，屋企人叫了角切魚生飯，同樣地視覺方面OK，味道則無咩驚喜，唔太鮮味既魚生粒，反而個飯好酸，而且有好多希靈魚，本身個飯已經夠酸，再加上酸酸的希靈魚，實在酸上加酸。諗住最穩陣的是食中華沙律、芝麻八瓜魚同帶子裙邊，可是原來都係唔合格，居然係無咩味道，中華沙律一D酸味都無，芝麻八瓜魚味道好

12月24日有同事升職請食飯,一早訂左張十二人的枱,點知嚟到話冇資料,跟住服務員態度還不是很有禮貌的說,今日呢D日子係咁架啦!!甚麼態度,趕客嗎?我們馬上要求替我們安排,但只能安排兩張枱分開坐,都冇辦法啦.呢度依家出左新餐牌係有圖片的,張圖片還好精美的,我俾圖片吸引左叫左一個$98元的便當,但係很失望,因為圖片很靚但嚟到的感覺是兩碼子的事呀.一點也不值那個價錢呀.只有四格食物,一碗面豉湯,一碗白飯,一杯飲品.四格食物分別係炸天婦羅:有蝦,南瓜及麵,刺身有三文魚,蝦,吞拿魚,一碗青椒牛肉,一碗蟹肉沙律,味道普普通通,沒有驚喜,總之我叫他們食的蕃茄豬軟骨鳥冬還抵食,相差20元呀.另一個同事也是俾圖片吸引,但實物亦是不同的,窩蛋牛肉飯,其實佢的餸同我其中一格便當是一樣的,也是青椒牛肉,份量不算大,但味道真的很普通.下次都是叫番穩陣的比較好呀.

睇左d食評先上去megabox食, 有晒心理準備架啦...不過其實冇大家講到咁難食, 幫鳴門平反下先(有圖為證!)7點幾鐘上到去, 都未係好多人, 唔洗等直入~招呼ok啦, 起碼有禮貌, 加茶o個d都自動自覺啦!食物方面, 點左刺身, 壽司, 拉麵同牛仔骨整體黎講都好好食, 係偏咸左少少, 同埋D WASABI一舊舊....好似唔好新鮮...其他的好OK~P.S. 岩岩新裝修左, 光猛左又好似清楚左, OK喎, 俾多次機會人地啦, 咪成日得個踩字~

有一次去megabox随便行下，突然间想食寿司，所以就全栋楼搵。当是时系9点左右，见到尼间鸣门有半价寿司食，于是乎不假思索走入去喇~可以话尼间真系平都炸，三文鱼寿司一碟两个先9HKD半价之后系4.5HKD。仲有好多其他寿司可以拣。不过话时话虽然价格低但系味道麻麻。提一下大家，周一至周四系9点之后入座可以半价，周五至周日要9点半先可以喇~

之前有一晚同朋友仔去左megabox 睇戲, 睇完戲呢我地就係mega box 10樓既鳴門日本野醫肚.坐底左就叫野飲~我就叫左杯提子汁特飲~, ok 啦..好似食糖個隻味咁~kaka之後呢就叫左個吞拿魚米通,香蔥同埋芝麻既吞拿魚幾新鮮, 都幾多架, 米通又脆, 幾野味架..不過成20$一塊之後呢, 我地仲叫左串燒併盤, 88$, 樣樣都好食喎, 個雞肉唔錯架~最後呢就叫左個豬頸肉~有咬口之餘蜜汁甜甜幾好味架~

很經典的日本食肆，幾位男侍應的髮型令你無法不想起日本經典漫畫Dragon Ball裡的超級撒亞人。很環保的食肆，繼藍鰭吞拿後，難保三文魚也會瀕危，所以你合共點了三客三文魚飯，他們只送上一客。很天然的食肆，柑桔蜜清純如水；不要誤會，絕無偷工減料，只是大部份柑桔蜜都落在杯外，杯身因此自然緊貼你的手掌，防滑乎？努力呀，鳴門~!

今日去食下午茶! 見佢有粒粒三文魚飯!所以想去食下!!$29 個三文魚+杯野飲! 比想像中細!!之後再加左個手1卷!三文魚飯食落都唔係太新鮮!!個手卷舊北寄貝入口仲要冰冷既添!!!好似食雪條咁!!整體黎講係差!