鳥炎屋 (已結業)

openrice上搵到嘅一間餐廳，直接開飯上訂檯，郵件電話確認，非常方便.這次同幾位朋友小聚.餐廳雖然不大，但有卡位同露台，秋冬天來食坐出面一定好正！有一位男適應（應該係老闆）服務真係超級好.細心周到.大概來的很多都是回頭客.野食有水準，海膽同牡丹蝦都很新鮮，爐端燒也都很好食，其他料理略顯有點鹹，適合我這個口味重嘅「吃貨」.最鍾意就係有廚師推薦，會根據當日新鮮嘅食材為顧客介紹.非常滿意，下次一定還會光顧！

1 -燒鱈魚乾~~~條條都燒得幾脆，唔點沙律醬都食出好香嘅燻鱈魚味~~2 -牛油果沙律~~~牛油果都幾多, 沙律菜都好有光澤, 新鮮+清新~~3 - 鵝肝多士~~~試過其他放題/居酒屋的鵝肝多士，鵝肝都係例牌比一細舊你「交功課」。不過，鳥炎屋嘅鵝肝多士絕不欺場，大大塊而且厚切，一啖咬落去仲有鵝肝油溢出，頭一次覺得法包唔夠大塊去索油呢~~4- 芝士海膽燒珍寶大海蝦~~~成晚有驚喜的高潮位正是鋪滿芝士同海膽的特大海蝦~~ 既足料又濃味，一般只會比少少海膽或者海膽醬，但芝士下面塞滿海膽，令人超回味, Ichiban~~5- 厚燒鰻魚玉子~~~招牌之一果然名副其實，玉子滑嫩且蛋漿蛋味濃, 內裏的鰻魚竟有一層脆皮，配埋甜鰻魚汁，接近完美的作品~~ 呢個真係必食!! 6- 冷烏冬~~~大熱天點了一份冷主食，烏冬份量夠分兩大碗，沒有鋪碎冰也很有冰涼感。而且好彈牙，加少少蔥花食，是為消暑小品~~

Wednesday night 約左個朋友係TST食飯，book左檯準時8點3入座。首先，鋪面比我想像中大，檯同檯算隔得幾開，又有竹簾，唔會有傾計好嘈既問題出現。D staff好nice好attentive，特別係店主，好helpful咁介紹野食同解釋你唔明既食物。其實我同朋友叫左幾多野，不過有D冇影到，重點咁講下啦～刺身－ 叫左yellowtail油甘魚＆珍寶帶子，雖然個scallop唔平，但真係好。大。隻。啊！<3 味道都好fresh，唔會感覺雪藏。油甘魚都不錯，3塊的厚度適中，魚油香味如可更香濃就好了，但還是不錯的。同埋我個人喜歡有紫蘇葉伴sashimi，店主可以考慮一下啊~「波波壽司」－以前都有係日本食過呢種sushi，不過幾少係香港見到~ 魚生黎講，帶子＆三文魚一樣不錯，海膽＆Tuna不太夠鮮味，應該是食材level－－但呢個價錢冇理由太太高要求，我覺得overal呢個quality已經算好worth個price 呢個Eel Tamago係黎之前最想食既野，簡單2樣食材但真係好夾！呢個tamago整得幾好，蛋入面滑溜溜的，但表面輕微熟左D。饅魚份量個人覺得可以多番少少

而家潮流興食新派菜, 其實何謂新唔新, 都係講求有無gimmick。有好嘢我係好樂意推薦, 因為Sharing is caring。早於數月前已經光臨過鳥炎屋, 當時餐廳剛剛開張營運, 已經有不錯的印象, 但仍有可改善空間。是晚再同位女同事光臨, 餐牌有了大改革, 而且是驚喜連連! 做得更精美, 更細緻!首推兩款輕食---1) 海葡萄沙律或者對於海葡萄一物有點陌生, 其實是沖繩的特產之一, 屬於海藻類，被視為健康食材。每一粒晶瑩剔透，飽滿的海葡萄也有「綠色飛魚子」之稱。小弟有幸到沖繩旅遊時試過新鮮海葡萄(淨食)，第一次放入口的確好特別，係有少少海水咸味，但又好爽口。原來撈埋做沙律亦得!可能因為貨源問題, 海葡萄沙律外間比較少有, 有機會在此尋回沖繩的味道, 真好!2) 雲丹豆腐小弟才疏學淺, 「雲丹」一詞真係令我摸不著頭腦。細問之下, 原來馬糞海膽的沙西米，就是稱為「雲丹」的日本知名料理! 既然如此矜貴, 又一試何妨呢? 尤如一件小精品, 原來「食豆腐」都可以如此高級有品味,哈哈!另一個重點推介---3) 鵝肝鰻魚飯不知何時吹起的刺身爆丼熱潮, 評語好壞參半, 但我始終還有排隊-pho

今日同個朋友去佐尖沙咀行街..行佐成日開始肚餓所以去佐亞士厘道搵野食..行到分叉路口睇到有個易拉架..行埋去睇下原來係間食日本野既易拉架..食物都幾吸引...所以上佐間餐廳試下..一出𨋢就見到有店員企佐係鋪頭門口迎接我地..仲好快安排到位..坐底之後...我地好快咁點佐幾樣野食..首先係炸雞軟骨..味道唔錯..分量岩岩好..即叫即炸之後再黎海葡萄沙律..都無乜特別..啲葡萄應該要多返小小再黎火龍卷.無諗過佢係咁多舊..整出黎個觀感都好靚會再去幫襯..

真係千析唔好唔好唔好嘗試！因為好重要!首先價錢係不便宜，普通一隻刺身大蝦要$120一隻，老闆話因為d食材係由日本寄黎，所以來貨價貴(重點不在食材邊度黎)本來係想黎居酒屋飲下酒食下野，咁首先就叫左鐵板三文魚，汁還汁，三文魚還三文魚，汁完全掛唔到上魚度，而且好咸，份量極少之後黎個芝士焗帶子，非常肯定焗得太耐，因為極度乾咁前面兩個小食都有d失望，就打算叫下加州卷，好在都不過不失，但不要寄望中間疏果係新鮮既然小食同壽司都唔得，叫炸物應該冇死，點知80蚊個炸軟殼蟹，係半隻蟹砍四份，因為炸果陣冇返炸，所以係林既唔脆(隔離枱都投訴話炸雞軟骨係林既，侍應只係話唔啱佢口味，取消左張單)最失望係個牛肉鍋，120蚊一個小飯碗咁大咋....湯，豆腐，菇，牛肉，菜，好似無關聯咁塞哂入去就算....吉野家牛肉鍋仲好味以後都唔會再去，埋單要455蚊，但完全唔知食過咩

今日放工約左女朋友同佢朋友去i-square度睇小丑回魂，冇想象中咁驚嚇，反而有點溫情感動。睇完戲都九點幾，係時候搵野食！行過漢口道行到亞士厘道看見有個燈牌寫住日本料理，膽粗粗走上去試下！唔知係咪已經較晚，上到去得翻兩三枱客，侍應好快安排咗我地坐底。坐下冇耐待應就介紹今日有咩推介，教埋我地可以點食法，見佢咁有心機講我地聽所以試下佢推介既珍寶牡丹蝦同帶子刺身，再加三文魚腩。等嘅時候當然係啤酒一番！女朋友就揀咗杯特飲，甜甜地，唔會話好特別，不過夠哂大杯。等了一會刺身先到，果然冇吹水真係珍寶咁大！同佢諗點食既時候，待應主動問我地需唔需要切開，咁我當然話好啦！(呢個位係加分) 先食左三文魚腩，夠厚身，魚油香口，食得出係新鮮既！轉頭雞泡魚干同炸雞軟骨到了，雞泡魚干係比平時外面食既濕身，有咬口，唔係硬生生個隻，正！炸雞軟骨個味道啱啱好，夠脆口，唔錯！冇耐d刺身牡丹蝦同帶子都切好返嚟啦，睇得出師傅好有心機，分好哂比我哋三個食。牡丹蝦食落爽口，夠彈牙！帶子都好厚肉，正。之後有個土佐豆腐，話係隱藏菜單！有驚喜！用木魚絲炸豆腐，好開胃！跟住就上主菜啦，鐵板牛柳粒，足料，送飯一流！牛柳粒夠林身，但略嫌有少少

喺網上睇咗啲comment，見到評語好壞參半，本來有啲想縮沙，不過都係俾個機會佢來試吓。其實食物味道是可以的，但係服務真係一般。唔知點解覺得呢度氣氛有啲奇怪，店員似乎「想」有禮貌，但係感覺係皮笑肉不笑，態度真係有啲奇怪..... 炸雞味道唔錯牛肉烏冬中規中矩雞軟骨普普通通牛舌就燒得幾香軟殼蟹卷都好味。其餘食物冇影相了。整體感覺：其實呢個地方都幾舒服，卡位好有私人空間，食物亦都可以，雖然唔特別平，喺尖沙咀區來說價錢可以接受。我覺得係嗰種氣氛令到人哋唔會想再來...... 究竟係咩原因呢？老闆應該探究一下........

婆仔上排經常出沒既一幢大廈... 但就第一次幫襯呢幢既食市...朝早考完第一個試... 緊張到不得了... 都唔算太餓... 因為之後要考多個試既關係... 不能食得太飽...一份午餐 share 都夠飽... 仲要甜品都食唔落... 唔會為左要影相而浪費... 所以叫唔好比我地~午餐壽司定食生鮮~ 食完無肚仔痛... 手握壽司夠實淨... 唔會一夾就散~ 個碎吞拿魚腩高到一口都食唔曬...原來係婆仔愛食既湯鳥冬~ 簡簡單單加埋昆布同蔥碎就已經好味道~午餐一份附湯一客及沙律一客一到門口... 唔明點解問有無訂位... 要停一停問一問... 午市時間... 有好多位... 以為要訂位先有得入座... anyway, 招呼都好好好快... 雖然得幾台客都會有人行來行去幫手落單同加茶~

近日天氣實在太熱，lunch hour慢慢行黎ashely road覓食，見到樓下既易拉架廣告見到呢間日本野，價錢合理lunch set亦多熟食，決定黎試一試！開係樓上既日本野有特別神秘既感覺，室內燈光唔係好大，不過幾舒服，店內位置約20﹣30左右，亦設有戶外位置（夏天就唔好做傻事啦！），有D居酒屋既感覺。Lunch餐牌選擇OK多，我思前想後終於決定試個重中之重﹣日式咖哩炸豬排飯！碟既形狀相當有趣，好似崩左既大瓦片咁，而且好厚身好重，可以令到咖哩同飯保持溫度。 咖哩偏深色，試一啖發現係偏辣既日式咖哩，開正我果飯！香料味都頗濃，質地稠身，份量亦足夠，撈飯食一流～ 主角炸豬扒雖然size唔係特別大，望落好吸引，第一啖我食得太急幾乎辣親！豬扒炸得外脆內軟，仲有肉汁，一D都唔乾。值得一提的是豬扒肥瘦適中，邊邊位不會有肥膏（曾經被名店勝XX的豬扒嚇親...而且食過2／3次佢都係肥肥豬扒...），炸粉亦不厚，沾滿咖哩汁再拌飯食仍是脆的！讚！！lunch set 包左前菜（中華沙律）、miso湯同甜品，是日我地既甜品係椰汁糕，偏大菜糕質地但又無大菜糕咁易‘散’，可以輕輕切開吉住食；椰味清香，冰凍涼爽

星期六與老公外出去尖沙咀亞士厘道晚餐，諗住去19樓....點知full哂，所以我哋就落咗4樓鳥炎屋，入到店內心想….大事不妙，得幾枱客，想走人，但年青老闆盛意拳拳帶我們入座，只好試下，店內四周環境裝修似家的感覺都好舒服。看看餐牌，便點了食物。老闆非常細心說明先上什麼食物，後上什麼食物。醬汁調教得非常好，少少酸，有些海帶又唔係好諗，咬落去有朝頭，沙律菜新鮮，加埋溫泉蛋真是一個美味的開胃菜。份量多，非常抵食，枝豆上枱是熱的，不似其他店舖好似在雪櫃拎出嚟咁，豆的硬度剛好。$85整條魚，好抵食，需然是炸魚，但肉質非常肥美，好厚肉，炸漿好薄，我食咗兩片魚肉，想再食都無，因為老公食哂…成條魚連骨，值得推介。夾落去已覺得不差，食落口是暖的，蛋非常滑，有流心，加上鰻魚及汁，雙重口感，真喜歡這個玉子燒，誠意之作。燒日本山芋$35即是鮮淮山，味道清淡，爽口，可除去之前食過的炸魚及鰻魚。咖哩黑豚飯$88非常大碟，吉列黑豚香脆，肉質彈牙，肉味香濃，咖哩汁是有少許甜這款，配飯一同食，好快KO整碟飯。

有一排無嚟， 好多新嘢食首先試試老闆介紹嘅海膽芝士焗珍寶蝦！ 要等一段時間，因為咁啱今晚full house。 枱枱都叫串燒， 廚房不斷出貨。 嚟到後，賣相勁吸引，好香。 大蝦啖啖肉，芝士海膽勁creamy, 正之後叫咗碟牛油果軟殼蟹壽司， 不錯脆口。 玉子鰻魚又滑又香。牛肉煱例牌一定叫， 好鍾意佢個sukiyaki 壽喜燒湯底！ 另外老闆見我帶了小朋友嚟，offer 一碗清清哋嘅烏冬，特登叫師傅另外整，好窩心！下次一定再嚟，依家好少餐廳有咁樣嘅service

再次來"鳥炎屋" 水準保持👍🏻，今晚7點幾到，點知室內全坐滿，要坐外面但都坐得舒服 。Menu 有些不同，店長推介海膽燒大蝦🦐👍🏻😋, 好味!!!!!!銀雪魚干超香脆, 送酒最好🍶🍺🥃🍻，必食推介😃👍🏻送酒仲有串燒🍡🍢都唔錯！！！冷稻庭烏冬口感好好，夏天食好爽！！！店長好好人, 又有禮貎，會問食物啱唔啱食，有冇咩意見......., 好有心😃！他透露menu 會有改革，遲些要再來看看有乜驚喜😝

今次已經是第三次光顧鳥炎屋，為何會鍾情於此餐廳？除了是食物質素外，就是那份人情味。這次帶了家人去，點了日式沙律，鹽燒大蝦，雞翼，厚燒鰻魚玉子，鍋燒烏冬，泡菜叉燒炒飯。雖然只是大路菜式，卻做得比一般日式料理美味。鰻魚玉子啲蛋燒得剛剛好，質感軟滑。炒飯做得乾身，泡菜與叉燒的味道很夾。餐廳老闆是一位非常有禮貌的年輕人，有同顧客傾計，了解菜色啱唔啱口味，臨走還要送到出門口致謝。由於是樓上舖，而且成條街都是食肆，要殺出一條血路不容易。希望老闆能keep 住食物質素，加強宣傳，一定可以將餐廳做得最好！

中伏，6:30去到得兩枱客，但落單後每一樣餸都超慢上，食完一樣要等幾個字先有第二樣，到最後果樣餸足足等咗一粒鐘都仲未有😡三吹四請，d職員懶懶閒求其敷衍你話等多陣就算，卒之真係火都嚟嗌埋單算，佢地一d歉意都無，個女職員同個男職員細細聲話我地唔等要埋單，但完全無同我地解釋或道歉，忍唔住問佢點解你地上菜咁慢，佢竟然答話多單喎，哈哈哈真係笑死人，全場到我埋單時得果三、四張枱喺度，咁叫多單？千萬不要去呢間嘢