鳥炎屋 (已結業)

一直都有嚟開嘅日本居酒屋😊 上一次上嚟食lunch時, 見隔離枱個男人好快咁食咗1/3 碟日式咖哩炸豬扒飯, 然後叫了個manager 嚟。 我就聽吓佢complain D咩, 因為我成日都好想試吓佢哋嘅咖喱飯。 賣相吸引之如, 又香。 但係我經常被其他菜式吸引咗, 無order 過🙊。 Anyway, 原來佢係想話比個經理聽, 碟咖喱飯好好食, 佢仲重複咗幾次, 所以我今次一定要試試碟咖喱飯😆其實本人係咖哩控, 一定有食過過千碟咖哩, 不同國家, 不同風味的。所以心唸 “就算好好食, 其實同之前試過嘅, 應該差得唔多掛?!” 但試咗幾啖後😮, 我完全理解個男人點解要重複讚咁多次!! 佢無講錯, 碟咖哩飯真係好好食😻 件豬扒多汁, 但非超級好食, 只算日本居酒屋應有的水準。 最令我着迷嘅係佢嘅咖哩醬夠香夠濃郁, 口感獨特, 辛辣與甜味强烈得理, 恰到好處, 夠平衡。 後來同老闆傾開, 先知大部份師傅都係日本train 咗好一段時間。而咖哩醬係師傅獨創嘅, 好多人都讚過。師傅出嚟休息時好開心我咁欣賞佢嘅 secret recipe, 話嚟緊將會推出咖哩蛋包飯 (傳說中嘅日本神級蛋包飯💘)

食物新鮮，好味，煮得快，唔會餓親！😄 最attract到我既係露天位置，唔會熱，因為有室外冷氣機，好relax，仲要deco 得靚，好日本feel，居酒屋既感覺，唔洗下下到日本！😆 最後由店員介紹左隻日本果酒，完滿左我呢餐晚飯，應該會再黎食。

拖住兩個小朋友在亞士畢道搵食，收到宣傳單張加上啱外子心水（日本菜），攰攰地唔想再行，即管俾個機會佢。服務態度好：~抹乾淨張BB櫈至俾客人~主動俾清水兩個小朋友（好多食店照俾茶😓）~盡心介紹食物，但唔算hard sell食物大人細路都啱食：~店主極力推介嘅秋刀魚天婦羅（唔好魚、唔好天婦羅嘅我都覺得好食）~芝士海膽燒珍寶蝦+燒蠔（濃郁嘅味道剛剛好）~波波壽司（每一啖都好享受）~鍋燒烏冬（一對仔女食曬，連湯都清埋，影唔切相）

公司今日有新teammate一齊食開工lunch，就搵個地方可以坐吓傾吓計Ice breaking。吃貨女同事見近排Openrice有介紹個新日本餐廳幾Homey feel，大家無異議就齊齊拍板食日本魚生飯！位置響小美食街亞士厘道中間，留意個搶眼易拉架，轉角就遇到鳥炎屋～我地12:35pm到達，都已經坐滿75%。眼見食客一眾都是西裝友OL，沒有茶餐廳的嘈雜及催單嘅壓力。侍應安排我地坐室內，但偷偷一瞄原來有仲有室外位，對住尖沙咀高樓，而且係大廈唯一一層有室外座位用膳，又別有一番風味！午餐一人一份Lunch set，有日本芝麻醬清新沙律同熱辣辣麵豉湯，自選主菜，最後仲有甜品。雖然餐牌仲有幾款熱食：咖哩豬扒﹑豚肉生薑﹑鰻魚飯定食，不過魚生飯先係我地嚟試食嘅重點，索性點夠三款啦！三文魚親子丼三文魚好厚切，女同事話啲魚子一咬就爆汁，我都忍唔住偷食咗幾粒，真係好juicy㗎呢～火灸角切魚生飯火灸燒過嘅三文魚入口即溶，魚油味慢慢滲出，混合卜卜脆嘅蟹子同爽口青瓜粒，一讚嘅配搭！什錦魚生飯不在正常午餐餐牌上，係同事偷瞄到隔離枱叫咗就跟隊叫。一上枱見到一塊塊刺身砌到花形咁靚，相機食先是常識吧～仲有舊海膽，

今日放假又想試吓新嘅日式餐廳，所以揀咗呢間。都有少少期待…味噌汁加頭盆小食係牛舌（凍食的）。味噌汁夠熱，而牛舌就有少許辣。揀咗火炙切粒魚生飯，味道還可，但份量不多。甜品就有點奇怪！竟然是杞子桂花糕！！但冇桂花味，亦冇乜texture…個感覺麻麻服務態度都ok, 整體嚟講只係一試無妨…

一進店老闆已熱情殷勤招待，還告訴我們有室內卡位和室外座位選擇，對於有選擇困難症的我正在猶豫，老闆真的好好人，提議我們可先到剛裝修好的室外觀看再作決定，然後再決定坐邊，當我們一看到舒適的室外座位便忍不住立即坐下了😆，跟著細心介紹今天的廚師推介 省卻我們費心唔知點咪好，很快食物上枱，魚生好新鮮，鍋物天婦羅，燒蠔等熟食調味剛剛好，很美味，唯一美中不足是無我最愛的梅酒供應，老闆說下星期會入貨架了，咁 I will be back 囉😁

This is our first time here so we wanted to try several items before we ordered other things ..but we were so disappointed fatty tuna rolls $88Only 6 tiny rolls with such a price. Did not even taste good. Only tiny bit of tuna inside while the scallion was not mixed with the tuna. Didn't taste fresh as well. And the seaweed was very soggy. Seared olive flounder muscle sushi $24 eachTiny one. Fish slice is tiny. Doesn't taste good as well. Genki sushi tastes much better than it and is much cheape

同朋友係尖沙咀一間新開張冇耐既居酒屋食晚飯餐廳位於亞士厘樓上鋪 唔open rice都搵唔到。餐廳唔算大 但坐落都舒服唔覺逼仲見到有open area 放左張大台如果大班朋友尼就好似book左個private area咁坐低嗌左枝豆同凍番茄做前菜飲品有唔同既啤酒同清酒選擇老闆話尼緊會有其他果酒梅酒等等由於同行友人唔飲酒既關係就冇嗌到坐左陣先至嗌埋野食刺身拼盤材料新鮮👍🏾鰻魚玉子燒 牛肉鍋 尼到既時候牛肉仲係半生熟 淥多一陣岩岩好食得 我地足足坐左3個鐘先至賣單期間waitress都好勤力針茶又問我地d食物如何下次會約埋大班朋友尼試埋其他野食

今日約咗家人去尖沙咀食晚餐, 去了新開張的鳥炎屋。是樓上日式料理。地方空間算ok, 有室內及露天座位，我們坐室內卡位都舒服。我們訂6點可能算早，所以不太多人。侍應都耐心推介。可能是新開張，有些甩漏，但侍應都盡量配合及落力跟進，肯改善。Menu 款式算ok, 有刺生丶壽司丶串燒丶一品料理丶炸物丶爐端燒...我們叫左6點刺生盛丶三文魚手卷丶牛油果軟殻蟹卷丶牛肉火煱丶芝士年榚丶雪魚乾丶雜錦天婦羅丶明太子玉子燒。雪魚乾好脆！好味！6點刺生盛好新鮮！牛肉火煱好足料！明太子玉子燒旦同明太子mix, 好味！好好味道及份量都足!!!!!值得推介，會再來！

工作在尖沙咀五年多，所有在公司附近都試過了。今天試試位於商廈樓上新開的小店。午餐有刺身飯同熟食等，由$58-$118，採親民價錢定位。前菜：漬螺肉，十分開胃，味道唔辣又醃得好，口感彈牙，不錯；沙律：很清新，以生菜為主；面鼓湯：咸咸地，夠熱，不過不失，普普通通。火炙角切魚生飯定食$90火炙刺身數量唔多，有細帶子、八爪魚、左口魚裙邊、三文魚等，而火炙的程度是半生熟之間，用的刺身比較單一，味道偏淡，需另加豉油芥末調味；所用的醋飯是珍珠米，微暖酸酸地，雖然唔係曰本米，但味道ok.鰻魚飯$85鰻魚有大半條，肉質稔棯地，不是燒到脆皮那一種。鰻魚汁味道偏濃，咸咸地鰻汁味，配上白飯同山椒粉，一下子便吃了一大半了。野菜牛肉豆腐鍋$78嘩！牛肉份量十足！牛肉唔肥又唔太瘦，有肉味無雪味；豆腐大大磚，仲有好多菜，正呀！好抵食。連白飯也吃不完。甜品：黑糯米加椰奶：唔甜，黑糯米軟稔，味道比較淡，但算ok埋單不用加一，以性價比而言屬ok，可以一試。

人情味濃真係吾係到到有！我同朋有食左好多野！環境真係正架 有露台坐，可以enjoy outdoor。令我好有深刻印象既係：螢光墨魚仔。朋友話吾好叫，因為通常呢味小食好咸...但我想講！係鳥炎屋既墨魚仔味道恰到好處！對於第一次食既我，真係口感新奇有趣得黎好味ma😸入口即溶既拖羅吾洗講，咁新鮮既食材...你食一盤邊夠？！個海鮮湯係好鮮！個豬肉鍋啲湯都好好味！濃郁得黎吾會過咸！豬肉係滑既！我拉大隊去！你呢？

今日去尖沙咀shopping, 行到亞士厘道, 有人派張單, 是日本餐廳新張期間免加一, 朋友即刻話去試. 樓上舖, 4樓全層, 一出lift見好多花藍, 真係新開張入去室內座位不算多, 但座得舒服, 原來仲有室外位. 我和朋友揀坐近刺生吧! 因坐近刺生吧, 直接問師傅有乜好介紹? 他推介"飛機魚刺身" 及拖羅刺身, 見師傅好有誠意推介, 就即管試試....."飛機魚刺身"賣相不錯, 好新鮮, 鮮甜, 拖羅好肥美入口即溶. 配埋清酒, 整體食物質素好, 份量夠, 好滿足, 必定會再來. 

今晚同媽咪行完海港城，本來諗住食串燒，但係最近有啲熱氣，見到四樓有間新日本餐廳，入左去試下嘩！一個字「正」！我地叫左呢個牛油果軟殼蟹卷，分量足，牛油果夠哂熟，軟殼蟹炸得剛剛好，食完一舊即刻忍唔住夾下一舊！唔好以為我地叫好多刺身，其實只係叫三文魚同甜蝦！一上枱個刻，咁大碗嘅！係咪搞錯左？仲諗住幾片刺身係隻碟上面就算。真係不得不讚賞廚師既心思，令食客食指大動呀！三文魚同甜蝦都好新鮮！不錯，不錯！我地仲叫左芝士青瓜鰻魚卷。鰻魚都算香滑惹味，青瓜都幾爽趣，加上炙燒既芝士係面，味道嘗可。如果鐘意食牛肉，千祈唔好錯過呢個牛肉火鍋！超足料！我數過牛肉至少有十片，冬茹、紅蘿蔔、蔬菜⋯⋯總之食到你好飽！個汁又正，仲要熱辣辣！呢個鍋一定係我再去既原因

今晚同家人去尖沙咀食晚飯，行到亞士厘道見有間新開張"鳥炎屋"，亞仔話試下，樓上舖，有室內及室外坐位，我們坐室內卡位，叫左6款刺生盛、芝麻鷄翼丶鵝干多士丶海鮮煱丶冷鳥冬、鷄軟骨串丶軟殼蟹卷丶三文魚手卷。啲野食足料好大碟，味道不錯，4人個個都食到好飽。刺生拖羅好掂，入口溶鵝肝煎得好香，好大份👍🏻。海鮮煱湯底好鮮甜，有蝦丶蠔丶帶子和蜆，好足料！新張仲免收加一 ，意外驚喜！

第一次寫食評，除了食品質素不錯之外，最大原因係員工態度好窩心。地方唔算太大，但都有分室內及室外區，今晚我同朋友選擇了室外區，環境舒適，座位都唔會話太迫。選擇菜式時，店員都好熱心先問我同朋友比較喜歡邊類型既食品，再為我地介紹個人喜愛既菜式。店員由談話內容得知我地鍾意食芋頭，就介紹我地試呢個紫芋粟子餅。雖然我同朋友本身唔太鍾意食煎炸野，不過呢個真係一試回味，一D都唔油，我地食完再番單。😬 我地仲叫左碎蔥吞拿魚卷，黑松露甜蝦卷，三文魚腩刺身，炒雜菜。老闆仲請我地食糖水😍 嘩，現在寫完先知兩個人食左咁多野，到埋單個下又唔貴。大家不妨試試。