鳴門壽司串揚料理 (已結業)

去開megabox買野, 諗住食餐不過不失入去食野係因為貪佢唔使等位, 雖然裝修唔算太日式仲好似快餐店咁, 不過見有唔少食客都應該唔差.入到去menu好多野食, 野食好快到.賣相都ok., 不過味道真係好差...三文魚sushi還可以.多春魚用炸粉整, 好難食.蟹柳sushi d蟹柳好似食緊一舊膠咁, d味好怪><七味雞翼根本係卥水雞翼係面頭灑七味粉.蛋壽司個舊蛋, 無味, 過晒期咁既款, 無水份.無一樣野好食, 唯一最好係wasabi夠辣其他都不值多提2個人盛惠$300從來未食過一餐日本料理, 會食剩咁多野, 從來未試過食野食$300係會覺得肉赤

LUNCH時間同同事黎左呢度食, 服務唔算差, 但可能我地個位係太遠, 叫左好耐先有人見到我叫左個天婦羅餐, 天婦羅最怕佢炸到好多油, 呢間係OK既, 唔算多油不過炸粉都唔算薄身, 但可以接受既餐會有個反, 有個湯, 有杯飲品個反我就覺得唔算煮得好, 小小硬身咁湯就無咩特別, 都只係一般既味道但如果佢咁既價錢, 我個人覺得唔算抵食, 唔值比四十幾五十去食佢

食物選擇‧網燒牛扒定食 ($85.8)‧吞拿魚手卷 ($22)‧稻荷明太子沙律壽司 ($27.5)‧芝士蟹籽軍艦 ($22)‧海膽魷魚軍艦 ($19.8)‧醋鯖魚壽司 ($16.5)‧三文魚腩壽司 ($19.8)‧火焰三文魚芝士沙律壽司 ($22)環境‧間舗好大，坐得幾舒服服務‧侍應大多是10來20歲的o靚仔，大部分時間都像在遊魂的樣子，又落錯單，又不會主動幫人客加茶，卻要收每位$1.1的茶芥......‧問侍應張coupon是加一前還是加一後滿$200才可以用，來回解釋了3次他都不明白我在說什麼......味道‧網燒牛扒定食的牛扒端出來時已經不是熱的，份量很少，又多肥膏，只加碗飯和麵豉湯就賣80多元‧壽司和手卷整體上可以，稻荷明太子沙律壽司用一塊類似腐皮的東西盛著，效果不錯其他‧雖然壽司的選擇很多，不過不是特別比其他店便宜和好吃，而服務又不夠專業的話，為什麼要選擇你？

朋友說這兒吃壽司有半價優惠,於是與朋友的飯聚就決定在這裡進行我們一行人由8時在九龍灣MTR等旅遊巴接載入Megabox很多人,我們足足等了半小時有多才能到達到了門口才見到要到9時後才有半價優惠但當時已經很累及肚餓於是與朋友商量後就決定不等9點後,沒有優惠都照吃 由外面行入去,枱與枱之通道尚算寬敞,但大枱就很少,4人卡位坐得很迫夾 甫坐下,已急不及侍點了食物,但它實在太多款式,心大心細都唔知點什麼吃好後來要合眾人之力才點了10多款食物計有:例牌的三文魚壽司~~很肥美,大件、玉子壽司~~普通、芝麻八爪魚~~外相不吸引,不大想吃: 香蔥吞拿魚腩軍艦壽司、芥辣八爪魚軍艦壽司、黃金魷魚軍艦壽司、海膽魷魚軍艦壽司:鰻魚壽司、鱆紅魚壽司、三文魚腩壽司、: 吞拿魚腩蓉厚燒玉子壽司、腐皮壽司、火焰三文魚壽司: 8吋鰻魚壽司、鰻魚沙律卷、北海道一口芝司: 帆立貝壽司、他他牛壽司、北寄貝壽司: 吃到最後,感覺不太飽,於是再order 了 ~~牛油粟朱味嘈拉面、燒鯖魚 它供應的食品尚算好吃,上的時間亦都很快~但份量我覺得還是小了點侍應的服務亦都很差,叫他們添水,要叫到第三次及第三個人才幫你之前

今晚去 mega box 食飯，第一次去呢間食，知道9點後有半價，所以逛左一陣...主要食左壽司，我覺得D 壽司唔新鮮... 太細件，飯係散的... 雖然話係半價，但因為件壽司好細，所以你會叫多左，變相埋單時冇想像中咁平....我叫左以下壽司︰三文魚︰都勉強啦，但好明顯舊飯好細赤貝︰十分之唔新鮮賴尿蝦︰隻蝦未融晒雪油甘魚︰算OK海膽︰都勉勉強強，比預期新鮮櫻花魷魚︰魷魚都唔係幾新鮮帆立貝︰唔係幾新鮮，顏色偏黃螺肉︰有渣的... 完全唔凍.....服務都算OK，有人添茶，叫埋單都好快手....但係食物唔新鮮，好多魚生食落去都係暖的...冇下次.....

悠閒禮拜六，排左大概15分鐘左右，便可入座了。服務還算不錯，坐下來便有侍應有禮招呼茶水，但可能光顧時段是午市，所以到點菜的時候，就等了一陣子，才有侍應注意到…!安格斯牛扒定食：頭盆是MINI版的加州卷+三文魚刺身，精緻小巧，賣相吸引。蟹子沙律跟平常的差不多，夠新鮮。而主菜牛扒，切得薄薄的，入口柔軟，也許是煎得較久，有點乾。北海道燒帆立貝：不錯，非常多汁，有很香的芝士味，食完後很有飽滿感，又夠惹味。不過可以放少一點沙律醬，反而多加一點芝士，會更yummy更香。帆立貝刺身刺身定食：帆立貝好新鮮，肉質肥美，咬下去啖啖肉的感覺，確是”正呀”！價錢同份量對等呀！刺身定食(三文魚，帆立貝，吞拿魚，甜蝦，蟹籽，劍魚腩，魷魚)：賣相還可，砌得再靚d更吸引呢~~~而且刺身料夠凍夠鮮甜，定食套餐有這樣的水準，真是抵食。

都係因為有宜家所以走去megabox行晒全場決定食呢間,比佢門口個電子牌SHOW既牛肉定食吸引左入去上次來諗住排9半半價SUSHI不過冇耐性走左8PM都唔洗排隊,兩個人都有得坐4人迴轉卡位睇下menu原來個定食係lunch,噢最後叫左個焗芝士豬軟骨石war飯(唔記得exact名字),特價既9蚊單件壽命叫左:帆立貝,吉列蝦,曼魚MENU上寫住製作需時,請耐心等候(20 mins)等既時候係迥轉拎帶左碟吞拿魚,飯有D鬆散,吞拿魚腥爆,碟上有血水食完個飯就到,超快,我諗都around10 mins姐飯唔錯,好夠熱,大大war,我覺得仲幾好味,有少少<漏>,不過唔值60幾蚊食食下吉列蝦又來,樣好靚,飯又係鬆散差唔多KO個飯,帆立貝同曼魚都未來,吹左一次,傳菜個哥仔係近門口一個COUNTER位拎左碟野比我地,正是帆立貝同曼魚(好有不明來歷既感覺)帆立貝>好林,冇咩口感,飯鬆散AGAIN曼魚>我BF食,冇咩特別,飯鬆散AGAIN AND AGAIN仲要加一,唔覺有咩服務,又唔加水,成日叫人又聽唔到,仲有某staff成日拖左架收餐車係店內狂奔(好易整到小朋友,星期日好

尋日去MEGABOX既宜家行街，陪朋友置點雜貨FOR新居。行完之後見肚餓，就跟友人到FOOD COURT搵食。發現原來呢邊都有間鳴門，但呢間係以迴轉壽司式經營。當時正值晚市繁忙時候，都多多地人，等左一陣好快都有位，大概10-15MINS左右。呢間店跟旁邊的國交店有相當明顯的分別，無論是裝修、餐廳形象、路線、制服、價錢都大不同。這邊是走大眾化，家庭、年輕人或學生路線，裝修沒有很講夠，跟普通的迴轉場差不多。不知是否當時客人比較多，侍應都不太主動，而且落左單好耐都未上菜，要多番催促才有野食。海鮮沙律：顏色好豐富，好有田園氣色。沙律菜份量很好，但刺身不夠新鮮，及調味醬少了點，所以口感比較比較乾，未係好FRESH。海膽軍艦壽司：海膽夠鮮甜，可惜整件壽司SIZE太細，影響賣相，大番D就PERFECT。帶子裙邊：侍條邊都太長，沒剪開，咬落去比較硬，較難咬開。而且芝麻及醬料都不足，佐食時感覺比較DRY，亦令賣相扣分。三文魚刺身：未食齋望落去，已經感覺垂涎欲滴。咬落去厚肉肥美，非常新鮮，如果可以長身多少少會更GOOD!帶子加洲卷：主角既帶子及蟹子味道不夠新鮮，而且擺法有點亂，因有些蟹子已經散落在碟上。不

在30/7,我和爸爸看完反斗奇兵3後, 就好餓.我們就去了鳴門吃下午茶. 不用等位.不過牆上有污漬,不多潔淨呢!下午茶的款式不多,但尚算便宜.我本來想吃三文魚中華冷麵, 不過驚不飽.所以就要飯. (芝士焗海鮮飯+凍檸茶$32, +$12蟹肉忌廉餅)先來的是凍檸茶, 味道甜甜,OK.一,兩分鐘後,就來蟹肉忌廉餅, 有兩件,外面炸得香脆,吃下去很燙口, 感覺很新鮮. 內裏的蟹肉忌廉有少許蟹味, 有很濃郁的忌廉和鮮甜味,非常creamy,很滿意呢! 點一點甜甜的蛋黃醬,味道更特別.而芝士焗海鮮飯, 飯面鋪上又厚又大塊的芝士, 芝士味挺濃. 炒飯底乾身, 都有不少海鮮料,有蝦,蜆,帆立貝等等. 整體很香口, 也不錯. ^-^我們首次吃這間鳴門的食品, 覺得都幾好.而我看過餐牌, 覺得甜品比較吸引.不過九龍灣太遠.

昨天同男友去megabox行街,行到倦就搵野食啦.男友想去扒王但我又想吃日本野喎.所以最後男友就同我吃了這間了.這間店我去之前無睇open rice的食評架..只是想吃就入左去..發現佢地d食物來的速度好慢!!!一碟壽司你預要整20-25分鐘才可以吃!!!但佢地做promo果d壽司一點都唔新鮮..d鰻魚同另外果隻唔知叫什麼都要9至10蚊一件架,但超胜囉..真係奇怪!!!!之後叫佢地餐牌的壽司都係麻麻地..d烏冬係熱架..不過份量好少囉..吃左2百幾蚊都唔知吃左什麼囉!!!結論 : 無下次 ^^

廿七號晚一家人去試, 之前食過荃灣間舖, 覺得唔錯, 於是再光顧九龍灣呢間, 我都有望吓之前的食評, 雖然有好多劣評, 但諗住餐廳方面見到會改善, 就偏要去.晚上八點半到, 唔駛等, 叫左好多款壽司, 大部份口味都可以, 但一些如帶子等則好名顯有腥味. 軍艦和手卷的紫菜則一啲都唔脆點了黑豚軟骨拉麵, 但炆到啲豬肉太腍, 其實係碎晒, 差鍋物: 個爐點左二十分鐘但仍未滾, 叫侍應換另一個爐但都冇好轉, 結果食一個溫吞吞的牛肉鍋.埋單時其實已經開始左特價時段, 唔知隔離枱係咪知佢邊啲壽司唔掂, 我見佢叫左成十二件三文魚壽司, 都算最保險.開始明點解其他朋友話做特價都唔去食, 我覺得呢間餐廳有好多改進空間...

MEGABOX愈黎愈多野行多野玩又有UA戲院又有溜冰場又有吉之島又有IKEA又有................今次吾係想介紹MEGABOX有咩好去處...，而係想講鳴門吾好以為吾多就腳既ＭＥＧＡＢＯＸ入面冇咩食鋪，反之愈開愈多。果日我揀食咩都諗到頭痕，又８番又ＭＯＳ　ＢＵＲＧＥＲ又太興又Ｍ記。。。我都差Ｄ以為自己患上選擇恐懼症，因為間間都好想食呀最後俾我離遠見到鳴門。即刻諗起火影忍者勁好抽既鳴門。發火影忍者狂既我就即刻咩都吾諗食左先至講一坐低就有人叫果句日文"歡迎光臨" 餐牌選擇好多，單點壽司又得，點餐又得，小食又得。得左諗好就叫：：：：：咖哩吉列豬扒飯：＄４０佢係一份餐包汽水同麵豉湯。抵到爛喇。包咁多野都係咁既價錢。友人又話我點解又叫吉列豬扒？哈哈，一塊好食既吉列豬扒其實好難整，你又吾可以炸得耐，肉同粉既比例要剛剛好，吾係成口粉邊好食，粉少得滯又吾得，吾係就同食淨豬扒無異。友人聽到我番理論就笑我身型與豬扒無異 -口-呢度既豬扒就做到符合我既理論，可惜既係佢既咖哩汁淋係豬扒上面，又吾知佢等左幾耐先拎出黎，搞到豬扒"林左"，相對地冇咁好食。撇除呢樣野吾講，其實呢個咖哩汁加呢個飯都幾好

兩, 三年前喺九龍灣做嘢, 我都有去過鳴門食飯.當時我覺得鳴門啲嘢都幾好食.前兩日去MegaBox睇戲. 睇戲前去咗鳴門食晚飯, 但係今次就對佢好失望.嗰晚叫咗幾樣嘢食, 但係就無乜邊樣令人滿意:壽司: 壽司的size比其他餐廳小大約二分一. 飯上嘅刺身又無鮮味.地獄拉麵: 麵太"林", 湯底味精超標!咖哩豬排飯: 唯一ok嘅食物.天婦羅: 炸粉太厚, 一啲都唔似天婦羅, 串燒雞軟骨: 肉多過骨. 而且應該係先烚後燒.多春魚: 燒得太乾.燒牛舌: 似烚牛舌.另外, 半個鍾內完全無人幫我地加水同執枱.我食嗰日係俾正價. 雖然我知道佢地九點後有半價壽司, 但係我一定唔會再黎食, 因為啲嘢食一啲都唔好食!

星期四和家人到ＭＥＧＡ BOX 閒逛，為了慳荷包，便先到宜家掃街，然後到鳴門吃下午茶。到達此店剛好是下午兩點半，下午茶正式開始，我們馬上點了大阪海鮮燒餅，附送凍檸茶，以及蟹肉忌廉餅。想不到我們足足等了半小時，在我不斷催促下，食物才現身！檸檬茶完全無味，相信忘記下糖水！那兩塊蟹餅輕如煙，薄如紙，不用一秒已吃完！至於那塊燒餅，只有一小粒八爪魚及一只雪藏小蝦，其餘全是粉及沙律醬！盛惠４２元，但像沒有吃過一樣。激氣之下，決定慧劍斬情絲，不再對此店有任何希望，抽身而出，再到其他店補飛！古人教落：貪字得個貧，果然非虛！

在 Megabox 行行逛逛，又過了幾小時，行得累了，很想找個地方坐一會吃個下午茶，見一意粉店幾得意，但太座一看餐牌，四十至六十幾元吃個意粉，便打消了意欲，隔鄰的日本店子則其門如市，看餐牌後，更是喜出望外，二十多元一個茶餐，還可點壽司吃，兩隻小魔怪舉腳贊成。約等了十五分鐘，終於輪到我們，要讚一讚門口安排座位的姐姐，面對這麼多客人仍能從容應付，有追入座的，也有追叫了外賣的，一樣仍保持「好聲好氣」，保持笑容。我們四人被安排在迴轉壽司吧，坐著高椅，可看見師傅的製作，八、九位師傅在吧內忙得不亦樂乎。下午茶時段，茶餐看來頗吸引，我們點了三個餐，薄牛肉炒烏冬，叉燒拉麵和海鮮大阪薄餅，又可另加每款十二元的小食，要了章魚丸和迷你蟹籽沙律，飲品要凍檸茶和咖啡，味道 OK。熱食未到之前，酷愛三文魚的小魔怪們又在迴轉壽司帶取了三文魚加州卷，三文魚壽司 x 2，加州卷賣相吸引，橙色的三文魚看來幾厚，得三件，四個人不夠分，就讓他們吃個夠吧！薄牛肉炒烏冬 雖不是很大碟，但以下午茶的份量，也是足夠的，有幾片牛肉，芽菜，椰菜，紫菜絲和芝麻，烏冬經醬油洗禮，味道不錯。叉燒拉麵 頗大碗，有幾片日式叉燒，鳴門卷，粟米粒等，